Khitba Forum - سوالف وقصص أعضاء خطبة - إكذب ثم اكذب حتى يصدقك الناس - Messages http://forum.khitba.com/messages.aspx?TopicID=1475 Khitba Forum - سوالف وقصص أعضاء خطبة - إكذب ثم اكذب حتى يصدقك الناس - Messages en-us http://blogs.law.harvard.edu/tech/rss Jitbit AspNetForum Thu, 16 Aug 2012 02:07:46 GMT Thu, 16 Aug 2012 02:07:46 GMT http://forum.khitba.com/messages.aspx?TopicID=1475 Message from shainy_girl
ارحب فيك اخوي عبدالله ، ومشكور عالموضوع ،

اولا الزين والشين موجود بين الشباب والبنات ، بس انا باعتقادي الجاد ليش يجذب ؟؟
شنو الفايده في النهاية من الجذب ؟ هل راح يندمر لهالدرجه بشخصيتج او البنت تتحطم بسخصيتك
لدرجة انهم يقبلون فبعض بدون تفكير ؟؟!

اكيد لأ ..

اذن اللي يجذبون في بروفايلهم لابد انهم مو جادين من الاساس ، وللاسف الكثير ماخذين فكرة مو سيئة الا منتهيه عن هالمواقع !
اي ليييش؟ وين الغلط بالموضوع ؟ شنو فرق الاجانب عنا بتفكيرهم الواعي ؟ الزواج مو لعبه ، وانا بالنسبه لي ماقدر اقول للريال تعال
اخطبني باجر ، لا بالعكس مثل ما اهوا يبي بنت سنعه هم انا مابي ريال انصدم فيه باجر بس عشان انا تأخرت بالزواج ، لان البنت
المفروض ماتكون راخصه روحها بهالطريقه الا لما تعرف الريال عدل من اسلوبه ، وشوي شوي ان ماحست او اهوا ماحس ان في توالم
ساعتها يادار مادخلج شر .. اخوان وتشرفنا فبعض وكلمن يتمنى التوفيق للثاني ..

بالنسبه لسالفة الشوفه اخوي اهي بالفعل حق ، لكن الواحد لازم مايستعيل فيها الا لما يكتشف اسلوب الاخر .. ميخالف الموضوع يبيله طولة بال
وصدقني الجذاب مايقدر يمثل مدة طويله ، بسرعه بينكشف لك ، ومن حق الواحد يختار المواصفات اللي يبيها مو غلط ! 

حتى بالنسبه لنا احنا البنات ، اقرا بالمنتدى تعليقات غريبه .. ان البنات يتشرطون ! اي ليش ما اقول اللي في بالي واحط المواصفات اللي ابيها بشريك الحياة ؟
ليش هذا مو شخص بيحاور عقلي باجر ؟ مو لازم يكون في تقارب بالاطباع والافكار والمستوى التعليمي ؟ وبالشكل ايضا ؟؟ ان لقيته الحمدلله وان مالقيته بعد نصيب ،
وما اعتقد الجذب هذا مكانه ، لان احنا مو داشين نلعب ، وبالنسبه لي انا اعتبر فكرة الموقع جدا راقية ، بس احنا اللي نسيء استعماله .

والله يهدي الجميع ويوفق كل ريال وبنت نيتهم صافيه]]> Thu, 16 Aug 2012 02:07:46 GMT http://forum.khitba.com/messages.aspx?TopicID=1475 Message from ab0Abdullah
موضوعي بختصار بعض البنات للأسف هذا شعارهم إكذب ثم اكذب حتى يصدقك الناس
كل بنت حاطة بالبروفايل الخاص فيها صفات مو صفاتها وأعتقد إنها مريضه نفسيا وتتمني تكون هذه صفاتها
المشكل الواحد منا اذا حاب يرتبط بوحده اكيد لازم يشوفها قبل الإرتباط مو معقوله (خذوه فغلوه ثم الجحيم صلوه)
طبعا حصل معاى موقف الله لايحطكم بالموقف الى صار معاى انا اول ما شفتها بالسيارة وحزام الأمان واصل صوب رقبتها من كثر ما أهي متينه
خلاص ما أبي أتذكر

سلام]]> Thu, 24 May 2012 04:34:19 GMT