gem - جميع رسائل المستخدم
12/1/2008 12:18:09 PM
رايكم بنات ... :) واحد حاب يونس مرته !!( هين ) راجع البيت و قال لها .. انا بنهاية هالاسبوع راح ابسط نفسي واااايد
قالت له اشلون .. قال لها حجزت في المنتجع لنهاية الاسبوع كامل و ل 3 اشخاص
قالت له اللللله ... بس احنا اثنين منو الثالث ... قال لها انتي و امج و اخوج
الله ياهو مندق من قلب منهم و قاعدين بنخاشيشه مو بس على قلبه
--------------
واحد رايح المطعم مع زوجته ... لاحظ زوجته مركزة وايد على ريال قاعد يشرب وايد و حده سكران ... قال لها تعرفينه ؟؟
قالت له هذا زوجي الاول ... قال لها ما كنت اعتقد ان الاحتفال بالطلاق هالكثر حلو اللي صار له 5 سنين يحتفل و ما شبع
---------------
المراة النقاقة ( الحنانة ) تقتل مو بس زواجها من زوجها ... تقتل حتى ان كان له علاقات من اي نوع ... صداقة .. تجارة ... الخ .. من كثر ما تأزم له حياته و مزاجه
المراة الحنانة يقابلها الزوج المتروس نحاسة و انانية ... هذا يطرد حتى الملائكة من البيت ( مبالغة ) لا يذر حجرا على حجر في بيت الزوجية .. و يتلف الرومانسية و المحبة و كل مشاعر جميلة بقلب المراة تجاهه و قد تصل الى تجاه نفسها فتقدم على امورخطيرة بشكل هستيري
الخالات ... الله ياهم بالغالب طاردي فرح ( حريم مو قلنا ؟؟ ) لازم تلوع جبد الولد من مرته او البنت من زوجها
تجارب وايد مرت علي ... الحل كان بموقف واحد ... انشالله يمة !! ما يصير خاطرج الا طيب ... يعني مطاوعتها بس ما يظلمون الطرف الاخر
و المماطلة الى ان تتفهم الامر شوي شوي .. و بعضهم ما يتفهمون .. فيوضح لها بنتها او ولدها ان هالامر ما يجوز و يغضب ربنا و ... الخ
المهم ان يكون للانسان هني شخصيته القوية و الواعية اللي تحفظ لنفسه و لبنت الناس ( زوجته ) حقوقهم كاملة قدر المستطاع
تحية
12/1/2008 4:53:05 PM
ممنوع الدخول للبنات !!! ما عليه اخ فلفل و شركاه ... اقصد اصدفائنا اللي متعاونين معاي و معاه
و حتى اعداء فلفل اللي منبطه جبدهم منه ,,, اقصد البنات
اعطيكم شي شوي مليق ... قولو دام مليق خله لك ... بس ما قلتوا
هم ممكن يكون قديم شوي لناس بس لناس اخرين لأ
--------------
6 Truths of Life
1. You cannot touch all your teeth with your tongue.
2. All idiots, after reading the first truth, will try it.
3. And discover that the first truth is a lie.
.
.
4. You're smiling now because you're an idiot.
5. You soon will forward this to another idiot.
6. There's still a stupid smile on your face.

I apologize about this. I'm an
idiot and I needed company...

كلام للترقيع من الاخ
HAVE A NICE DAY
طبعا اعتذر عن بعض الكلام ... بس نزلته مثل ما وصل دون تغيير
هاف أ نايس داي ,, على قولته
12/1/2008 6:30:24 PM
اساليب رومانسية رووووعه في الجمال شوف هالرومانسية اشلون تطير يا بو وليد

واحد طلع له جني قال له لك امنيتين .. طلب فلوس و احسن مراه ... عطاه الفلوس و الام تريزا ( القسيسه الهندية العجوز اللي حصلت على جائزة نوبل للسلام ..) الريال ما حدد طلبه عدل !! فانبتهوا على الاقل و انتو تخطبون لازم تحددون متطلباتكم حيل حيل علشان لا يعطونكم عايشة الكيلاني

شنو اجمل خبر و بنفس الوقت اسوء خبر ممكن تسمعه من حبيبتك .. انك احسن واحد بربعك تبوس ( ووووووووووبس )

اذا ما عندك زوجة فانت خاسر لشي كبير ... و اذا تزوجت خسرت كل الاشياء الاخرى اللي بالحياة ( شباب لا تصدقون ترى البنات يدعون علي بعدين )

هذه نكتة مالها صلة باللي فوق ... امام لبناني يصلون وراه بنات ... قالوا آآآآآآآمييييييين .. قال لك يأبرني هالصوت نعيد الفاتحة كرمال الصبايا ( مع الاعتذار من اهل لبنان )
--------------------
وقت سعيد انشالله
12/2/2008 12:41:21 AM
من هو الرجل الذي لا تنساه المرأة ؟ انزين دبليو دوت كوم هي منو تبي بالضبط
حتى هني متحيرة و تحير الرجل ؟؟؟
يا دي الوكسة
12/2/2008 10:33:14 AM
الزواج السري اوالمسيار.......لماذا؟ باحدى المشاركات كتبت ان الصداقة اعظم علاقة خلقها رب العالمين للانسان
و الصداقة الحقيقية كنز ما له شي بالدنيا يعادله ...
هذا الكلام للي يعرف المعنى الحقيقي للصداقة
هذه قصة مو حقيقية و لكن تعبيرية عن الصداقة .. قد تكون مرت على البعض
----------------------------

