صفحات 1
10/9/2008 3:31:57 AM
MshariQ8
Posts 28
بالله قلي يازمان المهزله يامحترم.
شلي بقى من عالمك قلي وأنا بستوعبه.
علمتني كل الدروس وقلتلي كل الحكم.
لكنك أخفيت الحقايق وأبتلعت الاجوبه.
أما أنت كذاب وردي والا انا ماأفتهم.
واحد من الأثنين فينا ماوثق في صاحبه.
هذا الزمن مايعشقه ويعيش فيه الأ الصنم.
ماتقدر تميز غثاه وعقربه من بلبله.
أختلطت الاوراق فيها وصار بالوادي قمم.
حتى الصغير يازمن قام يتفاخر بشنبه.
فيها الردي أصبح مهم ويحترق فيها الاهم.
عالم من الكذب الرخيص وعالم من الأتربه.
الوقت يلعب لعبته والذيب خاف من الغنم.
معذور ذيبك يازمن لوجاه طفل وهيبه.
بيت يهدده الضياع وتنشرا فيه
الذمم.
لاعاد تشره يازمن لوجاه ظيف وخربه.
والظلم قلي من بقى في هالزمان ولا أنظلم.
والا انت خايف تظلم الظالم وتدخل مكتبه.
إليا متى نوخذ لحم ونرد مافينا لحم.
يلي بنيت من عظام البيض سلم واعتبه.
لوفيك خير ان كان ماوزعت كلمه والنعم.
خليتها بين الخلايق مثل
الهبه.
عنيد مايرضي يطيع ويقتنع انه قزم.
يصدق اللي صفقوله والصدوق يكذبه.
عطيته اللقمه ولكن صار في قلبه عظم.
قص وتفضل ماعصرته في يدينك وأشربه.
ليا أنكسر قوس الحريب وش فايده ذاك السهم.
وليا انكشف ستر العذارى وش تفيد الاحجبه.
الوقت هو الوقت والمحظوظ من خاف وسلم.
كم واحد قبلك تحداه الزمان وغيبه.
10/10/2008 12:43:19 AM
sha3er_7zn
Posts 86
صح السانك يامشاري

شاعر حزن
10/10/2008 4:00:45 PM
alviro
Posts 18
صح لسانك
10/11/2008 9:24:48 PM
Shehanh
Posts 26
هذا الزمن مايعشقه ويعيش فيه الأ الصنم.
ماتقدر تميز غثاه وعقربه من بلبله.
أختلطت الاوراق فيها وصار بالوادي قمم.
حتى الصغير يازمن قام يتفاخر بشنبه.


هالبيتين قمة في المعاني وغزارة الاحساس


صح السانك

تحياتي
شيهانه الامارات
صفحات 1
|
تسجيل faq AspNetForum v.0.0.0.0