|
صفحات
1 |
|---|
|
7/18/2009 8:47:51 AM
|
f.h.d.com
Posts 25
|
من يقول انساك والله ما نسيت
مسكنك قلبي وطيفك في العيون
انت حلمي اللي على شانه حييت
وانت عمري وانت نبضي يا حنون
لك عطيت الحب من قلبي عطيت
لا تشيل بخاطرك ولا ماتهون
يشهد الله غير شخصك ماهويت
في الحياه(انته) وغيرك مايكون
بك بدت لحظات عمري وابتديت
من عرفتك عشت في انس وسكون
بك رحلت بعالم الحب ومشيت
واهتويتك حد لحظات الجنون
ارحمني يا نور عيني لك صفيت
لا تهيم بفكر همك والظنون
لك وفيت الحب من قلبي وفيت
صادق واحلف بربي ما اخون
لا تقول انساك والله ما نسيت
لك قصر في القلب شامخ له ركون
|
|
8/3/2009 7:07:22 PM
|
dardor
Posts 13
|
لا صرت بايعني اشوفك على خير
مع السلااامه دام مابه سلاامه
قلت انتهينا قلت لك خير ياطير
مانبي بأول شخص يخسر غرامه
امحذرك من قبلها الف تحذي
لا عفتني بيعووف قلبي هيااامه
بسمعك حبكه وفكه وتصوير
وافهم عدل يامدعي بالفهامه
وجه الشعر ابيض ويحاات تغيير
ودي تزين هالقصيده علاامه
ماضيك الاسود بذكره دون تقصير
كذا يكون بخد هالشعر شامه
يصدق معي تعبير
وايخوون تعبير
ياضيعت الشااعر بوقت انسجامه
يمكن خطا ادونك بالشعر مير
لو ما احترمتك للغرام احترامه
ماكان حبك غير
بس طعنتك غير
علمتني معنى الندم والندامه
ماجاك مني اي زله وتقصير
كل ماخطيت اعاتبك بأبتسامه
حسبي على الذكره اذا هبت اعصير
ماعاد تنفع شرهتي والملااامه
الباال ضامي وقتها والحزن بير
خسرتك وهمي كسبت اهتمامه
والليل فازعلك كذا جاني امغير
ظلمتني واكثر ظلمني ظلاامه
لا اقبل علي اوحيت صوت المساايير
وفزت كل ضيفن اقوم بمقاامه
واليا عزم هالليل ضيقة وتفكير
قلي بربك كيف بقدر انامه
مافيه داعي للعتب والمعاذير
الغدر خال الجرح واطيب عماامه
اما يجيب الله مطر تالي وخير ولا السلاامه مااش مامن سلاامه
|
|
10/25/2009 7:21:38 PM
|
mako_habeeb
Posts 1
|
يجي من آخر الدنيا صَدَى صوتٍ خَفِيْ مَكْبوت
يصيح يقول: وين الحب ؟ ومثلك خانقٍ صوته
ولكنْ صوته الخافِتْ .بَنَىْ وسْطْ القلوب بيوت
تِطِيح بيوت هالدّنيا .وهو ماطاحت بْيُوته
تِذَكّرْ صاحِبك وارْجَع.تقرّب له وَلَو بالصّوت
حرام .تْضَحّك الدنيا عليه. وتَطْلب سكوته !
على آخِرْ نِفَسْ واقف...تِجِيْ..وَلاّ يجِيه الموت
واشوف الموت أَحْرَصْ مِنْك. وأشوف انّك تِبي موته
وأخاف إنّك بَعَد موته .تِحِنّ .وتفتَح التابوت
وأخاف مْنْ القهر.. يَقْفُل بْوجهك . باب تابوته
بْتَبْكِي والنّدم قاتِل ..مَعَادْ يْفيد .فاتْ الفوت
تِبي تَفْسيرْ لحْروفٍ. على التّابوت. مَنحوته
حُروفٍ خَطّها بِيْدَه قبِل تَجْفَى وقَبْل يْموت
لَحَنْ . غامِض . لْمَعْزوفَه . يِتيمَه . مالَها نوتَه
بْتَرْجَعْ لآخِر الدنيا ..لْمَصدَرْ صوته المَكْبوت
تبِي تَلْحَق بِقَايا الصّوت.( تِطَمّنْ) . ماهُوْ بْصوته
بَروحْ لآخِر الدّنيا .عسى ماينْقِطع ذا الصوت
أحِسّ إنّه يناديني وأحِسّ إنّه صَدى صوته
رجوعي كان مِتْأخّر. سبقني قبل أجيه الموت
عسى ربّي يسامحني مَدَام "إنّي" سِبَبْ موته
وَبَدْخل في قلوب الناس وْلَهْ في كلّ قلب بيوت
بَعَوّض ْ حُبّه بْحُبّ القلوب. وْبَسْكن بيوته
وَبَصْرخ فوق تابوته بصوتٍ خافتٍ مكبوت
ولكنْ.. من يِفَسّر لي حروفٍ فيه منحوته؟
يعيش الناس ماعاشوا. وتبقى( قصّة التابوت)
قِفَلْ في وجهي (العالم) . بْقَفْلَةْ( باب تابوته)
بصيح. وبَخْتِنق. وابكي . ولكن بَعْدْ فوت الفوت
عرَفْتْ الحين ليه ..آخر رساله.. كانت النوته
(..أنا بالهجر عذّبته.. وَلاَ حنّيت قبل يموت
وهو بالموت عذّبني .. عذابي كلّه سْكُوته ..)
|
|
10/27/2009 6:09:13 PM
|
lnoolnoo
Posts 1
|
يا سلاااااااااااااااام ابياااااات رووووووووووووعة
يسلمووو اخوي
|
|
صفحات
1 |
|---|