|
10/8/2008 9:24:45 AM
|
|
حال البورصه
|
صباح الخير للجميع....
حبيت اطرح لكم اخواني وخواتي اثر الازمه الاقتصاديه العالميه الراهنه الان حيث وكما سمعنا من انهيار بعض اوجه وموازين اقتصاديه عالميه وممثله بالبنوك العالميه في امريكا.. وبريطانيا.. وفرنسا ...ومساهمه الحكومات بتأميم هذه الشركات والبنوك والمحاوله لكبح جماح السقوط المتوالي والوضع المتدهور في العالم.
اخواني ...
نحن لا ننكر مدى تاثر اقتصادنا المحلي بهذا الخصوص ومحاوله الحكومه طمأنه المواطنين ولكننا الان نمر بمنحنى حقيقي من الخطوره تكمن بالانهيار الشبه كلي للبورصه المحليه ومدى الخسائر الجسيمه والفادحه على صغار المستثمرين خاصه والجميع عامه ومدى تأثر البنوك بصفه مؤثره بهذا الشئ والسعى للبقاء والمحافضه على اصولها وسيولنها وتدفقاتها النقديه وهذا يأتي من خلال ضخ وتدخل الحكومه ممثله بالبنك المركزي بضخ الاموال للسعي على زياده السيوله للمحافظه على الاستقرار والوصول لنقه الاستقرار
ولاننسى ان ارتفاع سعر النفط بصوره جنونيه كان من احد اعمده هذا التدهور الاقتصادي العالمي ممثل بارتفاع نسبه التضخم بصوره تفوق الغير متوقع في العالم عامه والخليج بصوره خاصه.
ولكم مني جزيل الشكر والامتنان.....
بويوسف....
محاسب
|
|
10/12/2008 3:18:49 PM
|
|
حال البورصه
|
Mr_Gafsha كتب:
صباحك عسل ونور ونوير ان شاءالله
بو يوسف الازمه الاقتصاديه مثل ما قلت عالميه شي صحيح وواضح للكل
لكن اللي حاصل عندنا انهيار مو ازمه
الاسباب اللي ذكرتها للازمه الاقتصاديه العالميه صحيحه بس مو لدرجة انها تساوي بورصتنا بالارض
والاسباب اعتقد انت تعرفها وانا مابي اتكلم ( عنهم ) لانهم السبب الحقيقي بخبثهم بتحطيم صغار المستثمرين
ويعطيك العافيه
صبحك الله بالنور والنوير....
اخوي....
انا ما انكر الكلام اللي ذكرته ولكن اخي الحبيب الازمه الحاليه ليست مقتصره على الكويت خاصه ولكن حتى على دول الجوار كالسعوديه والامارات
هالشي يمحي او ممكن نقدر نقول نلغي صحه النظريه اللي خبري خبرك
ولاننسى اخوي الخبر اللي تسرب للجرايد عن وصول بنكين لمرحله الافلاس وكذبته الحكومه لطمأنه المواطنين والمودعين ولكن يوجد تشكيك من صحه النفي الصادر من الحكومه
اخي العزيز...
الخسائر الان ليست مقصوره على صغار المستثمرين وحسب ولكن طالت ايضا الشركات و رؤوس الاموال الكبيره
وهذا الشي من منظوري الشخصي بسبب تقليل سعر الفائده في البنوك المركزيه العالميه واعطاء فرص اكبر للاقراض وسط شبح التضخم العالمي الذي عمل على تقليل كميه الاقتراض للعملاء وزياده السيوله دون الاخذ بعين الاعتبار بتشغليل هذه السيوله لغرض رفع الاصول والاعمال المداره للشركات وهذا الشي ادى على زياده نسبه المخاطر للشركات والبنوك دون العمل على تأمين الاموال للاستراد مره اخرى وهذا الشئ ادى الى ضخ الاموال واستثمارها دون اخذ بلاعتبار للمخاطر المترتبه بعد ذلك بسبب نزول سعر الفائده وتحريك الاسواق والاعمال.
|
|
10/12/2008 3:31:55 PM
|
|
حال البورصه
|
MRS.Q8 كتب:
Islamic Financial Institutions have not been affected a lot by US sub-prime cris due to the fact that Islamic finance principles stipulate that deals must be based on tangible assets and require tight securities.
OK IM AGREE WITH YOU BUT THE PROBLEM ISLAMIC SECTOR ITS IMPORTANT PART OF THE BUSSINES & I THINK YOU KNOW THERE IS SO MANY ISLAMIC CO. & BANKS THEY MAKE BUSSNIESS IN US.
|
|
10/13/2008 12:26:32 PM
|
|
حال البورصه
|
Karbala كتب:
السلام عليكم
اخواني .. انا احترم آراءكم بس اللي حاصل غير
اللي حاصل انه الصناديق والمحافظ .. وكبار المضاربين .. دائما يبون سبب علشان يضربون السوق ومص دم الصغار
والازمة العالمية .. كانت لهم فرصة ذهبية لتنفيذ خطتهم ... وقبل كنا نسمع انه ما في سيوله وما في سيوله
قبل اشهر الارتفاعات كانت كبيرة وسريعة حتى وصل المؤشر الى اكثر من 15000 نقطة
وقتها والتصريف كان شغال على الاصغار .. يتم تصريف جزء وآخر السوق يرفعونه وهمي .. لما تم تسييل كل الاموال
وانتوا شايفين من يوم الثلاثاء والاربعاء والخميس .. والأحد والاثنين .. شفتوا قيمة التداول
سؤال ..
