|
صفحات
1 2 |
|---|
|
6/17/2014 10:17:09 PM
|
TALAL_4488
Posts 362
|
تحيه طيبه وبعد ..
موضوع النقاش اليوم عن بعض العضوات بالموقع
انا ويمكن اغلب الاخوان حصلت معاهم نفس اللي حصل معاي
اختي ..
سيدتي ..
اذا انتي مو قد اللي قاعده تسوينه بالبحث عن الشريك المناسب
اقعدي بالبيت وانطري نصيبج
يعني قاعد يصير نفس الموقف معاي ودايم يتكرر
تظهر لك اهتمام
وتسولف معاها على اساس انك تبي تتقدم لها وبعد فتره تقولك ترى اهلي ماراح يوافقون عليك !!!!!
انا ابيك ومعجبه فيك بس اعرف انه اهلي ماراح يوافقون عليك اهلي صعب يزوجونك
زين السؤال اهني :
اذا تعرفين اهلج انهم ماراح يوافقون علي او على اي شخص غيري ليش تدخلين الموقع وتضحكين على الشباب وتعشمينهم !
يعني دخولج اهني من اجل الضحك وتضيع وقت الفراغ
كما تدين تداااان
هذا الموقع تأسس عشان التعارف ومن ثم الخطبه
مو موقع عشان تدخلين وتضيعين وقت فراغج بالسوالف
اعرف ناس اهني صارلهم فتره طويله ولا قلت لها بشري عسى لقيتي نصيبج تقولك لا اغلب اللي اهني مو جادين
وانا اجزم انها داشه عشان تسولف وتستانس
مثل مافي بنات يلعبون
هم في شباب يلعبون
ولكن لو خليت خربت
حبيت اسمع ارائكم
وانتقاداتكم
واتقبلها بكل رحابه صدر
|
|
4/6/2015 8:07:35 PM
|
safer
Posts 1
|
أشكرك اخوي الكريم على هالملاحظه الواضحه بالموقع
وبصراحة انا من رأيك
اغلب البنات يبون شي بالخيال
وفعلا تتلاعب وللاسف تقول انا صريحه
واردد كلامك
اذا انتي ماتبين عن طريق الموقع قعدي ابيتكم ونطري نصيبج
أتمنى أتمنى الجديه لكن للاسف
|
|
5/11/2015 2:39:44 AM
|
AA_91
Posts 4
|
للاسف مثل مافي بنات يخربون على بنات، هم في شباب يخربون على شباب.
والله مثل ما انتو تشوفون بنات داشين الموقع يلعبون ويضيعون وقت، نفس الشي اغلب الشباب بالموقع للاسف مخربين على غيرهم داشين يقصون عالبنات ويلعبون.
صج مثل مايقولون الشر يعم والخير يخص.
انا بس مستغربه ليش تدش الموقع وتدفع فلوس عشان لعب، في مواقع ثانيه وبرامج ثانيه و ببلاش حق الخرابيط، ليش الاحتيال والف والدوران!! صج شي ينرفز وايد.
اتمنى التوفيق للكل و ربي يعطي كل شخص بالموقع على قد نيته.
و يعطيكم العافيه.
|
|
5/21/2015 2:05:58 AM
|
sunq81
Posts 1
|
رساله موجه حق الاسباني ريال شكبرك شعرضك داش تغازل بسك الحين سنه 2015 وللحين تضبط
اذا انت مو جاد بالزواج شحقه داش هالموقع الحمدالله والشكر استخفو
سيده يبي رقم يبي صورة وين قاعدين بس يبي يتطمش ع بنات خلق الله ترا احنا
بنات حمايل وسمعه. لا ويحن ويحن يبي رقم مشفوح
ف اتمنا الي مو جاد لايدش الموقع
وشكرا
|
|
5/21/2015 10:54:36 AM
|
anoos226
Posts 1
|
السلام عليكم ورحمة الله وبركاته .. انا عضو جديد في هذا الموقع الطيب .. اللهم اني اسالك خير ما فيه واعوذ بك من اي شر فيه .. واتنمى لجميع الاخوة الاعضاء كل الخير وتحقيق كل امنياتهم وما يصبون اليه .... المهم .. بدي اتجووووز صارلي ست شهور بالكويت وكنت احلم اني رح الافي سندريلا اول ما ادخل البلد ههههه .. ربنا يوفقكم لكل خير يا رب واتشرفت بوجودي بيناتكم
|
|
6/25/2015 3:31:51 AM
|
quoot
Posts 10
|
بصراحه المشكله في مصداقيه الرجل وانا قاعده اشوف انه ياخذ كل شي يخصها وبالاخير يوم الصجيه يتسحب بسكااات!!!!!
