Khitba Forum - سوالف وقصص أعضاء خطبة - من أطلع على سيرتي - Messages

Message from Meeem

Tue, 29 Jun 2010 14:35:56 GMT

اللي اطلعوا على سيرتي مو مقياس انه اعجبوا فيني ...

واللي يرسل اهتمام مو بالضروره فعلا مهتم ..

الله يوفقكم ويرزقكم

Message from alsentor999

Thu, 24 Jun 2010 17:52:27 GMT

شسالفة مافهمت شي

Message from totea

Sat, 19 Jun 2010 10:14:06 GMT

السلام عليكم

انا اللي اطلع على سيرتي وحده اسمها الهيداا واهي اللي اهتمت فيني فقط وياريت تكون من نصيبي وشاكرلكم

Message from lawgirl

Sun, 13 Jun 2010 16:22:13 GMT

1150 person
until now ,,but of course i dont know no one of them,,
finally i had arabic and english in my labtop,but the problem i cant use the arabic cause i dont know for the letters ,,i think i have to learn again,,
راح احاول..
law girl

Message from dodeg

Mon, 12 Apr 2010 13:57:44 GMT

مساء الخير انا عضو يديد

Message from MER

Sun, 04 Apr 2010 17:50:20 GMT

السلام انا قصدي شريف وانا قبلي

بس ابي عرف انتي شنو اصلك

وتقبلي تحياتي

Message from TALAL_4488

Tue, 23 Mar 2010 11:55:54 GMT

ro0on3 كتب:

اللي اطلعوا على سيرتي 254 وكثير اللي دزوا مسجات يبون يتواصلون معاي بس المشكله يبون ايميلي او يعطيني ايمله او يكتب رقمه وانا بنت مادشيت هذا الموقع الاوانا ابي الزواج والاستقرار ؤاعيش حياة زوجيه سعيدة بس مدينه واعرف ان لا يجوز للبنت انها تكلم شخص ليس خطيبها ولا تعرف ابي طريقه عشان اتواصل ويجي يخطبني بدون مااكلمه اوياخذايميلي ولكم جزيل الشكر الرقم المدني ليست طريقه

=======================================================
حبيت اعلق على كلامج اذا مافي اي ازعاج
اللي يكتب لج رقمه اعرفي انه قبلج مليون بنت كتبلها رقمه شنو هالاعجاب اللي على طول ارسلت رقمك لي (( اشكره يبي يتسلى والعلم عند الله ))
واللي يرسله ايميله من اول مره يبي يتعرف
واللي صج يبي الستر في شي اسمه محادثه دردشه يقدر يسولف وياج ويعرف شنو اطباعج وشروطج وتعرفين عنه اللي تبين
وبالنسبه حق الايميل يا اختي راح يقولج
اشلون ايي اخطبج وما اقدر اكلمج انتي خلج اذكى منه وقولي في شي اسمه جات سولف معاي مو شرط ترسل لي رقمك او ايميلك وبعدين انا لا حسيت انك جاد وارتحت لك اقدر اكلمك
وانتي بالاول والاخيره هاذي حياتج وحريتج تقدرين تتصرفين فيها على راحتج بس هم انتي لازم تتنازلين عن اشياء وانتي عندج عقليه تقول مايجوز ان البنت تكلم الولد هاذي هم مشكله
اتمناء اني قدرت افيدج بجم شغله

Message from ro0on3

Mon, 22 Mar 2010 22:45:20 GMT

اللي اطلعوا على سيرتي 254 وكثير اللي دزوا مسجات يبون يتواصلون معاي بس المشكله يبون ايميلي او يعطيني ايمله او يكتب رقمه وانا بنت مادشيت هذا الموقع الاوانا ابي الزواج والاستقرار ؤاعيش حياة زوجيه سعيدة بس مدينهواعرف ان لا يجوز للبنت انها تكلم شخص ليس خطيبها ولا تعرف ابي طريقه عشان اتواصل ويجي يخطبني بدون مااكلمه اوياخذايميلي ولكم جزيل الشكر الرقم المدني ليست طريقه

Message from TALAL_4488

Sat, 13 Feb 2010 03:15:14 GMT

700
اللي اطلعو على سيرتي

تاريخ
13.2.2010
قاعد اطالع حفلة الجسمي
لوول

Message from 88224455

Mon, 18 Jan 2010 09:15:31 GMT

صباح النور والسرور
وتحياتي لكم جميعا من اطلع على سيرتي 600
حتى اليوم واشكرهم جدا ومنهم الجاد الكثير ولاكن بعض لايوجد تناسب ولاكن التواصل في اكثر الاوقات لايستمر لا اعرف لماذا
وتحياتي لكم جميعا

