Khitba Forum - السيارات - hummer - Messages

Message from Hamad.s

Mon, 25 Apr 2011 08:47:11 GMT

انا من ناحيتي راعي شفر وايضا متعصب بس بالصج الياباني افضل بكل النواحي يعني اخوي راعي الدنلي الحين انا اروح اتعنى واشتري دنلي اب 18 الف ازيده 4 واخذلي جيب لاند لكزس بعد مو التيوتا حتى لو مو موديل السنه بس عاد اللاند اداء عمر راحة فخامة وسعر لمن تبيعه ما يطيح منه وايد ومراح تخسر فيه وهمن مواصفات اطق الدنلي 10 صفر عمي لمن يمشي بكل مكان هيبه عندك لكزس لاتقولي سكلد لأنه السكلد كله كمبيوتر وان بطل حلجه اتحداك اتصلحه بره ماغير الوكالة تغنيلك تعالى تعالى تعالى فتح الباب معاش كامل اعوذ بالله ومو بس اللاند عندك هذه السفاري اليديد يسلام فخامه واستعمال شي مو طبيعي الأمريكي احنا نعرفة 10 سنين بالكثير وبعده يبطل حلجة صج القطع رخيصة وبكل مكان تحصله بس هذه الفرق ولا الياباني متفوق بمراحل وحتى باللغام كذالك 1000 حصان يدق مكيف واستعمال يومي واحنا 800 مغير سطحة ولا دوسة دوستي ويضرب عندك شي ترد مسوي غيم وراك

انا ارشح بالأستعمال الكوريلا و القلنت كد ومد وبانزين كل شهر تعبي مرة ههههههههههههههه وكل اربع سنين تسوي سيرفر
وذا جيب ارشح السفاري و اللاند وهذول كد ومد والدليل اسعارهم بالسوق غالية حتى القديم يطق 5 و 6 وهذه دليل انه اذا شريت هالسيارتين ماتخسر وسوقهم دايمن عالي
وذا السبورت ارشح الكورفت طبعن هذه سي سيد شيخ الأمريكي كل شي فيه جبار وسعره فيه ما يحرقك من ناحية قطع المكينه معقوله اما القطع الخارجية تقصك نصين بس الغانم مدلعك شغلك بروحك خدمتك احسن من كل سيايير حتى لمن ادش تشوف الكورفت له ورشه بروحة ناس بروحهم يشتغلولك يحسسونك انك ماخذ فيراري اسأل مجرب عمي

Message from me.myself.an.i

Tue, 27 Jul 2010 01:44:17 GMT

well>>اول شي السلام عليكم..
الياباني ملينا منه خرابات تافهه على الفاضي تصليحه يذبح خدمات وكالته تعبانه من قلب..
*يــوكن دينالي* فخامه واستعمال حسب تجربه 2010 ما عليه شي فيه عيبين بس سعره+وكالته بلخليج بشكل عام تعبانه يعتبر من *الفئه المحترفه* بلGMCجينرال موتورز الفئه الفخمه
سعره فيه و الدليل موديلات 2009 تباع ب 13 و 14 الف دينار كاااش الموتر ما عليه شي 4×4 شغاال على طوول نظام يقلل استهلاك البانزين+نظام تربترونك تشغيل السياره من بعيد طبعا شكليته الخارجيه خياليه شبك من الكروم رنجات من الألمنيوم (الكروم الأصلي= الفضه تقريبا)مقابض الأبواب من الكروم طبعا اكثر السيارات فيها مروحه واحده للتكييف الدينالي له مروحتين نظام تحكم بتكييف الخلفي و الأمامي طي الكشنات آلي فتح الصندوق الخلفي و اغلاقه آلي سكان مصقول بشكل انسيابي جميل مع الخشب الكشنات جلد طبعا تقدر تخلي تحكمك للسياره بس عن طريق السكان يعني من مسجل سرعه السياره بانزين بريك اتجاه السياره الخ من السكان ..
تضليل حراري للجامات بنسبة 80% يعني ما تحس بحرارة الشمس للعلم التضليل شفاف وفي نظام الدي في دي بلخلف واشياء واجد مقصورت القياده فيها شاشه بعد و فيها الجي بي اس و هسوالف واااجد واااجد هههههههه بس عشان ما اطول الكشنات فيها نظام تبريد وتدفأه المكينه تذبـــــــــــــــح فورتيك6200,,,,,, 441 حصان v8 وفيه نظام هيدروليكي ومركز

