Khitba Forum - نقاش عام - وجهة نظر ! - Messages

Message from mskeeena

Wed, 23 Sep 2009 11:35:37 GMT

يعيطكم العافيه علي الردود المختلفه والى بعضها فيها نوع من الواقع والاخر فيه نوع الخيال ... بالنسبه لوجهه نظري انا اشوف انه مواقع الزواج كثرت والاغلبيه للاسف رياييل ... اشلون يقولون البنات اكثر من الرياييل مادرى بس الى اشوفه نسبه الرياييل اكثر ... تعتقدون ليش نسبه الرياييل اكثر لانه اساسا الرياييل مو داشين يتزوجون داشين يلعبون ...يمكن البنات نفس الشي بس انا ارجح كفه الرجل باللعب اكثر من البنات ... بالنسبه لى انا مو داشه للزواج انا دشيت هالموقع بالغلط وحاشنى فضول بعرف شنو الوضع بهالموقع شفت انه حاله حل نفس المواقع الثانيه كله تعارف ومافيه لا زواج ولا بطيخ اللهم زواج متعه ومسيار ... اسمحوا لى انا اشوى صريحه بسحبيت اقول وجهه نظرى البسيطه واحتمال البعض يكرهنى بس هذا الصج

Message from alshammary111

Wed, 02 Sep 2009 10:30:43 GMT

والله زواج النت مصيبه

تروووووووووووووووح تحب وحده وتطلع جيكره وتتوررررط

Message from lighthoues

Wed, 02 Sep 2009 04:48:48 GMT

السلام عليكم
نصيبك يصيبك وين كنت وشنو ما سويت وسويت

هي صعبه للبنت إنها تقول لهلها ""عرفته من النت"" بالذات لما يكونون ناس ما لهم ذيك العلاقات بالمجتمع بشكل عام .. لأن فيه ناس ترى ما تعرف جيرانها منو--> وصدقوني بهل شي لأني فعلا شفته بعيني..., وهم لما يكونون أهلها من النوع إلي راح يسأل "شلون سمعتوا عنا؟" وأقصد سؤالهم لأهل الرجل .. هنيه يمكن يكون عند كل من يجاوب سؤالي إجابه غير إتخلي الأهل ما يدرون إنها تعرفه من النت
لكن خلونا نقول ماذا لو؟؟؟؟

طبيعة المجتمع متساهل مع الرجل لأنه هو صاحب المبادره الأولى بالبحث عن الزوجه
بوقت البنت تقعد في بيتهم وما في ئيدها غير النطره ليما الله يفرج لها أو يعوضها خير

وفعلا محد يقدر يعرف الثاني عن طريق المحادثه على النت , مثل ماراح يقدر يعرفه لو تقدم له بطريقه تقليديه إلا بعد الزواج

الموضوع طويل النقاش فيه ومعقد , لكن بالنهايه كل وحده عارفه ظروفها وعارفه راي أهلها بهل موضوع بالتالي تدري إذا إهم فري عادي عندهم زواج النت ...أو بيقلبون الدنيا على راسها لو عرفوا من وين عرفها هل رجال

وسلامي هو ختامي
وشكرا

Message from THEHOPE333

Mon, 31 Aug 2009 00:41:37 GMT

والله البني آدم غرييييييييييييييييييييب ماعرفنا له :/

ومعقد حيييييييييييييييييييييييييييييييييييييييييييييل

يا جماعه ليش ماتسهلونها عشان تسهل ليش التعقيدات ..
انا معاكم انه لازم نشغل عقلنا ونفكر بالعقل وناخذ الحيطة والحذر يمكن يطلع الرجال فيه وفيه واحنا ماندري واشياء تخوف وتقلق ..بس هالشي اكيد بنعرفه عقب ما نسأل عنه :"))

ثانيا شي الي يقولون انه بفترة االخطوبة أو التعارف : كل واحد يجمل بنفسه وبالعشره تنكشف اشياء وعيوب .. هذا شي أكيد سواء زواج من حب او نت او من الأهل .. أصلا من قال في أحد كامل!!!!!!!!!!!!!!!!! صحصحوا مافي أحد كامل إلا الله سبحانه وتعالى <-- والحمدالله انه الله سبحانه الوحيد الكامل .. وانه مافي انسان كامل لانه لو في انسان واحد كامل جان صارت علوم وبلاوي ...
وانا أذكر في كتاب اللغة العربية بالثانوية اي صف مااذكر بالضبط .. درس عشر وصايا .. من أي بالجاهلية تقول لبنتها لما بتزوج ..وصايا ومن أحد هالوصايا لا طيح عين زوجج على احد عيوبج ... وهم بعد قريت انه اذا كان الزوج والزوجه له عيوب نتغاضى عنهم وننظر لمحاسنه ....
_____

وأضحكني رد واحد لما قال باجر ولدي لا سألني شلون خذيت امي اقوله خذيته من النت ههههههههههههههههههههههه .. معقولة هالسؤال يصبح سبب لرفض زواج النت !!!!!
_____

بالنسبة لهذه الجملة من أحد الأعضاء : لأن انا شايف ان مو معقولة اني اتزوج من وحده فقط عرفتها عن طريق النت ... <--- لو قسنا على انك ماتعرفها : ايضا بزواج الأهل انت ماتعرف البنت مع هذا تاخذها ... ايضا هذا مو معقول !!!! ان تاخذ وحده ماتعرفها <--------------- عورتوااااااااا راسي حيل متناقضين انتوااااااااااااااااااااااااااااااااااااااااااااا حيل حيل حيل
___

ويوم انك مو مقتنع على زواج النت وتقول انه مو معقول ليش تشره على رسوم الموقع من فلوس <---- غريب حيل تعجبت حيل من هالشغلة مو مقتنع ويعاتب ويشره ://///

ما قول بالنهاية ::: إلا الله المستعان

Message from teacher.com

Tue, 28 Apr 2009 23:55:31 GMT

وجهت نظر لو كنت جاد او جادة ليش ماتحطين بعض بياناتج صحيحية وطلباتكم
والشي الي تبونة وتتمنونة بشخص الي تبونة عشان الواحد ايحس انة يتعامل مع ناس سهل الواحد يتعامل معاهم
حاطيلكم سيرة واكتبوا فيها انشاللة عشر اسطر سيرة ذاتية وشنو تبون عشان يسهل البحث

Message from Karbala

Mon, 03 Nov 2008 01:03:01 GMT

zhara كتب:

السلام عليكم
انا عندي وجهة نظر وارجوا من الاعضاء في الموقع ان يقدرة ويحترمون وجهة نظري ..
في الاوانة الاخيرة اشوف من الاخوات والاخوان ناوين يتركون الموقع بسبب وجود اشخاص غير جادين بزواج .... انا عن نفسي مو مقتنعة بالزواج عن طريق الانترنت ولهذا السبب لا يوجد لدي معلومات في سيرة ذاتية .... ولكن بقائي بهذا الموقع بسبب عندي اعتقاد بانه ساحة لطرح الافكار المجربة وحل للمشاكل واخذ العبر والمواعظ من الاخوان والاخوات .. وسوا كانوا مجربين الحياة الزوجية او على وشك الزواج ... وكوني عندي مواقف في حياتي حابه اني اطرحها ولا ابخل فيها ويستفيد منها غيري .واحب ان نكون في هذا الموقع كونه للكويتين ان نطرح حلول للمشاكلنا ونعرف وجهات نظر الجنسين ...((ياجماعة ترى الموقع جميل ومميز ))

كلامج صحيح اخت زهرة

انا شايف انه ما في جدية بالزواج ..