Message from cbkuser

Fri, 13 Nov 2009 19:02:24 GMT

مساء الخير علي الجميع انا عضو جديد وماأدرى شاطبخه
الرجاء المساعده

Message from ensana2008

Wed, 11 Nov 2009 06:40:45 GMT

لحد الحين

اللي اطلع على سيرتي اليوم الاربعاء 11-11-2009

590

بس اغلبيتهم مره للمطالعه واللي اكثر من مره افهم اني عجبيته مبدئيا وسلامتكم

Message from Alabjr1981

Tue, 10 Nov 2009 20:17:55 GMT

حرام نبش القبور

Message from a7bkm

Tue, 10 Nov 2009 03:07:23 GMT

سلام عليكم اولا اشكر صاحب الموضوع على شغلتين الاولى رح الموضوع والثانيه وساعه البال اللي ربي واهبك اياها تدري ليش لانك كاتب موضوع عن من اطلع على السيره واخوانا قلبو الموضوع ديني يا جماه اذا عندكم طموح وفكر والتزام ولكم نيه تتكلمون بهالموضوع اطرحو موضوع وتناقشو فيه او كلمو الاداره يا جماعه هذا عيبنا الناس وصلت للقمر وحنا بس نقلب السوالف وهذا اول سبب ان الموقع محد تزوج فيه واسف اذا جرحت حد بس هذي وجهة نظري واعتقد من حقي اقول اللي في داخلي وشكرا والف شكرا لصاحب الموضوع وربي يزيدك وساعة بال وتعيش وتشوف وتتحمل وجااااااااااااااااري البحث \\\\ على فكره لازم اشارك بالموضوع علشان ما اطلع من الموضوع واروح اكتب نقد انا بالنسبه لي بصراحه ما خليت وحده بالموقع ما شف بياناتها وبصراحه يمكن نصهم ابديت اعجابي فيهم بس تدرون ما كلمت ولا وحده ورربي شاهد لحد الحين مع اني اول ما فتح الموقع وانا موجود واللي زار ملفي يمكن هم نصهم بس بنقول لا يأس وجاااااااااااااااااااري البحث

Message from teacher.com

Fri, 24 Apr 2009 05:26:25 GMT

اللة يعطيك العافية بصراحة انت تبرد القلب بالاسئلة يارب تتوفق على هالاسئلة
شوف انا اكتب سيرة ذاتية بس ماحس يقرونها لان طالبة طلبات معينة يدزولي ناس غير
الي طلباتي ومايحترمون رايي شنو ابي السيرة ذاتية لازم تكتب كل الي تبية والي يطلعون على سيرتي كثير
واسالهم قريت شنو ابي ايقولي اي وهو ماتعب نفسة وقرا

Message from meme83

Sun, 28 Dec 2008 14:39:59 GMT

السلام عليكم

والله صراحه السيرفس قويه هني انا صارلي يومين من دشيت ولا العداد شغال هههههه
اليوم 28\12\2008 عدد 116 مطلعين على سيرتي والله لي شعبيه ( مشالله مشالله ) هههههههههه لا ومنهم بنت مادري ليش داشه عرض شكلها مضيعه ههههههه
واللي ابدو اهتمامهم انا اغلبهم رفضتهم بس كافي انهم ابدوا اهتمامهم فيني و بسيرتي وهذا شي اشكرهم عليه بس بالنهايه اهي مسأله قبول و رفض لا اكثر . بس صح انا ملاحظه اغلب اللي دشوا على سيرتي او ابدوا اهتمامهم مطلقين او منفصلين و عندهم عيال او اصغر مني او اكبر مني بواااااايد بالاربعينات و الخمسينات والثلاثينات وانا عمري 25 و بنت !
يعني لاتعليق
لا و في باكستاني ابدا اهتمامه فيني والله مت من الضحك لما شفته ههههههههههههههههههههههه شكو داش هالموقع

Message from n7n3

Sat, 29 Nov 2008 10:01:25 GMT

والله انا وااحد توني مسجل للحين الي اطلع على سيرتي 28 بس مدري شسالفه ..

لاكن انا ناااطر الغلالالالالالا المجهول ..

Message from THEHOPE333

Fri, 28 Nov 2008 15:41:50 GMT

مساء الخير ^_^

الموضوع كتبته بموضوع المشعوذين """" بخصوص افضل ان لا اقول """
-------------------
بالنسبة لبروفايلي
لااااا انا اقصد انه الي يدزون لي اهتمام اعمارهم 36 وفووووووووووووووووووق
ملاحظه انه اكثر فئة هالعمر
مع انه عمري 21
استغربت من هالشغله
أكيييييييييييييييييد في شي او في سر ...لالالالالا مليون بالمية في شيييييييي

Message from gem

Thu, 27 Nov 2008 18:38:53 GMT

حبوبة والله ما فهمت بالضبط اشتقصدين يمكن لاني تاخرت و باطلع
بس يا ريت اذا الموضوع صج ما تبين احد يشوفه اذا تقدرين تدزين رسالة
اما اذا تتغشمرين اوكي بس وضحيلي المقصود

