|
صفحات
1 |
|---|
|
3/3/2009 8:52:54 PM
|
samtbdwee
Posts 5
|
ياللـيـل مـاذكـر فــي حيـاتـي تمنـيـت
مثـل ابتسامـه تنتشـل قلـب منـصـاب
ملـيـت ورب الـبـيـت يالـلـيـل مـلـيـت
من الجروح اللى تجينـي بـلا اسبـاب
تدري يالليل اني علـى الجـرح غنيـت
غنيـت دمعـه والصـدى ضـم الاهـداب
تـبـي الحقيـقـه والصـراحـه تـرجـيـت
فـرحـه ولـكـن الـزمـن بالعـطـا خــاب
يالليـل قـلـي بدنيـتـي ويــش سـويـت
حتـى الهمـوم بداخلـي تفـتـح ابــواب
إن كان طيبي عيب ومشكلتي اوفيـت
اموت صـادق وارفـض اعيـش كـذاب
طبـعـي كــذا عــن ميـزتـي ماتخلـيـت
عندي مبـادي دونهـا ترخـص ارقـاب
بـيـنــي وبـيـنــك يـاكـثــر ماتـعـنـيـت
اركــض بغـرفـه مغلـقـه مالـهـا بــاب
غرفـه وراهـا فرحـتـي دونـهـا جـيـت
اركانـهـا عتـمـه ولا حـولـي احـبــاب
كــاس الـفـراق الـمـر مـنـه تقهـويـت
انـا اشهـد إن الشـوق ياللـيـل غــلاب
ياللـيـل انــا لاشـفـت ماعـفـت قفـيـت
اقفـي ولـو خلفـي كثيريـن الاصحـاب
الا جـروحـي كــل مـارحــت وقـفـيـت
جتنـي تحـمـل صـدتـي لــوم وعـتـاب
مـاذكـر ولــو مــره بحيـاتـي تهنـيـت
اضحك كذا والصدق عن شفتي غـاب
صارت دموعي ضيف وعيوني البيت
ودايـم تشـوف مـن المناديـل ترحـاب
اشـرب مـن الـدخـان لاجـيـت باكـيـت
احرق زقاير والسهر يحـرق اعصـاب
لاشفت شمـس الصبـح ليديـك حنيـت
فـي داخلـك حبـر القلـم بالشـقـى ذاب
اسريـك بالحـالـي واذا رحــت ونـيـت
مابـي تـروح ودمعتـي بيـن الاهــداب
أكتب شعوري فـي ظلامـك علـى ايـت
ونـورك ختـم قصـة عذابـي عـلـى اب
يالـلـيـل قـــل لـصـبـح انـــي تمـنـيـت
بـس ابتسامـه تنتشـل قلـب منـصـاب
اخوكم
صـــــمــــت ابــــــدوي
|
|
3/13/2009 4:20:44 AM
|
oza
Posts 23
|
ان كان طيبي عيب  انا اشهد
صح لسانك اخوي ..
|
|
3/14/2009 5:25:40 PM
|
kooka
Posts 3
|
صح السانك
وتسلم علي الكلمات الجميله
|
|
3/15/2009 2:54:28 PM
|
samtbdwee
Posts 5
|
مشكوره علي المرور الكريم
أعتلا شانج وصح بدنج
لج تحياتي
صــمــت بــــدوي
|
|
3/15/2009 2:56:04 PM
|
samtbdwee
Posts 5
|
kook
مشكوره علي المرور الكريم
لج تحياتي
صــمــت بـــدوي
|
|
صفحات
1 |
|---|