|
صفحات
1 |
|---|
|
5/6/2010 11:55:40 AM
|
KUWAITYBRONZY
Posts 206
|
بدووون خجل هل تفعلينها لوطلبها منك ليلة الدخله؟؟؟!!!!
قصة واقعية حصلت في ليلة الدخله
اول شي انا وضعت هالقصه
لعرف ماهي ردودكم على مافعله هذا الرجل بعروسه
اليكم القصه ..
شاب راح يخطب وحده وتمت الموافقة على الخطبة ومن ثم الزواج المهم ليلة الدخلة بعد مادخل صاحبنا شقته مع زوجته وإلاموبيله بيرن ويقوم صاحبنا يرد علىالموبيل ويدور الحوار التالي :
الزوج : الووووو
المتصل : السلام عليك، كيف حالك يا (فلان) و ألف ألف مبروك
الزوج : وعليكم السلام وينكم يا انذال ماحضرتوا الحفل يا تعبانين
المتصل : والله تعطلت علينا السياره في الخط وحنا جايين عندكم ووصلنا وسألنا عنك قالوا انك رحت مع المدام والحين حنا راجعين الديره
((طبعاً الديرة تبعد حوالي 300 كم))
الزوج : المهم تعشيتوا
المتصل : لا والله
الزوج : كم عددكم ؟
المتصل : عشرة
الزوج : اقولك (حرام وطلاق عشاكم الليلة عندي) قل تم
المتصل : يا ابن الحلال مايصير انت عريس جد و.. و..
المهم مافيه فايده الزوج مصر الا يتعشون عنده
الزوج : يالله انا انتظركم مع السلامه
وقفل الخط
الزوجه المسكينه ما هي مصدقه اللي سواه زوجها ليلة الدخلة ثم قال يافلانه انا رايح السوق وراجع
((على بالها يبي يجيب عشاء جاهز))
بعد ربع ساعه رجع الزوج ومعه اغراض العشاء
قالت الزوجه وش ذا
قال الله يسلمك قومي سوي العشاء لزملاي في العمل جايين من بعيد ولا تعشوا
،،،وفي أثناء الحوار،،، والا الباب يدق
قال هم ذولا وصلوا يالله همه يا مره وراح عند ربعه يقهويهم....
المهم المسكينه في المطبخ تقطع البصل والطماط بفستان الزفاف وعيونها تدمع وتقول في نفسها ( بكره بأرجع عند اهلي من الفجر واطلب الطلاق) المسكينه سوت العشاء وتعشوا وراحوا لديرتهم المسكينه متضايقه
والمفاجأة ... ؟؟؟؟؟؟؟؟؟؟
/
/
/
/
/
/
يدخل زوجها عليها ويرمي لها (50000) خمسين ألف دينار قال هذا حقك قالت يعنى ايه حقى قال الرهان اللي بيني وبين زملاي العشرة على كل واحد
(5000) بأنك تطبخين ليلة الدخلة وش يكون ردة فعلك موافقه والا .. لا وانتي من كسب الرهان وتمت ليلتهم على خير وصاروا اسعد زوجين .........
هل تفعلينها لوطلبها منك ليلة الدخله؟؟؟ 
تحياتي،،
~KUWAITYBRONZY~
|
|
6/6/2010 8:46:24 PM
|
dalo3atmamtha
Posts 5
|
واااااااااااااااااااااي حدها عجيبه القصه يعطييييييييك العافية
|
|
6/11/2010 6:22:13 PM
|
ah.otaibi
Posts 5
|
والله الزوج نذل وربع أنذال .. أعرض زواجي وسعادتي مع زوجتي عشان رهان وعناد شباب طيش .. والله مسخره ومهزلة
بس الشره على الزوج اللى مسمي نفسه زوج .. وقبل بتعريض حياته للمراهنة .. اذا هذا اولها الله يستر من تاليها.
المرأة لا تريد ماله .. المرأة تريد احترامها ... شنو يغنى المال عن اللى وقع في نفسها لما دخلت المطبخ وان هذا الرجل ما قدرها .. وفي الاخير طلع مراهن على زوجته
صج ما يستحي ولا ينتخي
|
|
6/15/2010 2:43:31 AM
|
KUWAITYBRONZY
Posts 206
|
يسلمو ع المرور ..
|
|
7/1/2010 4:26:15 AM
|
oza
Posts 23
|
اي اسويها عادي لو صج الموقف طبيعي بس مراهن؟؟.. ولما ادري انهم متراهنين بزعل وبقط فلوسه اللي فرحان فيها عليه.. لعبه انا عندهم ماكو شغل ترى الا مراهنهم .. واللي يسوي جذي بزوجته ماعنده ثقه بنفسه.. بدال مايقول لربعه فارقو بس هذي ليلة عمري مابي اطوفها .. مالت عليه وعلى ليلته اللي نفس وجهه 
|
|
7/1/2010 6:49:09 PM
|
Meeem
Posts 22
|
استغفر الله
مراهن على امر تافه ...!!
معناته منعدمه الثقه من اولها .. ولو مرته ماسوت العشا هل كان بيطلقها ..؟
صراحه كلش ماعجبتني القصه .. اللي يسعى ورا الفلوس معناته مو قد الثقه
|
|
12/8/2013 7:41:22 AM
|
Nasser63
Posts 8
|
بدأت القصة على رهان وهو حرام!!
اذاأين السعادة ??
هل السعادةالتخلي عن المبدأ وهل الاموال تسد حلج المرأة??
|
|
12/28/2014 5:23:28 AM
|
ahkf_4
Posts 4
|
على جذي بنقضي حياتنا مراهن..اهو من ربعه وانا من رفيجاتي.وهاات يافلوووس..بس بشرط مااكون متراهنه على احد..لان بصراحه مابي اقط فلوسي
|
|
1/13/2015 11:12:07 AM
|
momoalbobo
Posts 2
|
السلام عليكم ورحمة الله وبركاته
قصة طريفة ولكن غير مفيدة
الرهن حرام اولا، الزوج بدل ان يتمتع بحياته الزوجية من اول يوم ويبدأها بذكر الله والشكر لله والدعاء، هل تعرفون ان الدعاء في هذه الليلة مستجاب؟
الزوج يعمل عمل تافه وليس له اي طعم ولا فائدة، الاسف هو على هكذا اصدقاء بدل ان ينصحوه ويتمنوا له الخير يراهنون على زوجته.
كيف اراهن على زوجتي وهي شريكي في حياتي بكل شيء على حساب اصدقائي!!
اتمنى للجميع الحياة السعيدة
تحياتي مهند
|
|
1/26/2015 5:51:49 AM
|
Kitty_232
Posts 16
|
أنا لا ما أسويها ، أخرب فرحتي شهر العسل بموقف مثل هاي الموقف علشان فلوس ، بداية الزواج أبي أستانس وأسافر ما أبي أطبخ حق عزايم
|
|
6/12/2017 10:54:47 AM
|
al6aawil
Posts 4
|
ههههه ياعمي ماسويها هذي احلا ليلة في العمر اصلن تلفوني بصكه بعطيه اجازه طويله
|
|
صفحات
1 |
|---|