Khitba Forum - سوالف وقصص أعضاء خطبة - صفات الغير جاد - Messages

Message from Monatii

Sun, 08 Mar 2015 15:45:03 GMT

السلام عليكم بنات ابي احذركم حبايبي

من عضو اسمه " escobar" ديربالكم منه لاني اللي شفته من راسلني شي اذهلني سبني وسب عرضي وعرض كل بنات الموقع

وكل بنات الموقع بلنسبه له ولا شي اهو اول ما يدخل عليكم يعطيكم رقمه وحسابه بالكيك ديربالكم منه ترا مو جاد ولا يبي زواج

انا بس رفضت لانه عطاني رقمه وبعدها سبني وسب عرضي واشتكيت عليه عند الاداره مادري اذا يسوون له شي ولا لا لانه كل شي موجود عندي بالرساله رقمه موجود عندي بالرساله

اقدر اوصل الموضوع للمخافر من رقمه يطلعونه ويسحبونه

وحتى من حذرته من الاداره ما اهتم قال راح يلغون النيك نيم بس وبيسويله اشتراك ثاني يديد ديربالكم منه يا بنات واعترفلي انه يعرف بنات ويكلمهم ويلعب عليهم

اخذوا حذركم مو كل من يعطيكم رقمه تتواصلون معاه انا وقفت بويهه وطلع كل اللي عنده اللهم بلغت اللهم فاشهد

Message from Khaliiid7722

Wed, 10 Dec 2014 07:15:21 GMT

والله انكم تضيعون البنات وتخلونهم يشكوون بكل رجل والسبب اوصافكم للرجل الغير جاد
ترى للعلم النيه محد يعرفها الا رب العالمين وان الاعمال بالنيات ويا بنات اذا جاءكم فاسق
بنبأ فتبينوا .... صدق الله العظيم

مجرد نصيحه بس😎

Message from sara1987q8

Sun, 23 Feb 2014 02:28:57 GMT

كلام ال أخ قست ومشاركته يقول : موضوع يستاهل المشاركه والتعقيب .
بصراحه أنا بتكلم بصفتي أحد الشباب اللي مشتركين بالموقع , بخصوص شلون نعرف جدية الشخص اللي جدامنا من عدمها أول شئ خلونا نعرف شئ مهم واللي هو انه أكثر الشباب اللي مشتركين بالموقع غير مقتنعيين بشئ اسمه زواج بالنت ولا أحد يزعل مني , راح تسألوني ليش قلت هالكلام أنا راح أقولكم أولا كل شاب ولد حموله وولد عايله مستحيل راح يقول لاهله أنا تعرفت على بنت بالنت وابييكم تروحون معاي تخطبونها لي لانه عارف ردت فعلهم , أحنا بالكويت لنا عاداتنا وتقاليدنا الولد اذا حب يتزوج يقول لاهله واهمه يدورله بنت الحلال اللي عارفين أهلها وعارفينها ويكونون سائلين عنهم زين لانه هذي سالفة زواج ونسب مو لعب يهال , ونفس الشئ البنت لما ييي واحد يخطبها من أهلها لازم أهلها يعرفون من طرف منو يايين ومنو اهمه مو جذي طامرين الرصيف وداشين نبي نخطب بنتكم لولدنا, زين انتوا منو ذكر بنتنا لكم وانتوا منو , نرد لموضوعنا بخلاصه عاجله لا يوجد شاب بالموقع جاد بموضوع الزواج , وارجوا ان تتقبلوا كلامي بسعة صدر ولا أحد يزعل مني .

ردي له: بصراحه وجهة نظر حيل قوية وصحيحه ... بس احنا بعد بوقت وعصر التكنلوجيا اللحين والمشكله لما تتقدم حق بنيه بهالوقت تحاصرك الشكوك عن امور وايد وكذلك البنت للصبي ف الأغلبية القليلة من الناس تحب التعارف او طريقة النت لاسباب كثيرة ويفتح باب يعني للي مالقى نصيب عن طريق اللعادات والتقاليد .

