الصفحة الرئيسية » نقاش عام » هل تعلمين !!!
صفحات 1 2 3
10/23/2008 3:55:41 PM
hassasa
Posts 65
وناااااااااااااااااااااااااسه.. أخيرآ صار في واحد مناصر لنا.. وقال كلمة حق لصالحنا

مشكوووووووووووووور ياجيم على هالكلام الحلو..

أفيييييييييييييييييييييييه .. كلامك يبرد القلب مثل الثلج..

خل الحساد واللي مايحبونا يموتوووووووووووووووووون من القهر Applause

عين الحسود فيها عود..

اختكم حساسه.. ودمتم سالمين
10/23/2008 4:34:55 PM
Karbala
Posts 318
gem كتب:
ما عليه يا فلفل البنات الحين بيطقون اصبع على كيف كيفك .... صك اذنك
=================
هالايميل عاد هذا منقول مثل ما انكتب بالمجلة
يالله بنات علشان فلفل ... سلام مربع .... و اغنية ... يا عواذل فلفلو
===========

في استفتاء اجرته مجلة زهرة الخليج الاماراتية عن بنات

الخليج
وكاااااانت النتائج هي :

*** جمال الوجه والشكل ***
الاولى : الكويتية
الثانية : السعودية
الثالثة : القطرية
الرابعة : الاماراتية
الخامسة : البحرينية
السادسة : العمانية



*** التعليم ***
الاولى : الكويتية
الثانية : السعوديه
الثالثة : البحرينية
الرابعة : الاماراتية
الخامسة : العمانية
السادسة : القطرية

*** الكشخه ***
الاولى :الكويتية
الثانية : السعودية
الثالثة : الاماراتية
الرابعة : البحرينية
الخامسة : القطرية
السادسة : العمانية


*** الالتزام الديني ***
الأولى : السعودية
الثانية : العمانية
الثالثة : القطرية
الرابعة : البحرينية
الخامسة الاماراتية
السادسة : الكويتية


*** التحرر من العادات والتقاليد ***
الاولى : الكويتية
الثانية : الاماراتية
الثالثة : البحرينية
الرابعة : العمانية
الخامسة : القطرية
السادسة : السعودية
هذه الدراسة تقول ,,,, الكويتيات اكثر بنات العالم دلالاً وجمال ....
وحثت الدراسة على الاعتناء بالرشاقة وحسن المظهر واهتمام الفتاة
الكويتية بجمالها , حيث يقول السيد
كريستروفر جولايل ان الكويتيات الاجمل على مستوى العالم لذلك تمت
اضافة نسبة الجمال الى البحث
والدراسة وضعت الفتيات الكويتيات تحت مسمى
اكثر بنات العالم دلالاً وجمال
----------
تحياتي لكم يا بنات الكويت
الله يا حلو الانتقام يا فلفل ( هذا مو كلامي )
مادري اشفي حظك اليوم كل الانترنت ضدك
تحية لك و للجميع



جم .. خوش استفتاء

بس الصراحة في من الواقع ... وأعتقد انه منصف بالنسبة للخليج

تحياتي لك
اخوك/ كربلا
10/23/2008 5:23:53 PM
gem
Posts 267
و الللللللللللللله يا كربلا اني قايل اني راح اتوقف عن المشاركة ,,,
و لكن لك علي حق ... احب اوفيه لك ... طبعا انت ما تدري ليش بس اخوك يوزن الطيب بميزان الذهب
و كل طيب يطلع من طيبين هو ذهب ، و انت ذهب 25 ( طلعت كلكجي انا بهالكلمة )
و كل الناس الطيبين هني انا اشيل لهم المحبة و التقدير كذلك و اتمنى من اي احد تكدر مني يسمحلي
المشكلة اني بعد ما كتبت نفس هالكلام اليوم الصبح ... شفت كلام مشابه للاخت حزن
ارجو من الله ان ما تكون فعلا فقدت احد ... و الله يحفظ لها كل من تعز و انتوا كذلك ... و يديمهم لكم سالمين
فملقاي معاكم انشالله وايد
كل المحبة و التقدير لك اخوي كربلا .... و لكل الاحبة ...
حساسة تقولين و اخيرا ؟؟ انتي الظاهر كل اللي تقرين لهم هني بس فلفل ... و الاخ فلفل .... و السيد فلفل ... و الاستاذ فلفل
بعدين لا تشكريني ... انا ادرجت الموضوع منقول و تحسفت ... !!!
تحية محبة و تقدير للجميع
10/23/2008 6:23:12 PM
hassasa
Posts 65
الله يرحم ويحفظ الجميع انشالله..

