Khitba Forum - النوادي الصحية والتمارين الرياضية - هل الجسم المعضل مرغوب عند الشباب والبنات والناس؟ - Messages

Message from faisal7

Sun, 25 Dec 2011 02:45:09 GMT

أفضل شي رياضي طبيعي بدون هرمونات وابر وخرابيط حتى لو مو مقسم المهم طبيعي وصحي

Message from aboali1989

Sun, 28 Aug 2011 14:49:38 GMT

الجسم السليم فلعقل السليم
نصيحه حق الشباب والشابات ديرو بالكم من الهرمونات
هرمون غروث
هرمون انابوليك
هرمون تسترون
صج ابشركم فى دكتور يقول ان المكملات الغذائيه الى نفس البروتين البودر وغيره من المكملات الاخرى تحتوى نسبه من الهرمون

Message from b6ah_soodah

Mon, 21 Sep 2009 23:38:48 GMT

[اصراحه الجشم لمعضل حلو بس الاحلى ان يكون متناسق يعني مو من فوق ينمو ويزدهر ومن تحت يصغر ويتقلقص ولا شرايكم

Message from najatooo

Fri, 11 Sep 2009 04:06:26 GMT

هااي
بالعكس احلا شي بالريال عضلاته انا عن نفسي امووووووووت بالريال الرياضي وخاصتا ليمن يكون مجسم بس مو وااايد الي يبين انه ماخذ ابر لا يكون طبيعي بس انا أ ايد ان الريال يلعب حديد ويتعود على الاشياء الثقيله عشان يشيلني ويشيل الاغراض لووووووووووووووووووووووووووووووووووول

Message from rahoby

Sun, 09 Aug 2009 07:29:35 GMT

الجسم المعضل كانه كمال اجسام بصراحه اشوف اغلب البنات يكشون منه ومايرغبون فيه
لكن العضلات الطبيعيه والجسم الرياضي والاهم الكرش مافي
هو المطلوب
اعيالنا هالوقت ماشوفهم يهتمون وايد بالرياضه خصوصا لو تزوج اهمل بنفسه وفرش الكرشه على راحته

Message from rahoby

Sun, 09 Aug 2009 07:27:36 GMT

الجسم المعضل كانه كمال اجسام بصراحه اشوف اغلب البنات يكشون منه ومايرغبون فيه
لكن العضلات الطبيعيه والجسم الرياضي والاهم الكرش ما

Message from 0797

Tue, 04 Aug 2009 07:10:41 GMT

بسم الله الرحمن الرحيم السلام عليكم معاكم اخوكم : الحــداد أول شي انا ريال رياضي والرياضه حلوه تكبر وانت صغير وتصغرك وانت كبير وتحافظ على شبابك وصحتك وماتخليك تلها بشي غيرها وخصوصا حق الرياييل المتزوجين الي يهتم برياضته يحب زوجته وبيته وثاني شي الرياضي الي لعبتهم فيها شوي عنف هذا يكون حنون بشكل مو طبيعي كثر ما اهوا شوي عصبي وبعدين كل ريال له نظره في البنات وهالشي ينخلق في الفطره في ريال يحب البنت متينه ولا ضعيفه ولا عادي وهم البنت لها نظرتها بريال وانا لعبتي يسمونها strong manوبعدين سالفت الهرمونات انتو متعقدين منها لانه انتو عبالكم اذا غز الواحد ينتفخ جذي عبالكم اهوا منطاد كل شي له شي وحلات الأنسان يكون متواضع ولا تمشي في الأرض مرحا انه الله لا يحب كل مختالا فخور وبعدين في بنات تحب الريال الضخم الطويل وفي بنات يحبون العادي الجسم المتناسق الحلو الذرب وعلى حسب رغبت البنت في الريال وهم على حسب رغبت الريال في البنت

Message from dardor

Mon, 03 Aug 2009 18:24:45 GMT

السلاااام عليكم ورحمة الله وبركاته

ريااضه كمال الاجساام ريااضه ممله جدا ولكنها تعطي مظهر جمالي للجسم

ولكن الشباااب حااليا ما ايعرفون اصول اللعبه ولا يفكرون الا كيف يبني جسمه في مده قصيره جدا ولو اضطر الى اخذ هرمونات قد تؤثر به
ولكن التأثير يكون بالمدى البعيد

