|
8/16/2012 12:52:04 AM
|
|
كتاب : أعظم 100 شخصية في التاريخ
|
كتاب مايكل هارت "المائة الأوائل" بالفعل من اروع ماقرأت.. انصح الجميع فيه
|
|
8/16/2012 1:03:27 AM
|
|
افرحوا يا عوانس ويا مطلقات ويا ارامل
|
سارة احتسبي الاجر يا اختي ، وصدقيني على نياتكم ترزقون ، الجاد اللي خايف ربه الله بيعطيه على قد نيته ، واللي داش لعب وشماته هم بياخذ نصيب سيء مثل نيته السيئة .. ومنو يقولج ان الناس اللي جذي الله بيعديها لهم ؟ يمهل ولا يهمل.
المشكله ان عبالهم ان الوحده قعدت عند اهلها لانها شينه ، مايدرون ان البنت عندها كرامه والسالفه مو خذوه فغلوه ، وبالتأكيد ماراح تقط روحها على اول شاب مواصفاته مريضه .
|
|
8/16/2012 2:07:46 AM
|
|
إكذب ثم اكذب حتى يصدقك الناس
|
السلام عليكم ..
ارحب فيك اخوي عبدالله ، ومشكور عالموضوع ،
اولا الزين والشين موجود بين الشباب والبنات ، بس انا باعتقادي الجاد ليش يجذب ؟؟
شنو الفايده في النهاية من الجذب ؟ هل راح يندمر لهالدرجه بشخصيتج او البنت تتحطم بسخصيتك
لدرجة انهم يقبلون فبعض بدون تفكير ؟؟!
اكيد لأ ..
اذن اللي يجذبون في بروفايلهم لابد انهم مو جادين من الاساس ، وللاسف الكثير ماخذين فكرة مو سيئة الا منتهيه عن هالمواقع !
اي ليييش؟ وين الغلط بالموضوع ؟ شنو فرق الاجانب عنا بتفكيرهم الواعي ؟ الزواج مو لعبه ، وانا بالنسبه لي ماقدر اقول للريال تعال
اخطبني باجر ، لا بالعكس مثل ما اهوا يبي بنت سنعه هم انا مابي ريال انصدم فيه باجر بس عشان انا تأخرت بالزواج ، لان البنت
المفروض ماتكون راخصه روحها بهالطريقه الا لما تعرف الريال عدل من اسلوبه ، وشوي شوي ان ماحست او اهوا ماحس ان في توالم
ساعتها يادار مادخلج شر .. اخوان وتشرفنا فبعض وكلمن يتمنى التوفيق للثاني ..
بالنسبه لسالفة الشوفه اخوي اهي بالفعل حق ، لكن الواحد لازم مايستعيل فيها الا لما يكتشف اسلوب الاخر .. ميخالف الموضوع يبيله طولة بال
وصدقني الجذاب مايقدر يمثل مدة طويله ، بسرعه بينكشف لك ، ومن حق الواحد يختار المواصفات اللي يبيها مو غلط !
حتى بالنسبه لنا احنا البنات ، اقرا بالمنتدى تعليقات غريبه .. ان البنات يتشرطون ! اي ليش ما اقول اللي في بالي واحط المواصفات اللي ابيها بشريك الحياة ؟
ليش هذا مو شخص بيحاور عقلي باجر ؟ مو لازم يكون في تقارب بالاطباع والافكار والمستوى التعليمي ؟ وبالشكل ايضا ؟؟ ان لقيته الحمدلله وان مالقيته بعد نصيب ،
وما اعتقد الجذب هذا مكانه ، لان احنا مو داشين نلعب ، وبالنسبه لي انا اعتبر فكرة الموقع جدا راقية ، بس احنا اللي نسيء استعماله .
والله يهدي الجميع ويوفق كل ريال وبنت نيتهم صافيه
|
|
1
|