Message from nasserazizkwt

Thu, 10 Jan 2013 09:41:52 GMT

السلام عليكم ورحمة الله وبركاته

هذا الموضوع شبيه بقصيدة قالها أمير الشعراء احمد شوقى

برز الثعلب يوما في ثياب الواعظين ****يمشى في الأرض يهدى ويسب الماكرين

و يقول الحمد لله إله العالمين **** يا عباد الله توبوا فهو كهف التائبين

وازهدوا فإن العيش عيش الزاهدين **** و اطلبوا الديك يؤذن لصلاة الصبح فينا

فأتى الديك رسولا من إمام الناسكين ****عرض الأمر عليه و هو يرجوا أن يلينا

فأجاب الديك عذرا يا أضل المهتدين **** بلغ الثعلب عني عن جدودي الصالحين

عن ذوى التيجان ممن دخلوا البطن اللعين **** أنهم قالوا و خير القول قول العارفين

مخطئ من ظن يوما أن للثعلب دين

وذكري لهذا الموضوع هو اصابع اليد ليست واحدة ، والناس معادن تختلف نقاوتها من معدن لاخر ، فالواحد يستحسن ان يصدق النية والباقي على الله. احنا ما نقدر نشوف شنو في قلوب الناس

Message from Koko_85

Mon, 07 Jan 2013 23:51:14 GMT

اي والله صدقتي ماعرفناهم اهم جادين ولاجاذبين ...الله يوفقج ويسترعلينا وعلى بنات المسلمين ويهدي شباب المسلمين

Message from sara12

Wed, 05 Sep 2012 00:04:01 GMT

انا اقولج ليش الاخ غيتس داش علشان يجمع اكبر عدد بنات ويدش موسوعة غيتس للارقام القياسية يا عزيزتي الوحده ما تستغرب حال البشر الحين وانتشار الفساد والطلاق لانه الى يحمل هالعقليات الضجية مصيرة جذي بالنهايه الانسان الصادق مع نفسه والنظيف في نيته راح يكتشف الى جدامه بسرعة حتى لو كان فنان نصب واحتيال الايام والوقت يبين كل شيء اهم شيء انه الانسان ما يسوي امور يندم عليها حيل و تاثر على مستقبلة او تضيع حياته وتدمر نفسيته .

Message from BintliKuwait1

Sun, 26 Aug 2012 02:47:59 GMT

Guestq8 اسمحلي عيل انت ليش داش؟

Message from sedrat

Mon, 27 Jun 2011 23:39:53 GMT

السلام عليكم
اه صحيح كلامك
بس كمان منهم بكون على درجة عالية من التمثيل منهم ماينكشف الا عارض الواقع يعني لمن تتفقي معو عارض الواقع وقدوم الاهل

Message from samia22

Sun, 26 Jun 2011 00:05:51 GMT

الله صل علي محمد وال محمد

سوري بس شنو اذا حصل المواصفات اللي يبيها يطق الباب؟؟؟ ...والله لو اخوي اقول وحده تبي توهقك وتخليك تتزوجها غصب ؟؟؟ شنو وين قاعدين ..بنرد للعصور الجاهليه ... ما يشوفها ... اما يتفشل مو المواصفات اللي قالت عنها او تطلع مو الشكل اللي ماخذه عنها ...او اهي تتوهق جدام اهلها ويطلع غسر المواصفات اللي قال عليها ؟؟؟

لا تسوون نفسكم مثاليين ... وتقولون ماكو تلفون ولا لقاء؟؟؟ عيل ليش داشين خطبه ...خل امهاتكم تزوجكم باختيارهم

يعني اذا كان الريال جاد او المراه جاده ... دعوه ترفعها لرب العباد ..اذا كان هذا الرجل/المراه جاد بالزواج ..يارب تسهل امورنا ..او غير جذي يارب تبعده عنا (واذا سالك عبادي عني فاني قريب اجيب دعوه الداع اذا دعان) وصدق الله العلي العظيم.

اما تقولون بعد الرسايل الطويله العريضه ....ماكو تلفون ولا ايميل ..فسوري انتم تقصون علي انفسكم اشكره .

والله يرزقكم الزوجات او الازواج الصالحين يارب
تحياتي

Message from aseel100100

Sat, 21 May 2011 00:47:40 GMT

الجاد هو من كثرت اسئلته وطال شرحه عن نفسه واحواله

Message from ahmad_1980

Fri, 24 Dec 2010 00:24:58 GMT

السلام احب اعقب على اخوى ابو النخبه انت بكلامك شككت فينا كلنا ارجوك انك تخص لا اتعمم وانا واعوذبالله بالله من كلمت انا جاد وعلىقولتك بروفايلى كله صح ماجذبت بحرف لكن لا اتجكك بغيرك ولا تجمع كله على الشباب هم في بنات يلعبون مو جادات وللعلم قليل اتحصل بنات اغلبيتهم شباب متنكرين بنكات بنات يعنى ماتعرف الصح من الجذب وتقبلو تحياتى

Message from BoABDLa

Sat, 20 Nov 2010 03:26:48 GMT

السلام عليكم

كلامك صح almaasaa

طبعا اذا حصل المواصفات المطلوبه ((( يروح يطق الباب ويخطب )))

غير هذا فهو غير جاااااااااد

ودربالكم يابنيات

والله يرزقنا وياكم

Message from almaasaa

Thu, 18 Nov 2010 02:00:37 GMT

مشكوره اختي كيتي على الرقم ..وان شاء الله ولا بنت تحتاجه (:

اما عن صفات (الغير جاد) .. ترى مو سهل البنت تكتشفه .. مو بالسهوله اللي تتخيلونها
يعني مثلا .. واحد دزلي (اهتمام) وكانت مواصفاته تناسب مواصفاتي ..وكل شي تمام بالبروفايل
وضفته عندي بالايميل وعرفت شخصيته وعرف شخصيتي وكل شي تمام ..