خنت حيلي بنيتنا ... و لا واحد فوق الاربعين طل على بروفايلج ؟؟؟ ,,, الله يغربل ابليسهم
لا تلومينهم ترى يحتاجون نظارات مساكين

Message from THEHOPE333

Thu, 27 Nov 2008 14:20:20 GMT

ههههههههههههههههه
ادري ومتأكدة يا جيم انه مو من قلبك وانه بس جذي تحرش تبي ترفع ضغطها
<--- انا راعية هالحركات احب اجاكر الواحد ^_^
اصلا احلى حياه بعيشها الزوج دام دنيته عفيسسسسسسسسسسسسه هههههههههههههههههههههه
كل يوم اكشن ومغامرات
___
انا بالنسبة لسيرتي الي يطلعون عليها ويدزون ااهتمام
رجاجيل اعمارهم 36- 40
قليل بو 23- 26
شسالفه؟؟؟؟؟؟
علموني يا جماعه لا يكون حركات سرية وانا مادري
-------
ولا ملاحظه بعد شي بالبرفايلات
وودي اسألك ياجيم
بس مابي احد يشوف
يعني تقدر تقول غلطة او هفوة وما عدت علي ^_^

تحياتي للجميييييييييع

Message from gem

Mon, 24 Nov 2008 16:20:05 GMT

يا الامل ( ذا هوب ) تظنين هالكلام من قلبي ؟؟؟
و الله اتمنى ان كل وحدة تحصل لها زوج يحبها و يقدرها و يداريها ... عاد والله يزفها ، يغار عليها اشما يكون المهم نفرح فيكم و كل الامور الثانية باذن الله تنحل
و عفوسة هذه بنوتتنا تتشيطن بشطانه حلوة نستانس عليها ... و صدنا عليها صيده مثلها ما يحصل ... من صجج نفوتها ؟؟
بس ادعو معاي للزوج المسكين لا تطبق عليه عفيسة النك مالها و نشوفه يتفرفر بكشته بالاسواق ... نسال علامه .. الرد يكون عفيسة !!! .. الله يجيرك من العفسة يا ولد الناس
الداعي لك جيم

Message from sweet_day

Mon, 24 Nov 2008 00:31:41 GMT

المموضوع من اساسه ماله هدف
شنو يعني منو اطلع على سيرتي هذا شي خاص
مو شطاره كل واحد يقول جم العدد
مع احترامي لصاحب الموضوع
شكرا

Message from THEHOPE333

Sun, 23 Nov 2008 22:38:08 GMT

السلام عليكم ورحمة الله وبركاته

الله يوفقج مس غفيسة يارب
ويهنيج ويسخره لج ربي ويجعل ايامج افراح وسعاده يارب
ويرزقكم بالذرية الصالحة
فرحت لج حيييييييل
أختج الصغيرونة .. الأمل

يحليلج والله مستانس على حالج هذا .. لا و تنزفين ... احسن !!!! هههه <---------- ههههههههههههههههههههههههههه جيم من قلبك هالكلام كركركركركركر

تحياتي لكم

Message from gem

Fri, 21 Nov 2008 14:15:56 GMT

انا اتغشمر عفوسة محد يصك درب الثاني
بس هم سبحان الله ثنتين على الاقل وراج قالوا انهم تزوجوا ... لا هذا صج مسكرة ... هههه ... غشمرة حبوبه
اكو اغنية قديمة يمكن كتبتها من قبل ما اذكر تقول .... طبعا اسم البنت نفيسة ... تقول الاغنية
والله احلويتي يا نفوسة و كبرتي و صرتي عروسة ... الخ
والله و صار احد يزفج ... كلولولولولولوش
احنا هني نخاف لا تزعلين ... عطيني رقمه يرحم اهلج ... انا مستانس انه هالريال من البداية بيذبح لج الديناصور .. اي و الا قطوة ما ينفع مع بنات الكويت ....
سوري حبوبه .. هذا لازم اول شي تسوينة و حسب ما اشوف من شخصيته انه نوعا ما شكاك او شي مثل ذلك ... و المطلوب انج تخلينه الرقم واحد .. و الدنيا تمشي حبوبه على الاشهر و السنين ترى .. ديري بالج ... يعني رفيجتج اللي دقت و كنتي منحرجه منها ... هذا الوضع ممكن يسبب لج مشكلة انتي بغنى عنها ... الرفيجة ممكن تتفهم او ما تتفهم ... الاهم بالموضوع ( للاسف ) هو الزوج
انتي شخصيتج وايد حلوة و غشمرجية ... و الريال و اكيد هالنوعية بالذات ما راح يتفهمها على الاقل بالبداية الى ان يتعرف عليج عدل ... اتمنى تنتبهين لهالكلام وايد
ريلج يبيج حقه و باي وقت .. من حقه ... و اول الايام هي ايام تعارف ديري بالج و خليج وايد واضحة معاه و شرحيله الامور بعقلانية طبعا ... يعني مو بشكل يمسح شخصيتج .. ان كان لازم مؤقتا تبعا لنمط تفكيره ما يضرش عفيسه .....
يحليلج والله مستانس على حالج هذا .. لا و تنزفين ... احسن !!!! هههه
اذا عصب على شي تافه حققي له اللي يبيه ... انا ما اوافق على هالكلام .. و لكن الاستقرار العائلي اهم .. خاصة مع نوعيات الشباب و كل واحد و عقليته ... الزوج جدا مهم ... التفاهم اهم ... و الاهم ما تنتفي شخصية احد لا انتي و لا هو ... منتصف الطريق دايما شيخ المواقف
الله يوفقج و يسعدج .... بس كل ما زفج بشريني !! ههههه

