الصفحة الرئيسية » سوالف وقصص أعضاء خطبة » ممنوع الدخول للبنات !!!
صفحات 1 2 3 4 5 6
11/20/2008 12:42:39 PM
gem
Posts 267
يحليلها هالبنوته مياو ...
الله يهديج هذه طريقة سؤال ( هذا مال ثانيا ) ...
احرجتي الناس اللي تنطبق عليهم هالصفاة

على شنو تشكين بروحج اذا انتي كويتية فاللي هني كويتيين و كويتيات و اذا لأ
يمكن يكون لج حق تشكين و تخترعين بعد .. داشة سوق صفافير ؟ الله يهداج
اهلا فيج عضوة و ضيفة خفيفة بس شوي انتبهي ...
11/21/2008 12:24:46 AM
bo_Jassem
Posts 26
حياج الله اختي بالموقع
وان شالله الاستاذ جيم ماراح يقصر مع احد

ولا شرايك يا جيم

والبركة بالموجودين
11/21/2008 8:54:34 AM
gem
Posts 267
السمي يؤمر طبعا
حيالله الشباب و ( يا حيل الله ) البنات ... انا مالي شغل الموضوع يقول ممنوع دخولهم
بالعكس احنا نتمنى مشاركة الكل و بدون استثناء او تردد منهم
لان وجود النقاشات و اللي يناقشون يثرون المنتدى
مساكين الاخوان كربلا و خالد و غست انبحت اصواتهم و هم بالمنتدى بروحهم
و ما يسمعون الا صدى اصواتهم لين حسيت تقريبا انهم ملوا او فتروا
فالساعه الباركة اللي نشوف كل يوم نكات جديدة تشارك
تحية لك يا السمي و للجميع
11/21/2008 7:13:05 PM
DORR
Posts 2
مرحبااااااااااااااا
والله انتوااا حالتكم حاله صج مايعجبكم العجب
11/23/2008 7:05:28 PM
gem
Posts 267
اشصاير اللي مو عاجبنا العجب ... كل الشباب حلوين و زي الفل ... ولا و عندنا من فضل رب العالمين شباب الله سهل امورهم و دخلوا القفص !!! ربي يرزق الباجي يعني حصل من كرمه سبحان ان صادت الصيادة ضحية ...
المهم ما علينا ... على فكرة انا ابي اقول شغلة ...
ترا الموقع والله ممل ... انا من زمان اوي بالمصري كنت ادخل المنتديات و اشارك و فيه فعلا اخذ و عطا مو بشكل يومي و لكن كل ساعة او ثنتين و حسب ما تبي كل ما تدخل تلاقي مشاركات و ردود
الربع هني الله يهداهم جنهم بايام صدامو كانوا يطلعون الموظفين من دواماتهم يهوسون للريس ... و الربع هني جنهم مدخلينهم غصب للموقع مثل ربع صديم
انا كتبت استقالتي من يومين و حافظها عندي بالكمبيوتر ( الحين يصدقون انها استقاله ) ... الاول ادارة المنتدى ما تنزل الموضوع الا لما يتحول الليمون ماله الى اخضر و اسود يعني مادري شيسوون فيه كل هالمدة ... اذا منتوا قادرين تمشون الشغل خلوا المواضيع تنزل مباشرة و بس تردون شوفوا الموضوع الردي و الغوه
و اللي يشاركون يالله من فضلك يحليلهم هم ما يقلون عن الادارة ... كم واحد هنيمن الشباب الوردة والله يحرقون دمهم مساكين اييبون من هالمواضيع و الربع مادري حسباله المشاركة بتطيح شخصيتهم و الا اشقصتهم .
على العموم اتمنى ان يتحسن الحال ................................. و تحية
11/24/2008 12:07:47 AM
bo_Jassem
Posts 26
مايامر عليك عدو انشالله يخليك ربي
بس صج كنت بسألك الشباب خالد وكربلا وينهم

والله مكانهم خالي
عالعموم حيالله بالجميع واحنا نتشرف بالكل
ونستفيد من الكل ان شالله
11/24/2008 6:25:25 AM
keeweeya
Posts 7
الحين تهد الزين كله (الكويتيه ) و تروح حق هذيلا لا اصل ولا فصل شزينا والله
بعدين اذا مو عاجبك في مواقع زواج لهذي الجنسيات طب وتخير
11/24/2008 2:40:36 PM
Pires
Posts 1
السلام عليكم
صراحه ياشباب ماعندكم سالفه تبون وحده نفس هيفاء ومادري شنو شحلات الكويتيه ديرمه وكحل صارت خوش بنت
مايحتاج تشيحط عليك تقولك مابدي واو شو هيدا ايقلي مش عارف ايش شهالمصرخه يبا الكويتيه سنعه مره حق طباخ تعجبك مره حق سوالف اشبع قطات منها
مره تبي تسمعك وتفهم شعورك تقدرك بالعربي مو هالصايعات باجر تتمشى معاها تقولك بروح حق رفيجي يامعود شهالمره هذه شوف عالاقل الكويتيه جني شفت لي رد عجبني احذر العرج الدساس اي والله الوحده من العايله والمنطقه يطلع لك برنت كامل عنهم اماان ياخي افهمني عاد هههههههههههههههههههههه