انزين .. الحين الخطوه اللي بعدها شنو مفروض تكون ؟؟
مو خطبه رسميه ؟؟

لاا ..اغلب الشباب هني ..ما يوصلون لهالنقطه مادري ليش لوووول
تظل العلاقه مجرد سوالف وضحك .. انزين لي متى ؟؟

يعني اذا انته كل شي عاجبك فيني ..ومافي اي سبب يخليك ترفض ..
ليش توقف عند هالنقطه؟؟ ليش ما تطلب من البنت عنوانها عشان تخطبها .. ؟؟

اوو بالحاله الثانيه :

تتطور العلاقه بس للاسوء ..

يعني بطلع معاج ((على بونه بشوفج عدل))
او عطيني رقمج (( وطبعا عارفين اغلب سوالف الفون شنو تكون ))
او تعالي شقتي (( عشان نكسر حاجز الخجل بيينا )) لووول
او شغلي الكام او دزيلي صورتج ((( وطبعا طبعا طبعااا بدون حجاب )))

ليش ؟؟

اذا البنت متحجبه شنو السبب اللي يخليها تدزلك صورتها بدون حجاب ؟؟

واذا قلتي لا .. شوفني من بعيد .. يقولج : شنوو فلم ابيض واسود ؟؟
ليش يعني ؟ لازم اقعد معاك ولا اطلع معاك ؟؟

حالات غريبه تصادفني .. مادري شلون افسرها .. وما قمت اعرف الجاد من اللي يلعب
يا ريت الشباب يوضحون لنا اكثر عن هالحالات ..
edited by almaasaa on 11/18/2010

Message from kaitty

Sun, 24 Oct 2010 19:15:26 GMT

يا بنات ديروا بالكم من الشباب
انا صار لي سنة ما لقيت ولا واحد جاد بس قلت يمكن مثل ما في الطالح اكيد فيه الصالح
بس للاسف كلهم يبون يلعبون
بس عندي نصيحة وحدة
لا تخلون احد يهددكم
الحمدلله احنا في ديرة خير
هذا رقم المباحث الجنائية 25623888
هذا الرقم اللي تكلم عنه المحامي خالد عبدالجليل و الشيخ نبيل العوضي اذا في واحد ماسك عليج شي او مهددج او يلاجقج ومو راضي انه يوخر ما عليج الا تتصلين فيهم وهم يتصرفون بسرية تامة بس طلبوا تتكلمون مع المدير العام بخصوص موضوع خاص بدون ذكر اي تفاصيل الا حق المحقق
عفية حفظوا الرقم بس احتياط الله لا يقول يمكن تحتاجونه
ونشروه وبلغوا كل رفيجاتكم لان في وايد بنات متوهقين
هذا اخر يوم ادخل فيه هالموقع و اتمني من كل البنات يديرون بالهم
اتمنى من المشرفين نشر هالمشاركة لان بدون الرقم كان ممكن ان اطيح بمشاكل مالها اول ولا تالي
يا ادفع 30000 دينار يا يفضحني في دوامي ودوام ابوي
الشخص الزين ما راح يخاف من هالرقم لانه ما راح يعطي سبب حق البنت ان تستخدمه
بس ممكن يعطي فرصة حق البنت اللي طايحة بمشكلة انها تحلها بسرية وهدوء

Message from m7nk

Sun, 08 Aug 2010 02:49:20 GMT
الواجب لكلا من الطرفين ان كان جادا بالعلاقه ان يكون حذرا من الشخص الاخر الذي يحاول التقرب منه
كما ان الواجب عدم افتراض الغدر وسوء النيه بالاخر والا كان اشتراكه بالموقع غير مجدي وهذا لايمنع الحيطه والحذر
واخيرا للاسف مافي اح يتعلم الا من جيبه كما يقول اخوانا اللبنانين بامثالهم
ونصيحه للبنات بشكل خاص لايجيد الكلام المعسول الا النصاب والا المقرود ما يعرف يرتب كلمتين ويغرق بشبر ماي
وسلامتكم

