|
سؤال مهم لكل بنت وشاب (واثق من نفسك فى جاوب)
|
أشكرك على طرح هالموضوع لأنك بالفعل ييت على الوتر الحساس...مثل ما يقولون ومدى مصداقية هالزواج يعتمد على كلا الطرفين
لأن الزواج مؤسسة قائمة بذاتها...ونجاح هالمؤسسة من فشلها قائم على كلا الطرفين الشاب والبنت
هل نحن جادين فى مانسعى اليه ؟؟؟مسألة الجدية هذي أعتقد إن لها علاقة كبيرة بالنوايا الخفية لكل واحد فينا
1- هل انت او انتى مقتنعه من زواج النت ؟؟هو وسيلة من وسائل الزواج...فهو لايختلف عن الزواج التقليدي كثيير...
فهو وسيلة للتعارف...وإذا أي أحد كانت له أطماع....فهذا يرجع إلى نفسه الدنيئة اللي يستغل الأهداف النبيلة لمثل هذه المواقع
عشان يرضي نزواته المريضة...
2- هل ان اصبح توافق بينكم تصارحون اهلكم من اين عرفت بنتنا او العكس؟؟هذا يعتمد على مدى تقبل الأهل لمثل هذي الأفكار...فإذا بعض الأهل يتقبلون فكرة الزواج عن حب
فليش ما يتقبلون فكرة زواج النت....وخاصة إذا كان الحوار بينهم قائم على الاحترام وما فيه أي شيء خادش للحياء أو الذوق العام
بدون أن تكون هناك طلبات جانبية مثل...والله أبي أسمع صوتج....أبي أشوفج على الطبيعة عشان أقدر أقرر
فأعتقد إن مثل هالأمور راح تصير بعد الخطبة الرسمية
وبعدين مع الحوار والتفاهم...فأعتقد إنهم راح يتقبلون شوي...شوي...لأن لكل زمان عصره ووقته
3- كيف تضمن ان التى اخترتها ..اخترتيه .. لم يكن هدفه ان تكون سلم وصول؟؟؟شيء أكيد لمن أتفق معاه مو معنى هذا موافقة نهائية على الزواج...لابد راح يصير فيه قعدة رسمية ....ولابد إني أسال عنه
وحتى الشاب لابد يسأل عن البنت اللي راح تكون أم أولاده....وأكيد....أكيد...الأهل هم لهم رأي بالموضوع
4- هل لو اصبح خلاف بينكم وقال ( انتى عرفتك من انتلانت نت وضفيتك فى بيتى ) ماهو الرد..؟؟راح أقول له صحيح تعرفت علي عن طريق النت لكني كنت أبحث عن نفس الهدف اللي انت كنت تبحث عنه...ما كنت قاعدة ألعب
ومن حقي أختار شريك حياتي مثلك تمام....والله كتب نصيبي معاك...ومن يوم ما قلت عليك (نعم قبلت) كرست نفسي وأخلصت وجودي لك انت وبس
...وما اشوف أحد غيرك....أصلاً حرام علي إني أشوف غيرك وإنت اللي مليت علي دنيتي....وإذا انت عندك شكوك من ناحيتي فالمشكلة للأسف فيك مو فيني
5- هل تثقين,,تثق.. ان الشاب جاد فى الاختيار ويسعى للهدف الى تسعين له؟؟عشان جذيه قلنا إن لازم تكون اهناك خطبة رسمية...و الاهل لهم دور كبير في الموضوع...وبالنهاية كل شي قسمة ونصيب
6- كيف اضمن ان هذه .. هذا .. لم يخنى ويلعب من وراىئ..؟؟من هالناحية ما نقدر نضمن هالشي حتى لو كان الزواج عن طريق الخطبة التقليدية، لأن الاحترام المفروض شيء يكون نابع من ذات الشخص نفسه
ما دام أنا على ذمة رجل...أو أنا خلاص متزوج لازم أحترم زوجتي...فهذا الأمر يعتمد على كل شخص وتربيته وأخلاقه
|