white.heart
Posts 37
|
آخــــر قــــرار
عمرالأعذار ماتغفر خطاك الكبير اعتذر لين تسمح مايفيد اعتذار
ولا تفيد دموع في عيونك تحير ومايفيد الخضوع ولا يفيد انكسار
لاترجى وتفرش درب وصلك حرير الرجا مايفيد ولا يفيد انتظار
الخطا صارواللي صاربيعه ضمير شور والشور حاول تفهمه باختصار
الندم بعد فعل الذنب مافيه خير مانفع قبل دمعك دمع ناس كثار
لاتمادى بزعمك غير والناس غير كلنا وسط هالدنيا بنفس المسار
الغني يملك امن الحب كثر الفقير كلهم تحت سلطان المحبه صغار
الكبير بغرامه مثل حال الصغير شوف هذا يغار وذاك مثله يغار
بس لا تحسب ان الفي مثل الهجير ولا تظن التجمد يشبه الانصهار
واعرف اللي يدينه في براد الغدير عكس منهو يدينه تحترق وسط نار
بينهم فرق مثل يصير عن ما يصير ومثل معنى ارتفاع بجنب معنى انحدار
ومثل بعد الثريا عن كفوف البصير فرق والفرق واضح في عيون الكبار
وانت يمكن بعد تقدر بكبرك تطير لكن اكبر محال يكون فيك اقتدار
تشفى جروح قلبي من خطاك العسير حين قام يتهادى منك كله وقار
ذنب اشين من الدمعه بعين الغرير واشين امن الهزيمه لابدت بانتصار
واشين امن المذله في مقام الأمير واشين امن المدينه لاضربها دمار
يوم شفتك معه وأقدام رجلي تسير ضاع دربي وتاهت خطوتي واستدار
في عيوني مدار الكون قمت استدير نوب خطوه يمين ونوب خطوه يسار
ليتني قبل ماشوفك بعيني ضرير كان ماشفت شي صار عز النهار
روح حسبي عليك انصاف رب قدير حيث مانيب في دنياي طلاب ثار
اكتم الجرح لاجاني رضا واستخير ادري انه خطا لاشك ما لي خيار
عقب ماصار لي في وسط قلبك خشير مابقى لك بقلبي عقب ما صار دار
كنت الأول وصرت اليوم انت الأخير باعتبر واعتبر ماجاك رد اعتبار
اجمع اللي بقالك من كلام كثير وابتعد لاتزيد الجرح ماصار صار
كل الأعذارما قلتلك وقتي بعمره قصير قلت ماقلت لك واللي بقى باختصار
باب وصلك قفلته والمفارق مصير انتهى كل شي ..وهذا آخر قرار
وسلامتكم
اخوكم القلب الأبيض
|