|
صفحات
1 |
|---|
|
12/19/2008 6:54:51 AM
|
eeZee_60
Posts 16
|
مرحباا للجميع
اهذاء للجميع ممكن هذى القصيده تلامس بعض فيكم
اسولفلك عن أيام الشقى في عمري المنساي
وصوّرلك معانـاة السّنيـن وهمهـا الأكبـر
واجي احمل على راحة كفوفي شوقي وبلاوي
رغم كثر الهموم اللي بقلبي شوقـي الأكثـر
كثر شوقي كثر همي كثر عمري الجديد الجاي
كثر طول المسافة اللّي توصّلني بهـا أعثـر
ابيك انت السحاب اللّي كثر ماترتجيه سمـاي
اظلك لين ماتروي غصونـي ونبتهـا يزهـر
ابيك انت عن ايام الشقا بيتٍ يكـون دفـاي
تشب النور لآخـر ماوصلـه الليـل وتيسـر
صحاري مندبة تقطع وصالك دون زاد وماي
وحرّ الصيف واهوال الطريق المسلك الموعر
على ضفة نهر جاري وانا ريقي نشف بظماي
غصوني بادية تذبل وتتساقـط ورق اصفـر
وزادي أصبح العلقم وشربي من دلال شقـاي
رفيقي الليل واحزاني وحظي العاثـر المدبـر
تعاندني الليالي والحظـوظ الواقفـة بدنيـاي
وهم بداخلي يعصف مثل موج البحـر لحمـر
يهزّ بكل ارجائي ..ويتغلغل بوسـط حشـاي
ويسكن بين حدبات الضلوع وينبـت ويثمـر
وانا تارة الوم الوقت وتارة اعذره برضـاي
وانا الايام فـي عينـي بقايـا حلـم يتبعثـر
اعيش العمر من دونك غريب لاوطن منفـاي
حزين رحلتي تمضي على شفة عجاج اقشـر
واجيك بلهفة اشواقي حنينٍ مابلـغ ممشـاي
اترجملك عشق دم الذبيحة بطعنـة الخنجـر
ذكرتك كثر مايطري على بالي عمر منسـاي
وانا مهما بقى فيني نصيبـك دايـم الأكثـر
|
|
12/31/2008 5:09:21 AM
|
nathia
Posts 13
|
تبي الصج أثرت فيني قصيدتك وعجبتني حدها روعه وشكرا على القصيده وأتمنى ماننحرم من كتاباتك وتقبل مروري وشكرا نثيه
|
|
1/11/2009 5:51:52 AM
|
white.heart
Posts 37
|
صح السانك مليون اخوي بس ياريت ما تزعل من اللي بقوله لك تنتبه علي الطباعه شوي لأن في بيت فيه حرف مكتوب زياده علشان لا تكسر في البيت يطولي بعمر ك
القصيده رائعه واللي كاتبها رائع والله يوفقك ونتمني مشاركات اكثر فديتك
اخوك القلب الأبيض
|
|
صفحات
1 |
|---|