|
ما سبب ارتفاع نسبة الطلاق بالكويت
|
jinger كتب:
الأسباب كثيره وأنا أشكرك على طرحك الموضوع برأيي ؟؟
أولا : تدخل الأهل وهذا الأهم وتدخل الأهل قد يكون من أهل الطرفين وحشريتهم ومو مخلين الزوجين بحالهم - وهني إذا الزوجين أذكياء يقدرون يتحاشون هالشيء عن طريق قضاء حوائجهم بالكتمان - وقد يكون من الزوجين نفسهم انهم ما يخشون اللي يصير بينهم وهني الطامة الكبيرة اللي تسبب الأزمة لأن الرجل أو البنت مهما شرحوا لأهلهم السالفة؟؟ ما راح يفهمون الوضع عدل وحتى تلقى لو المراه والرجل تصالحوا الأهل ما زالوا معصبين ويطالبون بتبرير ليششششششششش؟ رديتوا ؟ قص عليج ؟ أو قصت عليك ؟
ثانيا: أنا برأي استعجال بعض الأزواج بالطلاق وأخص الرجل خصوصا، لأنه بيده العصمة- يعني مشاكل بسيطة تطلع من المرأه ماله خلق يتحملها من سوالف بعص الحريم الغثيثه تطق جبده ويقول مابي زين وانتي طالق- هي صحيح مشكله لكن عمر الهروب ما كان مشكلة- لازم الانسان يتعلم يواجه مشاكله ويعدلها خاصة إذا كان بينهم عيال- يعني البعض للأسف ما يفكر شنو يأثر هالشي على الأولاد وإن كانت الزوجة نوعا ما عسره- ونفس الشي بالنسبة للمراه ساعات تلقى عيب بسيط ويكبرون مخها على قلب زوجها على شغله تافهه- ما ياب جنطه ماركه أو ما سفرها تستانس ؟ وتصير بالنسبة لها هالمشكله أزمه العمر- أنا اقول الزوجين مسئولين أمام الله تعالى - فخافوا الله بينكم وبين بعض وكبروا العقول.
ثالثا:هناك أسباب تستحق عليها الطلاق- كنشوز الزوجه أو أذى الزوج يكون مثلا سكير أو مدمن أو يطقها وتكون ساعات الحياه مستحيله وقد تكون هناك ظروف أخرى من الجانبين- مثل عدم القدرة على الانجاب
وشكرا
|