جيم ياخوي آنا اقرا حق الكل مو بس فلفل..

بس هذا مايمنع شوية غشمره وضحك عشان نكسر حاجز الروتين اليومي والكآبه ..

آنا آسفه اذا كنت كتبت كلام يضايق أي أحد.. مو قصدي شي.. والله يعلم ان النية صافيه..

اختكم حساسه.. ودمتم سالمين
10/23/2008 9:32:26 PM
khale_dm
Posts 358
الحمدلله اننا نعيش في بلد مثل الكويت لنا حريه الراي والكتابه والتعبير لان في شعوب غيرنا محرومه من اشياء كثيره


بالنسبه للبنت الكويتيه واهو راي شخصي اعتبر البنت الكويتيه لو يقارونها على مستوى العالم راح تتفوق على بنات جميع الدول لان ما ينقصها شي من جمال او تعليم او دين كل شي موجود فيها وهالشي نعمه المفروض نحمد ربنا عليها
10/24/2008 12:16:17 AM
gem
Posts 267
يا حساسة كل شي و لا الكدر
انا مثلك و ربي يشهد كنت امزح بعد
للحين ما عرفتيني الله يهديج اشكثر اتغشمر ؟؟؟ لا تصيرين حساسة وايد .. هالايام صفري و تغيير جو مو زين لج
انتي اخت و كل الموجودين حبايب لي و على راسي ... و الكلام اللي كتبته سيد فلفل و الاخ فلفل و ... الخ واضح انه للغشمرة ...
بس الفلفل هالايام يدش بالخشم ادري و يضيع مخ الواحد من المعاطس ... ادري ما الومج و هو بعدالله يهداه ما قصر بالبنات ...
طشر مخوخهم بمواضيعه

لا تشيلين هم و ترى البساط احمدي جدا و القلوب بيضا انشالله
10/24/2008 2:24:44 AM
7658585
Posts 2
الحمدلله والشكر لله
10/24/2008 3:17:40 PM
zhara
Posts 37
السلام عليكم حبيت اقول وجهت نظري كوني بنت الكويتية وافتخر ...ياجماعة المراة الكويتية الكل يتمنها تدرون ليش ؟في اغلبة الاشخاص مايدرون ليش
1- لان الحمد الله احنا في الكويت جميع العوايل معروفة ومحترمة وذوات صيت عالي ((كل كويتية ذات نسب مشرف ))
2-ولانها بنت تربت على العز والدلال عندنا مثل يقول (( اخذ مدلاله ولا تاخذ معلاله )) وهذا المثل يدل على البنت الكويتية عندما تتزوج ما تتزوج طمعا بالمال بل طمعا بالاستقرار
3- والحمد لله احنا البنات الكويتيات عندنا شخصية حلوه وهي الابتسامة والروح الحلوه والهجتنا وااااااايد جميلة على لسانه التي يحاول الغير اتقانها بس مايقدرون .
4-لاناقة وذوق الرفيع وتري على فكره انا الاحظ انا اغلبية بنات الكويتيات يجيدون الرسم هذا دليل على الاحساس والتنسيق .
وعلى كلامي هذا الحمد لله الكويتية المركز الاول بكل شئ .
واشكركم
10/24/2008 6:02:17 PM
layla73
Posts 45
كلامج عدل يا زهره بس الرياييل عندنا مايشوفون الا هاللبنانيه و الاروبيه !!!!!!!!!!!!!!!!!!!
10/24/2008 6:14:45 PM
zhara
Posts 37
اشكرج ياخت ليلي
قبل شبابنا فضلوا علينا الاجانب ما الحين الكل يدور علي كويتية وشرط اصل وفصل وشرط تشتغل وعندها سيارة وان تساعدالزوج في مصاريف الحياة الزوجية لان كل يعرف ان الكويتية كده وقدود .
بنت من اهل خير ونعمة موجاية تعيش نفسها وتعيش اهلها على ظهر زوجها .... الحمد لله وكافي ان الكويتية بنت شجاعة ويشهد لها فترة الغزو الغاشم ضحت وستشهدت ووفقت جانب الرجال في هذة الفترة .
تحياتي حق كل بنات ديرتي
اشكركم اريد تعليق!!!!!
10/24/2008 10:14:17 PM
Karbala
Posts 318
gem كتب:
و الللللللللللللله يا كربلا اني قايل اني راح اتوقف عن المشاركة ,,,
و لكن لك علي حق ... احب اوفيه لك ... طبعا انت ما تدري ليش بس اخوك يوزن الطيب بميزان الذهب
و كل طيب يطلع من طيبين هو ذهب ، و انت ذهب 25 ( طلعت كلكجي انا بهالكلمة )
و كل الناس الطيبين هني انا اشيل لهم المحبة و التقدير كذلك و اتمنى من اي احد تكدر مني يسمحلي
المشكلة اني بعد ما كتبت نفس هالكلام اليوم الصبح ... شفت كلام مشابه للاخت حزن
ارجو من الله ان ما تكون فعلا فقدت احد ... و الله يحفظ لها كل من تعز و انتوا كذلك ... و يديمهم لكم سالمين
فملقاي معاكم انشالله وايد
كل المحبة و التقدير لك اخوي كربلا .... و لكل الاحبة ...
حساسة تقولين و اخيرا ؟؟ انتي الظاهر كل اللي تقرين لهم هني بس فلفل ... و الاخ فلفل .... و السيد فلفل ... و الاستاذ فلفل
بعدين لا تشكريني ... انا ادرجت الموضوع منقول و تحسفت ... !!!
تحية محبة و تقدير للجميع