1- نزول المؤشر من 15000 الى 11000 وين راحت اموال هذه التداولات؟
2- وين كانت هذه الاموال اللي صخت خلال الايام اللي طافت ؟
لا تقولون الحكومة .. لانه اموال الحكومة اتجهت الى بعض الاسهم الخاصة فيهم .. انا اتكلم عن باقي الاسهم شوفوا حجم التداولات والقيمة
عموما .. هذا الاسبوع تتضح الرؤية بالنسبة لسوقنا
تحياتي لكم
اخوكم/ كربلا
السلام عليكم ....
ويعطيك العافيه على الطرح الجميل....
بس انا عندي بعض النقاط اتفق معاك فيها والبعض الاخر عندي لها تعليق.
النقطه الاولى :
لما قلت انه المحافظ والصناديق الاستثماريه وكبار المستثمرين ( هذي اخوي مشكله ازليه من زمان هالشي موجود ولكن لو تلاحظ معاي انهم الخاسر الاكبر من هذه العمليه لانه خايرهم بالمليون ويمكن بالمليارات ولو تلاحظ معاي الدعم اللي سوته الحكومه ممثله بالبنك المركزي والهيئه العامه لللاستثمار ساندت بشكل مباشر الشركات وهذا دليل على عجز هذه الشركات بالصمود لهاذا الطوفان يعني انا شلفايده اذا خسرت هذي المليارات ويصيري عندي عجز كبير واعلن افلاسي من مجرد نظريه الغابه والبقاء للاقوى).؟.
النقطه الثانيه:
بالنسبه لموضوع السيوله مثل ما انت عارف اخوي الفتره اللي طافت (يعني من شهر يونيو الى قبل رمضان) كانت في اكتتابات وزياده رأس المال وهذا الشئ جاء من توزيع الارباح والمنحه الخ...
وهذا الشئ بالنسبه للشركات يؤثر بالنسبه للسيوله لانها تستخدهم هذي المبالغ لزياده رأس المال واستغلال هذه المبالغ لتزياده اصول وتوسعه انشطه الاستثمار الشركه.
وشكرا.
|
|
10/17/2008 4:27:53 PM
|
|
الازدحام المروري وأثره النفسي والاقتصادي للمجتمع
|
السلام عليكم...[b]
حبيت اطرح لكم موضوع الازدحام المروري والمشاركه وتبادل الاراء للمحاوله للوصول للحل او المحاوله لبذل المساعي لوجود حل لهذه الازمه المتفاقمه يوم ورا يوم.....
اخواني...
وسط عدم الجديه والتقعس من الحكومه ممثله ( بلاشغال.. والداخليه..بلديه الكويت) لتطوير الطرق وعمل طرق بديله وجديده وسوء التخطيط الغير اخذ بالاعتبار التوسع العمراني والسكاني المتطرد وسط التخبط الحكومي وسياسه الترقيع من هنا وهناك دون اخذ خطوه جاده وحازمه لحل هذه المشكله او حتى وضع قوانين تعمل على تخفيف هذا العبء على مستخدمي الطريق ولاننسى ثقافه الطريق التي ومع الاسف غير موجوده في كثير من قائدي المركبات بعدم احترام القانون وخاصه في اماكن الازدحام المروري واللامباله في هذه الفئه للغير وهنا تكمن المشكله حيث نحن ايضا طرف كبير من هذه المشكله بسبب قله الوعي المرروري واحترام القانون فيه.
اخواني..
اعتقد ولا يخفى عليكم اثر الحاله النفسيه لمستخدم الطريق وتكون( وانا من هذه الفئه)باسوء الاحوال نتيجه لعدم الوصول للمكان المراد الوصول اليه في الوقت المناسب وايضا التأخرفي الوصول لجهه العمل اعتقد انه الكثير من الاخوان سوف يقولون ( قوم امبجر وحرك قبل موعد الزحمه) وانا اوافقهم الرأي وانا ولله الحمد من هذه الفئه ولكن السؤال هل تستطيع الـتأكد انه في هذا الوقت الطريق يكون سالك ام لا فقط مجرد حادث في الجهه الاخرى من الطريق تلاحظ انه الطريق قد اغلق بسبب الفضوليين( اللي بصراحه يرفعون الضغط 1000000) هذه الفئه هي الفئه التي لاتفقه بالثقافه المروريه والجهل الثقافي فيجب علينا التحرك وزياده الوعي للمحاوله للقضاء على هذه المشكله ناهيك عن الكثافه المروريه الكبيره والاعداد الكبيره من السيارات التي في الغالب جميع مستخدمينها تكون وجهتهم واحده وهذا سوء التخطيط من الحكومه بعدم فتح قنوات داخل المناطق وتوزيع الجهات الرسميه في جميع مناطق الكويت وجعل جميع الجهات منصبه على العاصمه وهذا هو مربط الفرس الذي يجب انه يتم معالجته واصلاحه.
والاثر الاقتصادي وكما تعرفون مصاريف الوقود والمصاريف الاخرى المرتبطه باستخدام السياره.....الخ
وايضا لائحه الجزاءات في جهات العمل( خصم من الراتب)..وجميع هذه المصاريف تكون مؤثره في الغالب على كاهل رب العائله مما يترتب العديد من المشاكل الاجتماعيه اذا وقفنا مكتوفي الايدي دون العمل على القضاء على هذه المشكله
وشكرا...
بويوسف ...
