|
11/26/2008 5:41:39 PM
|
|
هل ترضين أو هل ترضى تفحص نفسك قبل الزواج
|
انا بعد من أشد الموافقين على موضوع الفحص الطبي قبل الزواج
علشان يكونون الزوجين على علم بالأمراض الوراثيه اللي من الممكن انها تنتقل لعيالهم
مع ان واايد من الرياييل ما يرضون انهم يفحصون قبل الزواج مع ان انا ما اشوف ان الفحص فيه شي او انه يقلل من رجولتهم و لكن ارد واقول ان البعض و ليس الكل
و من وجهة نظري ان من الافضل قبل لا يتم عقد الزواج ان يخضع الطرفين لفحص طبي علشان يكونون بأمان و ما يعيشون بخوف على مستقبل عيالهم الصحي لا سمح الله
edited by pinky7 on 12/7/2008
|
|
11/26/2008 5:49:42 PM
|
|
حتى تكون أسعد الناس ....دكتور عايض القرني
|
مشكور على الموضوع الرائع
وبصراحه الدكتور عايض القرني اكثر من مبدع
و بصراحه مؤلفاته اكثر من روعه و اكثر كتاب عجبني من كتبه
كتاب لا تحزن واايد حلو و انصحكم تقرونه 
|
|
12/20/2008 12:14:17 AM
|
|
أدوية الرجيم
|
السلام عليكم ورحمة الله وبركاته
الله يبعد عنا وعنكم جميع الامراض و خصوصا مرض السمنه فالسمنه بيت الامراض
والله يكفينا شر ادوية التخسيس اللي اسميها ادوية التفليس لان معظمها اسعارها عاليه
و ما منها لا فايده ولا عايده و انا عندي احسن شي علشان تخسر وزنك تمشي على الاقل
نص ساعه باليوم و التقليل من المأكولات الدسمه اللي مليانه دهن يسد النفس و يقعد عالجبد
و المهم ايضا شرب الشاي الأخضر و تناول وجبه عشاء خفيفه مثل الفواكه او بلاها يكون احسن
و صدقوني راح تلاحظون نزول بأوزانكم و اتمنى للكل التمتع بجسم رشيق و حياة صحية
|
|
3/30/2009 6:49:48 PM
|
|
ما سبب ارتفاع نسبة الطلاق بالكويت
|
بصراحه بالآونه الاخيره انتشرت بشكل كبير مشكله او ظاهره الطلاق و بصراحه بكل عايله لازم تلقى شخص مطلق وانا من وجهة نظري المتواضعه اشوف ان سبب انتشار وتفشي هالمشكله بالكويت أهو ان شبابنا و بناتنا ما عادوا قادرين انهم يتحملون المسئولية مثل شباب اول و من اول مشكله تواجههم على طول يفكرون بالطلاق و في احيان الاهل يشجعون ولدهم على انه يطلق زوجته علشان يتخلص من المسئوليه اللي مو قادر يتحملها و حتى البنات ممكن يكونون اهم السبب في انهم ينهون حياتهم الزوجيه نهايه مأساويه و هي الطلاق من خلال كبريائهم و تعاليهم او حتى من خلال إلقاء ظل النكد على حياتهم من الطلبات التعجيزيه اللي يبون يتفاخرون من خلالها على حساب الزوج و ارغامه على انه يقترض علشان فلانه تقول والله زوج فلانه اشترالها عقد الماس و فيلا في هاواي ولا غيره من الامور اللي تؤدي الى ان الزوج يقترض علشان يقدر يوفر هالأشياء و بالتالي يكره الزوجه من كثر طلباتها اللي ما تنتهي و انا اشوف ان السبب الغالب اللي أدى الى ان الطلاق ينتشر في الكويت طلبات الزوجات التعجيزيه و اهمال الزوج و ايضا عدم تحمل شبابنا المسئوليه لان مو كل البنات يبالغون في طلباتهم و مو كل شبابنا ما يحملون المسئوليه في من الشباب اللي صج ينشد الظهر فيهم .
|
|
1
|