Khitba Forum - الرياضة - مـــــــــــــــــــــلاعب الهواة الكويتية - Messages

Message from MeOp

Sat, 14 Nov 2009 14:53:13 GMT

والله موضوع حساس خصوصا في الفترة الأخيرة.....الشباب ماقصرو كفو و وفو بس انا بضيف شغلة انه الرياضة عموما مو بس الكرة في انحدار مستمر وهل شي يحز بلخاطر طبعا لما تشوف الدول الي حواليك الي كانت متخلفة عنك والحين طاقتنا ١٠/٠ والله حالة....
وطبعا ما يخفا عليكم انه هل لأنحدار سببه واضح وما يختلفون عليه اثنين (الفساد الأداري) في الهرم الرياضي عموما وهلشي علشان يتصلح محتاج وقفت رجال قلبهم على الكويت بلدرجة الأولى وتالي الرياضة وعلى مايصير هل الشي انطر يا فلان على مايجيك الربيع.....
وبلنسبة حق الملاعب الشغلة تجارية بحته
(انا اعرف واحد من الربع عنده واسطه في البلدية كوش على ارضين وحط عليهم عدة الملاعب وشغلهم على الساعه بخمس دنانير)
وبلنسبة حق الأندية الله يعافي رئيس كل نادي قاعد يدفع من جيبه ويرمم ناديه بأحسن المواصفات الرياضية ولا اذا بيعتمد على ميزانية الهيئة جان ليلحين يلعبون تيل (لعبه شعبية)...
لي درجة اني قريت موضوع فمجلة عن استاد جابر وكان عبارة عن مقابلة مع احد أوائل أصحاب الشركات المتخصصه في الثيل الصناعي والتكنولوجيه الرياضيه :يقول انه عرض على المسؤولين في استاد جابر انهم يطبقون فكرة الثيل الصناعي ردو عليه انه هذا الشي مو مجرب وماراح نسويه
(علما انه الفيفا طبقها بكاس العالم للشباب والفكرة وجدت استحسان الأتحاد الدولي للعبه) اصرار الجماعه على الثيل الطبيعي ما هو الاه تظليل وتنفيع لربعهم اصحاب شركات الثيل الطبيعي <--- فساد أداري...
انا أقول (صبرا جميل والله المستعان على ماتصفون)

Message from fahad51

Wed, 18 Mar 2009 00:36:51 GMT

ليش في ملاعب غير الترابيه بالكويت ؟

الله وملاعب الانديه ألحين تشوف شوي ثيل وبعد خطوتين تراب ما ادري يلعبون
ولا يأكلون ثيل والله لو لعب كان ماصار حال المنتخب مثل ما نشوفه اليوم

أهم شيء اللياقه ^_^

Message from ATHBY1

Sat, 21 Feb 2009 01:52:36 GMT

السلام عليكم
بصراحة الموضوح مهم وحيوى وخصوصا فى الاونة الاخيرة نرى اغلب اصحاب الشاليهات بدات ببناء ملاعب سواء الارضية كانت ثيل او صناعى بجانب كل شاليه ويتم تسويره بسياج حديدى وتقام عليه دورات سواء بالاجار او مجانى على حسب المعرفة مع صاحب الشاليه واللعب هناك ممتع لانه بعيد عن الضوضاء والازعاج من السيارات وكونى لعبت على هذه الملاعب بصراحة احسن من اللعب فى الاندية.
وشكرا

Message from sulimani

Mon, 05 Jan 2009 14:39:08 GMT

مشكووور وصح لسانك كويتاوى على الكلام الطيب .

Message from guest_q8

Thu, 30 Oct 2008 02:38:59 GMT

مشكور اخوي على طرح الموضوع , واخونا شاعر حزن كفى ووفى ما شاء الله عليه , الصراحه كل شئ بالكويت تغير وصار للاسوء وهذا بشهادة الجميع , مو بس الملاعب حتى اللاعبين قبل اللاعب تحس فيه روح قتاليه ويعطي من عمره الحين الله لا يوريك تارس شعره جل وقاصلك ذيج القصه , وما في روح قتاليه ولا يعطي من نفسه , الله يرحم ايام قبل كافي عورتوا قلبي .