بس المنتدى مفيد جدا حق المقدمين على الزواج .. يستفيدون من المنتدى لحياتهم

خصوصا ان فيها سلبيات الشباب والشابات .. ونصائح وقصص تساعدهم

تقبلي تحياتي

Message from zhara

Sat, 01 Nov 2008 18:24:01 GMT

Message from guest_q8

Sat, 01 Nov 2008 04:11:16 GMT

اولا احب اشكرك اخوي كويتي على طرح الموضوع

كلامك سليم ونحترم وجهة نظرك , ولكن انا اشوف انه في بنات جادات بموضوع الزواج

المشكله بالشباب اغلبيتهم غير جادين بالزواج فعشان جذي لا نحرم الناس الجادين من انهم يلقون نصيبهم

ولو اني غير مقتنع بقصة الزواج بهذي الطريقه

تقبل مروري

أحمـــــــــد***

Message from girl1

Thu, 23 Oct 2008 11:14:42 GMT

شكرا حبيبتى قمر نجد ع اهتمامك بردى ويارب يوفقنا جميعا للخير

Message from 7ezen

Wed, 22 Oct 2008 20:07:28 GMT

قمر نجد يا احلي قمر ، كلامج صحيح ميه ميه ... بصراحه البنات هني و خصوصا اللي تحت الـ 25 محتاجين شويه وعي و ذكاء ... و شويه ثقل

و كل شي قسمه و نصيب

حزن

Message from QumarNajd

Wed, 22 Oct 2008 16:25:24 GMT

العزيزه girl1 حياك الله ,, من رأيي ان اذا شفتي رجل اعجبتك مواصفاته واتحسي ان أهلك راح يقبلوا فيه, صارحيه بأن يتقدم رسمي لك اذا هو جاد, واذا هو يستاهل راح بفعل, واذا لم يفعل فهو لا يستاهل ان تعطيه اي اهتمام, ولا تعطيه مجال للمراوغه مثلا بأن يقول لك اريد ان اعرفك اكثر وكلميني ومن هذا الكلام بأن نتكلم او اراك قبل الخطبه هذه الأمور تجعل من السهل عليه ان يخدعك ويكمل مشوار كذبه,,
ف بعد ان يري اهلك وتتعارفا تستطيعين ان تتقربي منه وتعرفيه اكثر في اطار آمن, اما طريقة شات القنوات الفضائيه,, فأنا لا اري انها مناسبه لأنها تجاريه وهدفها الربح لا اكثر مثلا يدخلون أشخاص بأسماء مختلفه لشد الأنتباه ويطرحون مواضيع لأستقطاب أعداد كبيره للمحادثه وهم موظفون بنفس الشركه. وأصلا هذه الطريقه لا توضح عن الشخص الآخر اية بيانات,, الأنترنت او الشات او غيره كلها وسائل للتواصل والبحث عن شخص آخر فلذا يجب ان تكوني حذره,
وفقك الله ورعاك وحفظنا واياكم خير الحافظين

Message from girl1

Wed, 22 Oct 2008 12:35:20 GMT

SHAMERE كتب:

شكرا لك ...

‏ ‏عن ‏ ‏أبي هريرة ‏ ‏قال .. ‏‏قال رسول الله ‏ ‏صلى الله عليه وسلم ‏ ‏من كان يؤمن بالله واليوم الآخر فليكرم ضيفه ومن كان يؤمن بالله واليوم الآخر فلا يؤذ جاره ومن كان يؤمن بالله واليوم الآخر فليقل خيرا أو ليصمت ..

حديث واضح وصريح .. أخرجه البخاري ومسلم ..

الهدف من موضوعك ان ادارة الموقع همها الأول من هذا الموقع هو جمع المال .. انا معاك ان الموقع كأنك بسجن ياليت انهم شوي يعطون العضو حرية التواصل مع الآخرين اذا كانت نيتهم فعلا لله وهي جمع شمل العزاب .. ولكن ان تأتي بهذه النية التي ستحاسب عليها ماتدري ما الهدف الحقيقي من هذا الموقع ..

هل تعلم ان حصلت زواج عن طريق هذا الموقع بعد التوكل على الله وان هنالك فعلا ناس نيتها الزواج ؟؟

أبشرك كثير تزوجوا من هذا الموقع

ثانيا في ناس مقطوعة من شجرة مالهم لا قريب ولا بعيد والله وفقهم عن طريق هذا الموقع وتزوجوا وعندهم عيال ( مو انا لا تحاتي ) وليش لأ يمكن أكون منهم ان شاءالله ..

ثانيا ... اللي بتتزوج .. وفعلا انها تكون اتفقت مع واحد على الزواج .. الله لا يهينها تروح لأقرب محكمة وتطلع سيرة الرجل من الألف إلى الياء .. الزواج قسمة ونصيب . وما المانع ان كان عن طريق النت ؟؟

قال الله تعالى ( واذا حييتم بتحية فحيوا باحسن منها او ردوها ان الله كان على كل شي حسيبا ) سورة النساء

فعلا كلامك كله صح اول شئانا حاسه انى فعلا فى سجن ما عندى حرية التواصل

انا شايفه ان فكرة الزوج عند طريق النت بقيت فكره عاديه والاهل عارفين بيها بدليل انى اختى الكبيره هى اللى اشتركتلى بالموقع بس طبعا بشئ من التحفظ
طب قولولى الزوج عند طريق النت افضل ولا عند طريق الراسايل الى بتكون عباره عن شات للقنوات التلفزيونيه

ما انكرش ان لازم اخاف لان مش كل اللى فى الموقع هدفه الاستقرار فى كتير واخدينو بانه شات يتعرفه فيه علىا البنات بطريقه اسرع

Message from miss_3afeesa

Mon, 20 Oct 2008 23:41:53 GMT

السلام

نجد انا مو خايفه من الزواج بس خايفه من الزواج اللي بالنت

وكل واحد ونصيبه يمكن اخذ واحد من النت يا اني اضل معاه ولا نفترق

او من الاهل او من المعارف ونفس الشي 50% نجاح 50%فشل

هذا غيب وعندالله سسبحانه وتعالى

بس انا استغربت يوم قلتي ان المطلقه احسن من العانس عشان الناس يقولون ليش ماتزوجت بس