Message from zarkovic

Wed, 30 Jun 2010 20:36:42 GMT
تكفى بو ياسين أقره بند الموصفات رقم أربعه

شوي و أنادي أم حسين علشان تقره هالبند الخارق

Message from ahmadk

Wed, 30 Jun 2010 15:57:46 GMT
بسم الله اولا واخيرا والصلاة والسلام على محمد وآل بيته النبي العربي الهاشمي ,,, اما بعد

اخوكم الصغير ابوياسين , السلام عليكم , بين الشك واليقين .......... هذا الموضوع الي كل بنت بالخصوص وكل شاب يجب التركيز عليه , الكل في الموقع في موضع شك من الطرف الآخر يجب عليهم التيقن وهناك عدة كيفيات للتيقن انا اعرف لكم التيقن والكل يستطيع ان يكيف عقله على التيقن من الشخص المقابل له والراغب في الارتباط به واليقين هو مشاهده بالعين وسمع بالأذن أذا موضوع الزواج يجب فيه ان يتقدم كل شاب ليتزوج فالمبادرة من طرفه فيتحتم عليه عرفا ان يبادر والبنت ترفض او تقبل الجاد بالزواج يجب التقدم للزواج على حسب العرف الموجود بين الناس وغير هالكلام اسمحولي يعتبر لعب وشكرا..

بالنسبه لي انا متزوج واحب زوجتي وعيالي بس ابي اتزوج لظروف معينه خاصه فيني مو عيب . المذهب الحق الجعفري يجوز الزواج المنقطع (المتعه) والدائم وانا ارغب بالزواج من اي الطريقين ولكن ظروفي خاصه جدا اذا تزوجت زواج عادي راح اخسر زوجتي وعيالي واخسر حياتي ومن ناحيه ثانيه انا محتاج مره ثانيه عندي حل من الاثنين اصبر وهذا افضل او اني اتزوج زواج عادي من غير معرفت اهلي او اتزوج زواج منقطع ومن غير معرفة اهلي بكل الاحوال .....

انا طرحت موضوعي ليس للتعريف عن نفسي ولكن ليعلموا الناس كيف يكتشفون الصدق من الكذب والشك من اليقين والكل يقيس على شاكلته

ومن مثلي وقد خالط حب سيد العرب محمد دمي ووصيه الامير علي أوالي

Message from zarkovic

Wed, 30 Jun 2010 05:02:38 GMT
بنيات حلال

أولا: هل هذي المقاييس الدوليه و الا مواصفات الخليج للغير جاد

اذا تبون تتأكدون من الجاد أول علشان توافقون على الزواج عيل ابشركن الي بعمر بناتكن راح يتزوجون و انتن للحين ناطرين الجاد

الرجل يقدر ها حطي خطين تحت كلمه يقدر جايه من أصل القدره, يقدر ما يسوي هالانتو كاتبينا بالموصفات و هم يكون غير جاد

أدري بتطق فيوزاتكن و بتقولون شلون ؟ جوابي هو : هذا شي صعب عليكم تفهمونه لو أشرح لكم سبعين سنه

ثانيا : انتو يا الحريم ارتكبتو غلط فادح و هو الأتهامات الموجهه للرجال و أقولكم ليش ؟

بعالم الرجل محد يعرف شنو بقلب الثاني و محد يدري شنو الثاني خاش له هل هو خير ام شر و الله ساتر على الجميع و لله الحمد

بس الانسان اهو الي يفضح الي بقلبه شلون ؟

خل نقول قي شخصين واحد اسمه خاسم و الثاني خالد

جاسم يوجه اتهام حق خالد بأنه نقال حجي و هو ما شاف بعينه و لا سمع باذنه يعني مجرد احساس و الظن

بجذي جاسم كشف الي بقلبه هو مو الي بقلب خالد

فانتو قاعدين تراون الجال شنو الي بقلبكن و هم يضحكون عليكم بس ساعات تصدف و احساس المرأه يصيب بس هم ما تصيده و يبقى هالشي مجرد ظن و تضل هي

مو متأكده

انزين شلون نعرف الرجل الجاد ؟

هذي خطبه زواج يعني 1 + 1 = 2

وافقتي عليه مبدأي وظيفته و عيلته و شهادته و عمره خلاص يبه تبي شي بعد ؟ اي ابي اتقدم لج

هذا عنوان بيتنا

تخافين ؟ و يمكن يفضحني ؟ ما تدشين موقع انترنت زواج و تنطرين في بيتكم حتى لا يصير وجودج زي عدمه و تخربين على باجي البنات لأنج غير جاده بهذي الحاله

بس ليش انج تخافين تعطين واحد عنوانكم او رقم تلفون البيت تبي تشوفين الريال شنو اول ثقه و الا مو ثقه (500 سنه و هم ما راح تعرفين )