هلا اخوي جيم

على رأسي انتي .. اذا انا ذهب .. انتي ألماس بدون مجاملة
لانه فعلا انت شخص محترم .. وما شفت من ردودك الا كل احترام وتقدير للجميع بدون استثناء

بس ليش توقف عن الكتابة .. اذا بسبب المنتدى او شخص معين .. انا اقولك حرام عليك تخلي شخص يأثر عليك

بالعكس المفروض تثبت نفسك .. لكي تنتصر لنفسك ..

ترا تواجه بالمنتديات والمواقع .. اشخاص تفكيرهم فاسد .. ويشوفون الناس بعين طبعهم

اتمني انك تعيد النظر بموضوع التوقف ..

تحياتي لك
اخوك/ كربلا
10/24/2008 11:12:49 PM
gem
Posts 267
تعيش يا كبير كربلا ... ابدا ما في خطا من احد و لله الحمد الجميع هني شباب محترمين و شابات محترمات
انا راح اتواصل بس بمتابعه مشاركات الاحبة و ادراج مواضيع مختلفة
داعليكم بطول العمر و بتوفيق الكريم القدير بزواج سعيد هنيء بطول ذاك العمر انشالله
و تعيزون باذن الله مع شركاء حياتكم بكل محبة و احترام من كل طرف لشريكه ... و عيالكم و احفادكم حواليكم مبسوطين فيكم
محبتي للجميع
10/25/2008 5:36:04 AM
khale_dm
Posts 358
layla73 كتب:
كلامج عدل يا زهره بس الرياييل عندنا مايشوفون الا هاللبنانيه و الاروبيه !!!!!!!!!!!!!!!!!!!


---------------------------------------------------------------------------

الكويتيه فيها الخير والبركه .............اما عن الشخص اللي يتزوج اوربيه او بنت بره ديرته فهي حريه شخصيه مثل الكويتيه اللي تتزوج واحد اجنبي

ولكن الافضل الزواج من بنات الديره لاسباب كثيره
10/25/2008 10:33:48 PM
gem
Posts 267
نطلعكم شوية من التفكير الزايد و الجدية و الانفعال .. و الغيرة للي يحبون و القلق للي خايفين على حبايبهم
الترفيه امر في غاية الاهمية بحياة الانسان ... اتحدى رب اسرة يسوي ميزانية الشهر ... و مكتوب فيها بند خاص للترفيه
ترفيه المنتديات ( رخيص ) و انا و انتو كلنا نستاهل ... شفت هالايميل و حبيت تشاركوني شوية ضحك ... اتمنى انه يعجبكم
----------
انا شاهد واياك يا اخوي خالد الكويتية فيها الخير و البركة
و علشان جذيه بعطيها شوية اشياء لطيفة
بس معلش بالانجليزي
----------------