لان كل واحد ونصيبه ومثل ما المطلقه هي اختارت انها تتطلق هم في بنات اختاروا انهم يقعدون عشان مالقو اللي يناسبهم

ومو قصدي تفصال لانه ماكو احد كامل والكمال لله سبحانه

بس انا جامعيه مو معقوله اخذ واحد متوسطه اصرف عليه يعني

وشكررررررررررران لانج اهتميتي برسالتي

Message from QumarNajd

Mon, 20 Oct 2008 15:29:28 GMT

ياحلو انت ياعفيسه يا قمر,, قلت لج المفروض البنت ما تخاف من الزواج,, ياما بنات خافوا ولقوا الزواج حلو,, وياما شافوا الريال حلو ومو امقصر بولا شئ وكل بنت تتمناه منصب وأصل وفصل وصغير ومو مقصر بشئ !! بس بعد الزواج أو بالأحري من أول يوم تنصدم بأشياء ماكانت بمخيلتها ولا يحترمها ولا يقدرها أبدا فترضي بالواقع,, وفي ناس ماتقدر تصبر لأنها ما لقت الحب ولا تقدر أتجامله ولا ترضي بالخيانه أعوذ بالله فشحقه تستمر معاه,, وتري الريال هم اذا كبر وما تزوج مشكله, هم ابيسألون هذا اشفيه ما تزوج أكيد عنده سوالف, عاد منو ياخذه!! يا وحده ناطره مثله او من البنات اللي علي قولتج ناطرين اي واااحد يغلط وييهم !! وكل هذا نصيب سبحان الله ولن يصيبنا الا ما كتبه الله لنا محد يقدر يقول ايش بيصير بكرا, وليش خايفه حبوبه, ماكو واحد تفصال,, لأن محد كامل اذا لقيتي واحد فيه بعض من الصفات اللي تحبينها, انتي بيدج تقدرين أتأثرين فيه وتكسبينه وتغيرينه واتنسينه حليب امه اذا حبيتيه, اشحقه تتخلين عنه, اذا انتي صاينته وماشاف شي غلط ويحبج صدقيني بحبكم محد يأثر فيكم,, ان شاء الله

Message from memi_q8

Sun, 19 Oct 2008 21:06:54 GMT

اولا : اشكر الجميع على المشاركه وابـــداء وجهات النظـــــــر واذكركم تظل وجهات نظر وتختلف من شخص الى الآخر .... وحالي حالكم حابه أبدي رأيي الشخصي واتمنى تتحملوني ، انا حاولت اقرا اغلب الردود الموجوده واتفق مع بعضها واختلف مع الكثير ....

باختصار .... النصيب نصيب نفس ما قلتوا وصدقوني يا جماعه النت ماهو المشكله اذا الواحد مو مقتنع يتزوج عن طريقه ، الثقه هي المشكله وهذا حق مكتسب لكل واحد فيكم ولكن لا تحط العذر بالنت والطريقه لان اكرر واقول الحق نصيبك وين اييبك وبعدين ليش اتركزون على الطريقه مو النتيجة ، ليش دايما نحكم على العلاقه بشلون صارت والمفروض انه نحكم عليها بوين انتهت ....

يعني بذمتك دام بالنهايه اثنين تزوجوا وحبوا بعض واستقروا ليش يهمنا شلون ووين عرفها ؟؟؟؟ استغرب من الكثير منكم وبنفس الوقت اعذركم واحترم رايكم ولكن تظل آراء

واوجه كلمه اخيره للجميع ..... كونوا على اقتناع ان لكل انسان مكمل ولو طالت المده عشان تلقونه او يلقاكم ولكن لكل شخص ، شخص اخر يكمله ... واذا الله سبحانه ما كتب لكم نصيب فيه فهذه خيره لكم من الله سبحانه ويمكن بقائكم بروحكم من غير ارتباط احسن لكم

وسامحوني اذا ضايقت احد بكلامي

Message from miss_3afeesa

Sun, 19 Oct 2008 20:30:01 GMT

السلام

اول شي سامحتج لوليتا لوووووووووووووول لا عادي ماكو زعل

ثاني شي

انا موقصدي اجرح المطلقات بالعكس انا اؤيد الطلاق اذا كان اللي جدامج مايفهم وغبي ولايقدرج

ثالثا الحين البنيه اذا عانس يعني فيها شي ؟؟؟

قووووووووووووووووووووويه
ترا الحين العنوسه صارت اختياريه وايد بنات مايبون يتزوجون مثل كثر مايشوفون مشاكل وهواش .

وبعدين انا قلت قبل مابي اتزوج اي شي يعني صراحه وبدون زعل

واااااااااااايد بنات يلخذون ايشي بس عشان مايقولون عنها عاااااااااانس وهي هنيه تصير بقمة الغباااااااااااااااااااااااااااااء

وبعدين عقب شهر اذا مو اسبوع راجعه البيت ليش اسوي بروحي جذي انا بس هذا قصدي

ولا الطلاق عادي

وانا اسفه اذا جرحت احد بكلامي ترا موقصدي

ومشكوره حزن على هالحجي

احسج فاهمتني ونفس شخصيتي وتفكيري

وشكراااااااااااااااااااااااااااااااااان

Message from 7ezen

Sat, 18 Oct 2008 22:52:18 GMT

ميس عفيسه حبيبتي سمعيها مني
انا بعد اهلي مايعرفون اني مسجله في الموقع مع انه مو عيب ولا جريمه ... و مو عيب اذا الوحده فكرت انها تكمل نصف دينها بطريقه محترمه و راقيه .

بس هذا مايمنع انج اذا كنتي منحرجه ، تتفقين مع الشخص المناسب اللي راح تختارينه شريك حياتج ، انكم تقولون للأهل ان الموضوع صار عن طريق احدي الصديقات مثلا ..
والله يوفقج و يوفق جميع الراغبين بالزواج خليج قويه و توكلي علي الله و خليج صادقه و الله يرزقج الإبن الحلال اللي تستاهلينه ان شاء الله

