|
ايها الرجل تعرف على واجباتك قبل ان تتزوج .....
|
خمسة كلمات تشتري فيها قلب المراة
هذا موضوع من موقع اجنبي ، لقيته و حولته الى العربية الكويتية مع تعليق مضاف ...
---------------
1- انتي نعمة من الله انعمها علي و مثلج ماكو .. هذه تكون لها قيمتها الحقيقية اذا انقالت و فيه اتصال عين بعين .. تسمع المراة نبرتها و تشوف مصداقية الكلام مختومة بنظرة عين محبة ...
2- انتي نورتي حياتي .. ممكن تكون مبالغة ( و احنا العرب اصلا اسياد المبالغات ) تحملوا هالشغلة .. و لكنها لما تنقال و الواحد يعرف ان حبيبته مو مقصرة ابدا معاه شنو المانع انه يدللها بشوية كلام يمس الروح .. بس المهم انه يكون طالع من الروح بعد ... كلام يعطيها طاقة ما تتحصل لا بمراهم و لا بفيتامينات و لا مقويات .
3- انتي روعه مثل ما انتي او اشلون ما كنتي ... هذه كلمة تخلي صاحبها يستاهل جائزة اوسكار لما يخلي يوم حبيبته او اسبوعها او شهرها جميلة بشكل ماله مثيل ... و مهما حصل بعدها من اكتئاب او احباطات لاحقا منك او من الدنيا تلقاها دائما تبتسم و تحاول انها تكون قوية لانها تتذكر انك تحبها حب حقيقي لنفسها مو لاي شي ثاني ... جنس او خدمة او مصلحة معينة .
4- التغزل فيها و عيونها شفايفها اصابع ايدها او أي جزء اخر .. الخ كاجزاء من جسدها ... كون قاصد الكلام .. يعني تكون فعلا حاب اللي تتكلم عنه , كلام مثل هذا يرفع معنوياتها اكثر و يدعوها للانتباه الى اشياء اخرى تحب انها تحببك فيها .
5- انا فعلا فخور فيج ... قولها باي شكل و راح تشوف اشكثر المراة تشع من جمال هذه الكلمة ... هذا كلام له من المفعول ما يتجاوز أي شي مادي ممكن تقدمه لها ... تقول مثل هالكلام بحب .. تشوفه هي و تحسه .. اولا هي تحس انها مالكة الدنيا و ثانيا تعطيك كل ما ممكن تقدمه لك و فوقها ( حبة بركة مثل ما يقولون ) .
----------------------
طبعا يا بنوتات انتو تستاهلون مثل هذا الكلام من الحبيب ... تستاهلون و اكثر
و بنفس الوقت ما تفرحوش اوي و تعتبون و تتمنون و بس ... انتو بعد مطالبين انكم تقدمون مثل هذا الكلام
حياة فيها حب و مبادرات كلام جميل و قناعه = جنة على الارض
حياة مثل هذه تتفلتر( ينشال منها ) النحاسة و الغيرة الغبية و البصبصة و الحنة ... ( اووولللللللللله ) ... تكون احلى من الاحلام
الله يرزقكم مثلها
ادري كلام كبير .. بس انتو قدها انشالله
|