السلام عليكم ورحمه الله وبركاته
اا من زمان ما شاركت بهالموقع بس شدني هالموضوع لانه مرات احس هالمواضيع تخلى الوحده تفرغ الشحنه الكئيبه الى فيها عشان ترتاح ... انا بطبعي احب الضحك والغشمره واجتماعيه بس هالمساله صارت مو لصالحي لانه بهالزمن الناس ما قامت تفرق بين الاجتماعيئه والبنت الجريئه ..انا اكبر ندم في حياتي اني تعرفت على شخص وكان مثال بالاخلاق والتدين ولما صار فتره الزواج بدى يتطلب وانا كنت احاول اساعده والحمدالله انه الصدفه اهي الى بينته على حقيقته عن طريق بنت خالتي والى ما كانت تدرى عن اى شي ياها اتصال واهي كانت بعيده عن تلفونها ومادرى ليش انا طليت بتلفونها والا نفس رقم الخطيب المزيف وسكت انا ما قلت شي ولما رجعت قلت لها تلفونج رن فقالت اى هذا خطيبى واتصلت عليه وكلمته وحسيت انه قاعد يلعب عليها اهي بعد بعد ما سمعتها تقول اى مرنى باجر الدوام واعطيك الفلوس ...ما راح اطول عليكم كلمتها وقلت لها الموضوع طبعا انصدمت ورحت معاها اليوم الثانى الدوام وقلت لها خليه ايى وانا موجوده خل نشوف شنو ردت فعله ... وفعلا وصل وشافنى ما قدر يقول شي مجرد انى شفت غبرت سيارته اهنى انا وبنت خالتى ضحكنا وقلت الحمدالله انه ما صار شي وبينت حقيقته قبل لا نتوهق احنا الاثنين... طبعا الله العالم الحين منو ضحيته الثالثه ... بس هذا درس تعلمته اني عمرى ما اثق باى ريال يطلب من بنت مساعده او يحط من قدر نفسه عشان مال دنيا وهذا الشي لى ندمت عليه بحياتى ... ادرى طولت عليكم بسسسس لانه صج كان ثقل وابى اشارك فيه احد وشكرا لحسن الاستماع

يعطيك العافيه اخى العيدان
اشكرك على موضوعك المنقول وشكرا لك على جهدك الفعال فى المنتدى هنا وخاصه انك تتعب
فى البحث عن المواضع فى المنتديات ونقلها للاخوه هنا
هذا العمل تشكر عليه ومواضيعك الجميله للنقاااش .