http://forum.khitba.com/messages.aspx?TopicID=1316 Khitba Forum - القصائد والخواطر - الحلم - Messages en-us http://blogs.law.harvard.edu/tech/rss Jitbit AspNetForum Sat, 07 May 2011 01:09:26 GMT Sat, 07 May 2011 01:09:26 GMT http://forum.khitba.com/messages.aspx?TopicID=1316 اتعبني الحلم لين الواقـع انكرنـي ** كني مسكت الفرج بيـدي وهديتـه
مافي داعي على فرقـاك تجبرنـي ** حتى الجفا منـك ولعنـي وحبيتـه
الجـرح عـدا زمانـه لاتذكرنـي ** هـذاك وقـت تعذرتـه وجافيـتـه
لوشفت دمع القصايد كان تعذرنـي ** تصور ان الشعر يضحـك وبكيتـه
ماغيرونـي ياكـود الله يغيـرنـي ** كم واحد عنـك يبعدنـي ورديتـه
وفيـت وادري وفايـا مايصغرنـي ** صوبت يم الهدف لاكنـي اخطيتـه
من طار سرب الغلا والشوق طيرني ** شف ماعلى الارض واحد ماتعديتـه
خذني على صدرك الدافي وسيرنـي ** بعض الولع ياخذ الرجال من بيتـه
ابنشغـل فـي عيونـك لاتدورنـي ** ودي بشي اشوفـه مابعـد جيتـه
خليت قلبي معك والله يصبرنـي ** مبطي وانا اقول قلبي وين خليتـه
اشتقت لك مابغيتك عـاد تشكرنـي ** تغيب والشوق ماعمـري تباطيتـه
ماخذ على خاطري والبعد قاهرنـي ** مدري شسوي وانا كل شي سويتـه
العام يوم الوعد تسبـق وتنطرنـي ** مستغرب شلون هالموعد تناسيتـه
وين انت رايح ولا كنـك معبرنـي ** ماكني الي علـى العالـم تمنيتـه
لاصارت هاذي علومك راح تخسرنـي ** ماعمر احد راح من كيفه وناديتـه
عند الكرامه ابيعك وانـت خابرنـي ** الله وكيلك ترى كـل شـي مريتـه
وكانك نويت الهجر روح واهجرني ** ابوي لو صـد عنـي ماترجيتـه ]]> Sat, 07 May 2011 01:09:26 GMT