قمتي و فتحتي خيار التعارف بالموقع و حطيتي ضوابط حق هذا التعارف اذا عطاج رقمه مو جاد اذا قالج الايميل مو جاد

انزين انا شخصيا الي مكلمكم اطلبت وحده مني الايميل و لا هذيج مره مو بنت قريب الاربعين و رفضت و قالت عيل انت مو جاد شتسمون هذا ؟ أصابعك مو سوى ؟ عيل هالضوابط و المواصفات ليش أصابعج مو سوى يمكن جاد

لولا ان من الله علينا بالدين و هالناس الطيبه جان انتي الحين ....... ما يحتاج أقول

Message from Meeem

Tue, 29 Jun 2010 15:20:28 GMT
بصراحه مالقيت واحد جاد ..

كلهم يبون تليفون ولو وافقنا عالتليفون قالوا تطلعين معانا بمكان عام ومو بس نشوفج من بعيد ..

هل هذا غلط او صح .؟ هل هالانسان جاد او لا ..؟

ماعدت اعرف للأسف

واكتفيت بالمنتدى وتركت موضوع الزواج للي يطق الباب

Message from alsaher

Sun, 02 May 2010 12:48:47 GMT
الصراحه بعرف شنو قدسيه الايميل يعني لما اخذه من اي بنت عادي جدا وسواء كنت جاد او غير جاد لازم تعرف الي جدامك

Message from BoABDLa

Thu, 29 Apr 2010 13:37:45 GMT
والله انا استغرب من هذول الشباب الي مايخافون الله

ويمكن العكس صحيح في بنات بس جذي داشين

يعني عندهم اماكن كثيره للمغازل اما المكان هذا فعيب , اهني ناس تبي تتزوج

لحول ولا قوه الا بالله

ما اقول الا الله يهديهم

Message from nanos

Sat, 13 Feb 2010 17:50:34 GMT
اهنيج حبيبتي كيوت علي هالموضوع الحلو والمفيد للجميع شباب وبنات
طبعا بالموقع الشاب الغير جاد مفضوح ويبين اشكرة
لان اي واحد يشوف البروفايل وبعدين يرسل رسالة ويقولج بكلمج بالمسنجر
وبعدين مثل ماقلتي الشاب الجاد ما يحط رقمه علي طول
يعني انت مشترك علشان تزوج مو علشان توزع رقمك
واذا كان اهو صج جاد ليش يبي الخاص
المفروض يحرتم قوانين الموقع وما ينتقل الي الخاص لما يتاكد من موقف البنية
وفي احت ذكرت ان المسنجر لتعارف اهو عفلن لتاعرف بس ناس مضمونة مو اي احد اعطيه ايميلي وبعدين يبوقة مني ولا يسويلي شي
الواحد لازم يدير باله
وبالنسة لي انا وحدة مشتركة علشان المنتدي و مو حاطة اي معلومة عني بالبروفايل لان مابي اتعرف علي احد
والله يعطي كل انسان علي قد نيته
وموفقين جميعا

Message from shud

Thu, 04 Feb 2010 04:20:43 GMT
السلام عليكم

تسلمون على الموضوع الحساس ...

و لكن هل تعتقدون ان الشباب ما مرت عليهم مقالب من البنات او من شباب يدخلون بتفاصيل و نك بنات !
الا يجب علينا اخذ الامور من كل الجوانب السلبيه و الاجابيه . و الا نظر لها من جهه واحده .

اخواتي الله يوفق الجميع و يرزقهم بالذريه الصالحه انشالله

ولكن ما السبب وراء هروب اغلب البنات من التحدث بالأميل و معرفه الشخصيه للطرف الاخر و ان كان يستحق او لا .
السماء لا تمطر ذهب ولا فضه .
تريدون ان تعرفن مواصفات الشريك بالتفصيل الممل بدون ان يعرف عنكم شي <<< صعبه

فكره الموقع الزواج سواء كان دائم او مؤقت

ليش الزعل الاغلبيه من البنات رافضين الفكره و سالفه .

اذا كل بنت بتقعد تقول خلني اعرف شخصيته و ادور عليه او اتصيد عليه الزله و بالنهايه اقوله لا هذا مو حجي وحده تبي الستر .