محاسب
|
|
10/19/2008 9:26:59 AM
|
|
الازدحام المروري وأثره النفسي والاقتصادي للمجتمع
|
el7saweya كتب:
مشكور بو يوسف على طرح هالموضوع ، والله الديرة انترست سيايير ،و نصهم تكاسي تقول قاعدين بمصر مو الكويت ، الساعة 7 الا 10 خط فحيحيل يوقف يسكر بالنص اووووووو وبالقصب اوصل الدوام ، والمشكلة لما اوصل ما الاقي مسافط عند دوامي وافتر بالمسافط ، دوامنا يبدا 8 انا القى مسفط 8 ونص وانزل اركض بهالكعب والله عشان الحق عالبصمة ، شفت خط فحيحيل جذي غيرت صرت اروح من عالبحر ، زحمة صج بس عالاقل ماشي الشارع ... والا من اي طريج اروح؟ لازم نخترع سيارة هلكبتر عشان نطير لين دواماتنا ..
صباح الخير...
حبيت اشكرج للمشاركه الجميله منج
وانا اؤيد فكره خط البحر ومن رواده للوصول لدوام صحيح انه طويل وفيه كثافه مروريه شوي بس احسن من الزحمه( بخط الفحيحيل والسريع) . انا اذكر في اقل من سنه انه الطريج يوقف عند الخط السريع (الملك فهد) من عند الدائري السادس ولكن الحين شي مو طبيعي الحين الزحمه بدت من عند مبارك الكبير يعني الله يرحمنا برحمته
بس لاتحاتين ولله الحمد الحكومه اخذت بعين الاعتبار نظريه الفيلسوف والعبقري والاستشاري ( سعد الفرج) بحل مشكله الازدحام حيث ان الحكومه سوف تقوم بعمل الانفاق والجسور للقطارات حيث سيكون الروتين اليومي لرب العائله هو كالتالي....
(قايم الصبح ... راكب قطارك رايح دوامك ...رايح فرضتك شاري ماجلتك ... بشتك تحت ابطك... نوطك بوالف بمخباتك) وهذا الاخير هو الذي معطل هذا المشروع الحيوي للقضاء على الازدحام بسبب ان البنك المركزي مشغول بالازمه الاقتصاديه العالميه والبورصه المحليه وكما تعلمين انه البنك المركزي هو المسؤل بعمل الفئات النقديه ولذاك تم تعليق المشروع لعدم اكتمال الشرط الاخير الذي قاله الفيلسوف وصاحب النظريه الجهبذيه (سعد الفرج) نوطك بوالف بجيبك
وبالنسبه للمصافط والوصول لداخل الدوام (يعني الله يهداج ترى يمدحون جوتي بوفلات) ترى زين حق سباقات اختراق الضاحيه للوصول للمكاتب ولجهاز البصمه اللي مايرحم)
وتقبلي تحياتي...
|
|
10/20/2008 9:08:24 AM
|
|
الازدحام المروري وأثره النفسي والاقتصادي للمجتمع
|
صباح الخير..........
نفق تحت الارض ... (خير انشالله)
اهم قالوا نفق الجوازات ...ونفق الجوازات وماشمينه ريحه النفق وخبونا فيه وتاليها حفره نفس المنحدر وخلاص ونفق وهالله...هالله وشوفي جم سنه قعدوا ووسوها
الحين بتقوليلي بيسوون (مترو انفاق) صبري لين الله يعطينا عمر اتوقع يمكن احفادج اهم اللي راح يشوفونه وعيالهم هم بعد يمكن راح يستعملونه
تقبلي مروري ...
وصباحج عسل....
|
|
10/21/2008 8:50:32 AM
|
|
الازدحام المروري وأثره النفسي والاقتصادي للمجتمع
|
kuwaty_man كتب:
ماكو الا حل واحد الا و هو ان يكون الفحص الفني يتبع شركه خاصه لاني بصراحه اسغرب في بعض السيايير مسكربه لا وتمشي بالشوارع
علشان يمنعون فيها الواسطه الحين الواحد نايم وسيارته عنده يخلصون بيمه السياره بدون فحص
ومشكور بويوسف على هالموضوع
بصراحه بطت جبدي الزحمه
صبحك الله بالخير...
والله ياخوي الحال من بعضه من ناحيه الجبد وكلامك صحيح 100000000000000% وهذا جزء من الحل وهم بعد اخوي القانون له دور مثل تقليل عدد السيارات (في اخر دراسه اجروها عن عدد السيارات مقارنه بالسكان اتضح انه لكل شخص 3 سيارات في الكويت) واحنا اخوي هم بعد علينا لوم بس انا برائي انه الحكومه عليها اللوم الاكبر ممثله بالاجهزه التابعه لها (راح تقولون ليش كله حاط عالحكومه او انه الحكومه اهيه شماعه الاخطاء) انا ما اتبع هذا النهج بس ردي بكل صراحه وشفافيه انه الحكومه اهيه المشرعه اهي التي تضع الضوابط والشروط والاسس يعني اهي Controlled) اذا كان اداء ضعيف فهل من المعقول انه الامور راح تسير على مايرام او بخير ويسر والمثال اللي قلته اخوي اهو الدليل على وجود الخلل في اداء الجهاز الحكومي ممثله بوزاره الداخليه وهي احده اعضاء الجسم الحكومي وبالتحديد بالاداره الفحص الفني وهذا الاخير هو قطره في بحر من الامواج الفساد والبيروقراطيه اللي تغرق البلد والمواطنين وتعطل دفه عجله التنميه للبلاد والعباد..