حزن

Message from QumarNajd

Fri, 17 Oct 2008 12:57:57 GMT

لا بالعكس,, المطلقه عالأقل مجربه والأخطاء اللي صارت ما تكررها, وممكن يكون الطلاق بأختيارها اهي, احسن من العانس اللي يمكن الواحد يحتار ليش محد خذاها !! وطولت ,, تري البنت اللؤطه تتزوج من 18 سنه واللي تتعذر بالدراسه ماعندها سالفه, صديقتي تزوجت صغيره وعندها اولاد وخذت الدكتوراة ما شاء الله, وكل شئ قسمه ونصيب ,, اما عن موضوع زواج النت انا مع آرائكم بأن الزواج والتعارف اهو واحد سواء عن طريق النت او الأهل او حتي في العمل او في اي مكان, كل واحد عارف نفسه وشخصيته وتربيته ونيته وكيف يختار وكل شئ بيد الله,, انا شخصيا تزوجت عن طريق الأهل وماصار نصيب لأن ما اتفقنا ولا حسيييت اني احبه او اتقبله, هذا بعد الزواج طبعا, وكنت اؤمن بالحب انه يأتي بعد الزواج وصبرت واااايد وبحثت عن اي شئ احبه فيه او نقطه توصلني لحبه ما قدرت مع انه حبني بس ما قدرت أحبه اذا ياج اللي يفز قلبج له اول ما اتشوفينه بنية الزواج , تري النيه فيها بركة من الله سبحانه يعطيج علي قد نيتج,, اذا ياج ان شاء الله اللي يستاهل وترتاحين له لا تخاين من الطلاق,, دام ان انتوا متفقين من جميع النواحي, البيئه , التربيه, الدين. العادات. التقاليد, هذى مقومات اساسيه للزواج الصحيح واهم شئ الريال تكون شخصيته قويه ومسيطر ومحد ايآثر فيه وعنده كلمه وكلمته عقلانيه "توزن بلد" وحكيم, والريال اهو اللي يسيطر علي المرأه ويعدل اعوجاجها, وهالأمور كلها ما تفرق اذا كان اللقاء الأول عن طريق النت او غيره,, والرجل الحكيم والمرآه الحكيمه تعرف كيف تحافظ علي حبها وتثق فيه اذا كان أهل للثقه ما تتخلي عنه لأي سبب ولا تسمح لأحد ان يعايرهم بطريقة مقابلتهم, ليش ما ايكونون قدوه, ويثبتون العكس ولا ينهزمون,, المسأله مسألة قوة شخصيه اذا. وضروري الـتأكد من شخصية الآخر قبل الأرتباط, مو ترتبطين يأي أحد الا متأكده ان هذا الشخص اللي حبيته وبكون وياه وبقبله بكل عيوبه واحبها وماراح اتخلي عنه وبحبه بكل ظروفه. مو علشان مصلحه لأن كما تدين تدان ومثل ما تخونينه بيخونج, واهم شئ اهم شئ اهم شئ ان الزوجين ما يخبون علي بعض اي صغيره وكبيره يعني مهما كان الشئ قوي لازم ايقولونه لبعض. والله يوفق الجميع

Message from MRS.Q8

Fri, 17 Oct 2008 00:59:52 GMT

أختي عفيسه صدقج الحرص وايد مطلوب وهذا نصيب بس لا تزعلين شفيها المطلقة والا الآرملة هذا كله قدر ما تدرين ظروف المطلقة شنو اللي خلاها تتطلق والله لا يقول والأرملة هم بعد قضاء وقدر من رب العالمين تحتسب بالحالتين وتقول اللهم أجرني في مصيبتي واخلف لي عليها بالخير المهم أرجع وأقول أنا عندي أهم شي شرط الكفاءة أهو اللي لازم التحقق منه وصدقيني أن هذا كله أقدار بس بالاستخارة والاستعانة بالتوكل على رب العالمين أهو اللي يفتح البصيرة وييسر.
أتمنى التوقيق للجميع

Message from lolitaa

Thu, 16 Oct 2008 21:16:44 GMT

يبيحون لأنفسهم ما يرفضونه لغيرهم

رجال يحققون في ماضي الزوجة ويرفضون البوح

بأسرارهم

أسئلة عديدة قد تخطر في ذهن كل شاب وفتاة، هما على وشك الإقتران، فهل يحتاج الوقوف عند

عتبات الماضي ونبش الدفاتر المقفلة جزءاً من تفكيرنا، فكما نعلم تماماً بأن الزواج هو الفطرة

السليمة لبناء حياة جديدة وتكوين بيت، أطفال وأسرة، فالزوجة سوف تبني معك هذه الحياة

الجديدة وكذلك أنتِ سوف يكون معك زوجك كظلك ويشاطرك جميع اللحظات بحلوها ومرها.. فهل

يؤثر ماضي الشاب على الحياة الزوجية وتبعاتها، وهل يتحتم على الفتاة أن تخفي دفاتر الماضي

في قبو قديم؟ وهل يلزم كلا الطرفين التساؤل عما يختبئ خلف أسوار الماضي؟

يظن معظم الرجال ان ما يتعلق بحياتهم الخاصة هو ملك لهم ليس من حق النصف الآخر أن

يتجرأ ويسأل عنه، وفي نفس الوقت يرى أن من حقه التعرف على ماضي شريكته وعليه معرفة تاريخها

منذ لحظة ولادتها، ففي بعض الأحيان يتخذ الشك مرتعاً في عقل الرجال فمنذ بداية الخطوبة يساور

الرجل الشك عن ماضي زوجة المستقبل، وبمجرد الزواج مهما تبدأ الشكوك والهواجس في عقله

بالبحث والتساؤل عن ماضيها المجهول بالنسبة اليه، من عرفت؟ ومن صاحبت؟ وما مدى علاقتها

بهم؟ الأمر الذي ينغص حياتهما الزوجية حتى وإن كان هذا الماضي نظيفاً لا ينقص من الزوجة شيئاً مجرد وجهة نظر

Message from ana_o_bas

Thu, 16 Oct 2008 00:27:13 GMT

مرحبا جميعا ... صراحة موضوعكم شدني .. فحبيت اشارك فيه
الحياة تجارب .. سواء بالنت ولا برة النت .. بس الواحد يحاول ..
صراحة اعرف بنتين تزوجو عن طريق النت والحمدلله ..الله يتمم عليهم اشزينهم الله رزقهم بالذريه الصالحة وعايشين مع بعض والحمدلله ... ومثل ما قلتو اصابعكم مو سوى
الواحد او الوحدة خو ما حطو سكين على رقبتهم وقالو يالله تزوجو الحين من اول مره .. لأ .. اكيد درسو الموضوع ودرسو شخصية كل واحد .. انعجبو ببعض اوكي.. كان بها ..
ما انعجبو .. كل واحد يروح بطريجه
و ترى الاصيل والجاد يبين .. اذا مو من اول مرة .. من الثانيه
هي بس مسألة وقت للتعارف والصبر وعدم العجله .. اذا ماصار زواج ..هذا مو معناته الدنيا انقلبت .. لأ .. يكون الله مو كاتب .. يمكن الله يبي الاحسن لكم
الله يوفق الجمييييييييييييييييع يا رب

Message from lolitaa

Wed, 15 Oct 2008 18:52:49 GMT

ياحسون الملعون ياآآآآآآآآآآآآآآآآ ههههههههه اتغشمر انت غلطان في بنات بالموقع مايعيبهم شي بس مالهم بالتعارف والسوالف البطاليه وقاعدين في بيوتهم يعني مو معقوله الوحده تطلع تدور ريل بالشارع والا شرايك واذا على مو حاصل لا حاصل لنا بس قلنا الموقع افضل والستر زين بس مافتكر الموقع من وراه خير والله ولي التوفيق يالجيييييييييييكر