وكما تدين تدان خاف الله في كل خطوه تخطيها لازم انك تكون قد هالشي والا لاتدخل عليه من اساس دامك موقادر اتكمل،،،،
|
|
7/13/2015 12:29:50 AM
|
aboabod2015
Posts 2
|
يعطيك العافيه للامانه الرجل في هذا الوقت مجرم الي ان يثبت العكس !! وانا اشوف ان المفترس اليوم هو البنت والفريسه هو الرجل
|
|
7/13/2015 1:47:53 PM
|
quoot
Posts 10
|
شوف اخوي اذا انتم مساكين والحريم مفترسات وش خليت الله يهداك ..؟! انا اقول بصراحه اذا البنت كويتيه واصليه ما اعتقدت اتسوي فيك هالدقات والمواقف اللي صارت لك ..غلطان ...اخوي المصداقيه والجديه والله ما توصلك لهالامور لكن اخلص النيه لله وتاكد ان ربي بيعطيك علي قد مانويت ..وانا سبق وذكرت ان اكثر اللي بالموقع سوريات عراقيات مصريات ....الخ خلي اختيارك صحيح علشان ما تصيرون مساكين ويروح حقكم اهم شي الاختيار الصحيح والقناعه ..سلامتكم
|
|
7/26/2015 9:12:12 AM
|
majmaj1979m
Posts 1
|
صباح الخير للجميع وربي يوفقنا كلنا
|
|
8/28/2015 2:52:29 AM
|
Mak12
Posts 1
|
صباح الخير
|
|
8/31/2015 3:09:55 PM
|
danajor
Posts 1
|
مساء الخير للجميع
أنا مسجلة بالموقع من زمان، لكن للأسف مالقيت أي شخص جاد فيه
طبعا بدون تعميم على الكل ، لكن كل اللي راسلوني كان هدفهم اللف والدوران واللعب
الله يوفق الجميع
|
|
9/11/2015 10:23:14 AM
|
wardelkhal
Posts 1
|
بالعكس اغلب رجال مو جادة و تبي تتسلى و ما همها لا زواج و لا استقرار يقولك جاد بعدين لما يشوفك محترمة يا يبلش يتهرب لا ينتهى بشجار لانو كل همه انو يلاقي بنت غير محترمة يتسلى معها وقت فراغ لاسف اكثرهم مطلقين و عندهم بنات ناسيين كما تدين تدان
|
|
9/27/2015 1:54:43 PM
|
legallyah
Posts 6
|
بكون محايده لأن لكل قاعده شواذ سواء من رجال ونساء والتعليق اللي بذكره بما انني بنت وتجربتي في الموقع مع المشتركين في القله المحترمه واللي فعلا تكون جاده بالطلب وتسعى لكن مايصير في قبول أو اتفاق من الصوبين وهالشئ لا خلاف عليه ...امما باجي الفئات لاحول ولا قوة إلا بالله شئ مخجل للأسف إييلك مربي الأجيال وهو يحتاج لتربيه قبل الأجيال وهاذي مصيبه وطامه كبرى مو بس على الأجيال على المجتمع نفسه شئ مخيف من غير مبالغه حتى يجول في خاطري هل معقول في جذي نفسيات عادي ما همها أخلاق ولا دين ولا مبادئ كل شئ ضاربينه عرض الحائط ؟؟؟؟!حتى أغلب النساء تنظر لمن بلغ سن الأربعين ومعروف أن هالسن هو سن اكتمال وزن وثقل التفكير والعقل لكن اللي صادفتهم من غير تعميم أصبح سن بداية طلب وعيش كل ممنوع ومحرم وكأنه سن انفلات العقل وليس اتزانه !!إذا كبار السن جذي عيل المراهقين والشباب شنو يسوون ؟؟؟علشان جذي قلت شئ مخيف إذا القدواة يحتاج لقدوة فما حال صغار السن ....وبالأخير ما أقول إلا الله يستر على عيالنا وبناتنا ويهدينا ويهديهم لأن الدنيا مو لعب ووناسه وروح لايهمك شي في حساب في موازين في ملائكه تكتب وتحصي والأهم من كل هذا في رب يشوف ولكن جعلناه أهون الناظرين لنا ولا ما وصلنا لهل الحال والله سبحانه مايغير مافي قوم حتى يغيروا مافي أنفسهم البداية والتغيير تبدي من داخلنا ونفوسنا قبل خارجنا ....والسلام ختام
|
|
2/9/2016 8:00:16 AM
|
Mahammad83
Posts 2
|
السلام عليكم ورحمة الله,
الله يعطيكم العافيه جميعا اخواني وخواتي ...