ولك مني خالص الشكر والتقدير
والمشاركه الرائعه منك
وتقبل مروري....
|
|
10/24/2008 5:53:01 PM
|
|
الخسران.. فرصة ذهبية في سوق الكويت للأوراق المالية
|
hananm كتب:
السلام عليكم: صراحة انا مالي شغل لا بالبورصة ولا التجارة ولا الاقتصاد بس حبيت اشارك بنصيحة....الرزق من وين من الله ...كل شيء الله يعطيه للانسان امانة من الله عند الانسان كل شيء العيال والصحة والمال حتى العمر وبالنهاية مردهم عند الله فالانسان لو يقتنع ان ماله اللي خسره بالبورصة امانة ردت لله والله راح يرتاح نفسيا ويحتسب واتمنى من كل شخص خسر بالبورصة الله يعوضه باحسن منهم..........وسلامتكم 
مساء الخير....
اولا كلامج صحيح 3576 مليون % على انه انشاءالله نحتسبه ابتلاء من رب العالمين واكيد.. وطبعا...انه هذا رزق من رب العالمين وهذي قسمته ونصيبه اللهم لااعتراض على حكمه ولكن احنا هم بعد لنا دور لازم نتحرك فيه يعني رب العالمين قال ((اسعى ياعبد وانا اسعى معاك))فلازم البادره تطلع منا احنا عشان رب العالمين يسهل علينا ونتحرك ونسوي شي وهذا الشي احد الاسباب لوجودنا في الارض بعد طاعه الله والعباده له فلازم نعمر الارض ونشتغل ونتحرك عشان يكون لنا كيان ومضمون في الكون وبالنسبه للخساره هذا طبع الحياه يوم حلو ويوم مر هذ على قولتهم بهارات الحياه لازم مرض... صحه.... حزن.... فرح.. فوز...خساره هذا كله بأمر من رب العالمين ولازم نحتسب وانشاءالله رب العالمين راح يفرجها انشالله
ويعوض الخسران بربح مو بس بالدنيا الا الدنيا والاخره بمشيئته سبحانه..
وتقبلي مروري..
بويوسف
محاسب
|
|
10/27/2008 9:20:09 AM
|
|
حال البورصه 2
|
صباح الخير للجميع.....
...وسط مانراه من زخم سياسي وتلويح المجلس بورقه استجواب سمو رئيس الوزاراء.... وانخفاض سعر برميل النفط... والازمه الاقتصاديه العالميه وتأثيرها بالبورصه...
واعلان افلاس احد البنوك التجاريه وتدخل الحكومه في الرمق الاخير في حياه هذا الكيان الاقتصادي....والازمه الرياضيه..و..و..و.,و.والقادم مذهل اكثر.
نتسائل بدورنا... على حال هذا التدهور الذي وللاسف ينصب في نفق مظلم للبلاد والعباد من ممارسات اصحاب النفوذ من المسؤلين وبعض اصحاب رؤس الاموال من التعنت اللاواعي من
مفهوم الديمقراطيه وابداء الرأي حيث بالامس صرح احد اعضاء مجلس الامه الموقر بطلب باستجواب رئيس مجلس الوزراء وهذا حق دستوري كفله الدستور في حق النائب ولكن السؤال
الان هل هذا هو الوقت المناسب لعمل هذا الاستجواب وسط هذه المعطيات والمؤشرات التي توضح ان الوقت غير مناسب وسط هذا الزخم من الازمات من ناحيه الاقتصاد..ونزول سعر
برميل النفط..وتعليق عضويه المنتخب وهذا الاخير هو المضحك المبكي الذي انضم لباقه الازمات والاحتقان الداخلي من جميع النواحي .
اخواني...
لايخفى عليكم الان حال التدهور في الاقتصاد ممثله بالبورصه وسط نزوح المستثمرين وعدم الثقه بالسوق وسط محاوله الحكومه تنعيش وتنشيط السوق
وقد اشرت بالمقاله السابقه عن دور
الحكومه ومحاولتها طمأنه المواطنين وهذا شئ جيد ولكن تكون الطمأنه مصاحبه بالشفافيه والصدق واعطاء البيانات الصحيحه
وكما قلت في المقاله السابقه عن تكذيب الحكومه خبر نشر من قبل فتره وجيزه عن افلاس احد البنوك التجاريه وهذا وللاسف خبر صحيح ولكن الحكومه تحاول طمأنه المواطنين دون وجود اليه عمل تعمل على انقاذ مايمكن انقاذه وتأخر الغريب من ارسال الدعم لمسانده الشركات وصغار المتداولين لانعاش الاقتصاد ولكن كانت المبادره فقط لعدد معين من الشركات وهذه
الشركات مقتصره لفئه معينه من الناس دون المساواه في الانصاف بارسال الدعم للجميع وها نحن الان في حدث اخر جديد وهو اعلان افلاس بنك اخر ونتمنى من الحكومه ان لاتكذب هذا الخبر وتكون بقدر من المسؤليه في تصريح البيانات لكي لانصل الى مرحله عدم الثقه وخيبه الامل كما كان في دور الانعقاد السابق بين الحكومه والمجلس وهو ايضا كان له دور فاعل في حاله التأزيم السابقه .
