Khitba.com

صفحات 1
	6/30/2011 3:13:30 PM
mubarak.alomair Posts 15	الوتر الرابع اسمو لا لو ضغطت الاصبع الوسطيبديك نغمة سي ولو ضغت على الاصبع التالت بديك نغنة دو الوتر الخامس اسمو فا العرب في السلم السباعي بعملوه صول يعني بوزنوه مع الوتر التاني و الوتر الخامس لو كان موزون على التاني يعني صول حيتحول بالضبط زي الوتر التاني أما لو بقى فا اذا ضغت بالاصبع الوسطي حيديك نغمة صول يلا خلينا بطبق المعلوماتدي لعزف سلم مقام العجم ابدأ من الوتر الرابع الاصبع التالت مضغوط يعني نغمه دو الوتر التالت مطلق يعني نغمه ري يلا اضغط على الوتر التالت بالأصبع الوسطي عشان تجيك نغمة مي واضغط على الوتر التالت بالاصبع التالت يعني نغمة فا الوتر التاني مطلق وهو صول الوتر التاني الاصبع الوسطي مضغوط يعني لا الوتر التاني الاصبع الرابع يعني نغمة سي الوتر الاول مطلق يعني نغمة دو لو طبقت الخطوات دي بتديك سلم أو مقام اسمو مقام العجم الكتير من الغناء العربي على المقام دا حتعزف غناء دول المغرب العربي والشام والخليج ومصر المهم لابد من دراسة المقامات تعلم العزف على الة العود على اسس صحيحة تعلم العزف على الة العود على اسس صحيحة لابد من دراسة المقامات حاولوا تتبعوا السلم الموسيقي زي تمرين في البداية وبعدها الحركة والسرعة بجوك براهم يعني حتلقى نفسك اتبرمجت بي مجرد انك تتقطق اصابعك وريشتك وما انت في حاجة ليهوهو تمارين تكنيكية ابدأ العزف نغمة نغمة نزولا بالسلم الموسيقي ( الجواب ), ( فا , صول , لا , سي , دو , ري , مي) القرار ( فا , صول , لا , سي , دو , ري , مي ) وترجع بي شكل عكسي صعودا وطوالي كداا ما تستعجل تعزف الاغاني حاول انك تسمع الشجن بضربك على الاوتار لحدي ما تضمن انك طلعت من العزف العشوائي وبعد دا التمرين على القرار والجواب حاول انك تعزف القرار والجواب بي كل اشكاله وفي فتره قليله حتشعر انك قادر على اللعب في العود و التنويع في العزف وتشيل العود تختو وراء ظهرك زيما ما بعمل النعام آدم مع الطمبور او تعزف يمين وشمال وعقبال ماتألفوا مقطوعات موسيقيه وما تشوف نفسك انك ما بتقدر وما تقلل من امكانياتك ابدا زيك وزي غيرك من الناس بعد ما تعزف حتى بعداك بجي في النهايه دور الاغاني ودور التطبيق على الأغاني وما عليك الا انك تقلب في موقعنا هنا مزيكا سودانيه وانكت اغاني بالعود لي مصطفى سيد احمد ومحمد الامين وابو داؤود وبشير عباس وغيرهم من عباقره الطرب السوداني وشوفهم بعملوا في العود دا شنو تعلم العزف على الة العود على اسس صحيحة تعلم العزف على الة العود على اسس صحيحة آله العود للمبتدئين آلة العود للمبتدئين الافضل تتكون من خمسه اوتار التلاته الاولى قرار والاتنين االتانيين جواب وقوموا بتخطيط العود من عند اخر الرقبه بشكل عمودي باربع خطوط كل خط يبعد عن الاخر خمسه سم تقريبا عشان تخلي اصابع اليد الشمال في المكان الصاح في حاجات حتكتشفا بي مرور الايام والتمارين زي المقامات والاختلاف بينها والسلالم الموسيقيه لكل منها و البيمول والنصف بيمول والدييز والنصف دييز بنفعك تخطيط العود في الشي دا عشان تقدر الدييز والنصف دييز او البيمول والنصف بيمول ودي طريقه علميه اكتر فيها الكتير المقتبساهو ليكم وشئ منها بي توضيحي طريقة شيل العود: لما تشيل العود خلي وجه العود يكون عمودي وغير مرئي للعازف ولدعم وزن العود بالفخذ والذراع الايمن عشان تكون لليد اليسرى حرية الحركة حول لوحة الاصابع " زند العود"، في البداية يبدو انو شئ صعب شديد ولكن في الواقع هو أسهل من كدا بعد التمرين إذا كانت طريقة مسك العود بالطريقة الصحيحة بدينا صوت نغمة أوضح بي كتير من مسكو غلط
	7/3/2011 2:39:02 PM
mhmmd Posts 69	استاذ مبارك تحية لك اتمنى اذا بالامكان من خبرتك تشرح ايش هي الميزات اللي لازم ننتبه لها لما نشتري عود .. يعني نوعية خشب العود الحجم و الاطوال الثقل المنشأ و الخ و من وجهة نظرك اي الاعواد اللي هي مناسبة للتعلم و اللي تناسب عزف ما بعد التعلم
	7/3/2011 7:14:34 PM
mubarak.alomair Posts 15	ياهلا وغلا فيك اخوي محمد العود في منه انواع على حسب نوع الخشب والملمس اذا خشن او ناعم العود اهم مافي الصوت يعني اي عود يصلح حق التعليم بس حق العزف يبيلك تتعب شوي بالسعر علشان اتيب العود احسن انواع العود بالكويت سالمين سعره يبلش معاك من ٦٠ وفوق =) عندك انواع الاوتار بعد في انواع مختلفه اما من ناحية الرقبه طويله اتكون مسافات العود اكبر شوي
صفحات 1

|