معلومات القياده+نظام ستابيلي تراك و اظن الي شرحته ما يجي 30%من مميزات السياره
السعر : وكالته في الكويت (بهبهاني)2010 يوكون دينالي الفئه المحترفه 18700 دينار بدون مقدم اقساط على خمس سنين 320 دينار بشهر .. وفي كفاله اضافيه عداد مفتوح لمدة 5 سنواات عرض قوي صراحه
انا عن نفسي قدمت 5000 دينار و اقساطه مريحه 220 دينار بشهر موتر ما عليه شي قوي قوي لأبعد الحدود اذا تبي تقارن مكينته لا تقارنها الا بمكينة سكليد كادلك مكينه قويه بلعربي الموتر(Beast not best it's Beast wild thing وآسف على الاطاله ههههههههههه بس من حبي له ما اقدر اوصفه صعب وصفه
تقبلو تحياتي اخووكم (انا)

Message from om_sahmah

Tue, 06 Apr 2010 10:43:30 GMT

للحين ماشريتي سياره لوول الله يوقفج ماتبيييييييييييييين وانيت بوشنب لوول

Message from MmLoO7a.a

Sat, 06 Mar 2010 09:12:51 GMT

SHAIMAA كتب:

بشتري سيارة رخيصة وكويسة على ماقالو
شنو تنصحوني ؟؟
وشكرا

مالج اله كولت رخيصه وكويسه على قولتج

Message from KUWAITYBRONZY

Thu, 04 Feb 2010 01:38:54 GMT

للبيع بــنــتـلي GT كونـتانــينـتـل موديل 2004 باب واحد كحلي
من داخل جلد اوف وايت + كحلي مع ديكور خشب بالكامل الوحيده
من 2 بالكويت وارد الزياني ماشي 63 الف سيرفس منتظم بالوكاله
كامل المواصفات شاشه + TV + NAVI + تلفون + CD تشينجر
كشنات تبريد وتدفئه + كشنات كهربائيه + فل اوتوماتيك + قير اوتوماتك
+ F1 ومواصفات اخرى كثــــيره بسعر مغري جدا .. ( 24500 K.D )
للاستفسار للجادين فقط ... يرجى ارسال رساله ع الخاص وشكرا ...

Message from tigerm

Thu, 03 Dec 2009 19:30:41 GMT

مساء الخير انه انصحج بيوكن

Message from jeeppower400

Fri, 14 Aug 2009 15:20:03 GMT

السلام عليكم اخواني بعد انقطالع مدة سنه احب ارجع واتواصل معاكم من جديد مع كل جديد في عالم السيارات
اعزروني على الانقطاع بم اسميه رحله علاج واشكر كل من سأل عني وانا غائب
والسلام عليكم jeeppower400

Message from z.a

Sat, 01 Aug 2009 02:13:28 GMT

السلام عليكم انا والله انصحكم بسياره مرسيدس CLS AMG 55 الي عندي موديل 2006 عجيبه وحلوه وانا والله شاريها من المملكه العربيه السعوديه وانا ساكن بالكويت وراح ابيعها عشان ابي الموديل اليديد 2009 وانا والي عندي موصفات خاصه

Message from Bo_karam

Tue, 28 Jul 2009 11:55:59 GMT

ماكو على التيوتا طال عمرج شيك مفتوح متى مابغيتي تبيعينها تنباع وبسعرها

Message from Mr_n7s

Sun, 28 Jun 2009 10:48:52 GMT

الله يعطيكم العافيه ياشباب<عندي فورد 2008ألي يبي ماشي 25ألف والسيرفس منتظم ودافعلها مقدم 3000 والقسط 100 وتكفون واحد يشتري بشتري لاند اليديد وبالنسبه للاخت شيمااء عندي مكسيما 2002بـ1750أخضر وصبغ الوكاله وأذا تبينهاا تستعملينهاا جم شهر حاضر والله نعين ونعااون يالغاليه