يلا انشالله كنت ضيف خفيف عليكم فمان الله
11/24/2008 5:03:21 PM
gem
Posts 267
يا جماعه اسمحولي بعد اذنكم ترى ما يجوز باي شريعه ان يغلط احد بشرف و سلوك بنات ... بالذات البنات
ترى الزين و الشين بالاخلاق و السلوك و هالاشيا موجودة بكل بلد ... احنا ترى عندنا من ينافسهم بهالسوالف ..
خلوا الكلام عن العادات الاجتماعية و التفهم و القرب معقول بس الشرف ترى مو حلوة و مالله يرضاها ... فاتقوا الله ...

بو جاسم ... هو الاخ خالد منور المنتدى مشالله عليه و موجود و لله الحمد بس كربلا و غست اللي شوية مختفين و عساه على الخير .. و بعد كاني من كم يوم شايف الاخ سيريوس مختفي
نسمع عنهم انشالله كل خير
11/25/2008 1:00:30 PM
n7n3
Posts 5
والله ماتلقى احلا من الكويتيه بغض النظر عن الجمال كل الناس بالعالم فيهم الشين والزين بس ماتلاقيهم نفس نظافه واهتمام الكويتيه بالمظهر وكل شي يبى الكويتيه
كشخه من عطور ولبس واهتمام بالبيت والزوج وكل شي ...


ماااقوووول الا الله لايحرمنا من اهلنى الكويث ..


تحياتي للجميع ...
11/25/2008 6:25:10 PM
bo_Jassem
Posts 26
انا اقول مهما الكويتيية كان عليها ملاحظات او انتقادات
تظل بنت الكويت وفيها الخير والبركة
وكل بنات العالم فيهم الزين وفيهم الشي

صحيح في بنات بالكويت رافعين خشومهم وايد مادري على شنو

بس هم في بنات حمايل ووالنعم فيهم وتخليهم على الشرح يبره

فاتمنى من الاخوان عدم المزايدة على بنات الكويت

لانهم بالأخير خواتنا واهلنا

تقبلوا مروري
11/26/2008 11:51:48 PM
tooota83
Posts 1
السلام على الكل ...
كان من الأفضل إني ماكتب اي رد على هذا الموضوع ... ضروري ياجماعة نسفه هذي السخافات .. لكن عندي رد مو على كاتب الموضوع:
الكويتيات اللي تتمصخر عليهم أهم امك و أختك وأهلك .. واذا انت تتكلم عن بنات ديرتك واهلك بهالطريقة فهذا يدل على المستوى الرديء والهابط اللي قاعد يوصله للأسف بعض الأخوة ..
الكويتين رجالا ونساء في النهاية بشر فيهم الزين و الشين ...
رجااااااااااااااء نبي مواضيع هادفة .. حتى وان كانت آراء من الأفضل انها تفيد ... والله يهديك ..
سامحونا على القصور .. واتمنى تقبل النقد بصدر رحب .. وشكرا
11/27/2008 2:37:37 AM
basmaq8
Posts 2
السلام عليكم ..
انا اقول البنات بنات مهما اختلفت جنسياتهم و بنات الكويت حالهم حال بنات العالم و يمكن احسن منهم بعد
الاختلاف مو بالجنسيات ... الاختلاف بالاطباع و التربيه و البيئه اللي يتربى فيها الانسان

باختصار كل مكان في الزين و الشين
شكرا
11/27/2008 5:57:40 PM
gem
Posts 267
يسلم فمك يا اخت بسمة
اشكرج على هذا الانصاف ... لانه مرادف لغويا لكلمة حق ... و هي اسم من اسماء الله الحسنى
ربي يرزقج على نيتج الطيبة و حسن تفكيرج
11/28/2008 4:03:59 PM
basmaq8
Posts 2
الله يسلمك يا أخ gem
12/1/2008 4:53:05 PM
gem
Posts 267
ما عليه اخ فلفل و شركاه ... اقصد اصدفائنا اللي متعاونين معاي و معاه
و حتى اعداء فلفل اللي منبطه جبدهم منه ,,, اقصد البنات
اعطيكم شي شوي مليق ... قولو دام مليق خله لك ... بس ما قلتوا
هم ممكن يكون قديم شوي لناس بس لناس اخرين لأ
--------------
6 Truths of Life
1. You cannot touch all your teeth with your tongue.
2. All idiots, after reading the first truth, will try it.
3. And discover that the first truth is a lie.
.
.
4. You're smiling now because you're an idiot.
5. You soon will forward this to another idiot.
6. There's still a stupid smile on your face.

