|
12/22/2008 3:51:40 AM
|
|
قصص زواج عن طريق الموقع khitba
|
السلام عليكم انا اضم صوتي لصوت العضو او العضوة اللي قالوا ان الموقع ينقصه مصداقية يعني مااجمع بس اغلب اللي يدشون هني يبون يتسلون او فيهم فضول ان يعرفون شللي قاعد يصير ومانقدر نقول ان فشل العلاقة الزوجية لانهم تعرفوا بالنت لان في وايد ناس تعرفوا برة وهم فشلوا في زواجهم يعني الفشل مسؤولية الريال والمرة نفسهم والله يوفق الكل
|
|
12/22/2008 3:58:55 AM
|
|
الطــــلاق
|
السلام عليكم وانا بعد اضم صوتي لكم ان نسب الطلاق زادت عندنا بالكويت انا اتحجى من واقع تجربة انا مريت فيها للاسف ان نطرة المجتمع للمرأة المطلقة نظرة سلبية يعني مادري وين المشكلة ليش دايما حاطين ابالهم ان المرأة المطلقة يعني اهية موزينة او اهية تتحمل فشل الزواج شي طبيعي ان فشل الزواج والوصول الى الطلاق يتحمله الطرفين بس شالاسباب الى ادت الى الطلاق ماكو اي بنت تقبل انها تكون مطلقة وساعات تتحمل وايد اشياء من ريلها حتى لومايكون عندها عيال لانها عارفة بعد ماتتطلق نظرة المجتمع لها شلون راح تكون و طريقة معاملة اهلها لها وبالاخير مانختلف ان الزواج والطلاق بإيد الله سبحانه والله يوفق الكل
|
|
12/22/2008 4:22:35 AM
|
|
المشاكل الزوجية ..... هل تستحق الطلاق؟
|
السلام عليكم الموضوع وايد حلو وشكرا على طرحه . على قولة اللي يقول اللي ايده بالماي مومثل اللي ايده بالنار يعني في ناس تقول ماكو سبب مقنع لان فلانة تطلقت انزين انتوا شدراكم شنو وضعهم وشلون اهية عايشه معاه وشنو اهية عيوبه اللي خلتها تطلب الطلاق وترضى انها تكون مطلقة وخصوصا بهالوقت اللي نطرة الناس للمطلقة للاسف نظرة سلبية يعني اذا الريال مايتحمل المسؤولية وكله طالع مع ربعه ومايدري عن المصرف خير شر ولايراعي شعور مرته ولايسألها ليش مضايقة وشنو محتاجة ليش تكمل معاه ؟ اصعب شي ان الواحد يعيش مع انسان ابيت وايد ويحس نفسه غريب يعني انت ليش متزوج اذا ماعندك ادنى مسؤولية اتجاه بيتك ومرتك حتى لوماعندك عيال منها اهية بذمتك وانت مجبور انك تتحمل مسؤوليتها انا بصراحة اعتب على الاهل لانهم ادرى بعيالهم يعني اذا الوحدة موقد الزواج ليش اهلها يزوجونها ويظلمون ولد الناس وياها واذا الواحد موقد زواج ليش تزوجه تقولك عشان يركد ويتحمل مسؤولية واذا ماركد ؟ شنو ذنب البنت انها تتحمل كل هذا وبعدها بكل برود يطلقها ويرد يعيش حياته طبيعي واهية اللي يتغير كل شي بحياتها (لاتلوموني قلبي مترووووس 
|
|
1
|