|
12/28/2008 6:39:28 AM
|
|
أمـــيـــر الـــمـــشــاعــــر
|
هالحين توك تجي عقب الغياب الطويل.......تـوك تذكـر غــــــلاي ورغـبتك بالـوصـال
هالحين توك تقول إن الصبر مستحيل......هالحين عقب البطا..حطيتني راس مال
وينك يوم إن المدامع من فراقك تسيل؟.....وينك يوم إن المشاعر لك تنادي تعــــال
وينك يوم إن الزمن صار بوصالك بخيل.....وينك يوم إن التسامح والعذر له مجــــــال؟
وينك يوم انك لروحي بالمحبة عديل؟......وينك يوم انك تغار من البطــــــــا بنفعال؟
وينك يوم انك بقربك عندي أغلا خليل؟......وينك يومني قبل معطيك حــــب ودلال؟
هالحين صار الزمن في ترك حبك كفيل......خلاص مات الشعور اللي بقلبي وزال
هـالحـين حتى كـلامك صار دمه ثقـيل..ما هـو مثل قبل عندي بالحلا والجمــــــال
الله احسبي عليك اللي نكرت الجميل ..ضحيت في حبك اللي كان كبر الجبــــال
طـولت بالـبعـد لين إن الغـلا جا قـتيل..والبعد لا طال يمحي الحب ما به جـــــــدال
طولت في غيبتك واليوم هذا الحصيل....جاب المحبة..برود..وقبل كان اشتعـــــــال
هالحين ما عاد يرجع حبنا يا جميل.....هذا غلا والغـــــلا ما هــــــوب روح وتعـــــال
عقب الكثير بغرامك ما اقتنع بالقليل.....من عاش بالزود صـــار النقص عنده محال
وقت قضيته معك بالحب ما له مثيل.......ضيعت لذة هواه..وطعــت قيلـــــن وقـــال
كنت احسب إن الزمن لو مال بك ما تميل.....لكن طلعت الضعيف اللي مع الوقت مال
راجع غرامك قبل اليوم واخذ الدليل.....شلي تشوفه بوضعك من يمين وشمــــال
اليوم صار الصبر عندي لحبك بديل......إن جيت وان رحت صار الوضع عندي عدال
عش في غيابك مثل ما عشت عقبك عليل...ولشتقت حاول تذكر ما ضيات الليال
إما الرجوع لهوانا قبل ما له سبيل....دامك صبرت أول......اصبر خل معك احتمــال
واصل غيابك..وكمل نيتك بالرحيل......دام المحبة قضت..مالك ومــــــا الوصــــــــال
|
|
3/10/2009 4:57:46 AM
|
|
أمـــيـــر الـــمـــشــاعــــر
|
كتبت الشعر من قلبي وخطّيته ...... على صفحات تنزف حبرها الدامي
كتبته.. والشعر من يوم ناديتـه......... لفانـي.. وحـطّ معنـى القـاف قدّامـي
وانا من خيرتـه طبـت وتنقّيتـه........ وميٍّـزت الحـروف بلحـن وانغامـي
وجاذبتـه ..وخفّضتـه.. وعلّيتـه .......... ورتّبتـه.... وخطّيتـه بالاقلامـي
ولي ما يستـوي بالشعـر سوّيتـه...... وفـي شعـري تحقـق كـل الاحلامـي
عطاني الله زمامه ثم تلّيته......... وطاوعني ولا يرفض لي أحكامي
|
|
3/10/2009 5:05:35 AM
|
|
أمـــيـــر الـــمـــشــاعــــر
|
يا مَطوَل الليل يوم اتكون وحداني....... ويا مَضيَق النفس يوم ايغيب غاليها
ويا مصعب الدار دون اهلي وخلاّني...... ويا مَكرَه العيشة اللي عايشٍ فيها
لا فرق بين الفرح والعيد واحزاني......... حتى المعيشة تكَدّر طعم صافيها
ما تمّ لي من دياري غير الألحاني............. لي دايم أنشد قوافيها وأغنّيها
وين المكان الذي يحكي بما كاني............... والذكريات التي دايم أراعيها
حلمت بالبيت شفت النخل عطشاني......... والماي وديان يجري من حواليها
وحلمت بالسيح شفت السمر ولهاني......... والحرمل ايفوح من حرّة لواظيها
وحلمت بالأهل قالوا: وينك فلاني؟ ........... غرفَتْك للحين ماحد ساكنِ فيها
وعقب العصر أذن المغرب وناداني....... "الله أكبر" غروب الشمس يدعيها
الناس صَلّت وانا بالقاصي الداني....... إلحق تلاحق على فروضك تصلّيها
وين الجماعة و وين الربع واخواني؟......... وين الإمام الذي كَبّر ويبديها؟
أصحى من الحلم قبل ايثور بركاني............ وأعود قبل البدايه في تواليها
أنا وصلاتي وتسبيحي وقرآني.............. وتجاربٍ لازم الانسان يحويها
|
|
9/3/2010 5:30:07 AM
|
|
أمير الحب
|
ثــلاث حـبـات خـالٍ حـول مـبـسمـهـا ==والـمـنـهـل الـعـذب تـكـثـر حـولـه الـزحـمـه![]()
|
|
9/3/2010 5:30:50 AM
|
|
أمير الحب
|
انـا بـلـيـت بـحـبـهـم مـن هـبـالـي == والا انـت ظــل مـالـنـا فـيـه مـقـيـال
|
|
9/3/2010 5:31:28 AM
|
|
أمير الحب
|
يـمكـن لـونـه يـلـمـس الـجـرح بـيـديـه == يـسـتـغـرب ان اللي لـمـسـهـا طـعـونـه
|
|
9/3/2010 5:32:57 AM
|
|
أمير الحب
|
احب الصدق واعمل به كسبت او كنت انا خسران == ولو صدقي يخسرني تـشرفـنـي خساراتي
|
|
9/3/2010 5:33:50 AM
|
|
أمير الحب
|
بـعـض الـعـرب مـن روحـتـه يـطـرب الـبـال == وبـعـض الـعـرب لاراح قلبك يـشـيـلـه
|
|
1 2
|