Marriage is the triumph of imagination over intelligence. فديروا بالكم يا شباب
------------------
If you want your spouse to listen and
pay strict attention to every word you say -- talk in your sleep. و هذه لكم يا بنات ... شوية شقاوة تنفع
-----------------
First guy says, 'My wife's an angel!'
Second guy remarks, 'You're lucky, mine's still alive.' هههههههههههههههه ... الله ياهي قاعدة على قلبه !!!
--------------
'A Woman's Prayer:
Dear Lord, I pray for: Wisdom, To understand a man , to Love and to forgive him , and for patience, For his moods. Because Lord, if I pray for Strength I'll just beat him to death'
ههههههههههههههههههههههههههههههههههههههههههه ... والله هذه روعه ... شوفوا البنات مساكين شيدعون ربهم حقه ... شوفوا يا شباب اشلون البنات حكيمات ؟؟؟
-----------------
Then there was a woman who said,
'I never knew what real happiness was until I got married,
and by then, it was too late.'
هذه على طريقة اللي يقولون ... الله يخرب بيت اللي قبل ما نصحني و اللي بعدي ما سمع كلامي ...
-------------
اتمنى ايامكم كلها انشالله حريمكم ما يصيرون ( angles ) ... و ما يدعون ربهم ليعطيهم القوة ... و يكتشفون السعادة قبل الزواج و تستمر بعد الزواج
تحية لكم
10/25/2008 10:47:45 PM
gem
Posts 267
اسف على التكرار ... بس اكتشفت ان الايميل ما خلص ... فيه كلام لطيف ... نكت ترا يا بنات ...
طبعا اسمها نكت مو معناها ان ناخذ الكلام اللي فيها جد مثل ما يسوي البعض
---------------

You have two choices in life:
You can stay single and be miserable,
or get married and wish you were dead.
هذه للجنسين ...و الاختيار لكم

At a cocktail party, one woman said to another,
'Aren't you wearing your wedding ring on the wrong finger?'
'Yes, I am. I married the wrong man.'
اعتقد نص اللي بالديرة يبلهم يسوون نفس الشي

A lady inserted an ad in the classifieds:
'Husband Wanted'.
Next day she received a hundred letters.
They all said the same thing:
'You can have mine.'
حلوة هذه ههههههههههه ... مرة تطلب زوج بالنت ... مئات الرسايل ياتلها ثاني يوم من نساء يقولون لها ... اخذي ريلي ... ( الله ياهم لايعه جبدهم )

When a woman steals your husband,
there is no better revenge than to let her keep him.
و الله يا بنات هذه حكمة ... تدربوا عليها ... الله يكافيكم هالشر و لكن ....

A woman is incomplete until she is married. Then she is finished
بهذه ... معاهم حق ... عمركم شفتوا مراة كانت.. و ظلت ؟؟؟ ... مسرع ما تنطمس ... لكن الى حين !!

A little boy asked his father,
'Daddy, how much does it cost to get married?'
Father replied, 'I don't know son, I'm still paying.'
اي والله حفرة ... كل ما تحفر تزيد !!!

A young son asked,
'Is it true Dad, that in some parts of Africa
a man doesn't know his wife until he marries her?'
Dad replied, 'That happens in every country, son.'

السؤال بريء من الولد بس الريال نحيس بجوابه ...و لكن هم المراة كذلك ما تعرف اشخذت الا بعد الفاس مادري شيسوي بالراس !!
10/25/2008 11:53:48 PM
dentist1
Posts 1
السلام عليكم ورحمة الله وبركاته

اول شي الكلام هذا مو صحيح ولا يقبله منطق ,, ولكن مو معناته ان اقصد العكس

واحب ارد على اخوي gem :

( الكويتيات اكثر بنات العالم دلالاً وجمال ....
وحثت الدراسة على الاعتناء بالرشاقة وحسن المظهر واهتمام الفتاة
الكويتية بجماله
)

مسألة الجمال الكل يختلف فيها ويمكن انت تشووف شي ويعجبك والعكس صحيح وهذا الكلام ينطبق على الجميع فــ ماكوو شي ستاندر للجمال

بخصوص الدلال اللي انت تتحجى عنه اعتقد ان ( دلع ماصخ ) وهذا طبعا بسبب الوفره الماديه والتسهيلات اللي موجوده طلعت عندنا هالطفهره

بخصوص الرشاقه واللي يرحم والديك خذلك فره على البروفايلات وانت تعرف

حسن المظهر صاار شي مقرف لمن تشووف الوحده تاارسه ويهااا من المكياج والخرابيط ويسموون هالفوووضه مووضه

على العموم كلامي ما ينطبق على الجميع ولكن الاغلبيه

واحب اقولك شغله وانا عارفها عدل ومن خلال خبره في مجال طبي ان اكثر نسبة سكري ومتن موجوده عند البنات الكويتيات بشكل مو طبيعي

والاعلى على مستوى الخليج والله قاع اشووفهم بنات ببداية العشرينات واقل وفيهم السكري وكل هذا بسبب الوزن الزايد