أحمــــــــــد***

Message from sha3er_7zn

Fri, 24 Oct 2008 05:44:56 GMT

السلام عليكم
كويتي أصيل يعطيك العافيه
فعلا ملاعبنا بالكويت تفشل وأنا لاعب نادي من سنة 1980 وإعتزلت 2003 وفيني إصابات لو بقولها بطول شرحي لها بس بقول إن عندي تمزق في أربطة القدم اليمنى واليسرى وكل هذا من ملاعبنا اللي تفشل .. أذكر قبل الغزو كان ملعبنا في النادي أحسن أرضيه بأندية الكويت وهذا الكلام بشهادة ملك الكرة الكويتية فيصل الدخيل وقال هذا الكلام باحد لقائاته .. تدري ليش كانت ارضية ملعبنا زينه؟؟ لأن كان المسؤل عن ملاعبنا بالنادي رجال شايب إسمه أبو علي (الله يرحمه) جنسيته هوازي وكان مهتم في الملاعب وياويله اللي يدخل الملعب بعد التمرين .. الحين منو مهتم بملاعبنا؟؟ بنغلاديش ومحد يعطي من عمره بالاهتمام .. ولو رجعنا حق نوعية الثيل (أي شي) .. حتى الثيل اللي يجي رولات ترا اي شي (أبو طقه) .. شوف ملاعب الامارات والسعودية وقطر .. كنا قبلهم بكرة القدم وسبقناهم حق كاس العالم واخذنا كاس الخليج ليما كاس الخليج مل من وجيهنا وبالنهاية الناس تطورت واحنا مكااااانك رااااااوح .. خلها على الله يالاصيل الكره عندنا ماشيه على البركه وملاعبنا الله المستعان حتى الحصان ماله خلق يركض عليها لانه يخاف لا يلتف عنده الانكل (القدم) .. شكرا على موضوعك يالاصيل.

شاعر حزن

Message from 6820082

Fri, 17 Oct 2008 04:50:59 GMT

السلام عليكم
موضوع حلو ونتمنى لو انو كل الملاعب تصير حشيش ومزروعه لكن منو يسمح بانه يصير هالشي حديق البيت قاعدين يهدمونها
ثانيا الفلوس موجوده ولله الحمد لكن الوقت كله مايسمح يعني اغلب الوقت الملاعب محجوزه
لذلك الله يعز ملاعبنا الترابيه
فمنها خلقنا واليها نعود

Message from q8i_smartman

Sat, 11 Oct 2008 01:47:35 GMT

اول شي السلام عليكم هذا ردى لج على الموضوع الى كتبتيه
بالنسبة للملاعب الترابية هذى احسن الف مرة من الى قاعدين نشوفه بملاعبنا والكره الى عندنا يعنى منها وناسة وتضييع وقت وبس بدون نجره وعناد من بعض المسئولين ولا شرايج

Message from kuwaitya9il

Thu, 09 Oct 2008 18:22:40 GMT

بسماله الرحمن الرحيم
والسلام عليكم وبركاته وبعد,,,,
في الكويت الكثير من الملاعب الي يلعبون فيها هواة كرة القدم و في ملاعب التراب الي وين ماتروح تلقه واحد وطبعا له عيوب اكثر من ميزاته ،وفي ملاعب تسمى ثيل لكن بعد اسبوع من زرعه يتحول الى

ملعب تراب ويخلونة قرن على مايزرعونة وطبعا يتراوح حجز الملعب بالساعة مابين 3الى5دنانير ،وفي الكويت كذلك متوفرة ملاعب الصالات بس ينعدون عالاصابع وحجز الصالة يتراوح بيم ال10 الى 15دينار

ونصل الى اجدد ملاعب الهواة وافضلها من وجهة نظري وهي ملاعب الثيل الصناعي وهي قليلة ولكنه في تزايد لان نفس ما قلت الفكرة يديدة ولكنه غالية بالنسبة الى الملاعب السابقة حيث حجز الملعب 30

دينار بالساعة ومع ذلك طق اعصي على ما تحصل حجز مناسب لو بتيي تحجز لازم تحجز قبل اسبوعيين
وفي الختام اشكر الادارة والقراء وسلامتكم,,,,,,,,,