|
صفحات
1 |
|---|
|
4/4/2010 5:34:03 AM
|
KUWAITYBRONZY
Posts 206
|
كيف تصطادين المعرس دون اللجوء إلى الاساليب السقيمه من المغازلات والترقيم ...
كيف تصيدين المعرس
مساااااااااااااااااااااااااااااااااااء الخير ياحلوات
=كيف تصطادين المعرس دون اللجوء إلى الاساليب السقيمه من المغازلات والترقيم
والتلميح الي ماله سنع والترزز بالاسواق.....إلخ
=أهم شي نيشني على العجوز الي حاطه عينك على ولدها ثم نفذي مايلي:
1_خليك مع امك ولاتروحين مع البنات وتتهيبلين اصبري عنهم كم شهر لين تتم العملية.
2_امشي وانتي حاطه راسك بين كتوفك ولا ترفعينه ابد حتى لو عورك خلي الفكس
دايما في متناول يديك.
3_كلمه خاله خليها دايما على لسانك خاصة لام المعرس عشان تحس بنوع
من التميز عن باقي العجايز.
#ملاحظه.لامانع تنادين عجوز ثانية بخالة عشان اذا مانجحت الخطه مع
العجوز نمبر ون تنجح مع نمبر تو الاحتياط واجب.
4_اذا بدت امك تتكلم انغزيها بكوعك عشان تدخلك فالسالفة حتى لو مالك داعي ...
5_اخوانك الصغار لاحقيهم وطامري معهم وين مايروحون حتى لو ماهي
عادتك بس تصرفي معهم كأنك امهم عشان العجوز تاخذ فكره انك حريصة على ذريتك.
6_كل ما اكلت امك من اكله زينه خليها تقول:نفس الأكله الي تسويها بنتي
حتى لو الأكل من مطعم صيني او مكسيكي.
7_اذا جيتي بتمدين ايدك توجعي وخلي امك تقول:قايلتلك وانا امك ماله داعي
تنظفين جدران البيت الخارجية<<<<اقول نظفي غرفتك اول الي تقولين
ثايره فيها قنبلة ذرية.
8_اذا تكلموا الحريم عن العرس اكتمي نفسك لين تحمر خدودك عشان يقولون
البنت تستحي ومالنا حق تكلمنا عندها<<<<بس لاتكتمي نفسك مره
اخاف تروحي فيها واصير قتلت نفس بغير حق هع .
9_مهما كان موضوع الحوار حماسي لاتبدين رايك خليك مثل البكما لان اللقافه
تجيب اجل الخطة.
10_شعرك افردية لاتخلينه طاير ولاتجعدينه مهما كانت الموضه لان العجايز
مايدورون الا الي شعورهم ناعمة.
11_اذا ادلت العجوز<<<ام المعرس المتوهق
بأي رأي سواء سياسي والا وطني والا اقتصادي وافقي عليه حتى لو انه ماسخ
وماله داعي.
#مثال:تقول العجوز:بوش متقهوي عندنا البارح
قوليلها:وليه ماعلمتينا ياخاله نجي نساعدكم؟!
12_في العروس اضغطي على نفسك واقضبي ارضك ولاترقصين واعتبري
الرقص عيب وشق جيب.
13_اذا جاء طاري السوق وهولازم يجي الطاري لانه ملح الجلسه عند الحريم
خلي امك تقول:بناتي مايحبون يطلعون السوق ابوهم يجيب اغراضهم.
=الحين العجوز بتكون وقعت فالفخ.
نروح للمعرس الحين.
1_اهجدي في بيت اهلك ولاعاد تطلعين واذا جاالمعرس بيشوفك خلي ابوك
يقول :والله ودي تشوف البنت بدون ماتدري عشان تاخذ راحتك وانا عمك
وبعد تشوفها عالطبيعه ماتقول غشيتوني<<<ايه هين يالشايب والله
لو بيدك ان تحط مكانها باسكال مشعلاني
2_ قبل يجي اليوم الي بيشوفك فيه بحوالي اسبوع او اكثر<<<حسب شين الوجه
طامري من صالون لصالون صبغ فرد تنظيف بشره..إلخ.
3_اذا جا المعرس خلي اخوك يوقف جنبه عشان مايطيل التبحلق ويبان المستخبي
وذلك تطبيق لنظرية<<<اللمحة ذبحه .
4_في نهاية المشهد خلي ابوك يقول:معليش وانا عمك ترى البنت
شوي محيوسه<<<معليه يالشايب تنصب عالمسكين.
وبهاللحظه الولد بينط على راسه ويبوسه لين يشفط مخه ويقول متى العرس ياعم؟
{تحذير مهم}
#ابتعدي عن امهات العيال المتعلمات راعيات الشنطه نفس لون الجزمه
هذولا يبيلهم خطط بعيدة المدى. 
|
|
5/15/2010 2:01:24 AM
|
Luleyq8
Posts 1
|
شكرا على النصيحه بس تدرين ان شباب هل وقت امه ما تختارله اهو يختار حق نفسه
|
|
5/17/2010 11:26:06 AM
|
KUWAITYBRONZY
Posts 206
|
حياج الله وتسلمين على المرور ...
بس على فكره انا واحد مو وحده
|
|
5/17/2010 11:58:00 AM
|
nanos
Posts 86
|
لووووووووول
ما اتوقع هالنصايح تنفع الحين
|
|
6/17/2010 1:22:52 PM
|
alrasye
Posts 5
|
حلوه النصايح بس راح وقتها الحين يبون وحده دلوعه ومزيونه بس بعدين الحين العيال مايسمعون كلام امهاتهم لانهم يودرون مرات
اذا حبت البنيه لوهي سحت تحطها ملاك ....اذاقالت مآشا الله عليها جسمها حلو ترها بطه معلومه للشباب وذاقالت ماشالله عليها ماهي بشينه تراها الشين كله
وذا هي مادشت مزاجها لونها مكله جمال تحطها السحت اللي ماتنقبل
وتحياتي
|
|
7/14/2010 3:32:54 AM
|
roosa
Posts 3
|
هههههههههههههههههههههههههههههه
احس المسأله محرجه نوعا ما
|
|
8/7/2010 3:42:36 AM
|
dalo3atmamtha
Posts 5
|
loooooooooooooooool والله صج ضحكتني النصايح
|
|
11/9/2010 3:13:49 PM
|
warrd
Posts 11
|
ههههههههههههههههههههههههههههههههههههههههههه أسلوب النصايح كانت تضحك ... مع انها خطط فااااشلة من قلب لوووووووووووووووووول بس يشكر عليها حرام ماني نكسر فيه 
|
|
صفحات
1 |
|---|