ولكن الامل موجود انشاء الله بتكاتف الايدي بين الحكومه والمجلس لدفع عجله التنميه في البلد ولوضع اسم الكويت فوق كل اعتبار
( لان والله ولي رافع سابع سما ماكو مثلها بلد ولا مثل حكامها مو عشان انا كويتي لا حشى بشهاده كل شريف اكل من خيرها وحبها من كل قلبه)
ولا ننسى مقوله ...
ابونا ..وحبيبنا.. وتاج على روسنا.. الغالي اللي مايتعوض اللي اقدر اقول عنه الظاهره اللي صعبه تتكرر
امير القلوب
(جابر الاحمد الصباح) غمده الله بفسيح جناته
(الكويت قائمه بأهلها وباقيه انشاءالله بأهلها)
وشكرا..
بويوسف...
محاسب
|
|
10/27/2008 3:28:51 PM
|
|
حال البورصه 2
|
gem كتب:
على خبري ان اللي حصل شوية تعاملات بالفوريكس و اشياء مشابهه
اصحابها خسروا و تنحوا
البنك كان المفروض يعمل بسياسة ... الستوب لوس ... و لكنه تهاون .. الشي اللي اضر
بسمعة البنك من ناحية و من ناحية اخرى ما يشكله ذلك من خروج عن تعليمات المركزي
الخسارة من 400 الى 500 مليون .. و هذه راح تدخل بحساب الارباح و الخساير و ما كو شي اسمه افلاس
الا ان كنت تتكلم عن بنك ثاني اخوي بو يوسف ... نورنا
تحية لك
صح اخوي كلامك
بس اللي صار انه ماعمل STOP LOSS TERMINATIONوانه دخل بمبلغ كبير في محافظ للمشتقات الصناعيه او البتروليه حسب حد علمي واستغل حسب المصادر اللي قالولي انه تعامل باليورو واليورو نزل فجأه
فماطال لاجنه ولا نار وخسر هالمبلغ الجنوني بس للمعلومات انه البنك يخسر مبلغ كبير مثل هذا وفي فتره صغيره يعتبر كارثه لان الاستثمار قائم على محدات وقتيه وزمنيه معينه يكون فيها الاستثمار لفتره معينه يتم خلالها تشغيل هذه الاموال المداره وجني وتحقيق ارباح لها وللعلم دول العالم ماتختلف اختلاف كلي عن الكويت من ناحيه البنوك وطريقه التعامل فيها فالمخاطر اللي موجوده عندنا نفسها موجوده بره ولاننسى انه دول صناعيه كبرى اعلن بنوكها افلاسها واحنا ابشرك من الحين اخوي اذا ماتحركو الربع عندنا راح نلحق الباجي وكل شي معرض للافلاس لانه البنوك تستثمر اموالها واصولها بالداخل والخارج طيب اذا قلنا انه الداخل مثل مانت شايف والخارج الله بالخير بلله وين الارباح والعائد من الاستثمار ماكو لانه الكل في الناز الحين اخوي تبي تقنعني انه البنوك عندنا مو معرضه للافلاس
وشكرا....
|
|
10/28/2008 8:06:56 AM
|
|
حال البورصه 2
|
mel79al7iat كتب:
الله يدووومج يا لكويت فوق راسنا ويارب لا تشمت فينا لا قريب ولا بعيد شكرا اخوي بويوسف على هالموضوع الطيب فعلا الكويت دار العز وخيرها سابق كل من سكن فيهاوهم خيرها سابق اللي برة بس ان شاء الله الله مع هالديرة لانها ديرة خير ...فلا تخافون عليها ...
الله يطولي بعمرج وماقصرتي وعسى الله يديمها نعمه ويفكنا يارب من الفساد الموجود بطريقه فوق التصور الحين
اللي صار مثل النار على الهشيم ياكل الاول والتالي
|
|
10/28/2008 8:13:06 AM
|
|
حال البورصه 2
|
gem كتب:
تعيش يا خوي بو يوسف
كلام سليم و ما اختلف معاك فيه ... و اكيد الاستثمار له اجل بداية و نهاية ... ما بهالكلام شك
و حدود للخسارة بالذات ... و اللي حصل كان اسرع اصلا من توقعهم و حساباتهم .. و حتى و هم بتساقطهم السريع ما
رضوا انهم يوقفون هالخساير على امل ان يتعدل السوق نفسه و يتلاحقون اللي يقدرون عليه و ما حسبوا اللي قاعد يصير عدل
و الخفسة هذه صارت بوقت الانهيارات ... هذا اللي فضحهم بسرعة
اصبح اشكثر كانوا يبربسون من قبل
و البنك حامي الحمى لهم ...
و طبعا الحين وين ما يتوجه راسالمال ما يشوف الا حريجه بتحرقه و ما سلم اقتصاد باي مكان من اللي يحصل
صدقت اخوي
والمشكله انه البنك المركزي معطينه كافه الصلاحيات بس مجمدينها بذيك الفتره
يعني على هوى الجماعه متى ما اشتهوا فعلوا القوانين وبعد ماطاح الفاس بالراس
قاموا الجماعه بدورهم الرقابي على هذه البنوك والشركات الاستثماريه(ايه وينكم من قبل)
بس ماقول الا......
