Khitba Forum - نقاش عام - اتحدا الشباب والبنات بالاجابه على اسئلتي بصراحه :) - Messages

Message from zarkovic

Tue, 08 Jun 2010 21:30:16 GMT

أول شي في حب ؟

منو مستعد يبتسم بوجه زوجته و هي تزفه ؟

منو مستعد ينام راضي على زوجته و هي حاقرته ؟

منو مستعده تتحمل الحاح الزوج و هي عندها أولويات أهم منه

تبي تشوف و ين الحب شوف منو أعظم منك قدر و أعلى منك مكانه و مو محتاجك بشي و حاجتك عنده و لكن رغم أسائتك ما يحرمك من حاجتك

Message from sasar

Mon, 10 May 2010 22:18:21 GMT

اول شوي السلام عليكم ورحمة اللله وبراكاته

السؤال الاول

(اي احب)

(اصير مجنون واذبحها)

(مالي امل اتزوجها )وليش(اهلي متعصبين شوي)

(اي واللله قبل بس اقسم باللله ماصار شي)

السؤال الاخير صعب شوي غيره (فديتك)

Message from KUWAITYBRONZY

Mon, 10 May 2010 15:30:43 GMT

اول شي حياج الله اختي الكريمه ...
وثاني شي شاكر لج على مرورج
وثالث شي تامرين امر وانا الحين
راح ابلش بالاجابه على اسئلتي وتكون
بداية للنقاش فيني انا بس عاد نبي من
باجي الاعضاء المشاركه على هالاسئله
سواء كانو بنات او شباب ...

1-اتت تحب؟ ولاّ تلعب ..؟

انا حاليا ماعندي حبيبه ..واذا حبيت مستحيل راح افكر باللعب لان
الحب شي حلو وكبير واساسا ينبني بالاحترام والصراحه والتقدير
والتضحيه فلازم مايكون في مجال للعب عشان الحب يكون حب
شريف ونظيف ..

2-انت لو سمعت ان اختك تحب احد من الشباب شنو موقفك ..؟

بصراحه احنا كلنا على بعض 3 اخوان شباب .. ولو كان عندي
اخت وقتها راح اشوف اذا كان الريال اللي تحبه سنع وكفو ودام انها
اهيا اللي جت واعترفت لي معناتها انها محافظه على شرفي وعلى
سمعتي حبت ان تكون البدايه خير , ف كل اللي علي اني اسئل
عن الشاب وادعو عندي بالبيت واتعرف عليه واشوف اذا كان يبي
زواج او لعب واذا كان كفؤ باختي او لا .. واذا كان الشخص المناسب
لاختي وداش من الباب بالعكس ليش اوقف بطريجهم .. انا اذا كان
من هالشباب الطايشين اللي يلعبون بعقول البنات .. معناتها انصحها
واحذرها بالابتعاد عنه .. واروح له واواقفه عند احده واحذره من
الاقتراب عند اختي ...

3-تضن راح تتزوج يلي تحب اقصد الحبيبه ؟..ولييش ..؟

انا اضمن اني راح اتزوج حبيبتي اذا كانت فعلا اهيا تحبني ..
لان شي طبيعي ماراح احب وحده مو زينه شي طبيعي اني
راح اكون عارف البنت واصلها ومن بنت وبعدها صارت بيننا
صداقه حلوه واحترام متبادل وثقه وحياة مشتركه وحب صادق
ليش مايتم الزواج ..؟ انا احاول اسوي المستحيل من ناحيتي
عشان اصير زوجها .. ومثل مايقولون انا اسوي اللي علي
واترك الباجي على الله ...

4-تكلم حبيبتك تطلع معاك وليييييييش ..؟

اكلمها واطلع معاها عشان اعرفها وتعرفني اكثر ويكون بيننا
تفاهم وعلاقه حلوه وبحدود الادب .. وشي طبيعي مااختلي فيها
باماكن خاصه او مشبوهه لانها اذا كانت حبيبتي شي طبيعي راح
اخاف عليها من كلام الناس عشان جذي راح اقعد معاها في اماكن
عامه واتناقش معاها في امور الحب اللي بيننا وامور الحياة وكل
شي حلو .. وعلى قولة المثل ( لاتبوق لاتخاف ) ...