Message from miss_3afeesa

Fri, 21 Nov 2008 12:44:17 GMT

مشكورين جيم وكربلا وبو جاسم

بس صراحه انا خايفه لا يعفسني هو مو انا كل شوي اكتشف شي يديد بشخصيته

وبعدين جيم انا ماكنت بصكره على البنات؟
اي شي

انزين بما انكم رياييل بسالكم؟

اذا الريال عصب على شي تافه شلون اتصرف

يعني مثلا كنت قاعده احاجي رفيجتي بالتلفون وتسلم علي وهي مسافره علاج بره جان يدق صراحه استحيت اصكه منها وارد علي جان اشوف 16 الف مس كول واول مارديت عليه زف وصراخ شلون اتصرف معاه شكلي بهون؟

وشكرااان

Message from bo_Jassem

Mon, 17 Nov 2008 12:09:34 GMT

اذا السالفة على المهر

هذا الي عافسنا اقتصاد العالم وبورصة العالم كلها نزلت الا المهر يصعد

بس هم كلامك صح قبل راس السنة المالية لا تصفي البنات
طبعا يتصفون بالخير والعفة ان شالله
والله يرزقهم بولد الحلال الي يصونهم ويستر عليهم ونشوف منهم الذرية الصالحة

والف مبروووووك لج عفيسة بس ديري بالج لا تعفسين الريال

Message from Karbala

Mon, 17 Nov 2008 08:34:57 GMT

miss_3afeesa كتب:

السلام انا 277 وكل مااشبك يدشون طبعا ويجيكون
وانا ادخل عليهم لووووووووول
وحد بوحده

المهم لحد يدخل علي مره ثانيه لاني بملج الاسبوع اليااااااااااااااااي

باركولي

طبعا واحد مو من الموقع

وشلون اطلع من الموقع

وشكراااااااااااااااان

خوش خبر والله ..

بالتوفيق انشاء الله .. وتمنياتي لج السعادة والبركة العمر المديد

والفال للباقي .. عسى الله يوفقهم اجمعين

تحياتي لج
اخوج/ كربلا

Message from gem

Sun, 16 Nov 2008 20:47:42 GMT

ان جان هالكلام صج فالف كلولولولوش و كلولولولوش
تستهالين والله و ربي رزق عفيسة يرزق اللي بعدها
ابشروا يا بنات عفيسة اللي كانت مسكرة الدرب !!! الله سهل امرها و انشالله يتمم و نشوف ورعانها
الحين لما تطلعين من المنتدى نقول راحت بامان الله ... و زعلنا اللي كان ، يتحول الى دعوات لج و للجميع باذن الله
يالله عاد يا شباب .... البنات صاروا وايد ( تبارك الرحمن ) و كلهم انشالله مو قاصر عليهم شي
سوو تصفية للموقع ( تدرون احنا بنهاية موسم و يقولون انهم بعد نزلوا من المهور ) خلونا انكلوش لهم وحدة ورا الثانية
يحليلج يا عفوسة اثاري مكتمه كنتي ... بس تقولين مو من الموقع ؟؟؟ اخاف من الفرع مال الكنافة
امممممممممممممممممممممم سويتيها يعني ... يلله كنافة مجبوس جلو كباب نعمه من رب كريم
اتغشمر طبعا معاج ... و طمنينا عنج

Message from miss_3afeesa

Sun, 16 Nov 2008 20:26:12 GMT

Message from AL_DAM3A

Sun, 16 Nov 2008 11:40:29 GMT

مرااااحب .. شلونكم ..
بما اني يديده هني .. وتوني أمس بس سجلت ..
عشان جذي اللي شافوا سيرتي اليوم 49
وأمس طبعا العدد كان أقل بس ماذكر جم اللي أبدوا اهتمام يمكن 20
وشكرا ..

