|
ملاحظاتكم بنات عن ( بعض ) شباب الموقع ...
|
السلام على الجميع ,,,,
يعطيكم العافيه .. عسى ربي يهدي الجميع صغيرهم قبل كبيرهم...للأمانه انا اول مره ادش المنتدى وكنت قاعد اتصفح فيه على قولتهم ...وشدني هالموضوع وقريت من اول وحده بلشت لي اخر واحد كتب ..... طبعا بصراحه الشباب فشلونه ....بس ترى محد يقدر احد يدش بالنوايه.. والنوايه اتقلب حالها حال القلوب .....للاحسن للسيئ هذا بعلم الغيب.....بس انااقول يعني للشباب الي داش يدور لعب ولا صداقه ولا الي يكن ليش اتلف وادور على بنت الناس الي رافضه هالشي ...واذا دورت بتلاقي لاتحاتي ....طبعا انا ما اشجع على هالشي بس فكنا من شرك طبعا الحجي للاثنين ريال كان ام مرأه .
والحمدلله مادشيت على احد من البنات الا كتبوا الا وحده على ما اذكر .... بس صج صج تعالوا تعالوا مو معنات اني اذا عطيت الايميل حق وحده يعني انا راعي لعب وجمبزه!!!! انا سوالف راسايل وانطر على ما اييك الرد والايد على الخد وحالتنا حاله ادز حمام اسرع!!!
وبعدين يا جماعه ترى الايميلات ببلاش الله لا يغير علينا  ....ومو معناته ان وحده ضافتني او ضفت وحده يطلع عنوان بيتهم وبنك المعلومات المدنية على المسنجر صج ان احنا في عالم التكنولوجيا والتطور بس مو جذي شدعوه ...اهو نفس الرسايل بس ان اسرع ,, والله خوش ولد زين مو خوش ولد بلوك ودليت وما يشوف شر......ومو معناته البنيه او المره كلمت كذا واحد يعني قاعد تلعب ترى مثل ما انا لي حق اتكلم مع كذا وحده علشان اختار اهي لها الحق افتكر ..... وحتى لو كان العدد 2137310282 شخص مادري جم الي طلع المهم ....واذا بمشي على كلام واحد يقول ان والله مايجوز الوحده اتكلم مادري جم ...ونفرض ان كلامه صح.....نفرض مثال اني بروح اشوف وحده وما اعجبتني او ما عجبتها ... يعني خلاص ماله حق اتشوف 20 غيري ؟؟؟ شنو اهي شوفه لا شوفتان مسحه لا مسحتان .... مو جني
صاير نصير المرأه !!! يلا يستاهلون خواتناا ولو شكثركم بس شنسوي اللهم لا اعتراض:p
اي صج نسيت انا مو مهندس يا جماعه 
يعني ما علي شبهة جنائية براااءه الحمدلله لما نسب للمهندسين الموقع :p
و تفضلوا بقبول فائق الاحترام و التقدير،،،
مع اشوي من جزيل الشكر
وحفظ الله هذا الوطن من كل مكروه .
الوطن الامير ثم الشعب وال .........بس عاد لي متى اقرق يه !!
حافظكم الله . سلام
|