Message from lolitaa

Wed, 15 Oct 2008 18:49:08 GMT

مرحبااااااااااا ولا تزعلين فديت العفيسه الي انتي فيها انا موقصدي بس بصراحه محد يعرف الشخص الي جدامه المهم الثقه بالله تكون موجوده وكل شي قسمه ونصيب والواحد يقول الحمد لله على كل حال اهم شي راحه البال فقط لاغير والله ولي التوفيق ويعطي كل واحد على نيته تصدقون كنت داشه الموقع من صجي قلت اجرب حظي ولو خليت خربت بس بصراحه من غير زعل الكل داش يدردش فقمت اسوي مثلهم اتسلى وشلت فكرة الزواج من اساسها باي طريقه كانت هههههههههههههههههههههههه الحريه حلوه وراحه البال ماكو عليها
ومافتكر بحصل الشحص اللي في بالي وعمتم مسااااااااااااااااااءا الله يوفقكم وتتزوجون كلكم وتييبون البنات والبنون

Message from hasson_73

Wed, 15 Oct 2008 10:00:55 GMT

سلام
ابا عندي وجهة نظر بالبنات اللي يدشون الموقع
99 % منهم جيااااكر لو يحصلها جان حصلت اللي تبيه برة بس تدري محد يعطيها ويه
اشرايكم؟
اما الريال يدور البنت لو هي ابجهنم

Message from miss_3afeesa

Tue, 14 Oct 2008 20:09:05 GMT

السلام عليكم

شكران على الرد

بس انا تفكيري مو رجعي

صدمتيني لوليتا شلن تقولين عني جذي
انا من كثر مو قاعده اقرا بالنت كل اللي اشوف كلامهم يقولون ماراح ناخذ من النت بس نبي نلعب وهالخرابيط

اكيد اصابع ايدي مو سوا بس هم لازم تفكيرين اكثر من مره لان اللي جدامج ماراح تبين شخصيته للي عقب الزواج

بعدين انا مو خايفه من رده الفعل من الاهل بالعكس على قوله gem مايصدقون يفتكون مني لوووووووول

انا قصدي الصبي نفسه

لان رفيجتي تطلقت بعد قصه حب من النت لانه صار يشك فيها عقب الزواج

وبس ماابي اصير مطلقه عانس ولا مطلقه

وشكراااااااااااااااان
وتفكيري مو سطحي ولا رجعي انا انسانه مثقفه

Message from Karbala

Mon, 13 Oct 2008 17:16:40 GMT

ahmedabdo200200 كتب:

السلام عليكم بس حبيت اسال عن الادارة هلى نيتها بهذا الموقع فعل الخير أم الكسب منه؟ ارجو الرد وان كان الرد بفعل الخير فلم لا تجعل وسيلة للتواصل بدون اشتراك ففى الناس الكثيييييييير الذى لا يقدر على الاشتراك وان كان غير ذلك فوضح لنا هذا الكسب حلال ام حرام ام ماذا مشكووووووووووووووووور كتير لسعة صدركم والله الموفق

السلام عليكم

اخي الكريم .. لماذا تبخل بدفع مبلغ صغير مقابل ضمان مستقبل لك والحصول على البنت الحلال

هل تعرف كم تكاليف عمل موقع والمصاريف الشهرية للسيرفر والشغلات الفنية ... الخ
تراه مو مبلغ بسيط ..

ثانيا لو بتطلب من خطابة تحصل لك بنت الحلال .. كم بتاخذ منك ؟؟؟؟

اعتقد ان المبلغ اللي تدفعه للموقع يستحق .. مقابل الشئ اللي تبي تاخذه من الموقع

اسمحلي على المداخلة .. هذا مجرد وجه نظر لا اكثر ولا أقل

تقبل تحياتي
أخوكم/ كربلا

Message from gem

Mon, 13 Oct 2008 10:44:49 GMT
على فكرة يا مس ... فكرة الزواج بالنت ما عادت قائمة على بحث الشباب ... للعلم بانها صارت اكثر و اكثر للكبار
و اللي يتزوجون عن طريق التعارف من النت يزيدون ... فلا تحتاين ... اهلج ان عصبوا اول ما يدرون بعد اسبوع بالكثير راح يتعاملون مع هالوضع
بالشكل المعقول ... لا تخافين ما راح ياخذون اللاب و لا الموبايل ... لان المجتمع كله ابتدى يتفهم هالتكنولوجيا ...
هم يخافون مثلا من الركضة وراها بالشكل اللي يؤثر سلبا على اولادهم و بناتهم و لكن اذا سار الامر بعقلانية
و الكل حفظ نفسه و سار بالامر على ما يرام فما راح بالنهاية يعارضون ... خاصة الاهل يحليلهم من تقول لهم زواج ... حتى ممكن ما يسالون من وين و
اشلون ... الخ .

Message from lolitaa

Mon, 13 Oct 2008 00:08:35 GMT
مرحباااااااااا ياعفيسه صج انج عفييسه شدعوه تفكيرج جذي رجعي ترى الزمن تطور والدنيا تغيرت الحين الواحد يقول حق اهله انا احب وحده وابيها شالمشكله
وعلى قولتج اذا الواحد بيشوف وحده من النت وبيفكر انها شافت غيره شالمشكله الحين البنت مايخطبونها واييون يشوفونها بالبيت نفس الشي دام مكان عام والشرع حلل رؤية الشاب للفتاه قبل الزواج
هذي مافيها شي غيري تفكيرج لايصير سطحي والكلام للكل احنا مو قاعدين نسوي شي غلط مو قاعدين نتفرفر بالشارع ونتعرف على فلان وعلان ومو من اول مره بنكلم واحد عالنت ركضنا نشوفه لابد من التعارف والقبول بالاول والله يوفق الجميع ويستر عالكل

Message from gem

Sun, 12 Oct 2008 23:54:09 GMT
هو احلى ما في الموضو انج تخافين بالمقام الاول ... بالنت او بغيرها
هي المقابلة الاولى و بعدين خطبة ؟؟ طبعا محد راح يثق بالاخر
البنت مفترض انها ما تحقق له المقابلة الا بعد ما تكون تاكدت من شخصيته بشكل مبدئي ما يقبل النقاش و لا القسمة
و اللي يحدد هذا الامر هو امر هام جدا
العقل و لا شي غيره ... اذا ترك اي انسان اختيارة بتفحص الطرف الاخر ...( الللللله المشية .. البسمة ... المادري شنو و الا شنو و الا ... الخ )
و كل هذا ترك قياسه للقلب فقط ... خله يبشر بالتكرفس و على الوجه
اختيار الطرف الاخر لا يتم قبول النداء فيه الا بعد ختم العقل له ... و هنا لازم العقل يحط الموضوع و يشتغل عليه بشكل رياضي
اللي من بعدها محد يسال على قولة المصريين ... تلت التلاتة كام
اكيد لازم تخافين يا اختي العزيزة و لكن اذا كنتي من اهل العقل صج ... فلا تتوجسين اكثر مما يحتاج الامر
و بعدين اكو اهل يسالون و يمحصون و هم بعد يحمصون المعلومات عنه ...
الاساس انج تشيلين العفيسة من تفكيرج و تركزين عدل ... و في تمارين ممتازة لهذا الامر
على فكرة اذا الاخ بيقابلج و بعدين بيغير رايه تكون ساعة السعد لج لانه ما يستاهلج بوقته ... ليش قابلج ...للزواج ؟؟ اصبح ليش يغير راية .... للعب ؟؟ ... ابركها ساعه
العذر منكم على الاطالة