الحمدالله على كل حال
|
|
10/28/2008 10:42:47 PM
|
|
حال البورصه
|
guest_q8 كتب:
موضوع يستحق المشاركه فيه , طبعا يا اخوان من تجربتي بالبورصه انا اشوف انه عمود الارتكاز لاقتصاد العالم والمؤثر الحقيقي في بورصات العالم اهيا امريكا , فالبورصه الامريكيه تعتبر اكبر واقوى بورصه بالعالم وهذا شئ ما يختلف عليه اثنين , فلما اهتزت البورصه الامريكيه واعلنت اكبر شركة تامين في امريكا افلاسها هذا الخبر ضرب البورصه الامريكيه وكانت القشه التي قصمت ظهر البعير على قولتهم , فهذي الشركه جميع البنوك الامريكيه تامن على نفسها عندها فما بالكم اذا الشركه اللي تامن عندها البنوك اعلنت افلاسها شنو راح يكون حال البنوك , وهذا ما جعل الاداره الامريكيه تتدخل وتدعمها حتى لا تنهار البنوك وتحدث ازمه ماليه كبيره , وبخلاصه هذا هو سبب انهيار البورصات العالميه لانه اكبر اقتصاد بالعالم حصلت فيه مشكله فلابد تكون للمشكله تبعات تاثر على جميع دول العالم , اما بورصتنا بالكويت فمشاكلها كثيره حتى قبل الازمه اللي صارت بالعالم .
أحمــــد***
كلامك صحيح اخوي وبالنسبه لبورصتنا فطعن بالميت حرام
|
|
10/29/2008 1:47:28 PM
|
|
hummer
|
SHAIMAA كتب:
بشتري سيارة رخيصة وكويسة على ماقالو
شنو تنصحوني ؟؟
وشكرا
مساء الخير بالنسبه لموضوعج يختلف من حيث نوع السياره والمبلغ اللي تقدرين عليه
يعني تبين صالون وله جيب؟؟؟؟؟؟؟؟
وحدودج كم بالضبط؟؟؟؟؟؟؟؟؟؟؟؟
وانشاءالله ماراح اقصر معاج بالنصيحه
شكرا...
|
|
10/29/2008 11:16:13 PM
|
|
hummer
|
el7saweya كتب:
اي بقولكم راييي ..جيب طوارق 2008 يهبل بس ماعرف اسوق جيب وهم غالي طوارق .. انا احب سيارتي ( فلكس فاجن باسات ) شكلها حلوو واول ماشفتها بالوكالة لفت انتباهي شكلها من برة ومن داخل ديكورها خشب ،الشكل مو كل شي اكيد؟؟ بس هم مواصفاتها حلوة وتتحمل صح ،( الاماني قوي ) وأسالوا مجرب .. أسالوووووووووو مجرررررب .. شرايكم؟ انا شارية باسات 2008 شهر 3 اللي طاف و أول شهر 6 دعمت فيها عالخليج .. واحد طيررني على اشارة فرايديز و وصعدت الاشارة وطاحت تحت سيارتي .. مأساة صج .. بس انخفس البدي من جدام .. بعناها مع ان المكينه سليمة وتمشي السيارة بس سكربت من جدام .. بس الحمدالله يت سليمة .. وشريت لي وحدة مثلها مثلها مثلها ونفس اللون بعد مارضيت اشتري نوع ثاني لاني حبيتها .. والله يحفظكم من كل سو
مساء الخير...
بالنسبه لفلوكس سياره لها تاريخ عريق في المانيا ومن ضمنها البيتل واللي كانو يطلقون عنها سياره الشعب
بس عندي ملاحظه انه السياره جيده جدا بس حساسه شوي بحكم الجو عندنا وايد قوي
وفيها مشكله بالنسبه للبيع يعني ماتييب سعر عند البيع اما للبدي مع احترامي لج ولجميع ملاك سياره الفلوكس وين راحت الفولفو ...وين الساب هذوله يتربعون بعرش صلابه البدي
وبعدها ييون باجي الماركات.
مع اني متحفظ شوي لموضوع الشكل لانه شوي ما اخذ استحسان شريحه كبيره من الناس غير عن الشكل القديم
عسى انشاءالله يعطيج خيرها ويكفيج شرها....
ويحفظنا يارب جميعا من شر الحوادث
وتقبلي مروري...
بويوسف
|
|
10/30/2008 11:27:45 AM
|
|
حال البورصه 2
|
guest_q8 كتب:
اخوي بو يوسف كلامك جميل وكله صح فاحنا نعيش بالكويت ازمه اقتصاديه كبيره ومشاكل بين المجلس والحكومه , وانا اايد كلامك بان استجواب سمو رئيس الوزراء غير مناسب في هذا الوقت اللي فيه البورصه منهاره ومحتاجه بالوقت الحالي اكثر من وقت مضى للتصريحات السياسيه الهادئه الرزينه اللي تعيد الثقه وتطمئن المستثمر حتى تعيد البورصه للانتعاش مره ثانيه , فكما هو معروف انه الاستقرار السياسي والامنى في كل بلد بالعالم يشجع التجار على الاستثمار ويجلب رؤؤس الاموال للبلد , ولكن انا عندي ملاحظه على وزير التجاره السيد أحمد باقر وهو يعتبر شخص مهم لانه وزير لوزاره لها تاثير مباشر بالبورصه قد تاثر عليه سلبا او ايجابا , لماذا صرح في وقت كانت البورصه منهاره فيه بتصريح قال فيه ان المتداولين مغامرين وياب سالفة الربا , هل من المعقول انه ما يدري انه التصريح هذا راح يأثر على البورصه وراح تنهار مره ثانيه , بصراحه انا استغرب من هذا الشئ.
فاقول الله يستر من اللي ياي البلد وضعها خطير والمشاكل فيها وايد, الله يحفظج يا الكويت ويحميج من كل شخص لا يخاف الله فيج.
