|
صفحات
1 |
|---|
|
5/5/2011 10:42:20 PM
|
Blue_Love
Posts 3
|
السلام عليكم ..
حبيت اهديكم هالقصيده ..
عن البنات اللي يحطون مكياج و ان شاء الله تعجبكم
يـا صانـع المكيـاج الله يجـازيـك
خليتني مخـدوع فـي شكـل خلـي
الله يحـرق مصنعـك مـع مبانيـك
والمعرض الموجـود في بيكاديلي
ادعي عسى تعمى وتنشـل رجليـك
هـذا دعائـي دوم لا جيـت اصلـي
خليتني اركـض ورا البنت هاذيـك
واشوفها اجمل غـرام ٍ حصـل لـي
قلبي عشقها يا(جيفنشي) توماتيك
وان شافها قلبـي يرحـب يهلـي
هي رحبت بـي وقالـت الله يحييـك
وقالت هلا باللي عشق زيـن شكلـي
وقالت انا اجمل بنت في اللي حواليك
شف حسني الاخاذ وروجي العسلّـي
طالعتها ثـم قلـت هالقلـب يبغيـك
ومن شاف حسنك خلى غيرك يولـي
ابغي اشوفـك دون مكيـاج يكسيـك
وابغـي اشوفـك بالجمـال المحلـي
قالت تبينـي افـرك الوجـه تفريـك
واشيل هالبـودر وروجـي وكحلـي
قلت أي نعم قومي عسى الروح تفديك
ابغـي جمالـك هالطبيعـي يهـلّـي
قالت دقايق راجعـه لـك واراويـك
ذاك الجمـال اللـي لعينـك يسـلّـي
ويوم رجعت لي شربكتني الشرابيـك
وحسيت الارض تدور وانـا بمحلـي
الخد كنه يا(جيفنشـي) سيراميـك
والوجه شارع مثـل شـارع حولـي
الوجـه كنـه بيـت كلـه شبابيـك
من هالحفر في وجهها اللـي يعلّـي
كلـه سبـب مكياجـك الله يجازيـك
خليتني مخـدوع فـي شكـل خلـي
ونصيحتي لكل شاب من غير تشكيك
لا لا اتسـرع ثـم تنغـش مثـلـي
اللـي بـلا مكيـاج خلهـا حواليـك
واللـي تحـط مكيـاج خلهـا تولـي
و سامحوني يالبنات ..
و بانتظار الردود ..
و شكراً
|
|
9/15/2011 8:06:05 PM
|
ketkat
Posts 15
|
هههههههههههه حلوة عجبتني مع اني بنت بس ما اترس روحي مكياج لكني معاك انه المكياج يخرب الويه زيادة ما يعدله واحسن شي الوحدة تروح جلدية تعالج ويهها واذا جيكرة تسوي عملية تجميل لله علشان الناس ما تخترع منها اما الرياييل لو سمحتو وخرو كروشكم و لا تبينون ريولكم الخايسة اللي متروسة شعر وتلبوس هالشورتات المشيرة جنكم رايحين هاواي ولا تقلدون البنات وتحفون حواجبكم عيب
|
|
1/26/2015 6:00:01 AM
|
Kitty_232
Posts 16
|
هههههههه أختي المكياج مو عملية التجميل وانما هو حق ابراز الجمال الطبيعي ، انا افضل شي خفيف على الاقل لو واقي شمس ومرطب شفاه ، حرام بشرة البنت حساسة والشمس حارة ماترحم ، لو طلعت عالطبيعة من دون شي ممكن يسبب لها حساسية وحروق من الشمس، بس انا ما اشجع مكياج وايد ، شي خفيف يحمي ومايلفت النظر
|
|
صفحات
1 |
|---|