Message from q8_7oob

Thu, 25 Jun 2009 04:20:22 GMT

السلام عليكم انا تاجر سيارات واذا تبين شي معين انتي او اي احد من الاخوان يدش عندي وانشالله اوفرله المطلوب سوا كان بيع او شراء ((المستشار موتمن))

Message from chvygay

Wed, 17 Jun 2009 10:54:58 GMT

اقول بس حدكم علي الغانم الامريكي وبس لا مشاكل ولا عورار راس بس الواحد يا ياخذ من الوكاله او انه يفحصها عدل السيارات الامريكيه تلاقي لها قطع غيار بكل بقاله بشويخ وسعرها معقول مو الياباني الي قطعه تصلخك صلخ لا وعلي شنو الي القطع الاستهلاكيه اغلي من القطع الاستهلاكيه للسيارات الالمانيه اقول الامريكي ابرك وعلي قولت الشاعر يوم قال

( بيع البيت ... واشتر شوفروليت )

Message from razen

Sun, 01 Mar 2009 04:02:11 GMT

صباح الخير انصحك بأى نوع من سيارات تويوتا يصراحه كد ومد وشيك قابل للصرف فى أى وقت مع تحياتى

Message from un__6abee3y

Wed, 28 Jan 2009 20:00:34 GMT

السلام عليكم يعطيكم العافيه

بالنسبه للاخت شيماء انا انصح بسياره رخيصه واقتصاديه وحلوه الا وهيا ( ميتسوبيشي جلنت ) صراحه سياره حق الاستعمال ولا بالخيال اتوقع مرات حتى من غير بانزين تمشي ) يعني سياره بس عبيها بانزين وماتحاتين شي وبالصيف جنج قاعده بفريزر تكييف ولا اروع

وتقبلي مروري

Message from KUWAITYBRONZY

Mon, 19 Jan 2009 07:16:11 GMT

SHAIMAA كتب:

السلام عليكم
شكرا للي ردو علي وللي قرو وما ردو
بقولكم سالفتي بس لا تضحكون
انا يا محفوظين السلامة سويت حاذث و وماعاد عندي سيارة ولازم اودي عيالي واييبهم يعني من الاساس مااقدر الحين ادبر فوق الالف لأن السالفة فجأة ومادري شلون صارت ومو حاسبة حسابها
عموما اللي اشكر الله عليه انه عندي اخوان نفسكم
بس ابي السيارة بحدود الالف لأستعمال هالجم شهر لين الله يفرجها واقدر اشتري سيارة عليها القيمة
واللي قال فلوكس اي عدل الفلوكس شكلها الاخير واو صراحة
واخيرا وليس اخر اسأل الله لنا ولكم ان يحمينا من شر الطريج
اختكم شيماء

امممم اذا تبين النصيحه .. مالج الا مكسيما او كابرس او لومينا او لانسر او تيدا
او كورولا او جيب شيروكي او جيب كيا سبورتاج او سوبارو امبريزا من موديلات
97 الى 2003 اعتقد تحصلينهم مابين 800 الى 1200 دينار تقريبا ..

وشكرا ..

Message from BeL

Sat, 10 Jan 2009 06:35:48 GMT

لفت نظري الموضوع صراحه والاخ الا يقول الغانم انا اقول تاخذ تويوتا وايد ابرك الغانم مشاكلها وايد الأمريكي حراره وتصرف بانزي وقصتها قصه , اذا عندج الف بنعين وبنعاون مني الضعف وشوفي الشباب :p

أخوكم لصغير
؟؟؟؟؟؟
هذا التوقيع
ودمتم سالمين

Message from Celibate

Fri, 02 Jan 2009 14:52:59 GMT

ايييييييييييييييييييه المهم سياره وبس
ياحبكم حق المظاهر ما اقول الا الله يرحم اجدادكم
بس اشرايكم بالرنج اليديد تره وايد حلو لا يطوفكم
لووووووووووووول