5-ليش ما تسمح لاختك تطلع مع حبيبها اذا انت تطلع معاك حبيبتك ..؟

مثل ماقلت بالاول ان ماعندي خوات .. بس هم ارد واقول اني
عارف نفسي وعارف اني ماراح اضر بنت الناس اللي طالعه
معاي لاني ماراح اروح معاها اماكن مشبوهه .. بس مااضمن
الاشخاص الثانيين اذا كانو زينين نفسي او لا ...

اتمنى انكم تتفاعلون معانا ...

Message from FJR

Mon, 10 May 2010 08:11:18 GMT

السلام عليك ورحمة الله

شكرا لموضوعك الشيق

ابدأ بالاجابة اخي علي اسئلة موضوعك

افتتح موضوعك بالمشاركه ولتكن منك البداية

لكي تشجع الزائرين علي المشاركه بالاجابه

لك مني كل الاحترام والتقدير

Message from KUWAITYBRONZY

Wed, 28 Apr 2010 02:55:58 GMT

اكيييد تبون تعرفو عن شنو النقاش بالضبط
وانا راح اريحكم الحين

اكييد انه في البعض منكم يعرف معنى الحب

او بالاحرى الحين عايش الحب الي دون اطار شرعي

والي داخل الزواج الله يوفقهم.. بس الحديث حول الحب الي بدوون اي راابط شرعي

يمكن بدا منذ الطفوله او يمكن من اول نظره <<ههه الي انا احسه حب سطحي >>>>

وانا صراحه عندي بعض اسئله ابي اطرحها عليكم

منها للبنات ومنها للاولاد وابيكم تكوونوو صريييحييين فالرد اوكي؟

يلا;يا البنات اسئله لكن ....!!!

1-انتي تحبين؟ اذا كان جوابك ايه فهل تضنين انه شيء جيد يعني تسوين شيء جيد ..؟

2-اهلك يدرون عنك ..؟

3-ليش تضنين انه عيب تخبريين اهلك انك تحبين متلا ابن جاركم ..؟ <<هههه متلا يعني

4-عقلك يقووول كم نسبه يمكن يحصل فيها زواجك من هالحبيب وقلبك كم يقول ..؟

5-اعترفتي له بحبك..وليش ..؟

6-تكلمينه ؟ تطلعين معاه ..؟

7-هل تضنين الزواج الي فيه الحب قبل الزواج احسن او الي بعد الزواج ..؟

8-واخيرا انتي مو متاكده شنو نهايه هالعلاقه طيب لييييش تستمرين ..؟

الشباب ربما في اسئله ما راح تعجبكم بس الموهم جاوبو بصراحه ...

1-اتت تحب؟ ولاّ تلعب ..؟

2-انت لو سمعت ان اختك تحب احد من الشباب شنو موقفك ..؟

3-تضن راح تتزوج يلي تحب اقصد الحبيبه ؟..ولييش ..؟

4-تكلم حبيبتك تطلع معاك وليييييييش ..؟

5-ليش ما تسمح لاختك تطلع مع حبيبها اذا انت تطلع معاك حبيبتك ..؟ <<اسف دوختكم بهالحبيب والحبيبه خخخخخخ

واخيييرا لكم كلكم تضن الحب موجووود ..؟

تأمن فــــــــــــيه ..؟

تضنه نقطه ضعف ام نقطه قوه ..؟

وهل تقدر تتحكم بالحب اقصد بمشاعرك؟

ارجو الرد..

وفي الاخير انا رأي صراحه ما في حب احسن من الحب الحلال
حب ما بعد الارتباط الي مافيه خوف ولا حرام ولااي شيء مو زين
الي فيه الارتيااااح النفسي وانا ما اضن انك او انكي راح تحب الا
وانك امعنت النظر في الحبيب مع ان الله سبحانه قال

"قل للمؤمنين يغضوا من أبصارهم ويحفظوا فروجهم ذلك أزكى لهم"

اتمنى تردوون وتتناقشون واسف اذا كان فيه اي خطئ