الصفحة الرئيسية » نقاش عام » كل بنات الموقع كذابات
صفحات 1 2 3 4 5
7/10/2011 9:19:57 AM
Tears2
Posts 96
السلام عليكم ورحمة....... ليش الحمله على البنات كلهم كاذبات .. هل ترضون ايها الشباب والرجال نقول عنكم كاذبيين لا.... على البعض منهم وليس الكل وانا اقول نفس الشي البعض منهم وليس كل الرجال او الشباب ..والبعض اذا كذبوا على حسب الموقف الي فيييه وانت تعرف الكذب حبل قصير لابد ان ينفضح الكذب مهما طالت المدة اتمنى من كل البنات والشباب المصداقيه بالكلام حتى ينور كلامك وتحقق الي في بالك وال يكذب خل يحط في باله ان الي في باله لم يتحقق الصدق نور والكذب ظلام الله ينور على الجميع ....
7/10/2011 9:20:40 AM
Tears2
Posts 96
السلام عليكم ورحمة....... ليش الحمله على البنات كلهم كاذبات .. هل ترضون ايها الشباب والرجال نقول عنكم كاذبيين لا.... على البعض منهم وليس الكل وانا اقول نفس الشي البعض منهم وليس كل الرجال او الشباب ..والبعض اذا كذبوا على حسب الموقف الي فيييه وانت تعرف الكذب حبل قصير لابد ان ينفضح الكذب مهما طالت المدة اتمنى من كل البنات والشباب المصداقيه بالكلام حتى ينور كلامك وتحقق الي في بالك وال يكذب خل يحط في باله ان الي في باله لم يتحقق الصدق نور والكذب ظلام الله ينور على الجميع ....
7/13/2011 5:03:57 PM
mhmmd
Posts 69
الله يا الاستفزاز اللي سويته يا ناس
انت الله يهديك حسبالك قاعد في المدينة الفاضلة ؟ و الناس هني مدموغين بالفضيلة و الصدق ؟
ما تعرف شكو بره علشان تتفاجأ باللي هني ؟؟
يعني لازم تألب هالامة علينا ؟ هو احنا ناقصين .. احنا نمشي يم الساس على قولة الاولين نسوي حساب الاذى و نبعد عنه
و اهم من فوق الساس يحذفونا .. هالمرة بعد تدوس على عصهم .. يهديك يرضيك الله يخليك على قولتهم
اشمالك مع البنات .. اذا قصت عليك وحدة اعرف انها رقم اضافي مو اكثر .. حط الة حاسبة و عد و بلغ و جزاك الله خير
بس تفتح هالموضوع في زاوية الهايدبارك ؟ احمد ربك ان اكثر اللي هني ما يقرون المنتدى و الا والله جان يقعدون لك بكل عاير
اكيد ناس ما يقصد التعميم بس يمكن الجذبه الاخيرة كانت القشة بالنسبة له طلعته من طوره و بط هالموضوع تعبيرا عن كثر ما شاف ..
ترى الامر متوقع و هو بهالايام الاغلب ان يتم بمعنى ان يكذب الشخص ذكر او انثى علشان محد يقول اني متحيز
ما يزيد و لا ينقص من ناحية و لايعتبر امر جديد او امر مفاجئ اذا حسبنا حساب التركيبة النفسية للناس مالت هالايام ... اذا ما تبي احد يقص عليك هالايام لا تطق اي باب
لان هذا هو السواد الاعظم في نوعيات المجتمع .. اما ان كنت لا والله بو متيح .. انصحك قبل كل تشات او حديث ان تاخذ فاليوم الى ان توصل الى شكو ماكو
و الله المستعان .......
7/21/2011 7:50:49 AM
q8f
Posts 8
