http://forum.khitba.com/messages.aspx?TopicID=329 Khitba Forum - القصائد والخواطر - من بغى الفرقا ... - Messages en-us http://blogs.law.harvard.edu/tech/rss Jitbit AspNetForum Fri, 14 Nov 2008 03:35:14 GMT Fri, 14 Nov 2008 03:35:14 GMT http://forum.khitba.com/messages.aspx?TopicID=329 صح لسانكم
وتسلمون لردكم لجميل
والله القصيده مو لى بس ناقلها واعجبتني فعلا كلماتها الرقيقه والمعبره
تحياتي
عبادي]]> Fri, 14 Nov 2008 03:35:14 GMT http://forum.khitba.com/messages.aspx?TopicID=329 ممكن اعرف صاحب القصيدة اذا كانت مو لك
وشكرا]]> Thu, 13 Nov 2008 11:54:42 GMT http://forum.khitba.com/messages.aspx?TopicID=329 Thu, 13 Nov 2008 00:04:43 GMT http://forum.khitba.com/messages.aspx?TopicID=329

من بغى الفرقا


من بغى الفرقا لقى له عذر وأسباب ودليل
خلى عنك العذر والأسباب دام الحب ضاع


كان ودك بالفراق أبشر عسى عمرك طويل
لا تردد وإنت لك كلمة ولك أمر ٍ مطاع


لي عليك إنك تبت بكلمة تشفي العليل
ولك علي إني لأوقف وقفة الرجل الشجاع


لا تجاملني مخافة قال ما أدري خوف قيل
عمر هرج الناس ما يسمن ولا يغني جياع


كان قصدك سر حبك أوعدك لأصبح بخيل
وأحمل أسرارك معي للموت قدر المستطاع


بس قلها .. قل ( ما أحبك ) وأبشر بصبر جميل
لا تحسب إني مثل من طبعهم لوي الذراع


صاحبك ما هو كذا يا صاحب القد النحيل
صاحبك طبعه غريب وغربته غربة طباع


في الهوى ما يقبل الحل الوسط ولا القليل
مثل ما هو لا شرى يشري ليا من باع باع


ثابت لو هي تميل الأرض حدره ما يميل
يدري إن الفقر ما هو عيب والدنيا متاع


ما عشق لذة حياته كثر عشق المستحيل
ولا كره حتى مماته كثر كره المصياع


كم تعلم من شديد البدو وش معنى الرحيل
وكم تعلم من غروب الشمس وش معنى الوداع


كم تعلم من سحاب الصيف وش معنى الحصيل
وكم تعلم من ليالي البرد وش معنى الضياع


إيه أنا هذا طريقي موحش وصعب وطويل
وإنت لا منك تعبت العالم فجوجه وساع


إعتبرني في بداية سكتك عابر سبيل
رح وأنا قلبي معك من وين وجهت الشراع


يكفي إني لا انذكرت في سالفة عشاق قيل
عاشر أحبابه شجاع .. وفارق أحبابه شجاع]]> Wed, 12 Nov 2008 19:23:13 GMT