Message from bo_Jassem

Sun, 16 Nov 2008 10:14:20 GMT

salma_8q كتب:

احس انه موضوع بايخ و لا راح نستفيد منه
انتو ناس مثقفين و اصغر واحد فيكم اهني عمره 20 سنه
لاتحطون اي موضوع عشان بس تكتبون ، خلو مواضيعكم هادفه شوي

مع احترامي لكل الأراء

وجهة نظر نحترمها لكن هم في نقطة مهمة

اي شخص يشوف هذا العدد يحس ان الموقع فيه حركة بغض النظر عن الجدية
وهذا يساعد الناس الجادين انهم ممكن يحصلون شريك حياتهم

مجرد راي

وشكرا

Message from mskeeena

Sun, 16 Nov 2008 09:49:15 GMT

بما انى يديده (184 ) والى اهتمو فينىمعه انى مادرى يعنى شنو بس الى اشوفه 48

Message from el7saweya

Sat, 08 Nov 2008 19:51:42 GMT

انا مابي اقول جم واحد شاف سيرتي الذاتية الحين.. خل يعدي الرقم 1000 راح اقولكم حزتها .. بس مو بعيد عنه باقي 742 بس..

Message from s3ad7036444

Sat, 08 Nov 2008 10:51:22 GMT

السالفه ومافيها اشلون اوصل حق اللي ابدى اهتمامه فيني لأني بصراحه يديد ومااعرف

Message from Karbala

Fri, 07 Nov 2008 20:48:35 GMT

khale_dm كتب:

salma_8q كتب:

---------------------------------------------------
وجهة نظر تستحق الوقوف عليها .....

اخوكم/ خالد

خلاص انا بعد بوقف وياكم

وبأنتظار مواضيعكم المفيدة ... علشان نستفيد

تحياتي لكم
كربلا

Message from skr_nbat

Fri, 07 Nov 2008 20:28:39 GMT

ودي اعرف شنو الهدف من الموضوع ؟

Message from THEHOPE333

Fri, 07 Nov 2008 15:53:34 GMT

مرحباااااااااااااااااااااااا

انا من اطلع على سيرتي 670
ولا واحد عجبني فيهم
^_^

Message from khale_dm

Fri, 07 Nov 2008 12:41:21 GMT

salma_8q كتب:

---------------------------------------------------
وجهة نظر تستحق الوقوف عليها .....

اخوكم/ خالد

Message from salma_8q

Fri, 07 Nov 2008 00:42:11 GMT

Message from Karbala

Thu, 06 Nov 2008 20:02:03 GMT

guest_q8 كتب:

Manart كتب:

1016 من اطلع على سيرتي

يعطيك العافيه كربلاء على النشاط

-------------------------------------------------------
اعتقد البنات كلهم بالالاف , وانا وياك كربلا على 200 هههههههههههههههههههههههه

لا ابشرك كربلا زاد العدد عندي اليوم وصل 254 , شكلي طايفك

أحمــــــــــــــــد***

شكلي انا أقل واحد بالموقع ههههههههههههههههه

انا الصراحة ما ادش على السيرة الذاتية حق أحد الا بعض اللي يشوفون سيرتي الذاتية ..

يعني لو اصير ملقوف ودش على الناس .. تشوف اصير بالآلاف .. اصك على البنات

بس لو ما فيها احراج .. تشوفني قاعد عند باب الموقع .. اي واحد يسجل .. لازم اشوف بروفايله
شكلي بسويها هههههههههههه

تحياتي لك
كربلا

Message from guest_q8

Thu, 06 Nov 2008 00:52:27 GMT

Manart كتب:

1016 من اطلع على سيرتي

يعطيك العافيه كربلاء على النشاط

Message from Bder

Wed, 05 Nov 2008 09:51:42 GMT

اقعااد شهالارقام الخياليه انا من شفت هالارقام قمت اطلع على سيرتي عشان اقايش وياكم بالارقام لوول مع ان هالموضوع مسيس للمضاربه بالبورصه لول اعتقد علينا نرفع شعار نبيها خضره لول

Message from Karbala

Wed, 05 Nov 2008 06:05:05 GMT

Manart كتب:

1016 من اطلع على سيرتي

يعطيك العافيه كربلاء على النشاط

الله يعافيج

شنو نسوي .. نبي نفيد ونستفيد

بس ما في تشجيع .. صاير هدووووووووء

عموما تحياتي لج
كربلا

Message from Manart

Tue, 04 Nov 2008 17:02:20 GMT

1016 من اطلع على سيرتي

يعطيك العافيه كربلاء على النشاط

Message from guest_q8

Tue, 04 Nov 2008 13:07:05 GMT

mel79al7iat كتب:

انا 1400

---------------------------------------------------------

ملح الحياه 1400 اكيد اسمي وياهم

انتي دخلت في كتاب غينيس للارقام القياسيه

أحمـــــــــــــد***

Message from q8sas

Mon, 03 Nov 2008 07:21:50 GMT

مرحبا
يعطيكم العافيه على المشاركه بالموضوع
اطلع على سيرتي لليوم 409 وشكرا لكم ولكل من اطلع على سيرتي