فالله يرحم والديك خلك عادل
10/26/2008 10:21:16 AM
gem
Posts 267
اخوي دنتست اشفيك الله يهديك
اولا انا ذاكر ان هذا استفتاء ؟؟؟ يعني مو رايي ... و اللي مسويه مجلة زهرة الخليج
و انا ما اشتغل فيها و اذا مزعلك الاستفتاء دز لهم صعايدة خل يكسرون ايد اللي سواه
ثانيا اخوي دنتست انت اول ما دشيت قمت تفلع الناس ... احنا هني عندنا اكو نوع ( طبعا مو هذا جو المنتدى و لكن مرات
يستحب التخفيف من الجدية الزايدة و المجاملات اللي تتم )تربط عصاعص شغال و كل جنس على قولتهم
يضغط الجنس الثاني ... يعني الولد يطفر البنت و العكس صحيح ... و ماخذين الامر تخفيف ضغوط سواء بالحياة العادية
او حتى من النقاشات الجدية بالمنتدى ..
و لكن هم بعد لو كان هالكلام اللي بالاستفتاء صحيح و الا لأ لازم احنا نفرح لبناتنا على اللي حققوه ... احنا بهالديرة هذه الرياييل خربوا
كل شي زين و هدموا كل شي حلو و صرنا بالمؤخرة بكل شي
و الانتصارات الوحيدة اللي نحققها هالايام تيي بس من الشباب من ذوي الاحتياجات الخاصة و بعض الشباب اللي يجتهدون بنفسهم من محبتهم للبلد و البنات
سواء بنادي الفتاة او من خارجه
و الحين البنات حققوا شي بهالاستفتاء ... اذاصج او لا مهم و الا مو مهم اكو شي اسمه نتيجة بالنهاية تنذكر بذاتها مو بالاراء اللي حوليها
تعجبنا ؟؟ ( طبعا لأ !! ) ما تعجبنا ؟؟ ( اي !! ) مو هذه القصة و لا فيها شي ينقص من اراءنا او كبريائنا علشان نعصب مثل ما سويت
بعدين ( اخيرا ) اذا البنات فعلا كانوا مثل ما قال الاستفتاء ( اي هين !! ) فهذا يرجع بشكل غير مباشر لنا احنا الرياييل !!! اللي
كان لنا الدور الاكبر ( هذه فيها دم و قبايل ) اسسنا ذوق عام بهالبلد لنا كشعب ... الرياييل الاشيك ( منا احنا طبعا ) و النساء الاشيك ( هم بعد منا احنا ) ( على قولة موناليزا .. انت لو الله يفكنا من مدحك جان احنا بخير !!! عجبتني منج يا مونا هههههه )
و لما تكون الكويتية الافضل تعليما او اشياء اخرى فهذا شي كبير و يحسب لها لانها بالنهاية ناضلت من اجل تحقيق ذاتها ( و هي بحق هني عاد جد ) تستاهل كل هالامور
ادري انت ليش معصب ... امس و قبل امس كان ويك اند و انت ما شلعت ضروس احد ... اليوم انشالله تداوم و تشلع من هالضروس لين يهدا بالك .. ( طبعا اتغشمر )
بس بالنهاية موضوع راي الرجل بالبنت و العكس هو محور نقاش من مئات السنين و ما راح ينتهي و يمكن اخالفك الراي في امور او اتفق و لكن رايك احترمه البنات يزعلون منه بس انا اولا استانس منه و بعدين اختلف معاك فيه !!
تحية لك على رايك اولا ... و بعدين للشباب .. و اخيرا للبنات
10/27/2008 1:31:12 AM
hassasa
Posts 65
مشكووور ياجيم.. بس شسوي آنا حساسه وماأحب أي أحد يتضايق مني..
والله يهداكم.. انت وكربلا وفلفل وخالد .. سويتوا عندي نشله وعوار أسنان من سوالفكم.. هههه
بس بصراحه ماشالله على مشاركاتكم.. حلوه وأخويه.. ومفيده..

حساسه.. ودمتم سالمين
10/28/2008 3:55:12 PM
kuwaitya23
Posts 6
اي شي وين قاعدين شنو هالحجي

مدام البنت الكويتيه هذي مراتبها عيل الريال الكويتي اشيطلع

المرتبه الاولى من حيث اللعب على البناتGavel
10/28/2008 11:06:00 PM
mel79al7iat
Posts 83
زهرا ليلا والبنات كلهم ..... اسم الله عليكم وفيتوا وكفيتوا
صفحات 1 2 3
|
تسجيل faq AspNetForum v.0.0.0.0