أحمـــــــــد***
كلامك صحيح اخوي...
المشكله بلاخ الوزير من اول ما مسك الوزاره وبس كلالالالالالالالالام لو نرجع شوي ورا اخوي بأزمه غلاء الاسعار اعتقد الكل شاف وعاش هاالمعناه الكبيره
وتصريحاته الناريه(( سوف نضرب بيد من حديد على الذين يرفون الاسعار))..... وغيره وغيره من الكلام وبنفس الوقت ماقصر انه اصدر قوانين ووقرارات
بشأن هذا الموضوع بس الاهم الحين وين((((((((((((( التفعيل)))))))))))))) بس حضرت جم كلمه وخلاص وتقولي قرار مايصير جذي.
وثاني شي ...
انا بعد نفسك مستغرب اخوي من التصريح هذا اذا انت بحكم مكانك يامعالي الوزير عارف السبب ليش ماتقدمت لمجلس الوزراء هالقرار او حتى تحاول انك تضع اليه تغير هالمسار او
حتى تستخرج طريقه بحكم منصبك بمكان انا اعتبره حساس بحكم انه الكويت من الدول التجاريه وفي شغله اهم...( البورصه بلله قايمه على شنو على المضاربه والمغامره) بلله الناس
اشلون تبيهم يتداولون انتو الجهات اللي تصدر قرارات تأسيس الشركات وعارفين مدى قوتها وضعفها تقولي انه المستثمرين مغامرين عيل اذا هذا كلام معالي الوزير وهو رجل مسؤل عن
كل كلمه قالها وانا بحكم موقعي كمواطن مسؤل عن كل كلمه اقولها والدستور كفل لي هذا الشئ ...( خلاص ياجماعه سحبو فلوسكم وحطوها بالبنوك وشغلوها ربحها مضمون على شكل
وديعه وكان الله غفور رحيم)..... وانت ياسعاده الوزير من ناحيتك اصدر قرار وحوله لمجلس الوزراء بأغلاق البورصه وتحويلها لمستشفى للامراض البورصه..... اقصد للامراض (للضغط-القلب-الطب النفسي) وبجذي تكون افدت البلاد والعباد يامعالي الوزير.
وتقبل مروري اخوي
|
|
11/1/2008 1:30:20 PM
|
|
الازدحام المروري وأثره النفسي والاقتصادي للمجتمع
|
guest_q8 كتب:
مشكور اخي بو يوسف على طرح الموضوع
انا اتوقع بالكويت بعد 5 سنيين اذا الله عطانا عمر ان شاء الله ما راح تقدر تمشي بالشارع
السبب الاول والرئيسي بوجهة نظري بالزحمه اهوا التساهل باعطاء رخص القياده للاجانب يعني بالله عليكم انا اعرف بنشرجي بنغالي اهوا وزوجته عندهم رخصه (اجازه) اذا راح الدوام سلمها السياره وقامت تفتر فيها
المفروض انه مو كل شخص نعطيه رخصه قياده الا للي وظائفهم مهمه مثل دكتور او مهندس . مو فراش وبنشرجي .....وغيره
وسالفة التكاسي اللي اطلعت قبل سنه هم اهما سبب الزحمه واكثرهم غشم وما يعرفون يسوقون.
واضيف بعد تخطيط الشوارع اكثرها قديم ويحتاج لاعادة النظر فيها وتوسعتها لانها صارت ما تناسب الوقت اللي احنا فيه لانه السيارات كثرت بالبلد وخاصة الدائري الرابع لازم ينعاد النظر فيه وتوسعته لانه فيه مخارج ومداخل كثيره ومستخدمينه اكثار.
تقبل مروري
أحمـــــــــد***
مساك الله بالنور والنوير....
اخي الكريم لايخفى علينا هذي المشكله واثرها الواضح للعيان وانا معاك بهذا الشأن . ولكن الى متى هذا التخبط الكبير في عدم التخطيط للمستقبل القريب ولكن الاخوه الافاضل في الجهات
المسؤوله اقصد الحكوميه منها رات وتحركت ولكن بعد فوات الاوان (يعني بعد ماطاح الفاس بالراس بدو يفكرون) وينكم من قبل وين الادارات التنظيميه للتخطيط والتطوير في (الاشغال والداخليه والبلديه) وينكم من قبل والمشكله اخوي جميع النقاط اللي اشرت اليها جميعها اخذت بالاعتبار ولكن متى بعد ماتفاقمت واصبحت ازمه واضحه للجميع يتأثر فيها جميع مستخدمي الطريق فمثلا :
الداخليه: وضعت ضوابط وشروط للحصول على اجازه القياده كراتب... والشهاده ..الخ.. والان سوف تعيد النظر بالموضوع من حيث تخفيف هذه الشروط اعطاء تسهيلات اكبر ولكن بعد
شنو بعد ماصار الكل ياخذ الاجازه ويسرح ويمرح فيها دون العلم بأبسط قواعد المرور والدليل الافلام الاكشن اليوميه اللي نشوفها بالشارع... اللي نام عليك بكل برود ...واللي يمشي على بيض بسرعه اقل من السرعه المسموح فيها ...واللي بريكات بدون اي سبب... و..و..و..و الكلام وايد وانتو اعلم مني بهاشي
وثاني شي بالنسبه لموضوع التاكسي الجوال :
لو تلاحظ معاي اخوي منو اهم اصحاب هذه التكاسي هم بالاساس ضباط بالداخليه يعني ( حاميها حراميها) ويعتبرون النسبه الاكبر من اصحاب هذه التكاسي والدليل مثل ماقلت... قصاب ..وله زراع ..وله فراش.. ماشاف ولا عمره مسك سكان صار بقدره قادر سايق تاكسي على اي اساس عطيته هالرخصه وهل اهو كفئ بالحصول على هذه الاجازه لا والادهى خله
يدعمك او انت ادعمه عادي ولا يهمه لانه عنده ظهر يقولك سو اللي تبي تسوي صاحب المكتب يشغل بالمكان الفلاني او اهو مسؤول او قيادي في جهه معينه يعني لو فيك خير روح اشتك
من قبل ماتوصل يكون الموضوع تضبط وخلص لا ويطلع الحق عليك الا من رحم ربي وكان فيه ذره ضمير او يخاف ربه.ناهيك عن المخالفات وما ادراك مالمخالفات والبلاوي اللي تصير فيها.
