|
ندمت على معرفة أحد الاشخاص ؟؟؟؟...... موضوع للنقاش
|
غاسل ٍ كفي من مصافحة بعض اليدين
وقافل ٍ بوجيه أهلها صناديق البريد
وشايف ٍ شي ٍ لي أعوام مالي فيه عين
وقاطع ٍ خيط الهقاوي بسكين الوكيد
وخالص ٍ من طيب ضن ٍ موهقني سنين
وظاهر لي عقب عرف العرب عقل ٍ جديد
وطايح ٍ من عيني ارجال عندي كان وين
وحاقر ٍ منهو يقيس الأوادم بالرصيد
ومحتمي ٍ من غدر الأصحاب في حصن ٍ حصين
ولابس ٍ لرماح الأقراب ثوب ٍ من حديد
وماضي ٍ مني على اللي تمشيني يمين
ما تجي منهو قريب ٍ والى احتجته بعيد
المواقف تشخل الناس والطيّب يبين
كل عام يطيح تسعه ويصفا لي وحيد
اشهد أن خير المدارس تجارب الأولين
واشهد ان راي التجارب هو الراي السديد
واشهد اني للبلاوي على الدنيا مدين
كل ما راجعت نفسي طلعت المستفيد
|