السلام عليكم...بصراحه عنوان الموضوع حيل جارح وخصوصا انك عميت كل البنات ماخصيت ....والي بين ان هذا مو من قلبك وعرفنا قصدك المثل الي يقول خالف تعرف وبصراحه
نجحت بالفت النظر للموضوع......... وبقولها بصراحه البنت في بداية التعارف لازم تكذب في بعض الامور مثلا باسمها بعنوانها ومكان العمل يعني جميع شي بيعطي دلاله عليها وبنفس الوقت لازم بتكون صريحه بامور وايد مثل العمر والاصل والطول والمتن .....وفي مثل بيقول الي مايعرفك مايثمنك...والمفروض الرجل الي بيكون صادق في بداية الامر الى ان تحصل
الثقه بين الطرفين صدقني ساعتها راح تكون البنت صريحه في كل شي.... وارجو ان تقبلوا مروري وشكرا.
7/21/2011 5:28:10 PM
26Moon
Posts 3
السلام عليكم،، اللهم صلي على محمد
من يهده الله فلا مضل له ومن يضلل فلا هاديَ له
اخوي الله يجزاك خير العنوان جدًا يجرح
لا يعلم خباياالانفس إلا الله
والكذب صفه مذمومه يتميز بها كلا الجنسين الا من رحم الله
انا عن نفسي ارى ان البنت من حقها تمتنع عن اسمها ومسكنها
هذا حرص وخوف وانت ماتدري يمكن احد من اهلها بالموقع والديره صغيره
اسفه على الاطاله ولكن انا معك فبعض البنات كاذبات مثلكم الا من رحم الله
واخيرا اللهم نسألك الصدق اللهم اجعلنا ممن يصدقون معك
7/23/2011 3:06:48 AM
nas010
Posts 51
السلام عليكم ورحمة الله وبركاته
اولا اعتذر لكل من شارك بموضوعي وذلك بسبب هجراني للموقع وعدم دخولي فيه
وثانيا صح العنوان قوي بس انا كتبته بالطريقه هذي علشان يصير نقاش بمصداقيه تامه وبصدق تام
لربما يتوفقون اثنين بالزواج ويكون من البدايه صادق .
اعتذر لكل الاخوات الحساسات واقول الله يعلم بالنيات والقلوب والا لا من قريب ولا من بعيد دخلت قلب وحده وعرفت مصداقيتها
وللجميع اقول اعذروني لان بس عنوان ومو اتهام والمراد منه النقاش ولكن من غير تواجدي
دمتم بخير والله يوفقكم جميعا
7/23/2011 9:15:28 PM
Tears2
Posts 96
السلام عليكم ورحمة الله وبركاته ،،،،،، اذا انت عممت كل بنات الموقع كاذبات ليش ماتحققت امنياتهم اخي العزيز لاتعم على كل البنات قول البعض منهم وانا قلت من قبل ان الكذب حبله قصير لابد ان يوم من الايام راح تنكشف انا معاك البعض اصبحن كاذبات يمكن مرن لظروف ما وقعوا فيها صاروا منها اتجاه للكذب ...... ممكن سؤال هل اعم وأقول هل الرجال كلهم كاذبييين انا ماااعم لان انا اعرف ان أصابعي مو كلهم سواء مع العلم أني وقعت في كذبة رجل وخاصة موقع الزواج الكويت ولكن نشوف غير كويتيين ليش ياالله لنا الله ......
9/9/2011 12:13:09 PM
mhmmd
Posts 69
ممنوع التشنج او الزبد و الرعد ..
نعم مو كل البنات كاذبات بس اكو نسب تقول ايضا ان
المثل اللي يقول . يا مأمن الرجالة يا مأمن المية بالغربال
تنقال 15 الى 18 مرة عن الرجال .. و 25 مرة عن النساء
على ذمة الدراسة !!