Message from b6006a

Tue, 30 Dec 2008 16:55:03 GMT

اول شي اهم قاعدين يقولولج عن سيايير سعرها فوق ال16 الف د.ك

انا ابعطيج سياره حلوه ورخيصه عندج الكامري او الاليما حييييييييييييييل بناتيين واقتصاديين

Message from darooy

Sun, 07 Dec 2008 16:29:43 GMT

هاي افضل سياره فخمه واقتصاديه هيه لكسز GS300

Message from BoYoUsIf

Wed, 12 Nov 2008 18:06:20 GMT

SHAIMAA كتب:

شكرا بويوسف باسمع نصيحتك واروح
راح اوافيكم باخ الاخبار ابي اخذ رايكم ما استغنى

بالتوفيق ان شاء الله.....
ولا تنسين الحلاوه

Message from SHAIMAA

Wed, 12 Nov 2008 10:09:38 GMT

شكرا بويوسف باسمع نصيحتك واروح
راح اوافيكم باخ الاخبار ابي اخذ رايكم ما استغنى

Message from BoYoUsIf

Sun, 02 Nov 2008 00:29:24 GMT

SHAIMAA كتب:

شكرا بو يوسف على ردك
زين ما تعرف الفلوكس الألماني تبع فورد بجم اذا مستعملة ؟

مساء الخير...

اولا : فورد ماعندها فلوكس انتي خلطي بين شركتين للسيارات

ثانيا: اذا تقصدين الالماني تبع فور فعدنج المونديو وهي سياره ممتازه جدا وللاستعمال لايعلى عليها واسعارها مستعمله ولا اجمل

يعني موديلات 2002 او 2003 او 2004 وحتى 2005ممكن تحصلينها من 800 الى 2800 حسب النظافه انا كلامي الاربعه سلندر

وعندك الفوكس وهي صناعتها اسبانيه وهي من ماركات الفورد وشكلها انيق وجذاب وللاستعمال ايضا جميله بالذات الهاتشباك منها انا من تصوري اتوقع اجمل والاسعار ماتختلف ذاك الاختلاف بالنسبه للمونديو يعني الاسعار تقريبا متقاربه لحد كبير

انا نصيحتي لج روحي معرض الفورد المستعمل اللي بشارع البيبسي اللي مقابل بيت التمويل خذي جوله وقيمي السياره هناك وخذي TEST DRIVE وشوفي وقارني

وتقبلي مروري...

بويوسف

Message from jeeppowe400

Sat, 01 Nov 2008 23:46:34 GMT

اول شي اختي شيماء خطاج السوا وحمدالله على السلامه

عندي لج سيارات في موقعي من 200دينار لي 38000 طبي وتخيري علا راتج بس نصيحه السياره اللي تعجبج في الموقع لازم تفحصينه لانه الموقع هو عبار عن تسويق وبس

يعني ييني واحد يبي يعرض سيارته طبيعي اني اعرضهه له وانا المستفيد بس محد يدري سيارته صاحيه زينه ولالا دشي الموقع طالعي وطلبي من الكنترول او الاتصالت اللي بالموقع
واحد اسمه (بوحيدر \ بومحمد) راح يساعدونج انشالله بامانه والكل يشهد علي

(5سياره 5) اسم الموقع اوكي والله يسهل عليج العسر وسهل امورج

بوجاسم

Message from SHAIMAA

Sat, 01 Nov 2008 23:25:26 GMT

شكرا بو يوسف على ردك
زين ما تعرف الفلوكس الألماني تبع فورد بجم اذا مستعملة ؟

Message from BoYoUsIf

Sat, 01 Nov 2008 13:36:20 GMT

SHAIMAA كتب:

مساء الخير ..

