|
اوكي...عادي...طاح الحطب...وحلوة الحياة
|
المشهد الاول
حلوه وحبيبه لكن للاسف الزوج مشغول على طول ولا يحس فيها بالمره الكلمه الحلوه ثقيله على لسانه وبالتذمر خفف
حاجتها العاطفيه اضطرتها تبحث عن الحنان باحضان ذئب بشري للاسف فعلا اهي خائنه لكن بسببك ايها الرجل
لا اجد لها العذر ولا أأيدها لكن الله يتوب على من يشاء من عباده .....واهو بيظل طول عمره ما يثق بامرأه للابد
اوكي .....عادي ..... طاح الحطب ...... حلوه الحياة
المشهد الثاني
ظلت تحلم بانها تتزوج انسان تحبه وما تكون مثل غيرها زواج خبط لزق وفعلا تمردت على مجتمعها وكلمته وتعرفت عليه وصدقت اكاذيبه عن الحب وانا اخاف عليج اكثر من نفسج تعالى بس اشوفج دقيقه وطاح الفاس بالراس وتخلى عنها واكتشفت انه احقر خلق الله بس بعد ما فات الاوان
اهي بيسترها رب العالمين لانه نيتها طيبه........واهو الله بياخذ حق بنات الناس من خواته واهل بيته
اوكي....عادي ....طاح الحطب ....حلوه الحياة
المشهد الثالث
البنت دايما جميله ان ماكان بشكلها باخلاقها او اسلوبها وبعض البنات يسحرونك من اول كلمه مع انهم سبحان الله اشكالهم جدا عاديه واهي مثلها مثلك يا الرجل لها الحق تطلب زوجها بالصفات اللي ترغبها.
ان ما حصل ماكو داعي لزواجها من اصله بيت اهلها ارحم لها من زوج ما يناسبها تعيش معاه واهي تتحسر باليوم الف مره
اوكي ....عادي ......طاح الحطب .....حلوه الحياة
|