http://forum.khitba.com/messages.aspx?TopicID=252 Khitba Forum - القصائد والخواطر - الأبجديه:) - Messages en-us http://blogs.law.harvard.edu/tech/rss Jitbit AspNetForum Mon, 03 Nov 2008 00:45:05 GMT Mon, 03 Nov 2008 00:45:05 GMT http://forum.khitba.com/messages.aspx?TopicID=252

العفو

القصيده للشاعر جوهر الحربي]]> Mon, 03 Nov 2008 00:45:05 GMT http://forum.khitba.com/messages.aspx?TopicID=252 السلام عليكم ورحمة الله وبركاته

قصيده رائعه جداً .. الله يعطيك العافيه بس منو اللي كاتبها لو سمحت؟

تقبل سلامي

أخوك .. شاعر حزن]]> Sun, 02 Nov 2008 19:34:34 GMT http://forum.khitba.com/messages.aspx?TopicID=252 اشعلي نار الغرام اللي تشب الشاعريه=واحفظيلي كل كلمه قلتها بك واكتبيها

وصارحيني في مفاهيم الكلام الفلسفيه=وكل كلمه تحتمل تفسير(ن) اخر علليها

خلي افلاطون يضحك في زمان الجاهليه=وادخلي في مملكة نازار يوم وفجريها

واخرجي من عصر تيمور ومفاهيمه وغيه=وانفذي بين الاتون المظلمات ونوريها

واكتبي بعض الرسايل بالحروف السومريه=وانقشيها نقش من كل الجوانب وابرزيها

رجعي صوت المحافل بالعصور البابليه=والحياه اللي تعبنا من صخبها لونيها

خلي اذكى من يعرف الرمز يجهل ياذكيه=غيري بعض المعاني والمسارات اخلفيها

واكتمي سر المحبه واسكتي كنك غبيه=واستبيحي جملة ظنون الجنون وهمليها

واضحكي كنك سعيده وان تظاهرتي شقيه=واجعلي لبس المعاني يعتريك ويعتريها

طالعيني في حضور الناس بالعين الرديه=حال من وده له بحاجه وكنه مايبيها

وانظريلي من خلاف النور بالعين الرضيه=والغيوم اللي على بعض المعالم بدديها

وزعي كل النوايا واتركي للحب نيه=نية(ن) ما يعتريها شك يوم ولا يجيها

امزجي بين الغباء والتوريه والعبقريه=وكل جمله قبل لاتبدين فيها راجعيها

خلي المتعه تعدى كل تركيب الخليه=السراير بالشعور العاطفيه وزعيها

واتهميني بأبتعادي لو بقت نفسي بريه=يعني الغيره على قدر المحبه قدميها

واستغلي موهبة شاعرك باسرار خفيه=كل شمعه تشتعل منها القريحه ولعيها

ناوليني كل ورده من جناينك البهيه=واكتبيلي رمزها واسرارها وامضي عليها

ميلي حمل السفرجل مع مثانيك الطريه=واستغلي غفلة الغافل عليه وفوتيها

غيري صيف الليالي بالديار الساحليه=ذوبي ملح السواحل قدم عيني وازرعيها

قدمي لي وردة(ن) حمراء والاخرى قرمزيه=وهاتي الصفراء قبل يوم الوداع وقبليها

زاوجي بين المشاعر والكموم النرجسيه=واحتفي يالنرجسيه بالزهور وزاوجيها

وارسميلي صورة(ن)ماجسدت ذنب وخطيه=ومن هدبك اللي سبى كل المشاعر بروزيها

وعلقيها في نهايات الضلوع الداخليه=كيفما ترين من خلف الجوانح علقيها

عيشيني عدة اجواء من طرف يوم وعشيه=اسعدي روحي جزاك الله من الخير اسعديها

اسعفيني مابقى للصبر في روحي بقيه=يرحم الله حالتي تنخاك تكفين اسعفيها

واصنعي من كل كلمه محكمه لاهل الاذيه=واقنعي نفسك بتحقيق المرام وحدثيها

خلي امهر من يعرف الكذب يبلش بالقضيه=والمعاني في نظر بعض الخلايق حرفيها

لو يقال الخفجي اصبح خلف نهر الناصريه=كل كلمه من عدوك دون ظلمك صدقيها

هكذا فن التعامل بالاساليب القويه=جددي بعض الاساطير القديمه جدديها

بس انا لامن اعطيتك مواثيق الوصيه=قدريها قدر ما يقدر ضميرك قدريها

خوذي الحرفين من كل الحروف الابجديه=واقرائيها لين تستوطن ضميري واتركيها

عاد وان قلت ارحلي بي للفضاءات المديه=اكشفي كل الحقايق والبراهين اطلعيها

واعلني توحيد حبك للحياه العاطفيه=وكل بسمه تنتعش منها الضماير كرريها

خلي الاحلام تصبح بالحياه الواقعيه=والله اني ميت(ن) منها قبل لااموت فيها!!؟

واهني من حقق احلامه بقربك واهنيه=استميتي في حزينات المشاعر وايقظيها

ساعة(ن) ماني بقايل مثل سكرات المنيه=قلما من يملك الحكمه ويقدر يحتويها

ثالث العيدين عيد الفطر مع عيد الضحيه=لحظة(ن) لا بعت عمري لاجل عينك مشتريها

المصيبه ماهو الموت وعقوبة كل سيه=هذي اخر حالة ابن ادم ولله يشتكيها

المصيبه لااحتضرت بغيبتك والروح حيه=ساعة الهجران والحرمان واللي يقتفيها

لو عرفتي وش تسوي نظرة العينين فيَه=مارفعتي لي هدبها لين يزحم حاجبيها

والله اني مستهيم(ن) بين ذيك وبين ذيه=مالي الا اشكي صوايب رمشها منها واليها

بس انا طالبك حاجه غضي النظره شويه=طمنيها قدر ماتغضي عيونك طمنيها

كم زرعتي بي جروح(ن) جت من عيونك هديه=لكن القسمه من الله كل مسلم يرتضيها

القدر ياخذ ويعطي والغرام اعظم عطيه= وانتي اعظم من تراها العين يوم ترتجيها

بالشتاء خليني اسكن في جوانحك الدفيه=وكل ثلجه من شعانين المحبه ذوبيها

وان وصل فصل الهجير وهبت الريح العتيه=افتحيلي جنة(ن) عن حر نجد وبرديها

وازني بين الفصول الاربعه روحه وجيه=واخلقي لي جو ثاني للحياه وزينيها

لا لحب البعد ومعاناة ليلى العامريه=لاتطرين لحبيبك قصة(ن)له كد نسيــها

خلي الهرجه مثل وقع المطر بالمزهريه=رجعها شوق ومحبه وان علت كبر(ن) وتيها

كل كلمه عانقيها بأبتسامه سكريه=واحجبيها بالكرز سبعة ثواني واكشفــيها

وانشري تال الشفق للريح وعيون الضبيه=ربعي بربوع قلبي والمعاليق انعشيها

والله اني محسبن للشمس عينين وثنيه=لين شفت الليل الاسود ترتديه ويرتديها


]]> Sat, 01 Nov 2008 08:23:40 GMT