خير الكلام ما قل و دل ... اي بنت متخوفه من اي شاب تعطيه من الاخر انت عرفي و الا مسيار و متعه و بس ليش كل هالسوالف

هذا

اسمحولي على الاطاله

اخوكم : محمد

Message from hneen_63

Wed, 27 Jan 2010 11:47:35 GMT
صراحه للاسف الموقع المفروض يقرب للافضل ولكن ما اجده ان للعبث وبس يعني في اشخاص كاتبين للزواج الجاد ومره وحده يقول لك نتعه ما عندي فلوس زين قاري بروفايلي وشنو قايله انا ليش لف ودوران !! شي ثاني للاسف اشوف البعض كاتب سني وبس يشوف بروفايلي يقول لي متعه شلون !! انت مذهبك سني حسافه على الشباب اللي يدور الوناسه وبس وناسي شي اسمه الاستقرار العائلي وما الومهم يمكن لانه من النت فيشوف الوحده رخيصه ممكن علشان جذي !! بس اذا كانت رخيصه حتى المتعه والمسيار لا ترتبط معاها الزوجه هي الزوجه باي طريقه صح والا انا غلطانه

Message from kas6ah

Mon, 25 Jan 2010 21:50:27 GMT
السلام عليكم

تحياتى لكم جميعا
وفعلا الموضوع حلو ومهم وانا مع الراى اللى يقول مافي جديه بالنت سواء بهالموقع او اى موقع ثاني كلهم يبحثون عن علاقات عابره وآخر شي يفكرون فيه الزواج

بس مازال مسلسل البحث مستمرا ولعل وعسى

اعتذر اذا داخله الموضوع متأخر هذا اول يوم لي بهالموقع وتحياتى للجميع

Message from BeBey

Sat, 03 Oct 2009 23:39:44 GMT
.. السسلآم عليكم ..

آول شئ حبيت آشكر حبوبتي / كيوت ..~

لى هـ الطرح الآكثر من رآئع وعلى صراحتها الآروع .."

أنا بـ النسبة لي سجلت قبل سنة آو آكثر ومآ آحتكيت بآحد لآني كنت متخوفة حيل ومو مصدقة إنه في صج يبون يتزوجون .."
أحس آغلبهم بس يبون يتعرفون ويتسلون مو أكثر ويحاولون يظهرون العكس .. إنهم جديين وجذيه لكن كل شئ وأضح ..~
إلي مرو علي وايد يرسلون من أول رسالة السلآم والإيميل على طول ماكو تفاهم وحتى يكون ما يمديني توني مبطلة الموقع ..
وهـ النقطة تختص بالي إذكره إخونا قبل شوي إلي يدخلون ويرسلون رسالة من غير ما يتطلعون على البروفايل وهـ الشئ غلط ..
وهـ الفئة قاعدةتخرب على الناس الي ما نظلمهم يمكن يكون نسبة كبيرة منهم جديين لكن إلي يلعبون وكل همهم تعارف وبس ..
قاعدين يخربون على غيرهم وأنا كـ بنت صراحة أخاف وخصوصاً كونه زواج مو موضوع عادي وعن طريق النت ..~
شئ مو سهل وكذلك نتمنى من الموقع نفسه إنه يكون ويانا دوم ويساندنا ويكون في رقابة آكثر وإلي يحسون إنه يستعبط ..
على طول طرد أو مثل ما قالو من نكه يكون واضح إنه مو جدي يا يحط رقمه أو كلمة مو حلوة وغلط تنقال ..
وأنا ما آيد سالفة الإيميل .. وإني آضيف ولد وأنا للحين مادرست شخصيتة وصفاته وللحين ما آيقنت آو حسيت .."
بمدى مصداقيته وجديته بـ موضوع الزواج ونتمنى من الكل يكون واضح من البداية ولا يلف ويدور ..~
كـ تواجد لي من قبل سنة دخلت مدة إسبوع وبعدين كرهت إني آدخل لآن ما شفت آحد جاد بكلامه .."
أما اليوم دخلت بـ الصدفة وإعجبتني التغيرات ووجود المنتدى لإتاحه الفرصة للجميع بآدلاء رآيه .."
ويا ليت تتقبلون رآيي بـ كل سعة سدر وتبادل الآراء والإنتقادات لا بد منه لـ نكون على شفافية ..~
وإعذروني علىالإطالة / والله يكتب إلي فيه الخير لي ولكم يآ رب ..~
تقبلو خآلص ودي وبآقة وردي ..}~

Message from fugitive

Wed, 09 Sep 2009 05:50:30 GMT
اول شي السلام عليكم ويعطيكم العافيه وانا بصراحه شدني موضوعكم بس ياجماعه اصابع ايدكم مو سواء فيهم الزين وفيهم الشين وسالفة الزواج وشلون نعرف منو اللي صادق او منو المخادع هذي الايام تكشفها وثانيا موشرط يكون الصادق مسوي اشتراك نخبه
واهم شي الواحد يصفي النيه لان وعلى نياتكم ترزوقون
والسلام اجمل ماقيل بالختام