Message from miss_3afeesa

Sun, 12 Oct 2008 22:05:00 GMT
السلام عليكم

صراحه موضوع وايد مهم
المشكله انكم كلكم كلام صح

بس الحين انا بعرف اذا الشاب استانس وارتاح لوحده بالنت وراح قابلها واتفقوا على كل شي

ماراح يراجع نفسه ويقول يمكن بعد شافت وكلمت غيري مثل ماكلمتني؟

وهم البنت فهل راح تكون هناك ثقه بين الطرفين بعد الزواج

واذا البنيه اهلها مايدرون ------- مثلي مثلا------ شنو راح يقولهم تعرفت عليها بالنت

الله خووووش موقف واذا ما قال كل شوي يهددني بهالكلمه

لا لا الحين صج انا خفت

Message from kuwaiti1979

Sun, 12 Oct 2008 05:02:16 GMT
السلام عليكم جميعأ

اشكر اخوي كويتي على الموضوع الجميل واشكر كل من تابع هالموضوع وشارك فيه

بالحقيقه احب اقول شغله معروفه وماراح اطولها (النصيب يصيب) سؤاءأ بالنت او برى وشكرأ وتقبلوا فائق تحياتي

Message from MRS.Q8

Fri, 10 Oct 2008 21:41:00 GMT
السىلام عليكم أنا كتبت رأي في اعلان الزواج واختفى من كل المنتدى زين أبي أفهم العضو المشترك في الموقع اللي يطلب مدة معينه للزواج ليش؟؟ ليش معقوله بنات حوا الشرقيات المحافظات اللي فعلا اهمه يبون السترة من ظروفهن أكيد ما لجأت لهالموقع وأؤكد الا عشان تخلي الموضوع بسترة على قدر ما اهو الموضوع حساس ما تبي تمشي وتقول أبي أتزوج تر وايد صعبه والمثل قال اخطب لبنتك والرسول صلي الله عليه وسلم أوصانا بالتحقق من الكفاءة زين ليش ما يكون أعضاء الموقع صدقج صادقين ليش صغار بالعمر يلهفون على الحريم اللي أكبر منهم للتسلية وغيره وما أدري ليش المتزوج يبي زواج بالخشيش أبي أفهم والله الهدف من انشاء الموقع وايد راقي وصدقج مو لازم يساء استخدامه للتعارف اللي مايروح ولا يودي وكلام مأخوذ خيره يبى يا شباب أرجوكم ليش ما نكون صريحين تر والله العظيم التوفيق من رب العالمين لما يكون كل شي واضح من البدايه للنهاية وعسى نسمع عن زواجات تمت بالفعل ونشارك فرحتهم للمعاريس اللي ضبطت واياهم التعرف وبهذه المناسبة تجان زين الموقع يرصد لنا الحالات الناجحة ! ودمنم بخير

Message from m7taaar

Fri, 10 Oct 2008 04:55:47 GMT
السيلام عليكم جميعا

ابي اقول رأيي في الموضوع ...

انا اللي اعرفه بشكل عاااام ان البنات يقعدون في بيوتهم لين يجيهم نصيبهم

ولكن ..

من تقطعت بهم السبل وضاقت عليهم الدنيا واحتارو في امرهم والخوف من قطار الزواج ان يفوتهم ..تجدهم يبحثون عن الزوج المناسب بأي طريقه ( مثل النت)

ولكن شخصيا انا لا استطيع التخيل ان اتزوج عن طريق النت ..

لنفرض مثلا كان هناك نصيب لشخص ما وتزوج عن طريق النت واستقر في حياته وانجب اولاد وبعد عشرة عمر وسنين طويله ..يأتي احد الاولاد ويسأل والده ويقول..

يبه اشلون تعرفت علي امي ؟... يكون الجواب (( والله ياوليدي عرفتها وتزوجتها عن طريق النت !!))..

للامانه الموضوع معقد والاراء فيه تتعدد ..

قرأت في مشاركه لبعض الاخوان يسأل عن الهدف من انشاء الموقع ..

ومن غير زعل انا اشوف ان السؤال ساذج جدا ..ولو كان الهدف سامي ولوجه الله خالصا ..تطلب الاداره رسم رمزي نظير الاشتراك ونقول مثلا ..دينار فقط

والاكيد ان الهدف هو الربح المادي فقط ..(( الاداره لسان حالها يقول ..ان تزوجو خير وبركه واذا ماتزوجو بكيفهم ..وفي الحالتين الاداره تقبض ))

ملاحظه مني شخصيا (( معظم البنات 95 % تقريبا ..سجلو في الموقع للتسليه فقط ..ومعظم الشباب 95% تقريبا سجلو في الموقع لأهداف غير الزواج:cool)

اخوكم محتار سجل في الموقع للاطلاع فقط ..

للجادين وللجادات في هذا الموقع وخارج الموقع والطامعين في الاستقرار وتأسيس بيت الزوجيه اقول لهم ..

يعلم الله وحده اني اتمني لكم كل الخير والتوفيق لزواج ناجح مستقر بأذن الله

دمتم بخير جميعا

Message from lolitaa

Thu, 09 Oct 2008 21:35:22 GMT
السلام عليكم خوش موضوع مع وجود اختلاف في وجهات النظر براي سواء زواج تقليدي او عن طريق النت او الخطابه نفس الشي في كل الحالات لازم نسال عن الطرفين واهلهم وهو امر طبيعي اما بالنسبه للسلبيات موجوده والشخصيه تنكشف ولو بشكل بسيط من خلال التعارف سواء بالكلام او بالمقابله لكن في كثير من الاشياء الواحد مايكتشفها الا بالعشره والا جان ماصار طلاق والسبب اكتشاف الطرف الاخر بعد فتره من العشره والنصيب مكتوب الواحد مايدري وين ؟؟؟؟؟؟؟؟؟ كله بيد رب العالمين وفي علم الغيب والواحد يسعى..... كلمه اخيره ( انما الامم الاخلاق فان ذهبت اخلاقهم ذهبوا ) اهم شي النيه الصافيه والصدق مع الطرف الاخر وشكرااااااااااااا

Message from SHAMERE

Thu, 09 Oct 2008 14:33:20 GMT
شكرا لك ...

