3abady
Posts 36
|
لمن سألني عن حكايتي مع الحزن
أبكي من الضيقه على صدر الأوراق
وآحس غير الناس دمعي حقيقي
عوّدت خاطر خاطري كلما ضاق
اجلس اواسيني وكني رفيقي
آغص بـ أول حرف من كلمة (أ)شتاق
كن الوجع حلقي /لساني/وريقي
مجنون أدور ضحكتي وسط الأسواق
واشحذ صبر كلما طعني صديقي
دوم اسكبك يالحزن حاني ورقراق
ومن غيرك انته!! ما يشوفوا بريقي
بي (لا) غريبه !!..تختنق بين الاحداق
مدري اشتبي اكثر ؟!وصمتي حريقي !
استاهل اكثر ما يجيني من احراق
يعني شْيصير ان صحت: بس!! استفيقي ؟!
مبطي وانا اكتب في قصيدي
(الاشواق)
.ليني (تفلت) الشوق...من حلق ضيقي
يا مضيق بعيني مساحات الافاق
لى مات صوتي !!..وش اسوي برفيقي؟!
هذه حكاية ضيقتي فوق الأوراق
جيت ولقيت الـ(آه) تعرف طريقي
|