Message from girl1

Mon, 03 Nov 2008 05:57:45 GMT

اطلع على سيرتى 257 وانا واحد بس اللى عايزه منهم

بس مش عارفه ايه اللى هيحصل

Message from Karbala

Mon, 03 Nov 2008 00:18:24 GMT

guest_q8 كتب:

موضوع بصراحه اخ كربلا اعتبره شخصي بس حبيت اشاركم

الي اطلعي على سيرتي لحد الان 211 شخص من الجنسيين طبعا

بس انت ما قلتلنا جم شخص اطلع على سيرتك

لازم تقولنا عاد انت صاحب الموضوع

تقبل مروري

أحمــــــــــد***

هلا اخوي أحمد ..
آسف ما حطيت لكم العدد عندي

حتى هذه اللحظة : 204 عضو

بس ليش ما في أحد أبدى اهتمامه

تحياتي

Message from mel79al7iat

Mon, 03 Nov 2008 00:07:03 GMT

انا 1400

Message from guest_q8

Sun, 02 Nov 2008 12:47:40 GMT

Message from M7al

Sun, 02 Nov 2008 12:18:55 GMT

السلام عليكم

140 وحده اطلعن على سيرتي بس الغريبه مافي ولا وحده اهتمت فيني ://

بصراحه بديت اشك بسيرتي لووول

لكن وين بتروحين .؟؟ ناطرج ناطرج يازوجتي العزيزه

شكرا

Message from amo0on_mlgofa

Sun, 02 Nov 2008 08:37:52 GMT

دست إنتر جان شيسمونه

آخر مرة اللي اهي اليوم الساعة 8.38 am

اللي إطلعوا على سيرتي 431

(وآنا إطلعت على سيرتهم بعد)

Message from amo0on_mlgofa

Sun, 02 Nov 2008 08:35:09 GMT

لول شفيكم ناطرين على بعض الشارة

Message from gem

Sun, 02 Nov 2008 08:06:59 GMT

تؤمر يا سي بلبل
كلامك اوامر يا بيه
بس هم لو تلاحظ اني كنت اصلا انهيت الموضوع لانه ماله داعي ينشغل الشباب بموضوع جانبي
انا آسف ...... تحية

Message from Karbala

Sat, 01 Nov 2008 23:59:23 GMT

السلام عليكم

شكل الموضوع أخترب وطلع عن مساره ههههههههههههه

اسمحلي اخوي جيم .. لازم نعيد الموضوع الى مساره .. من هذا الرد

تحياتي لكم
اخوكم/كربلا

Message from mshmsh777

Sat, 01 Nov 2008 22:46:48 GMT

السلام عليكم .......... ياكثر طلايبكم ومادري شنو النتيجه ... عموما حبيت اسلم وأسألكم شفيه الموقع هذا ؟؟ مادري انا دايخ مادري هو دايخ عموما الله يحلها .. ياجماعه شسوي بنفسي ؟؟؟ مليت الانتظار وماني عارف اتعامل مع هالموقع شنو الحل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Message from gem

Sat, 01 Nov 2008 20:50:01 GMT

ثقي بالله اني ما تضايقت
و ارد و اقول ان الموضوع هذا اكبر من ان يتكلم فيه احد من الناحية الشرعية البحته و يفلح فيه
اكيد انه امساك بمعروف او تسريح باحسان هما احكام الاسلام بهذا الامر ...اعتقد الجميع شايف حالات الكثير ما حالات الامساك ( بس مو بالمعروف ... و هذا هو موضوع حديثنا ... شنو العمل تجاه الاختلافات الزوجية لما تتفجر تماما ) اغلب حالات الامساك اللي يتكلمون عنها و حاصله ... كلها اذلال و مهانة و مخافر و ... الله يجيركم ... احنا شايفين حتى التسريح بالاحسان ... يكون له عمر للاسف ... مع الوقت يصير طاخ طيخ ...
لا ما عطتيني الاولاد .. لا قصرت ب .. لا خليتهم .. ما سويت .. تاخرت ... ا ييييييييييييييييييييييييييييه
هذه الطريقة اختي محد يقول انها الصح و الامساك او التسريح هم الخطأ
و لكنها حالة دقيقة جدا يعني حساسة و لها اسباب لو انها تعرف بشكل مجرد كان محد استهجنها
و تحتاج الى دراسة لاسبابها مثل ما قلت لج ... و التعرف على دقائق امورها و حيثياتها
واضح ان هالموضوع موضع رفض تام .. ماني شاغلج او شاغل احد ثاني بالمنتدى فيه ... بس تاكدوا ان له فضائل تتعدى كلمة طالق و افعال طالق مليون مرة
على العموم لا تشغلين بالج و حطي ببالج الفكرة اللي تحبين ... محد راح يزعل و لا راح يفكر يغير وجهة نظرج ... رايج و نحترمه
بس انا قلت ان محد يقدر يقدرها او يفهمها صح الا اللي يعيشونها او مثل ما كررت الخبراء الاجتماعيين
تحية لج اخت و عزيزة .. لج الاحترام و للجميع
و لا تحاتين انا ما اتكدر من هالكلام لاني و لله الحمد محصن نفسي عدل حتى من الاخطاء المتعمدة