‏ ‏عن ‏ ‏أبي هريرة ‏ ‏قال .. ‏‏قال رسول الله ‏ ‏صلى الله عليه وسلم ‏ ‏من كان يؤمن بالله واليوم الآخر فليكرم ضيفه ومن كان يؤمن بالله واليوم الآخر فلا يؤذ جاره ومن كان يؤمن بالله واليوم الآخر فليقل خيرا أو ليصمت ..

حديث واضح وصريح .. أخرجه البخاري ومسلم ..

الهدف من موضوعك ان ادارة الموقع همها الأول من هذا الموقع هو جمع المال .. انا معاك ان الموقع كأنك بسجن ياليت انهم شوي يعطون العضو حرية التواصل مع الآخرين اذا كانت نيتهم فعلا لله وهي جمع شمل العزاب .. ولكن ان تأتي بهذه النية التي ستحاسب عليها ماتدري ما الهدف الحقيقي من هذا الموقع ..

هل تعلم ان حصلت زواج عن طريق هذا الموقع بعد التوكل على الله وان هنالك فعلا ناس نيتها الزواج ؟؟

أبشرك كثير تزوجوا من هذا الموقع

ثانيا في ناس مقطوعة من شجرة مالهم لا قريب ولا بعيد والله وفقهم عن طريق هذا الموقع وتزوجوا وعندهم عيال ( مو انا لا تحاتي ) وليش لأ يمكن أكون منهم ان شاءالله ..

ثانيا ... اللي بتتزوج .. وفعلا انها تكون اتفقت مع واحد على الزواج .. الله لا يهينها تروح لأقرب محكمة وتطلع سيرة الرجل من الألف إلى الياء .. الزواج قسمة ونصيب . وما المانع ان كان عن طريق النت ؟؟

قال الله تعالى ( واذا حييتم بتحية فحيوا باحسن منها او ردوها ان الله كان على كل شي حسيبا ) سورة النساء

Message from ahmedabdo200200

Thu, 09 Oct 2008 10:33:21 GMT
السلام عليكم بس حبيت اسال عن الادارة هلى نيتها بهذا الموقع فعل الخير أم الكسب منه؟ ارجو الرد وان كان الرد بفعل الخير فلم لا تجعل وسيلة للتواصل بدون اشتراك ففى الناس الكثيييييييير الذى لا يقدر على الاشتراك وان كان غير ذلك فوضح لنا هذا الكسب حلال ام حرام ام ماذا مشكووووووووووووووووور كتير لسعة صدركم والله الموفق

Message from Karbala

Thu, 09 Oct 2008 03:56:12 GMT
السلام عليكم

اخوي كويتي .. اشكرك على هذا الموضوع اللي الصراحة مهم جدا ... واشكر كل من علق بالردود

اخواني الكرام ..

أولا: انا اعتقد انه الهدف الأساسي من الموقع هو فقط لتقريب الناس بين بعض لهدف الزواج .. حاله حال اي موقع آخر متخصص بأي شئ ثاني
ولكن هذا الموقع صار تخصص الزواج ...

وموضوع الزواج عن طريق الانترنت هذا المفهوم غلط عند وايد ناس .. هو بالاصح اسمه التعارف عن طريق الانترنت بهدف الزواج

وثانيا: منو الشخص سواء بنت او ولد ... يبي يسولف بالشات والمراسلة من وراء شاشه كمبيوتر .. وبعد كم يوم يروح يصير زواج

الموضوع في وايد مقدمات ... واهم شئ بالموضوع انه لازم الموضوع يكون في صدق وأمانة والا .. الزواج يفشل سواء عن طريق النت أو غيره

وانا الصراحة حصلت وايد مقالب في هذا الموقع ... البيانات اللي حاطتها البنت .. غلط في غلط .. ولدرجة حتى الجنسية غير مكتوب كويتية وهي مو كويتية

بس لما صار تعارف واتفاق .. يوم وقت الصجية .. اشوف البنت تبدأ بالاعترافات .. وكم مره صارت فيني

عموما طولت عليكم ... ما اقول الا انه الزواج قسمة ونصيب

تقبلوا تحياتي

Message from eros82

Thu, 09 Oct 2008 02:00:12 GMT
يعطيكم العافيه جميعاً على هل موضوع الحلو والي كاتبه احلى منه
طبعا وجهة نظر صحيحه وانا اايدك بصراحه انه النت عباره عن شبكة تجمع الصالح والطالح فا الواحد مايقدر يثق ثقة عمياء او انه يعتمد على النت بانه سبيل من سبل او طرق تيسير الزواج او الحصول على نصفك الثاني بس ترى هم ممكن ههههههههه ادري بتقول كلامي يناقض نفسه بس صج ترى الواحد مايدري يمكن صدفه او شي بس كلامي انه مايعتمد عليه لان بالنهايه حتى لو شاف بنيه يازتله او يابنيه شفتي شاب يازلج وعجبج بالنهايه هم راح يصير تعارف جدي والاهل يسؤلون عن الاهل ولويه يعني سالفة طويله مو سهله النت اعتبره جنك شفت البنيه بالجمعيه ولحقتها لي بيتها تالي عرفت منو بنته ورحت قلت لهلك اخطبوها شالفرق . بل النت احسن اصلا على الاقل سولفت وياها وعرفت منطوقها وحجيها واسلوبها بتقولي ماخفي كان اعظم وفي شغلات ماتبين الا بالعشره انا معاك صحيح بس هم ترى لما اهلك يخطبولك زواج تقليدي او شنو ماكان نوع الزواج الي اتخذته حابها حابتك شايفها لاحقها او بالماسنجر الي يصير هم مهما دامت العلاقه بينكم اكيد العشره غير وبتطلع شغلات غير لان طول فتره الخطبه والملجه والتعارف لين مايتسكر عليكم باب الغرفه وانتو كل واحد يظهر احسن ما عنده لكي يعجب الطرف الاخر ويزداد تمسكه فيه فا من وجهة نظري كل واحد بياخذ نصيبه بغض النظر عن الوسيله الواحد يتوكل على الله والطيبون للطيبات . فا اجزم اخو قلبي وتوكل على الله ووقت الصجيه كل شي يطلع لاتحاتين تشكرات افندم

Message from soswaa86

Thu, 09 Oct 2008 00:34:55 GMT
السلام عليكم :
اول شيء السالفه كلها وجهة نظر من صوب و حظ من صوب و نصيب من صوب .