A study has claimed that though men may have the reputation for straying, it is women who are more likely to get caught up in love triangles.

The poll of 2,000 people found that almost a quarter of women were romantically involved with more than one person at a time, while just 15 per cent of men were involved in two-timing.

And of those love triangles, about 18 per cent started on social networking sites like Facebook or Twitter.

The poll also showed half of them believed you could be in love with more than one person at a time.

And high earners are more likely to stray than those on lower wages.

Jo Hemmings, a relationship psychologist, said that while male love rats may be the biggest cheaters, driven by lust, opportunity and a misguided sense of entitlement, it is women, who tend to have a more complex view of relationships.

التعميم ممنوع نعم بس الحرص درجات ..
احذروا مرة يا ستات .. و مرتين يا رجالة
اعذر من انذر و الله يكافيكم كلكم الشر !
9/24/2011 10:28:34 PM
Tears2
Posts 96
السلام عليكم ورحمة الله،،،،،شكرالطرحك للموضوع ليش تعتقد كل البنات الي في الموقع كاذبات اذا انت حاطابالك كلنا كاذبات هم نقول كل الشباب كذابون؟! وهذا شي خطأ لانهم نقول البعض ،،، والي يكذب لأبد من سبب اداه للكذب ... والسبب يرجع للطرفين (شاب اوبنت)....وطرقنا الى الموضوع في اشياء كثيره للرد على موضوعكم ....وانا من سابق أوانه ان رديت على الموضوع ...وهذا ودمتم سالمييين،،،،
9/24/2011 10:38:32 PM
Sa7ra
Posts 3
عليكم .. ويعطيكم العافية

ردي لكل بنات الموقع : يا بنـــــــــات يا حــريـــــم تبين اتعرفين انه اللي يتعرف عليج بالموقع نيتــه صافيـه أو يبـي يلعب ؟؟؟ قوليله هالكلام : اخوي تبيني هذي مواصفاتي 1 2 3 وهذا رقم ابوي أو رقم امي .. حياك طق باب بيتنا وشوفني بالصج واذا ما عجبتك توكل على الله ولا انا خسرانه شي ولا انت خسران شي عيل ليش حاطين الباب حق اولاد الحلال يدشون منه ؟؟؟ والدريشة موجوده حق اللي يبون يلعبون ونيتهم سيئه لا يقص عليج ويقولج خليني أشوف صورتج !!!!!! اياني وياكم تحطون صوركم حق الشباب يا بنــــــــــــات وانتوا حرين انتي اشدراج باجر مايبوق صورتج او يكون قاعد يم ربعه ويتطمشون والخ .... ؟؟؟؟ دريبالج يا ابنيه

اذا فعلا نيته صافيه قوليله مواصفاتج وخلج صاجه لا تجذبين ابولا شـــي عشان لا تفشلين نفسج لا يتقدملج يا حلوه .. وعطيه رقم اهلج اذا شفتيه قالج عطيني رقم ابوج او امج
بس لا تعطينه ايميلج ولا هم يحزنون لأنه شي يجر شي وبالايميل يقعد يقص عليج ويطلب منج تحطين صورتج شوي شوي يقط رقمه او يطلب رقمج ويساحلج ويقولج احنا كبار وانا ريال اخاف ربي وعندي اهل وخوات وما العب على بنات ديرتي وانتي ابنيه ومعروفه المرأة تفكر بقلبها !!! بعدين عاد قعدي لطمي ))

كلامي موجه حق البنت الشريفه العفيفه اللي داشه الموقع تدور ريل مو بوي فرند

ولا يقص عليج واحد يقولج احنا تحضرنا ولا تكونين متمسكه وجامده ومتخلفة قوليله يشرفني تخلفي دام فيها اني احمي سمعتي وسمعة أهلي وخلينا التحضر لخواتك واهللك )

والله يوفقكم جميعا :*
9/25/2011 9:14:36 AM
qukuwait
Posts 321
السلام عليكم
طبعا ردك محكم وصحيح 100 % واعتقد هو عين الصواب ........ ولكن ........؟؟؟؟؟؟؟؟؟؟

يا اخت ساره انا راح اتكلم عن الناس الجاده من الشباب الي فعلا يريد ان يتزوج من هذا الموقع هل تعتقدين بان كل البنات الموجودات آيه من الجمال يعني تصوري كل واحد يطق باب بيت البنت اعتقد احراج يوم يشوفها مو حلوه او شكلها لا يتناسب مع طلبه ..؟
يعني كم واحد راح يطق باب بيت ابو البنت مصيبه كل من طق باب بينت البنت يشوفونها وما يعجبون فيها بعدين يطيح حظها جدام اهلها

فما هو الحل الانسب ..........؟


كويتي
9/26/2011 2:44:44 AM
Sa7ra
Posts 3
لا مصيبة ولا شي هذا شرع الله مافيها اي مصيبة شدعوه ؟؟؟ فيه شباب وصلو 50 وللحين ما تزوجو ودقو كل باب شيسوون نصيب