Message from jinger

Sat, 01 Nov 2008 20:22:51 GMT

أنا آسفة إذا ضايقك كلامي
القصد من استهجاني لحالة منفصل هو أن الشرع يقول إمساك بمعروف أو تسريح بإحسان - لأن الشرع اعطانا المرونة يعني اذا ما مشت الامور في مرونه ان كل طرف يشوف حاله
أما حالة الانفصال فهي أشبه بحالة التعليق ! وهي اللي الاسلام رفضها لأنها فعلا متعبة وتستهلك الروح

واستهجاني للناس اللي تكتب منفصل هو انه لا يجوز ان يكتب الشخص المسلم منفصل في الحالة الاجتماعية لانها تفهم بطريقه مو حلوه.ولو انه الحالة النفسيه انه منفصل فهي حالة نفسية ما تنكتب بالحالة الاجتماعية - وهذا رأيي
وأكرر أسفي إذا كدرتكم مو قصدي السخرية اخ جيم وأبدا انا مو من النوع الساخر واستهجاني كان لانتقاء الكلمة فقط

وشكرا

Message from gem

Sat, 01 Nov 2008 19:12:16 GMT

شيوخ الدين اول ما طلع الانسان للقمر كفروا كل من قال و آمن بالفكرة
و كفروا كذلك التبرع بالاعضاء و بعضهم للحين
اكو وايد شغلات للاسف الناس تحب تتكلم فيها من نوع من الاستهزاء ...و التفكير بالموضوع و البحث فيه امر مستكبر عندهم
انا ما ارد عليج اختي جنجر لاني واحد من اللي منفصلين ....
اقروا هالكلام بتمعن شوية و تعرفوا على هالحالة الجديدة على اللي ما مرت عليه و عساهاه ما تمر عليه باذن الواحد الاحد
طبعا ما راح اقدر اقول كل شي عنها و لكن احاول اذكر اشياء مهمة ... قد يختلف معاها اي شخص و يرفضها و لكن ... هذا الاهم بقول له
التنظير بالامر دون دراسة حقيقية مستفيضة من اصحاب العلم هذا ( علم النفس ... و الاستشاريين النفسانيين ) راح يوصل الى احكام غير منطقية
انا اختصرت الامر ووفرت فلوس الدكاترة النفسانيين و قلت اعيش الحالة و اعلمها ببلاش او بارخص .... (( اتغشمر طبعا ))
ترا للعلم اكو مئات بالكويت سايرين على هذا النهج ... هم مو مطلقين و لكنهم منفصلين بنفس طريقة المطلقين
و هذه حالة تعتبرانتقالية ما بين الارتباط الحالي و الطلاق والى الحالة تاليا ان كان لاحد الرغبة لاحقا بالزواج ... الله يجيرنا منه !! و عدم قدرة البعض على ادراك هذا الامر امثله بواحد طول عمره عسكري محترف او عايش حالة الحرب طول عمره ... ما يشوف الا فعايل الحرب و يشوف واحد رومانسي و ميت بحب حبيبته ... اشلون بينظر الاول للثاني و اشلون بينظر الى كل سلوك يطلع منه ؟؟؟ ... اكيد ايضا استهزاء
هذه تعتبر حالة ذات تضحيات كبيرة جدا .. ما يقدر عليها حقيقة الا اللي اصحاب العقول الراجحة .. لانه تحقيق هذا الامر يحتاج الى شخصيات قوية بالفعل ... او اللي عندهم قدرة على الصبر و قدرة على ضبط الذات وقت الحاجة لذلك و هو امر صعب جدا لمن لم يتدرب على ذلك
لذلك تلاقين هالامر اولا ما يتم الا عند الكبار نوعا ما ... و اصحاب ثقافة محددة ... محددة مقصود فيها اهم ما فيها انه يبعد الجانب الذاتي و النرجسي و الاناني
و في اسماء من الناس اللي عايشين هذه الحالة على فكرة ناس من عوايل كبيرة و ناس معروفه على صعيد الثقافة و الادب و العلم كدكاترة و ادباء و خبراء و علماء
و نوعيات مختلفة ... طبعا ايضا في ناس عاديين يسوون مثل هذا الامر
لا يستسهل اي شخص الكلام بقلة قدر او قيمة على امر ترا قد يكون اكبر من قدرة اي شخص على معرفة تفاصيله و تركيبته و اسبابها
ليش اقول فيه تضحية
اولا .... خلينا نتكلم من الناحية الاجتماعية ... قد يكون الاثنين انتفت عندهم حاجة العشرة الزوجية
( مو لان كل واحد كره هالموضوع بسبب الثاني ... لا هذا موضوع شويه كبير و فيه اسباب عميقة ممكن منها البيولوجي او الفكري او مسببات اخرى )
ثانيا ... من العيلة و الاولاد ... و هذا اهم بند في الموضوع ... اذا فعلا قدروا الاثنين و حافظوا على الاستمرار بالعيش مع بعض او الانفصال التام او شبه التام ... فهني يكونون حافظوا على سلامة ابنائهم من الناحية النفسية و الصحة العقلية و الاخلاقية و .. الخ من المشاكل اللي يسببها الطلاق و يجرها على الابناء
و من الناحية الاقتصادية ... منها يستمر الاستقرار الاقتصادي بالعيلة و الكل يكونو متعاونين
و شوفي من الناحية الاقتصادية في بعض من اللي يموتون على الفلوس و يعدونها عديل الروح ... يقول ... يا رب اهي تموت قبلي لا تورثني !! ... ما سوت علي هالحالة !! و اخذي اكل حنايج !!!
لا يا اختي الامر هذا كبير و لا نكون سطحيين بالنظر للامر لان فعلا اللي يقدرون يسوون هالامر من اجل الاطفال فهم يضحون تضحية مو سهلة ...
شوفي بس في منهم على فكرة علشان ما اخلي النسبة اللي تكرمون الله بالخير اخلاقيا صفر او يم الصفر... نخليهم يأمنون من فعايلها العوية ...اعكسي وايد من الامور السابقة يكون الوضع صح
كل واحد داير على حل شعرو متعه او مسيار او بدونهم هم يمشي الحال و كل مشكلتهم المادة او ا الاهل قاضبينهم او القبيلة او ... مانعينهم من الطلاق
انا لما شفت كلمتج ( يعني شي يضحك ) انا ايضا ضحكت ... ما حسيت ان هالكلام مسني او حاشني ا و تكدرت و صممت اني ارد على هالاساس ... لا و الله و بعيالي ...كل اللي بغيته يكون الكلام نوعا ما درس ( ميداني !!! ) من اهل التجارب ... و نوعا ما ايضا درس على ان احنا لازم نبطل الحكم ( و هذه حالة كويتية معروفة ) على اشياء ما عندنا معرفة كافية عنها ... عادي ترا بالامر الربع يتطنزون على امور شرعية او علمية وايد
موضوع الانفصال صار عمليا ظاهرة بالكويت و حالة تستحق النظر لها ما ابررها ابدا و لكن مبرراتها بالغالب ارحم للنشء و اشياء اخرى من الطلاق
الله يبعد شرور كل حالة سلبية عن عبادة
اعتذر اذا طولت و لكم الشكر
اتمنى يكون الكلام وضح شوية خوافي حول هذا الامر ... هذا المطلوب لا اكثر