يعني ممكن الواحد يتزوج زواج تقليدي و يكونون عارفين العايله عدل و منو اهم بس يمكن البنت او الولد مو زينين او ما يتأقلمون ويا بعض !!!!
و ممكن همن من النت تكون علاقه كلها جذب ؟ و ممكن تكون بالعكس علاقة صريحه و يرتاحون حق بعض فراح اعرفون بعض عدل و تتطور العلاقة بينهم .
فمانقدر نحكم ونقول هالطريقه صح ولا لا ؟؟؟؟

و شكرا

Message from call.97231486

Wed, 08 Oct 2008 19:49:01 GMT
بسم الله الرحمن الرحيم

السلام عليكم ورحمة الله وبركاته

اول شي احب اشكر الادارة على اضافة المنتدى للتعرف اكثر عالاعضاء

لكن عندي وجهة نظر بالنسبة للزواج عن طريق الانترنت

انا اشوف انه مسألة تعتمد على اكثر من اساس

اول شي الاساس الديني

ممكن من خلال متابعة ردود نتعرف على الخلفية الدينية للانسان اللي نتكلم معاه

ثاني شي اذا ارتحنا لعضو من الاعضاء

وحبينا نرتبط فيه ناخذ عنوانه ونسأل عنه وعن اهله

ويصير نفس الاسلوب التقليدي

يعني الزواج التقليدي

نسأل عن العوايل اللي عندهم بنات

نشوف العائلة ونسأل عن سمعتها

ومدى الخطر فيه مثل الخطورة في الزواج التقليدي

ما نقدر نكتشفه إلا بعد المعاشرة

Message from misharko

Wed, 08 Oct 2008 13:44:10 GMT
اول شي الله يعطيك العافيه على هالراي الحلو انا اييد كلامك بس انه ماينطبق على كل الحالات وكلن راح يلقى نصيبه بالنت والا زواج تقليدي والا ابأي مكان وزمان وعلى العموم الله يستر من هالبشر الحين اللي للاسف الاغلبيه بس اخذ منهم ديكور يعني الظاهر شي والباطن شي ثاني

مابي اطول عليك لو بكتب ماخلص

مع تحياتي وشكرا

Message from gem

Wed, 08 Oct 2008 13:34:42 GMT
يا كويتي يا بعد جبدي ... حتى لو اقتنعت ست الحسن بسي السيد ما زالت هناك بالتقاليد رد للخاطب يقوله عطونا فرصة نسأل و الكويت ( يا عيني ... لو تنسى نفسك و انت ماشي بالسيارة راح يردونك بالصليب الدولي لانك تخطيت الحدود الدولية ...) مهما كان الرجل او الست دجالين و عباقرة بالاقناع ... فابواو ام التعليم الموازي او كل الكذب الاخر هيتكشف و يبان و عليكم انشاالله الامان
بس القصة مو بهذه حبيبي كويتي ... القصة هي انه مهما ظن الشخص انه اخذ فترة بالتعارف و خبز الطرف الاخر ... بتكون الكثير من جوانب الشخصية الدقيقة اللي يحرص كل واحد انه ما يطلعها الا بعد الزواج او انها اصلا ما تبين الا بعد الارتباط و اللي لها تاثير مدمر ... خافية على الطرف الاخر .. و هذه هي الاشيا اللي مالها غفارية ... تعال عاد ...( و الله محد طقك او طقج على ايدكم ... مو كنت جدامك او جدامج ؟؟؟ يعني كنت موافق او موفقه على كل شي فيني .. شللي تغير ... و تعال عاد فجج )
اذا طلعوا خوش اوادم راح يحاولون يحلون هالمشاكل او الاختلافات بالتوافق و التقارب .. اما ان طلعوا من عيال فري كويت ... لا المحامين عزت الله ربحوا اثنين متعادين و تعال عاد رفع قضايا لما يفلسونهم و و يبيعونهم حتى ملابسهم .
و الله يكافيكم الشر

Message from Manart

Wed, 08 Oct 2008 13:20:00 GMT
بسم الله الرحمن الرحيم

اللهم صلي على محمد وآل محمد

اعتذر جدا إن كان تدخلي غير مقبول في هذا الموضوع

ولكن ابتدأ التعليق السريع بهذه الاية المباركة

يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ

وهي رد على ما جاء في السطور الاخيره بدون التطرق المباشر لهذا الامر

بالنسبة للزواج التقليدي ارى ان الشاب في الخطبه من الطبيعي جدا ان يضبط اخلاقه وتعامله بلباقه

ثم الموقع هو بدايه تعارف بين الاثنين ثم يأتي بعدها تعارف الاهل والسؤال عن الشاب والفتاة ايضا

ان كان فيه أي خلل يظهر من خلال السؤال عن اخلاقه بالطبع لن يتم الاعتماد

على ما يأتي من تعارف هنا

امامهم لقاءات كثيره وسوف تسقط الاقنعه وتتجلى الحقائق

التي تكمن خلف الاستار

ونحن هنا ندعوا الجميع للمزيد من المصداقيه والصراحه ان كان جاداً في امره

وشكرا

Message from Q80Y

Wed, 08 Oct 2008 12:00:02 GMT
مع احترامي للجميع انا راح ابدي وجهة نظري ولو ان محد سألني عنها بس قولوا لقافه,,, المهم اني بقول شي على الاقل عشان احس بوجودي , ماعلينا ندخل بالموضوع .. انا شايف ان موضوع الزواج عن طريق النت محفوف بالمخاطر .. حلوه محفوف وحطوا تحتها خطين لأن انا شايف ان مو معقولة اني اتزوج من وحده فقط عرفتها عن طريق النت وطبعا هالحجي ايضا موجه للبنات , مثال : يمكن اكون انا مدمن او خريج سجون او راعي مشاكل وكذاب , وبنفس الوقت اجيد فن الاقناع والحجي المصفف وطبعا محد يعرف عني شي او انا منو بالاساس ؟ ... والله يكون بعونها اللي راح تكون من نصيبي << طبعا انا اقول مثلا مثلا ... بنت الحلال ماصدقت لقت لها واحد تفصال هندي مضبوط مية بالمية وخريج جامعه مع مرتبة اشرف من الشرف .. واهو بالحقيقه يمكن يكون تعليم موازي مع احترامي للجميع بس اهي تطمح بدكتور او مهندس اومحامي او طيار .. الخ المهم ان يكون من ذوي الوظائف العالية والدخل الممتاز عشان تقدر توفر لنفسها ولبيتها اللي ناوية تبنيه مع زوج المستقبل افضل وارقى حياة .. وبالاخير تتفاجأ انه .. استغفر الله (*****) ومايسوى بيزه ويمكن يكون حقير بعد ومايخاف الله فيها , هالحجي طبعا ينطبق على الاثنين ــــــــ خلاصة الحجي انا اشوف اننا في مجتمع محافظ وتربيتنا وبيئتنا اللي احنا عايشين فيها تحتم علينا الزواج التقليدي اللي عن طريق الاقارب او المعارف مو شرط اقارب المهم اننا نعرف شي عن هالاسره ,, يمكن يكون رايي جريء جدا من هالناحيه والاجرأ ان يمكن اللي يسوق لهالشغله اهو المستفيد << المعنى في بطن الشاعر والله يكون بعون الشاعر مثال انا لما اسوي شي وانطر منه مردود مادي اكيد راح اسوي له دعاية وراح أألف القصص عشان ينجح هالشي واعتقد انكم والحمدلله فهمتوا.. وسلامتكم اعتقد ان المعنى وصل وتمنياتي بالتوفيق للجميع