|
مواقف وقصص واقعية من موقع خطبة
|
السلام عليكم
اختي من صج تتكلمين .. تعطين شخص 5000 دينار قبل لا تعرفينه منو هو
وثانيا ما فكرتي اشلون يطلب منج هذا المبلغ قبل الخطبة بعد .. عيل لما تتزوجون شنو يسوي فيج
اخذيها قاعدة .. الرجل اللي يطلب فلوس من حرمه .. مع احترامي وتقديري له ... شخص غير قادر على تأسيس بيت
الرجال قوامون على النساء ...
بس انشاء الله اخذتي درس وما تتكرر ... المؤمن لا يلدغ من الجحر مرتين
الله يعوضج بولد الحلال .. اللي يعوض عليج
تقبلي تحياتي
اخوكم/ كربلا
وعليكم السلام ورحمة الله وبركاته... مشكلتي اني اثق بالناس بسرعه وللأسف ما تغيرت هالطبع فيني كله ابرر افعال الناس بحسن نيه
ومعاك حق الرجل اذا خذا فلوس من البدايه شنو بيصير بالنهايه بس الموقف بكبره مثل ما خلاني اهو اصدق بتمثيله انه سجن وكسر خاطري وقلت الفلوس تتعوض على اساس حاه ببالي مبدأ الزوجه توقف يم زوجها ادري بتقول للحين حزتها انا مو زوجته بس انا كنت غبيه وافكر جذي حسبي الله ونعم الوكيل فيه وبأمثاله
والله تكرر بس بمبالغ اقل بس بدون النصب والاحتيال تكرر لانه حظي كله يطيحني بناس منتفين ماديا وانا بس ابي الستر والحنان"بس اكتشفت انه مهما عطيت ما راح احصل الحب مفروض يكون الحب بدون مقابل"
الله يسمع منك ويرزقني ربي بالزوج الصالح
شكرا على التعليق يا اخوي.
|