Message from yanice

Thu, 27 Aug 2009 08:55:16 GMT
يبه من الاخر ماكو حب قبل الزواج وكله جذب بجذب واللي ذابحني اللي يحلفون يحلفون بالقران استغفرالله جنه الله علج بحلوجهم موصاحين شباب الكويت والله صاروا يفكرون بكل بنت انها مو زينه بس وثانكس هذي وجهت نظري

Message from teacher.com

Fri, 24 Apr 2009 04:58:45 GMT
صح كلامك الحين داش موقع شكو رقمك كاتبة ولاكويتي رومانسي او برونزي او لفلي اسامي
كلش اتحس انها موجد او ايقول اصل ويطلع اصل ثاني او يكتب ابيها اتصلي واتخاف اللة مومهم اي اصل
وقت الجد لالازم اصل معين انا صريح معاج بعد مايضيع وقت انا عندي صريح يكتب شروط ايقول شنو يبي

Message from alsraab

Thu, 01 Jan 2009 03:06:35 GMT
السلام عليكم.....
كل عام وانتم بخير على السنة الجديدة2009 وانشالله انها سنة خير على الجميع.

اخوكم سراااااب الرشيدى..

Message from junart

Thu, 01 Jan 2009 01:38:43 GMT
السلام عليكم....
بالنسبه لي الموضوع كان مجرد فضول ...وبداخلي فعلا رغبت بإني ألقى نصي الثاني , لكن لما أخيرا إتصل فيني شخص على هل موقع سبحان الله... لا إشتغل ئيميلي ولا المسنجر رضى يكتب لغة عربيه!!!..., الشخص بان عليه الجديه وحاول معاي ليه الأخير .. ونطرني بكل سعت صدر إني أحاول أصلح الئيميل والمسنجر ...فحاولت معاه على ئيميل ثاني لكن هم ما فيه فايده ..وهم نطرني وهم حاول يقنعني بكل هدوء بتراسله معاي على الموقع لكني ما قدرت أتصل معاه لخلل بكمبيوتري أو الموقع "الله العالم"!!!.....
بالنهايه أرسل لي رقم موبايله وبقلبي تمنيت لو قدرت على التحدث معاه لكن قيدني الخوف التام وما قدرت....

باليوم الثاني إتصلت بوحده أعرفها وعلمتني شلون أصلح ئيميلي والمسنجر وبالفعل إشتغلوا باللغه العربيه فكتب له سريعا رساله فوريه على المسنجر فرحانه ..., وبس شبكت بالليل لقيته لكنه ما رد علي ... ولا ألومه بعد كل هلي سويته خاصه إني سويت له بلوك لأني كنت أكلم بالمسنجر أهلي المسافرين ....
فأكتب لكم هل كلام لأني أبي أفهم البعض ((وأتمنى إنه يقرء هل كلام إهو بالذات)) إن المواقف الغريبه تحصل واتخليك تضن إن الطرف الثاني إلى أنتا تتواصل معاه مو جاد أو مجرد يلعب بوقتك وجهدك وحتى باحترامك لنفسك بتجاهله لك....
فيا إخوي إلى أقصده آنا بكلامي ودي أقولك ((((آنا آسفه وحقك علي ولك كل إحترامي وتقديري)))) وإني كان لازم أعرف إني مو قد هل طريقه من التعارف بسبب مثل ما قال الأخ
لكن بايجاز اقولها الخوف وللبنت خاصه شي طبيعي لكن مو هذا المكان اللي راح تقدر تشوف نصيبها فيه لانها بالنهايه ماتقدر تتحمل اعباء تصرف تقدم عليه وهي الخوف ماسكها موضوع ....
وعلشان جذيه حاولت أغير سيرتي الذاتيه لكن ما رضى يحفظ إلى كتبته , فحاولت بوضع رد تلقائي على كل رساله توصلني إتبين إني هنيه بهل موقع بقصد المشاركه بالمنتدى فقط لاغير ...
وآآآسفه على الإطاله لكني حبيت أبين موقفي...