اتوقع مالج الا (ميتوبيشي لانسر- او نيسان تيدا-او كرولا- او شفر ايفو) يعني هالنوعيه من السيارات مستعمله ممكن تحصلين بسعر مقارب من اللي تبينه يعني موديلات من حديثه حيل اذا ماني غلطان بس يعني من 95 لين 2002-او2003

Message from SHAIMAA

Fri, 31 Oct 2008 10:10:03 GMT

Message from jeeppowe400

Thu, 30 Oct 2008 06:26:34 GMT

مس شيماء

من فتره عرضت بعض اسامي المواقع بيع السيارات وانتي في البيت تنقين السياره اللي تفضلينه

1- 5car5
2- kw-hp
3-q8car
4-حراج
كل المواقع ممتازين من حيث المصداقيه
وشكرا لكم وسامحني اللي ماثكرت اسم موقعه

Message from BoYoUsIf

Wed, 29 Oct 2008 23:16:13 GMT

el7saweya كتب:

اي بقولكم راييي ..جيب طوارق 2008 يهبل بس ماعرف اسوق جيب وهم غالي طوارق .. انا احب سيارتي ( فلكس فاجن باسات ) شكلها حلوو واول ماشفتها بالوكالة لفت انتباهي شكلها من برة ومن داخل ديكورها خشب ،الشكل مو كل شي اكيد؟؟ بس هم مواصفاتها حلوة وتتحمل صح ،( الاماني قوي ) وأسالوا مجرب ..أسالوووووووووو مجرررررب .. شرايكم؟ انا شارية باسات 2008 شهر 3 اللي طاف و أول شهر 6 دعمت فيها عالخليج .. واحد طيررني على اشارة فرايديز و وصعدت الاشارة وطاحت تحت سيارتي .. مأساة صج .. بس انخفس البدي من جدام .. بعناها مع ان المكينه سليمة وتمشي السيارة بس سكربت من جدام .. بس الحمدالله يت سليمة .. وشريت لي وحدة مثلها مثلها مثلها ونفس اللون بعد مارضيت اشتري نوع ثاني لاني حبيتها .. والله يحفظكم من كل سو

مساء الخير...

بالنسبه لفلوكس سياره لها تاريخ عريق في المانيا ومن ضمنها البيتل واللي كانو يطلقون عنها سياره الشعب

بس عندي ملاحظه انه السياره جيده جدا بس حساسه شوي بحكم الجو عندنا وايد قوي

وفيها مشكله بالنسبه للبيع يعني ماتييب سعر عند البيع اما للبدي مع احترامي لج ولجميع ملاك سياره الفلوكس وين راحت الفولفو ...وين الساب هذوله يتربعون بعرش صلابه البدي

وبعدها ييون باجي الماركات.

مع اني متحفظ شوي لموضوع الشكل لانه شوي ما اخذ استحسان شريحه كبيره من الناس غير عن الشكل القديم

عسى انشاءالله يعطيج خيرها ويكفيج شرها....

ويحفظنا يارب جميعا من شر الحوادث

وتقبلي مروري...

بويوسف

Message from el7saweya

Wed, 29 Oct 2008 20:27:39 GMT

Message from BoYoUsIf

Wed, 29 Oct 2008 13:47:28 GMT

SHAIMAA كتب:

بشتري سيارة رخيصة وكويسة على ماقالو
شنو تنصحوني ؟؟
وشكرا

مساء الخير بالنسبه لموضوعج يختلف من حيث نوع السياره والمبلغ اللي تقدرين عليه

يعني تبين صالون وله جيب؟؟؟؟؟؟؟؟

وحدودج كم بالضبط؟؟؟؟؟؟؟؟؟؟؟؟

وانشاءالله ماراح اقصر معاج بالنصيحه

شكرا...

Message from wakeely

Wed, 29 Oct 2008 12:10:32 GMT

صباح الخير ، مسا الخير ست شيماء
تبين سيارة كويسة ورخيصة عليك الصراحة بسيارات شيفروليه الغانم ، الصغيرة منها طبعا، وهي سعرها فيها كد ومد واسألي مجرب ، فعلا سيارات ، وهالكلام مو دعاية للغانم لا أبدا بس اني أثق فيهم وبخدماتهم وعذرا لبقية الوكالات
وهذا رايي وانشالله تتقبليه

Message from SHAIMAA

Tue, 28 Oct 2008 17:15:31 GMT

بشتري سيارة رخيصة وكويسة على ماقالو
شنو تنصحوني ؟؟
وشكرا

Message from mot3a_man

Thu, 09 Oct 2008 05:47:22 GMT

the best car