وياليت ايركز على الجسم كله يعني يبني جسمه كله ويخليه متناسق او جميل
بمعنى الشباااب هالجم يووم يبون بس ذراااع كبير وصدر كبير وما ايركز على اي عضله ثانيه بجسمه
وهذا اكبر غلط
وانا اقول اكبر غلط وذلك لكوني لاعب حديد لفتره طويله
وبنفس الوقت ادرس طب بشري وعندي كافة المعلومات اللي العضلات اللي بالجسم والهرمونات كذلك
مع العلم الهرمونات لا تضر من يستخدمها في بناء العضلااات ولكن من يسحن استخدامها فقط اما اللي يغز ملون الف كورس من خلال مده لا تتجاوز الـ 3 شهور
وما ياخذ منظمات ولا مضااادات للهرمون قولوله السلاام وتحياتي لكم
وارجو اني ماطولت عليكم ,,,,

Message from SHAIMAA

Wed, 08 Jul 2009 22:40:00 GMT

خوش موضوع تعليقاتكم تونس *_^

انا عن نفسي متروسة بس ما احب الالضعاف ولا المعضلين سبحان الله الاعتدال مرغوب بكل شي
اما هذيل الللي يدقون حديد وطالعلهم عضل بخشومهم ماشلون ما احي شي حلو
حلات الشكل طبيعي
الجسم الرياضي العادي
الفت مو الا اوفر << كون مترجمتها الحين *_^

وشكرا

Message from q8tiahcool

Sun, 28 Jun 2009 23:41:04 GMT

هااااااااي قوة اشلووووووووونكم

انا بصراااااااااااحة أحب الريال الرشيق يالله ما عليه اسامح شوي اذا كان متبب او متروس شوي مو وااااااااااايد لان جونا بصراحة ما يساعد الواحد على انه يحافظ على رشاقته بس اهم شي ما عنده كرشه وطفارتي الريال المعضل لان وقت الهوشة او اذا كان معصب لازم انحاش عنه بعيد لاني وقته ادري اني برووح فيهااااااا

Message from kakawah75

Sun, 07 Jun 2009 15:35:17 GMT

بالعكس الشخص المجسم كشكل مظهره يكون وايد حلو بس مايكون اوفر وايد يعني حلاته يكون حق اللبس هذا من وجهة نظري لان في ساعات شباب توه يكون مجسم ولاتشوفون شلون يمشي وهالشي صار بكثره بالكويت

Message from nigga

Mon, 27 Apr 2009 18:18:41 GMT

نعم يكون مرغوب لاكن ليس بذالك الانتفاخ انما متوسط

Message from cute29

Sun, 12 Apr 2009 00:02:57 GMT

انا عن نفسي ما احب المجسم و حتى رفيجاتي ولا وحده تحب الريال المعضل

و الشي لا زاد عن حده انقلب ضده

Message from raed74

Mon, 06 Apr 2009 22:34:00 GMT

صحيح الرياضة سلاح ذو حدين وحسب الشخص في ناس بس تحب شكل ومظهر والباطن فاضي ما يسوى يعني اعرف طرق النوادي واساسا كنت بنادي ياذخون ابر ديكا وهرمونات حيوانية للاسف وحبوب ومواد وهالمواد سويت عليها بحث كلها تضر ولو قالو انها بإشراف طبي ما تضر وهذا جذب بجذب والدليل كل لاعبين الاجسام واولهم ارنولد وكل الابطال بعد ما كبرو ترهل الجسم والي كرش والي صابته امراض وتعاطي المنشطات والحبوب والابر تسرع بهرم خلايا الجسم والي يحتاج البحث انا حاضر جمعتهمن اكثر من مصدر والافضل رياضة سليمة يعني من تمارين مشي ولعب ومو شرط ابني جسم وضخامة بنظري التناسق افضل والبروتين موجود بالدجاج والتونة وفي مشتقات نباتية متوفرة والبروكلي المفيوح
طولت عليكم وللحديث بقية ......

Message from alidashti75

Tue, 24 Mar 2009 05:11:44 GMT

السلام عليكم
اول مشاركه لي في المنتدي وارجو منكم تقبلها في صدر رحب

لعبة كمال الاجسام لازم تشمل اللياقه البدنيه وتنسيق الجسم لاكن في الكويت صايره عندنا مجرد انه الواح يوصل النادي يبدي يرفع الاوزان ويبني عضل بدون لياقه بدنيه يعني مثال
لو انك اتييب شخص معضل ومتفوخ وتقوله اركض لمسافة كيلو واحد راح تلقاه بعد الكيلو ميت او هلكان حده بالعربي لعبة كمال الاجسام تسمي بلعبة الكسالي يعني اي واحد ماله خلق الرياضه ويبي شكل يلعب حديد.