يبي يشوفها حياه يطق بابها بس طبعا بعد ما توصف شكلها من غير لف ودوران واذا جذبت اهي الخسرانه مو اهوا

واهوا لازم الله يهداه يحذرها من قبل يقولها يا بنت الناس لا تيبين حق نفسج الحجي ولا تجذبين خلج واضحه وصادقه معاي عشان انتي البنت وانتي بتنحرجين باجر لما الخطاطيب يفلون من عند بابكم والناس راح تقول بنت فلان فيها علة الكل ينحاش منها لذلك مهم انج تكونين واضحه ! وعموما اخوي 90 بالامية من البنات لما يشوفون الصجية ويسمعون هالتحذير راح يكونون صاااااادقين للأماااااانه

والله يوفقهم
9/26/2011 11:34:15 AM
qukuwait
Posts 321
السلام عليكم
الحمدلله على كل حال يا اختي لو حصرنا الموضوع واخذنا الزبده لوجدنا المصداقيه والامانه وحرص الرجل على كرامة المرأة لكان الامر سهل لكن انا ما اضمن لك في هذا الوقت امانة وصدق الرجل او حتى المرأة .... وبالتالي مسألة الوصف كل واحد يراى نفسه مقبول ولولا ان المرأة لم تراى نفسها حلوة وجميلة ما دخلت هذا الموقع تبحث عن زوج بل تصف نفسها وسيرة ذاتها بوصف ابصراحه يجعل المتزوج يندم على زواجه ويقول على حال لسانه ياليتني لم اتزوج يا ليتني دخلت هذا الموقع واخترت الانسانه بدل زوجته التي لا يوجد بها تلك الاوصاف ......... يا ساره .. المتزوج الذي يدخل هذا الموقع يطمع بوحده ثانيه بسبب البروفايل الاغرائي وقد تكون صادقه

لذلك الانسان الامين اذا ما اراد ان يتزوج لا ضير ان يواعدها في مكان عام وفق شروط شرعية واهم شرط بان يحضر اخته او امه معه ليثبت مصداقيته طبعا هذا رائي ورائي يحتمل الخطأ وحتى نميز الطيب من الخبيث واذا اعجبته البنت تذهب اخته وتاخذ العنوان والله يوفق الجميع

كويتي
9/27/2011 12:17:24 AM
Sa7ra
Posts 3
هلا اخوي .. اول شي احب اقولك انه المرا وهذي طبيعة فيها فطرة الله خلقها جذي مهما كانت جميلة فهي من الله تحس فيه اشياء ناقصتها وتطمح تكون أجمل ! فما بالك لو كانت جيكرة ؟ اكيد بتعترف ! ... أما بخصوص اللي يجذبون ترى هذيل داشين يستانسون ويلعبون مو أكثر ليش ؟ لأنه اهي تدري انه لو الرجل سئلها راح تتوهق بالجواب ولو استمرت على جذبتها راح تييب حق اهلها ونفسها الاحراج وهالموضوع خالصين منه ..

اما رجال الموقع حدث ولا حرج !! الكل كاتب انا صاحب دين انا اخاف الله انا ما ابي الحرام انا جااااد انا مو داش العب و 90% جذب مو طبيعي اللي يقط رقمه والبي بي ماله
واللي يقط ايميله
واللي يبي يواعد وتليفونات وخرابيط وغيره وغيره الله يبعدنا

واخاف بس الريال ما يقول عن نفسه انا توم كروز ؟ ولا انا رشدي اباضه ؟ ترى وفق دراسة مؤكدة انه الرجل مصدر الكذب ومقابل كل 3 رجال بالعالم يكذب واحد !! وهذي معلومة أكيدة ومعدل 10 مرات باليوم لازم يقطله جم جذبة يعني الجب ابدمه .. اما المرأه فكذباتها ما توصل نقطة اب بحر أكاذيب الرجل