الأمور هذي لازم ناخذه بحلم شوي...
لأن في الموقع أعمار مختلفه وأفكار مختلفه والبعض تنقصهم الخبره وعدم معرفة الطريقه الصحيحه...
ولازم على كل شخص من البدايه يعرف شنو يبي وشنو المناسب له وبعدين يوضح الخطوات لشخص الأخر ويكون مرن ونفس الوقت حازم وصبور.
وشخص الي يروح ويخليك, سبحان الله مو ناصيبك لان مو مناسب لك فلا تزعل...
وعسى الله يوفق الجميع.
اخوكم,
محمد.
وسلام عليكم ورحمة الله وبركاته.
|
|
2/15/2016 8:54:29 PM
|
kuwaiti66
Posts 2
|
أتصور البنات لهم تفكير مختلف بالزواج عن الرجل .. يمكن ما لقوا الجديه
|
|
3/2/2016 4:28:24 PM
|
saaad_saaad1990
Posts 2
|
تعرفت على وحده والأمور مشت اوك لما قلت بدزلكم اهلي قالت ليش مستعيل
وبعدين اهلي ما يدرون اني بالموقع هذا عيل ليش داشته اذا اهلج ما يدرون
|
|
12/24/2016 4:06:01 AM
|
kuwaitknight
Posts 1
|
ترى عادي انه الشخص مايقول لاهله انه لقى نصيبه بالموقع .خو احنا ندري انه مجتمعنه يدور اي شي علشان يأشر ويسولف عليك بالمحافل.ولا مجتمعنه وصل لدرجة الاوبن مايند بحيث يتقبل هالامور.فحدث العاقل بما يعقل. بس للاسف قرأت بصفحة احد الخوات. تقول . )مابي احد يقولي دزي صورتج وخن اشوفج وهالكلام.... نخطب ونخلص وتالي الشوف. :o
|
|
1/24/2017 9:18:06 PM
|
Mahmoo7ooud
Posts 1
|
الله يوفق الجميع ان شاء الله
|
|
3/11/2017 7:59:17 PM
|
alaa123456
Posts 1
|
اخواني الكرام انا دخلت على الموقع و اريد ان اقول شيئا
انا مصري من اصول سعودية و اريد الزواج و العمل بالكويت لاني مستشار اقتصادي
و عمري 42 سنه و لكني رومانسي و مرح جداااااااااااااااا
اتمني ان اجد احد يناسبني مهما كان السن اكبر ام اصغر
و سوف اكون بالكويت قريبا في صورة زيارة تجارية لانه ليس لدي اقامة الان
ادري اني ما راح القي احد يناظرني لاني .................. وشكرا
|
|
9/19/2017 11:57:52 PM
|
jenan76
Posts 4
|
ودي اسأل الاداره الشباب عندهم باللسته وظائف مثل الموجوده عند البنات
لان بصراحه مستغربه ثلاث ارباع الشباب مهندسين ونص هالثلاث ارباع بالنفط والنص الثاني بالمطار
يعني مو معقوله
شلون بكون جديه مع هالناس
|
|
صفحات
1 2 |
|---|