بالنسبه للاشغال:
كما اشرت اخوي بالنسبه لمشروع تطوير الدائري الرابع كان موجود وتم عمل المخططات له ( يعني بدو يتحركون الربع ) بس بعد شنو نرد ونقول (بعد ماطاح الفاس بالراس) ايه وينكم
من زمان وين الادارات التنظيميه مالتكم وله بس.. شاي.. وزقاير ..وتزريق من الدوام ...وين ادرات الخطيط وين دورهم الحساس والكبير للمجتمع.. سوو المخططات والافكار طيب السؤال الاهم
متى التنفيذ ؟؟؟؟؟؟ سؤال انا اعتبره من انواع الاسئله اللي ينقال عنها السهل الممتنع اللي ماتعرف متى يتم الرد او حتى الافصاح عنه .
البلديه:
وما ادراك مالبلديه فيها ودهاليز.. ومستنقعات.. وبراكين..وسيول.. من الفساد الكبير اللي صرح فيه وزيرها اذا لم اكن مخطئا ذيك الفتره احمد باقر الفساد اللي فيها مايشيلها بعير
هذا مسؤول وقال هالشي وين دورهم التنظيمي بالتخطيط وتطوير الشوارع وله بس ركزو على الوان البنيان وشكلها بحيث تتناسب للشكل العام والتلوث النظري وغيرها اللي هدوا الشي الاهم ومسكو اشياء ليست بقدر من الاهميه من المواضيع والمشاكل الحساسه للمجتمع .
ياخوي احمد (اللشق عووووووووووووووود) مايترقع عند بنشرجي او غيره الديره يبيلها نفضه كراسي مو تحط اللي يحط مصلحه نفسه وجماعته ويهد الديره جذي.
وعمار ياكويت...
وتقبل مروري ...
بويوسف
|
|
11/1/2008 1:36:20 PM
|
|
hummer
|
SHAIMAA كتب:
السلام عليكم شكرا للي ردو علي وللي قرو وما ردو بقولكم سالفتي بس لا تضحكون انا يا محفوظين السلامة سويت حاذث و وماعاد عندي سيارة ولازم اودي عيالي واييبهم يعني من الاساس مااقدر الحين ادبر فوق الالف لأن السالفة فجأة ومادري شلون صارت ومو حاسبة حسابها عموما اللي اشكر الله عليه انه عندي اخوان نفسكم بس ابي السيارة بحدود الالف لأستعمال هالجم شهر لين الله يفرجها واقدر اشتري سيارة عليها القيمة واللي قال فلوكس اي عدل الفلوكس شكلها الاخير واو صراحة واخيرا وليس اخر اسأل الله لنا ولكم ان يحمينا من شر الطريج اختكم شيماء
مساء الخير ..
اتوقع مالج الا (ميتوبيشي لانسر- او نيسان تيدا-او كرولا- او شفر ايفو) يعني هالنوعيه من السيارات مستعمله ممكن تحصلين بسعر مقارب من اللي تبينه يعني موديلات من حديثه حيل اذا ماني غلطان بس يعني من 95 لين 2002-او2003
|
|
11/2/2008 12:29:24 AM
|
|
hummer
|
SHAIMAA كتب:
شكرا بو يوسف على ردك
زين ما تعرف الفلوكس الألماني تبع فورد بجم اذا مستعملة ؟
مساء الخير...
اولا : فورد ماعندها فلوكس انتي خلطي بين شركتين للسيارات
ثانيا: اذا تقصدين الالماني تبع فور فعدنج المونديو وهي سياره ممتازه جدا وللاستعمال لايعلى عليها واسعارها مستعمله ولا اجمل
يعني موديلات 2002 او 2003 او 2004 وحتى 2005ممكن تحصلينها من 800 الى 2800 حسب النظافه انا كلامي الاربعه سلندر
وعندك الفوكس وهي صناعتها اسبانيه وهي من ماركات الفورد وشكلها انيق وجذاب وللاستعمال ايضا جميله بالذات الهاتشباك منها انا من تصوري اتوقع اجمل والاسعار ماتختلف ذاك الاختلاف بالنسبه للمونديو يعني الاسعار تقريبا متقاربه لحد كبير
انا نصيحتي لج روحي معرض الفورد المستعمل اللي بشارع البيبسي اللي مقابل بيت التمويل خذي جوله وقيمي السياره هناك وخذي TEST DRIVE وشوفي وقارني
وتقبلي مروري...
بويوسف
|
|
1 2
|