white.heart
Posts 37
|
فقير المشاعر
تطيح من عينهم واشيلك بعيني ... ما صغرك.. في عيوني كثر غلطاتك
اي والله اني حريص ولا توصيني ..عليك بالذات ما يحتاج وحياتك
معك .. معك .. وين ما ودك توديني ... ما والله امشي علي عكس اتجاهاتك
ماني بناسيك صدق ولا انت ناسيني ... تشكلت من معاناتي معاناتك
يا اللي عن الغيد مكفيني ومرضيني ... قلبي فضاك الرحيب وعيني امراتك
محد ليا غبت عن عيني معزيني .. ولا احد عطيته سنيني وقلت له جاتك
جيتك فقير المشاعر لأجل تغنيني ... واغنيتني بيض الله وجه وقفاتك
تعبت لأجل اوصلك واقطفك بيديني .. ورد يزينه عطفك قبل نفحاتك
كم راح وانا ارتجيك وراحت سنيني .. حتي لقيتك بعد طالت مسافاتك
ما غير البعد ما بينك وما بيني ..بالعكس كان الهدف لبلوغ غاياتك
ارتاح في سفرتك لا تتصل فيني ... ما ودي اشغلك في كثر اتصالاتك
هذا انت طيف.. ليا ضاقت يناجيني ... وصوت علي مسمعي لو طول اسكاتك
بلاش اعيد الولع والليل مسيني .. اخاف ما تغفي عيونك لمرضاتك
تصبح علي خير يا طيف مخاويني .. ارتاح في خاطري وارتاح في ذاتك
وسلامتكم
اخوكم وايت هارت
|