واعتقد وبصراحه انه الجسم المتناسق والمرن من احسن الاجسام مثال لاعبين كرة القدم الجمباز الملاكمه السباحه السله لو بتقولي ليش راح ارد عليك في بساطه واقولك لانهم يلعبون جميع انواع الرياضه مثل رفع الحديد في اوزان خفيفه ومعقوله لتقوية العضل فقط لا غير يمارسون رياضة الجري القفز الخ ......

اما بالنسبه للاخ الي معصب ويقول الي يلعب حديد احسن من الي امكرش انا اقوله نعم معاك حق لاكن انت يمكن اتكون احسن منه بالشكل ولاكن مو باللياقه البدنيه يعني هذا المكرش اذا كانت لايقته البدنيه لابأس فيها يمكن انه يسوي سوالف انت ماتقدر اتسوي نصها وهذا شي امجرب وليس من فراغ وسلامتكم

Message from warriors112

Wed, 04 Mar 2009 09:51:43 GMT

انا واحد جسمي رياضي وبالكويتي مجسم وعادي شايف انه في ناس تحب جسم رياضي وفي ناس ماتحب يعني مثلا امي لما تشوف جسمي تخترع وتقولي انت شلون تنام وشلون تحرك ايدك شنو !! ماتعورك وفي ناس تحب الجسم المعضل وتحب تستفيد من الشخص نفسة تحب تتعلم طريقة التمارين حك كل عظلة
والاول والاخير هذا الشي مايخص احد ولا احد له شغل فيه كل واحد وكيفة وشلون يحب جسمه يكون
ولما تعضل تعضل حق نفسك وانا واحد هذي هوايتي وحق نفسي

Message from SAAD.KHITdba.co

Tue, 03 Mar 2009 23:37:41 GMT

بسم الله الرحمن الرحيم
يعطيكم العافيه على الموضوع الرائع
وبعدين ما يعيب الريال ولا البنت تمارس هالرياضه صراحه رياضه حلوه وجيي فيها فرفشه وحماس احس انها رياضه
وشوؤكرا

Message from baz_q

Mon, 02 Mar 2009 18:26:31 GMT

كل معقول مقبول بعدين طبيعه الجسم معضل بس روتين والراحه تخرب الجسم فبعض الاهتمام مطلووب والمبالغه مو زينه بس والله اللي مايهتم بجسمه تلقاه كسول وحتى ابسط الاشياء ماله خلق بس قاعد الحركه تجلب الحركه والكسل يجلب الكسل اما عن المحترفين الله يعطيهم العافيه لكن للاسف نسبه قليله منهم طبيعي . ان لم تشغل نفسك شغلتك نفسك باهوائها
وشكرا

Message from om_3yon

Sun, 08 Feb 2009 15:49:19 GMT

هاي الصراحه الموضوع وايد حلو الرياضه حلوه بس بالمعقول انا اايد اللي يتعب على جسمه ويبين التعب عليه بس ما اايد اللي ياكلون او يغزون ابر يعني شكل بدون صحه بعدين انا سمعت ان في رياييل ياكلون حبوب منع حمل شكوو؟؟؟؟؟؟؟؟؟؟؟؟؟؟؟؟؟؟؟؟؟ وليش شنو سالفتها شنو تسوي بالعضلات ؟؟؟؟؟؟؟؟ الصرراحه الطريقه هذي خبال زايد

Message from amo0on_mlgofa

Sun, 18 Jan 2009 09:39:03 GMT

هاااي

الصراحة حلاته الريال مجسم بالفطرة.. يعني شكل جسمه عريض و يكون طويل بعد ياااي يصير شحلاته وإذا تعب على عمره وراح نادي بعد زين على زين

بغض النظر عن فكرة أغلب الناس اللي كل ما شافوا واحد مجسم قالوا أكيد ياخذ بروتين و يغز أبر

