|
صفحات
1 |
|---|
|
10/29/2008 10:43:47 AM
|
white.heart
Posts 37
|
يتيمه
قصه يتيمه عانقت صدر الأحلام .. عاش الألم في ما بقي من حياتي
صار القدر موجود في علم الأعوام .. وشال الحزن فيني بقايا صفاتي
نركض ورا لاشي في عالم ايتام .. مسكين يا وقت بها العشق فاتي
اذكر وانا احلامي بها طيف وهيام .. وبعنيها ترمش وتبدا بشفاتي
تبدا معاني قلب للحين ما انظام .. والخلق تنظر لي متي اكتب وصاتي
تقضي الليالي وانقضي العمر قدام .. وامشي وانا احسب نهايت سواتي
جاني خبرها من سود الأيام .. وجفن ضرير صاح بأول سكاتي
وصدر حواه القلب عشمني حطام .. وجسم نحيل طاح قرب عصاتي
وهم فقده امس في خاطري حام .. واطلال بيت الحلم فيها عزاتي
معها ربيع العمر لا شك مادام .. وحزن تلاشي رد مقصده ذاتي
وفي لحظه الحرمان ملبوسها حرام ... غطي جسدها الغض غطوا غناتي
شالوا نعشها ناس حافين الأقدام .. امشي وراهم كن هذي وفاتي
قمت اكتم العبرات والدمع بي قام .. يذرف وانا ابكيه ردوا مناتي
نظره وداع الموت من بعدها صام .. رجل فقد غاليه واصبح يحاتي
وقبل الدفن بأيديني ارخيت اللثام .. عن وجهها شديت منها احسراتي
غطيت وجه حط في قلبي اوسام ... وهلوا تراب الأرض واقبل دعاتي
غضيت طرفي بعدها حرم والزام .. واغمضت عين فيها حلم البناتي
ماتت حياه عشتها مثل الأوهام .. وغابت معاها شمس تزهر نباتي
غديت ماشي راحل في درب الأظلام .. كن الوتد عمري وحظي حصاتي
كني غريب طاف في دار الأعمام .. ورغم القرابه عفت لذه منامي
ودرب مشيته كنه دروب الأعدام ... واثر السعاده جافله عن وطاتي
مالوم طرفي لو جفا النوم مانام ... واللي فقد غالي يسوي سواتي
لمن ذكرها قلب غدا قلبه اقسام ... ما غير افكر فيها حتي بصلاتي
ياالله يا عسي الفردوس الأعلي والأنعام .. منزالها جناتك العالياتي
يا غافر الزله ويا خير علام ... انك تثبتها طريق النجاتي
وتدمح خطايا من تعبدلك وصام .. يوم الحشر نسألك فوز وثباتي
وسلامتك
القصيده للشاعر ناصر بن عبدالعزيز
|
|
10/29/2008 4:03:07 PM
|
sha3er_7zn
Posts 86
|
السلام عليكم
إختيار رائع يالقلب الأبيض وقصيده جدا رائعه
شاعر حزن
|
|
10/30/2008 2:21:27 AM
|
guest_q8
Posts 150
|
صح السانـــــــــــــك القلب الابيض
يا غافر الزله ويا خير علام ... انك تثبتها طريق النجاتي
وتدمح خطايا من تعبدلك وصام .. يوم الحشر نسألك فوز وثباتي
اللهم امين
أحمـــــــــد***
|
|
صفحات
1 |
|---|