اللهم أتنا في الدنيا حسنه وفي الآخرة حسنه وقنا عذاب النار
قال الجندي لرئيسه :
صديقي لم يعد من ساحه المعركه سيدي..
أطلب منك الإذن للذهاب للبحث عنه ..
الرئيس: الاذن مرفوض
و أضاف الرئيس قائلا :
لا أريدك أن تخاطر بحياتك من أجل رجل من المحتمل أنه قد مات
فذهب الجندي دون أن يعطي أهمية لرفض رئ .
وبعد ساعة عاد وهو مصاب بجرح مميت حاملاً جثة صديقه ...
كان الرئيس معتزاً بنفسه :
لقد قلت لك أنه قد مات ..
قل لي أكان يستحق منك كل هذه المخاطره للعثور على جثته ؟؟؟
أجاب الجندي ' محتضراً ' بكل تأكيد سيدي .. عندما وجدته كان لا يزال حياً،،
واستطاع أن يقول لي :


( كنت واثقاً بأنك ستأتي )

{ الصديق هو الذي يأتيك دائما حتى عندما يتخلى الجميع عنك }
-------------------------
اللهم ارزقني و كل من يتمنى صديق صدوق ... لان الصديق الصدوق يتخطى كل علاقة عدا الاب و الام
12/2/2008 2:29:14 PM
من هو الرجل الذي لا تنساه المرأة ؟ انا ادري انتي يمج احد شيطان كل ما بديتي تكتبين سوى كليك على زر اضف رسالة مو ؟؟؟ هههههه
طبعا اختي واضح كلامج بس انا بغيت اتشاقى وياج وداعتج مو اكثر
انا احب ان اللي بالمنتدى يكونون مبتهجين و ما يخلونه و كانه قاعة امتحانات آخر السنة ...
بطلي بصبصة يا بت ... و الا ربعنا .. يا ولد من آخر الدنيا يصرخ يسوي رعب بكل الصالة
رايج واضح اختي طبعا و راجح ماشالله عليج
اكيد المراة ما راح تنسى اللي يظلمها او اللي يعزها
اهي ما تنسى احد اصلا ... لو تريح بالها الله يهديها و تخلي الرياييل بحالهم جان احنا نرتاح ( لبخت عدل ؟؟ )
تحية لج و للجميع
12/2/2008 11:21:57 PM
الذهاب للسحره والشعوذين لحل الخلافات الزوجيه...... الحبايب الاعزاء و الاخوات العزيزات
الحقيقة اقول لكم ليهني و بس
منتدى بصراحة يعني و لا بسيبيريا ... بارد و الربع اصحاب منتدى او مشاركين يدشون ترف لا اكثر لذلك بصراحة ماكو حميمية حقيقية
اختلف وايد مع افكار الموجودين لكن لحبي لابناء بلدي اقول ما يخالف كل انسان عنده الجانب الطيب و الايجابي تعامل معاه على اساسه
تعاملت على هالاساس و دشيتوا قلبي وايد خاصة بعد ما عرفت ان اغلب المشاركين من صغار السن و بصراحة ابنسطت على اراءهم وايد
بس وينهم .. عبدالحسين بمسرحية على هامان يا فرعون يقول حق خالة زوجته .... انتي ما اتمقلين ما تبين ريل ؟
الشباب داشين موقع خطبة للزواج بس اللي يشاركون علشان يوصلون لقلوب بعض يبيلهم انييب لهم عبدالحسين علشان يمشي قطارهم
صدقوني البنات هني فيهم الذهب يا شباب و حتى انتو يا بنات اللي منيشنه عليه تحرشي فيه ترى اذا تحرشتي ما يطلع رقم اهلج و عنوانهم
المبادرة دايما فيها تركيبة ايجابية لا تبتعدون او تتثاقلون عن اي شي ايجابي
انا اعتقد ( حسب ظني طبعا ) اني شاركت الشباب بما يفيد ... خلو المشاقاة ما عليكم منها بس انتو يا بنات الكويت على راسنا و مالنا لو مهما حصل غناة عنكم لانكم اكثر من يترس عينا ترى . ( يالله اتبسطوا ) و الخير كل الخير فيكم ( بس عاد لا تنتفخون وايد ترى اكو بعدين بم )
انا راح الغي اشتراكي انشالله و اتمنى من ربي اني اييني احساس كل كم يوم ان ربي وفق احد منكم و عسى الله يوفق بعد اهل المنتدى و يرزقهم منه الخير
ارجو ان يعذرني كل من فهمني غلط او اخذ معني كلام قلته بشكل غير ما قصدته و تضايق مني
تحية لكم جميعا و السلاااااااااااااااااااااااااااااااااام
الصفحات 1 2 3 4 5 6 7 8 9 10 11 12 13 14
تسجيل faq AspNetForum v.0.0.0.0