|
فــــــــارق العـــمــــر ... سلبياته وايجابياته
|
السلام عليكم ورحمة الله وبركاته..
الله يعطيكم العافيه على الردود .. وبصراحه انا ماقريتها كلها 
وودي ابين وجهة نظري من الموضوع ..
في البداية فرق العمر مو مهم الحين المهم العقل .. في ناس كبار وعقولهم صغيره وفي ناس صغار وعقولهم اكبر منهم بوايد .. وهذا شي ماننكره جميعا ..
لكن فوق هذا هم ماننكر إن لازم ننظر إلى فرق العمر نظره سليمه ..
انا واحد ما اشجع البنات يتزوجون واحد طاف عمره فوق الخمسه وثلاثين .. ليش ؟؟ اانا اقولكم ليش
خلونه نفكر شويه بالسبب ..
العيال اكبر اسباب فشلهم في حياتهم وخرابهم من الابو والام ماوفرولهم كل احتياجاتهم وماربوهم عدل ...
لنفرض إن بنت عمرها 23 تزوجت واحد عمره 35 والحمدلله من اول سنه الله رزقهم بولد ..
على مايوصل عمر الولد 20 الابو جم بيكون عمره ؟؟؟؟ بيكون 55
والام 43
بالنسبه للأم ماكو مشكله .. لكن الابو ؟؟
خصوصا الولد يحتاج اهتمام اكثر من الابو لانه راح يشيل البيت من عقب ابوه واهو راح يكون اكبر واحد وراح يهتم بخواته اذا الله رزقهم بخوات او ايا كان .. يعني راح يكون ريال البيت
طبعا الولد بعمر ال20 ليلحين ماتقدر تمسكه مسؤوليه .. انا بالنسبه لي العمر الافتراضي للولد عشان يمسك المسؤوليه نقول 23 - 24
هذا اذا كان الولد متربي عدل وعقله كبير ..
جم راح يكون عمر الابو ؟؟
58 59 ؟؟
انا اشوف بصراحه العمر حيل كبير .. ولاراح يقدر يتحمل كل احتياجات البيت ..
انا عطيتكم فكره بسيطه من واقع انا قاعد اعيشه بصراحه ..
وجهة نظر والله يعطيكم العافيه على موضوعكم وتقبلوا مروري ..
|