و أغلب اللي يقولون جذي تلاقيهم يا عصاقيل يا مكرشين هيهيهيهي

باختصار ما عليكم منهم Go ON

وبالنسبة لي أتقبل الريال من الفتنس لي العضلات أوفر.. بس العصل لأ لأ لأ

عقبال ما أشوف كل شباب الديرة صاروا مجسمين قولوا آمين

Message from salooh

Sat, 17 Jan 2009 06:22:11 GMT

اول شي السلام عليكم ثاني شي منو قال انه كل لبروتينات تضر بالجسم لبروتين كله مواد غذائيه احسن من البرقر والمايونيز الي طايحيله بعدين اللي يقول الجسم الرياضي مو مرغوب هذا اكيد ناقصه هالشي انا بصراحه افضل الجسم الرياضي إلي يكون متناسق يعني مو مبالغ في وايد بعدين انا عمري ماشفت جسم رياضي متناسق بالكويت يعني هني الشباب عندنا مايهتمون بتمارين الظهر ولا لريول اهم شي الباي والبيطان والسدر ويمشي حاله لا وفي شباب يبون سجم بس حق الاعياد والحفلات والمقابلات والله يضحكون لا وتلاقيه ضعيف وجنه قبقب يمشي هههههههههه يعني حسبالله الحين اهوا مصك الله يستر عليهم وشكرا

Message from salooh

Sat, 17 Jan 2009 06:21:23 GMT

Message from saad55

Wed, 31 Dec 2008 05:18:20 GMT

صعبه يكون الواحد مجسم بدون الابر الضاره

Message from MGNONLAILA

Mon, 29 Dec 2008 07:28:56 GMT

دائمآ الوسط جميل ومرغوب لدي الجميع

من وجهة نظري ان البنت تنجذب لـ الجسم الرشيق اكثر من المعضل ... اللي يحسسها انها داخله ... غااابة .!!

Message from doorman

Sun, 28 Dec 2008 22:35:27 GMT

مساء الخير للجميع
بخصوص التدريب الرياضى او الرغبه فى عمل جسم رياضى
بأعتقادى للاسف الكثير من الشباب لم يفهموا معنى الجسم الرياضى وباعتقادهم ان الجسم اللى كله عضلات هذا جسم رياضى وللاسف انه مرض وهم لا يعرفون وعندما يصلون الى عمر معين سيعلمون الحقيقه المره
ومثل ما قالوا المجموعه حقيقه بعض العضلات تعطى شكل قبيح اكثر ما تعطى شكل مناسب
وخاصه انها تغير مشيتهم كانهم جهاز الى وللعلم ترى اكثر هذه العضلات هوا يعنى فشوش مجرد كتل لحمية ليس لها اى طاقه او ايجابيه ولم تبنى بطريقه صحيحه من تدريب بل من نوع من الابر ونوع من الماكولات والمشروبات مع احترامي كلها بروتينات مثل اللى يعطونه .................

والبعض الاخر ترى ان جسمهم رياضى وهو بالتناسق والصحه والطبيعه وليس بالشكل
ولا اقصد هنا التهجم عليهم لا سمح الله ولا اقول انه غلط الواحد يروح النادى بس كل شى وسط هو الصح اما التمادى بالامور مضر .............
ومثل ما قالت بنكى دريم
المتفخ ولا المتناسق .....................................
اعتقد انها صادتها

Message from Pinkdream

Sun, 28 Dec 2008 19:10:47 GMT

في فرق بين الجسم الرياضي واللي معضل بطريقة تلوع الجبد الجسم الرياضي جسم متناسق مو متفخ على غير سنع

Message from junart

Thu, 25 Dec 2008 16:46:43 GMT

السلام عليكم...
هجوم أم غيره !!!!!..
لكن... أمر الرياضه البحته بأي نوع منها ((أو البروتينات أو...الخ)) أمر راجع للشخص نفسه ..هذا جسمه واهو حر فيه....
وهذا إعتقادي

Message from Ajj

Wed, 24 Dec 2008 02:49:40 GMT

السلام عليكم :

ما أدري ليش كل هالهجوم على الانسان الرياضي اللي جسمه معضل يعني الواحد يقعد بالدوانيه ولا بالبيت بدون حركه احسن المعضل حتى لونه زايده عضلانه مثل مايقول بعض الناس احسن بألف مره من الجسم الكسول وقبل كل شي كل احد يسأل نفسه هل اهو فعلا يحب هالشي ولا اللي مايطول العنب حامض عنه يقول ؟؟؟

Message from funny1222

Sun, 21 Dec 2008 22:38:42 GMT

السلام عليكم ورحمة الله وبركاته
يعطيكم العافيه على هالموضوع ..
عموما انا ماراح اقول راي الشباب بهالشي او راي البنات انا اقول رايي انا ...
انا شخصيا اذا طولت مادشيت نادي اتعب وامرض واحس بكسل وثقل بجسمي وبعد لما اسجل ثلاث شهور ورا بعض امل من النادي
فماخذ الموضوع تغيير روتين
كل فتره اسجل شهر وبعده اطوف شهرين ثلاثه
وماحب الجسم لما يصير اووفر لكن افضل الجسم الرياضي
معضل الى حد ماا .. يعني مقسم ومافي شحم زايد ..
اقبلو مروري ..