واذا بيواعدها معا امه واخته على قولتك خل يواعدها اب بيتهم

أنا مو شايفة شنو الداعي انه يقول حق امه واخته تعالو انشوف بنت انا امحاجيها بالانترنت بالشارع ؟؟ تتوقع هالكلام اللي تقوله منطقي ؟ منو هالام والاخت اللي بيرضون بالشارع ؟ وهل الفكرة اللي بيكونونها انذاك بتكون فكرة حلوة عن البنت لما ولدهم يقولهم تعالوا انشوفها بالشارع من بعيد ؟ وليش ما يشوفونها امعززين امكرمين بالبيت ؟


وكل واحد ينام عل جنب اللي يريحه بالنهاية كل واحد حر بتفكيره وابقناعاته

والله الموفق باي
9/27/2011 11:46:20 AM
qukuwait
Posts 321
السلام عليكم
يا اختي الفاضله
هل فكرتي وسألتي نفسك لو كان الرجل محترم وطيب وخلوق وبن ناس هل تعتقدين ان خواته او امه ما يدورون له بنت الاحلال ليش الاخ مقطوع من شجره
ولا الاخ طرثوث وداخل النت يدور بنت الحلال حكم انه ما عنده خوات ....؟
لا تستغربين اذا قلت لك بان اكثر الداخلين هذا الموقع للتسليه وتضيعة وقت فراغ وانا من الناس احب اشارك في المنتديات وكون اني مغترب عن وطني الغالي
والحبيب الكويت ادخل هذا المنتدى للاستفادة والمعرفه لا اقل

وعلى كلامك الكل ينام على الجنب الي يريحه بس هم يحط تحت المخده قرأن يحفظه من شر الاحلام

الله يوفقك يا اختي وان شاء الله يتحقق مرادك وتتزوجين وتكونين سعيده مع شريك حياتك بحق محمد وآل محمد

كويتي
9/29/2011 5:05:32 AM
NooooooR.kwt
Posts 1
عزيزى مثل مافى بنات يكذبون هم فى رجال يكذبون ويدخلون الموقع بهدف الكذب وواللعب....بليز لاتشمل الكل....

والبنت ايلى ماترضى بطلبات الرجل تطلع كذابه... وهذا غلط......



الموقع هدفه الزواج......... مو العلاقه واللعب..........
10/1/2011 12:12:25 AM
qukuwait
Posts 321
السلام عليكم
شكلك ما قرأتي كلامي وشكلك متحامله علي وعبالك اشجع العلاقات
الحمدالله والشكر وجودي هنا فقط للمنتديات الواحد يعبر عن رايه
فقط ومالي شغل الله يوفق الجميع للزواج

كويتي
10/9/2011 6:34:24 PM
qukuwait
Posts 321
السلام عليكم
رايك ونحترمه

كويتي
10/9/2011 9:48:15 PM
Tears2
Posts 96
السلام عليكم ورحمة الله ،،،،،، ليش تظن كل البنات كاذبات ليش تظن انهم يحثون عن الفلوس وبيع جسدهم للجنس الاخر لاتظن الكل ليش ماتقول البعض عيل اناواقول كلوالشاب لا كل واحد له احترام وتقدير من الطرفين وكل يره الناسوبعين طبعه لاتعم ،،،، قول البعض وانظر للحياة اهل الحياة بنظره مشرقه واضحه وضوح الشمس لاتضع الغيوم عليها لانها الغيوم مردها تنسحب من بعد تجمعها مع بعض ومنها نزول الغيث لتنظيف النفوس اهاه على تفكيركم يااهل البشر ،،،،،، الحياة اكبر مدرسه نتعلم منها من تجارب الحياة اليوم خسرت بكره راح تربح من خسارتك ارجوا تنظر للحياة نظره تأمليه وليس تشاؤم .... ياعزيز كلنا تعرضنا للكذب سواء (الرجل او البنت) لان النيه صافيه ولاندري صدق الي أمامنا بس لابد من الحذر والله هم المستعان ..... عسى الله يوفق الجميع ،،،،،
11/26/2011 6:32:07 AM
M7MD_ALMoTiRy
Posts 7
السلام عليكم

لا مو الكل انا اتوقع 85% لعب وسوالف

و نسبه 15% جادين

وشكراً
صفحات 1 2 3 4 5
|
تسجيل faq AspNetForum v.0.0.0.0