|
ليش البنات والشباب تغيروا ؟؟؟؟؟؟؟؟؟؟؟
|
والله مشكله يااخوان وعويصه لاحظتها بهذا الموقع -- بقولكم من تجاربي بهالموقع وانتو احكموا - بالنسبه للبنات ومشاكل العنوسه - اللحين بنت وعمرها صغير
نقول لها كل الحق انها ترفض هذا وتشوف هذا وتدور الانسب والاصلح لها - الى ان الله يرزقها ببن الحلال- وبالتالي اذا طافها القطار واهي ماقررت لاحول ولاقوه
المشكله وين ياأخوان - بالاخوات اللي اعمارهم كبيره وفعلا يطلق عليها مصطلح (عانس) - لا واغلبهم يكونون مطلقات - هذولا للاسف عندهم نفس المبدأ -
وتتعامل مع المتصل او طالب الزواج بنفس العقليه مالت البنت الشابه !!! مايصير يعني - والله ماترهم - هذيج شابه صغيره والاختيارات عندها أكبر
والفرص اوفر - أنت شلون الله يهداج تقارنين نفسج فيها او تتعاملين بنفس المبدأ ؟! ويسألون ليش عندنا ظاهره عنوسه وطلاق ؟! التنازل مطلوب من الطرفين
بشرط ان لايمس او يهمش حق الاخر بحياه كريمه ومتكافئه - انا باعتقادي المشكله اكبر من تصورنا والمطلوب فزعه وطنيه بمعنى الكلمه - من اعلام ومن
مهتمين بالاحوال الشخصيه ومن تربويين و ساسه للنظر ودراسه هذه الظاهره اللي تحولت الى مشكله كبيره فعلا يعاني منها المجتمع - القضيه كبيره وماهي
سهله - أحنا محنا أختصاصين وعندنا القدره بتحليل المشكله وبالتالي حلها - فيه أختصاصيين اللي ذكرتهم أضافه الى أختصاصيين النفس والاجتماع معنيين
بهذه الظاهره وعليهم يقع جانب كبير من المسؤليه - واسمحولي على الاطاله
|