bofahed
Posts 1
|
السلام عليكم ورحمة الله وبركاته
اكتب هذا الموضوع لما لمسته من معانات كثير من الرجال بالكويت
الرجل في قانون الاحوال الشخصيه الكويتي وبالاخص السني نكره ولا يتفق مع الشريعه الاسلاميه السمحاء يعني على سبيل المثال لو كان الرجل غير مقصر في بيته ويعامل زوجته واولاده معامله حسنه والمراة ارادت منه الطلاق وذهبت للمحكمه وطلبت الطلاق القاضي يطلقها ويعطيها كامل حقوقها بالاضافه الى حضانة الاولاد والنفقه الشهريه والعده والمتعه والشرع يقول اذا كانت المراه هي اللتي تطلب الطلاق بدون سبب وجيه لا يحق لها ذالك . لا والقاضي يعطيها ثلاث ارباع معاش الرجل يعني خلاص بعد مايقدر يتزوج
وهذا الشي جعل الحريم يتمردون على الريايل (طبعا مو كلهم ) والدليل على ذالك ان اعلى نسبة طلاق في العالم بالكويت
ولو اثبت الجل عدم صلاحية المراه لحضانة اولادها تنتقل الحضانه الى امها ثم خالتها .... الخ والاب يكون سابع شخص هل هذا معقول ليش هذول مو عياله
وبالنسبه للرؤيا اي رؤية اولاده لايراهم الابالاسبوع مره ولساعات معينه
ياجماعه خافوا الله وطبقوا الشريعه الاسلاميه فهي تصلح لكل زمان ومكان
والشي الثاني قانون التامينات الاجتماعيه
الرجل اذا توفى معاشه التقاعدي يصرف لاولاده وزوجته اما اذا توفت الزوجه يوقف معاشها ... ياجماعه كلنا نعرف ان معظم البيوت الحين تقوم على معاش الزوج والزوجه نظرا للغلاء اللي احنا فيه والكل يعرف ان معاش واحد مايكفي شنو يسوي الزوج اذا توفت زوجته وشلون يقدر يعيش اولاده المستوى اللي كانوا عايشين فيه لا والمصيبه ان التامينات ياخذون نفس النسبه من المراه والرجل
ما اقول الا الله المستعان
والسلام عليكم ورحمة الله وبركاته
|