butalf
Posts 14
|
ياميــــــــــــــــــــــــــــــــــــــــــــــ م
منساك انا ياميم والله منساك
ذكراك تبقى يالغضي مابغينا
تبغى معانا دايم اطيوف ذكراك
لاتنسى ولاتنمحي ماحيينا
ابغى أعيش العمر كله برجواك
وازيد صبري صبريوم ابتلينا
لاتحسب اني داله عقب فرقاك
الشاهدالله عقبكم مااهتنينا
انشدنجوم الليل عني والافلاك
يومي اسامرها بشوق وحنينا
احن لك لامن تواحيت طرياك
حنة غريب الدار عقب السنينا
لاشفت شخص شايل من حلاياك
تسرح بي افكاري حيث التقينا
احلى ليالي العمر ياميم وياك
واعظم قصورالحب حنا بنينا
نعيم حبك عايشه وسط لاماك
وبأعذب كلام الحب ياما سلينا
عقب الغلاوالشوق بالله وش جاك
وشهو السبب ياصاحبي وش جنينا
وش غيرك ياللي حسينه سجاياك
وش غيرك ياسيدجيلك علينا
وش غيرك ياللي كما الحر عيناك
ياللي بحسنك بالملا ما لقينا
سبحان رب صورك ثم انشاك
احلف بربي بزينكم مارئينا
ماظنتي بالحسن شخص يتحداك
بالجيل هذا وايضا السابقينا
لو هي بعيده ديرتك حالف انصاك
ماهي حسافه لديرتك لو عنينا
ابي اسألك ياميم هي ليه جفواك
هي كلمة العذال او ماتبينا
حناغلاة وشرب شربناك
وحنا لشوفك يالغضي مدمنينا
مقدراعيش العمر لحظه بلياك
تضيق بي الدنيا وقتي يشينا
قلبي شفوق ينتظريوم لقياك
كنه على جمر الغضى موقدينا
انا اعترف ياميم حاولت ابنساك
بس البلاياصعب قولة نسينا
ياليتنا ياليتنا ماعرفناك
وياليتنا في دربكم ما مشينا
وياليتني ماشفت بسمة شفاياك
وياليتني ماشفت ذاك الجبينا
وش لي بنظم القاف والشعر لولاك
وش لي بدرب يتعب السايرينا
انا بقايا واحد كان يهواك
كنتو وبقيتو بداخله ساكنينا
|