Message from jinger

Sat, 01 Nov 2008 09:56:02 GMT

يا جماعه في شغله يكتبونها بالسيره؟؟ منفصل ؟؟؟ يعني شنو ؟؟ يبا هذا الخيار للمسيحين لأن في بعض المذاهب ما تطلق بس ينفصلون؟؟
مسلم ومنفصل ؟ يعني شنو والله شي يضحك يعني يا عايش معاها يا مطلقها
ما علينا المهم اي احد يكتب منفصل لا يدش سيرتي- أو اللي يكتب غير متزوج وحاط بخانة الأولاد عنده أولاد

وشكرا

Message from jinger

Sat, 01 Nov 2008 09:50:47 GMT

انا اليوم بتاريخ 1/نوفمبر/2008
الساعه 9 صباحا و 48 دقيقه اطلع على سيرتي 365 شخص

والله وكيلك اكثرهم يبون علاقات ومسيار- أو غير كويتين وشخصين بس كانوا جادين واحد عمره 18 والثاني 21 وانا عمري 33؟؟؟!!
يعني مادري شسوي فيه زوج أو أربيه- مع احترامي لرغبتهم يكفي انهم أبدوا الاهتمام
بس انا اقولك على اللي حاصل
انا ما ادش وايد من كثر الاحباطات اللي اشوفها بسيرتي الله لا يوريك من اطلع على سيرتي آمين

Message from Karbala

Sat, 01 Nov 2008 04:06:00 GMT

السلام عليكم

موضوعنا اليوم فيه اشوي اثارة وتشويق وفضائح

شنو رأيكم كل واحد يقولنا من أطلع على سيرته الذاتية ؟

بالنهاية نشوف منهو أكثر واحد أطلعوا على سيرته الذاتية

تقبلوا تحياتي
اخوكم/كربلا