clcl
Posts 50
|
لا صرت بايعني ..اشوفك على خيـر ...مع السلامـه ..دام ما به سلامــــه !!
قلت:انتهينا؟ قلت لك :خير يا طير!...مانــي باول شخـص يخســـر غرامـــــــــه
محـــذرك من قبلهــــا الف تحـــــذيــر...لا عفتنــــي بيعيف قلبــي هيامــــــــه ؟؟
مانيب ميّت لا ولا احتـــاج تبـــــــــريـر...صح الله لسانــــــك ..ووفــــر كلامــــه
بسمعك..حبكه ..وفكره ..وتصوير...وافهــم عــــدل يا مــدعي بالفهــامـــــــــــه
وجه الشعر (ابيض )ويحتاج تغييــــر...ودي تزيّن هالقصيـــــــــــده (علامــــه)
ماضيك (الاســود )بذكره دون تقصير...كذا يكون بخد هالشعــــــر ..(شامــــه )
يصدق معي تعبير .. ويخون تعبير...يا ضيعة الشاعر ..بوقت انسجامــه !
يمكن خطا ادونــــك بالشعـــــــــــر؟!...مير لو ما احترمتك ؟ للغرام احترامه !!
ما كان حبك غير بس طعنتك غير...علمتنــي معنـى النـــــــدم والندامـــــــــه
ما جاك مني اي زله وتقصير...كل ما خطيت اعاتبك ..بابتسامــــــــه ؟
حسبي على الذكــرى اذا هبت عصيــــر...ما عــاد تنفــــع شرهتي والملامــــــــــه
البال (ضــامـي)وقتها والحزن (بيــر)...(خسرتك)وهمي (كسبت)اهتمامه !!
والليل فازع لك كذا !!جاني مغير...ظلمتنـــي واكثــــــر ظلمنــي ظلامـــــــه
لا اقبل علي اوحييت صوت المسايير... وفزيت كل ضيف ٍ اقوم بمقامـــــــه
وليا عـــزم هالليل (ضيقه وتفكير ) ... قلّي بربك كيف بقــدر انامـــــه ؟؟
ما فيه داعي للعتب..والمعاذيرالغدر ...(خال ) الجرح واطيّب (عمامه )!!
أما يجيب الله مطر ..تالي وخير ؟... ولا السلامه مااااشي مامن سلامـــه !!
|