Message from muscleman246

Mon, 15 Dec 2008 15:38:10 GMT

q8y84 كتب:

ياجماعه ليش اتكلمون بهالطريقه ...يعني انا الحين صارلي فتره العب بنادي وجسمي زين ... اييني واحد يقولي كل المجسمين ماخذين هرمون ولا اجسامهم مو حلوه !!! انته روح شوف كرشك بالأول بعدين تحجى !!!! الحين الواحد اذا اهتم بجسمه يصير منبوذ ؟؟؟؟

السلام بالاول انا بطل الكويت بكمال الجسام وعلى فكره الجسم الحلو مايطلع من فراغ والله السالفه اكثر من هرمونات وبروتينات لو يايه على جذيه جان الكويتين كلهم ابطال لعبه مثل هذي تتوقف على شغلات وايد اهمها العامل الوراثي للجسم والنظام الغذائي المناسب والاراده والمواضبه على التمرين المناسب وشكرا

Message from q8y84

Sat, 06 Dec 2008 14:44:44 GMT

Message from 69452

Fri, 28 Nov 2008 05:03:26 GMT

المسألة مسألة ذوق

يعني في بنات يفضلون

1 - الجسم النحيف

2 - الجسم الرياضي ( الفتنس ) هذيل اجسامهم تكون اما بالوراثة متناسقة او يمارس رياضي لا تبني عضلات كبيرة مثل كره القدم و السله و الطائرة او يتمرن سويدي من غير حديد .

3 - الجسم المقسم ... لاعبين الحديد ( اوزان متوسطه ) لاعبين السباحة لاعبين الجمباز ...... بعض لاعبين الجودو و الكراتيه و الملاكمة

4 - الجسم الضخم ..... كمال اجسام ( هرمون او مكملات غذائية زائد اوزان ثقيلة ) رفع اثقال و بعض لاعبين العاب القوى ( الجلة - المطرقة - رمي القرص )

لكل جسم مميزاته و الامر كله يرجع الى ذوق البنت عن نفسي اهم شي جسمي يعجبني مو اني اشكل جسمي على راي البنات و اللي تبيني تقبل بشخصيتي اول شي بعدين تعجب بجسمي مثل ما اهو : )

Message from asdf

Sat, 22 Nov 2008 15:21:56 GMT

انا مع الجسم الشاد المتناسق اللي عضلاته معقولة مو زيادة عن اللزوم اللي يمشي حتى ما يقدر ينزل ايده او يصك ريله لوول وكله ابر و بروتينات تضر بالصحة

Message from hamlianoO

Sat, 08 Nov 2008 17:37:34 GMT

انا اللهم لك الحمدوالشكر العب بالنادي من يوم كان عمري 11 سنه لاعب كرة يد والحين جسمي حلوؤ ومو ذاك العضل بس سوااعد عريضه وباي وتراي بس والحمدلله ولاعمري أخذت بروتن ولااي شي من هالسوالف بس سباحه وحديد

Message from KkKk111

Fri, 07 Nov 2008 16:54:03 GMT

الجسم الرياضي والمتفوخ عضلاته شي حلو ليش تعليقات ساخره عليه واهو تعب علي جسمه يعني كلش مو مغزرها هرمونات لووووووووووووول

Message from googleq8

Thu, 06 Nov 2008 12:21:40 GMT

سؤال ما نوع الجسم اللي يجذب المرأه .. هل المعضل او الرياضي؟؟؟؟؟؟؟؟؟

Message from jeeppowe400

Thu, 30 Oct 2008 06:30:04 GMT

ههههههههههههههههههههههههههههههههههههههههههههههههههههههههههههههه

مع احترامي وعلى راسي بعمتج بس مافي نضر الرياضه حلوه

Message from shioki.com

Fri, 24 Oct 2008 20:48:01 GMT

مرة عمتي شافت صورة واحد معضل ومجسم گالت عنه وع شنو هذا !؟

فا مادرى شنو يعجب الناس واللة الجسم الرياضي ولى الغير رياضي ؟؟

ومي أدگول لاتلعب ریاضة وتذبح روحك , وتشيل الحديد فوق راسك (مادري شلون يشلون الحديد فوگ راسهم؟؟)