I apologize about this. I'm an
idiot and I needed company...

كلام للترقيع من الاخ
HAVE A NICE DAY
طبعا اعتذر عن بعض الكلام ... بس نزلته مثل ما وصل دون تغيير
هاف أ نايس داي ,, على قولته
12/2/2008 4:10:55 AM
69452
Posts 22
يا جماعة انا اشوف النقاش حامي بين الشباب و البنات و ياخوفي تتحول المسألة الى طق مطااقق : )

احنا جدام حقيقة واضحة انه الجمال نادر ابنات الديرة و نسبة الجمال عندنا ما تعادل نسبة الجمال عند بنات الشام : ) ما اقول هالكلام من باب التحرش لكن هذي حقيقة لكن تبقى الكويتية و البنت الخليجة اهيا اللي يميل لها القلب و يكفي انه عاداتها و اطباعها تناسبنا اكثر من بنات الدول الاخرى .

كل اصل فيه الشين و الزين سواء كانت كويتية و لا غير كويتية .

شخصيا ما اويد الزواج من غير كويتية او على الاقل خليجية الا اذا كانت هناك ظروف تمنع الزواج من كويتيه او الخليجة مثل الظروف المادية او الشروط التعجيزية اللي يحطونها بعض البنات : ) هني نلفى الشاب يلجأ للزواج من الدول العربية .
12/5/2008 6:24:11 PM
lonleyman
Posts 7
مساء الخير للحلوين والحلوات
المشاركين منهم والمشاركات
اما بعد
اتقدم بردي هذا الى كل من الاخوان والاخوات الذين ابدو ردود افعال على الموضوع المطروح واللي ماله معنى
عموما
سلامي للكل نفرا نفرا نفره
جد مت من الضحك وآنا اقرأ بعض الردود شفيكم جنكم دياجه
مو عاجبكم الاصطف الموجود وماتبون كويتيات او مطلقات او جياكر
سهله وايد
الله لايهينك حبيب قلبي
كنسل اشتراكك وفي الف موقع للزواج وينتهي الموضوع
وبعدين يعني الوحده لو ما كانت تبي الستر والزواج وخايفه على نفسها ما لجأت لهالموقع
وبعدين في شي لاحظته
الحريم اكثر ناس ردو على هالموضوع شكووووووووووو
وبعدين كلمة حق تنقال في مثل يقول ماتعرف قديري الا لما تعرف غيري
الحريم حريم وبنات الديره خير وبركه فيهم الشينه وفيهم الزينه ، يعني اللي تعرف احسن من اللي ماتعرفه
، يمعود كافي لمن تتكلم معاها تحس انه في شي مشترك بيناتكم
مو تتزوج وحده وتييب مترجم عشان تفهم شتقول
اتمنى ردي ما ضايق احد
بس تعبت شكرا ادري بتقولون عفوا
12/13/2008 12:08:50 AM
Eng.teacher88
Posts 7
بالعكس .. والله الكويتيات احلى من الي قلت عنهم .. بس انت الظاهر مقرود .. ماتشوف عدل ..



موضوع تافه وبلا معني ..



اسمحلي يعني











=)
12/13/2008 9:10:36 AM
corvette
Posts 3
انا ارد اقوووول عالبنات ولله اللبناني في مشاكلج يوقف معاااااااااااااج اقصاااااااااااه تنتهي اقااااااااامته ويهدج ويساااااااااااافر واذا عالزين الحمدلله اشحلاتناااااااااااااااااا نهبل ومستعد انا ولا هاللبنااااااااااااااني اروحله وشرط اطلعه خسران

انااااااااااااااا الكوووووووووويتي اللي بديرتي ربيت وللي عتراااااااااااابها وفيت وللي لغيرررررررررر بنت ديرتي مااااااااااااااا خذيت كويتيه وبس

ولا انااااااااااا غلطان يا بنااااااااااااااااااااااااااااااااااااااااااات ويا شباب ناقصنه شي ردوووووووووووووووووا جنه البخت
صفحات 1 2 3 4 5 6
|
تسجيل faq AspNetForum v.0.0.0.0