Message from alsahraan

Wed, 31 Dec 2008 23:16:16 GMT
انزين واالي حاطه رقم تلفونها او ايميلها مكان النك نيم!؟ ولا في بنات مختارين اسامي بصراحه تدل على عدم الجديه والاسامي هذي مو مالت هالموقع!؟ والا اللي مواصفاتها كلها افضل لا اقول.. هذا شنو تسمونه؟ عالعموم مثل مافي شباب يلعبون نفس الشي في بنات جذيه داخلين حق اللعب والوناسه.. الله يستر علينا وعليكم ويعطي كلن على نيته

Message from nathia

Wed, 31 Dec 2008 05:51:38 GMT
[b]اللي مسمين روحهم دكاترهم وطايحين تفلسف على روسنا الزواج قسمه ونصيب سواء بالنت ولا تقليدي إذا فيه ناس يتسلون فيه ناس كلها جديه والموفق رب العالمين وشلون يقولون لهلهم يادكتور أحمد السبل واجد وسهله ولله الحمد أهم شي المحبه والمصداقيه والاحترام ياولد الحمايل وشكرا نثيه[/color]

Message from elazrq

Tue, 30 Dec 2008 22:02:50 GMT

كل الاحترام والتقدير للاخوه والاخوات اللي شاركو بالموضوع يمكن انا ما قراة كل الردود لكن بايجاز اقولها الخوف وللبنت خاصه شي طبيعي لكن مو هذا المكان اللي راح تقدر تشوف نصيبها فيه لانها بالنهايه ماتقدر تتحمل اعباء تصرف تقدم عليه وهي الخوف ماسكها موضوع التلفونات والايميلات هذا شي طبيعي حتى بالجات العادي مو شرط هني في جميع السايتات بدون استثناء اصبح الموضوع هو لضياع وقت الفراغ الكبير الموجود في حياتنا وبنفس الوقت نوع من التسليه ولا اقصد اهانه لاي شخص لكن في حدود المعقول انا عن نفسي اتكلم وبامانه انا ادور عن امراه تكون شايله نفسها ومحتاجه رجل يمكن فرصه لي انتهزها واقولها بس الصراحه حلوه لان هني الكل يشارك مع اني من فتره نسيت هالموضوع هني بالذات لعدم الجديه او حسيت بالخوف الموجود في قلوب البنات وعذرهم قوي والله يوفق الكل

تحياتي للي دمر حياتي بوناصر

Message from meme83

Sun, 28 Dec 2008 01:59:09 GMT

انا اوافقكم بهالنقاط لاني لاحظتها
خاصه اللي يحط رقم تلفونه بدال النك نيم و اللي مايكتب لمحه عن شخصيته في البروفايل
يعني انا ماقول اكتب تعبيرررررررر بس يعني حط ولو لمحه عن صفه او صفتين بشخصيتك او شنو هدفك من دخولك هالسايت ، الشخص اللي مايكتب شي و اشوف بروفايله فاضي او ان اللي حاط اختيار (افضل عدم القول ) مسطرهم ورا بعض ههههههههه عيل ليش مسوي بروفايل اذا ماتبي تذكر شي عن نفسك ، البروفايل اللي اشوفه فاضي انا نفسي ماتشجع اطل فيه حتى لانه يعني بروفايل بالاسم بس . و بالنهايه الواحد لازم يكون حذر و يختار صح لان هالشغلات هم مو مقياس .

و شكرا

Message from Girlsh

Fri, 19 Dec 2008 11:53:29 GMT

أنا ضد مقولة ان لايوجد شباب جادين في الموقع .
بالعكس في كثير لكن الواحد لازم يكون حذر

وبالنسبه للمواصفات فما أعتقد إنها مقياس التعامل هو أساس كل شي
والله صدقوني إسلوب الواحد وطريقته تبين

والبنت الذكيه ماينقص عليها .. وعلشان مصلحة الأثنين لازم الموضوع هذا يندرس بهدوء وياخذونه حبه حبه لان هذا زواج مو لعب يهال

Message from 69452

Tue, 02 Dec 2008 05:23:58 GMT

اخواني انا النك نيم مالي يعطي انطباع سيء عني لانه شكله خمس ارقام من رقم نقال لكن انا حطيته على اساس انه باسورد و طلع لي نك نيم : ) اذا في طريقة اغير علموني : )

Message from Karbala

Wed, 29 Oct 2008 03:20:52 GMT

صفات الغير جاد

كل يوم يبدل له نك ههههههههه

حسب مواصفات الضحية ..

تحياتي

Message from kuwaitya23

Tue, 28 Oct 2008 15:47:35 GMT

مشكور اخوي عالموضوع الصريح

بس الصراحه اللي مو جاد بموضوع الزواج لايدش الموقع

ليش يدخله واهو يبي يلعب

واساسا هذه موقع خطبه مو لعب

وشكرا

Message from Bder

Mon, 27 Oct 2008 02:38:02 GMT

مشكورين على هالموضوع الجيد والاهم موضوع الاخ ابو نخبه ياالتجاري ولبيب بالاشاره يفهمو

Message from khale_dm

Sat, 25 Oct 2008 21:17:31 GMT

doctor_3 كتب:

السلام عليكم , انا ملاحظ ان قاعدين تتصيدون على بعض هذا جاد وهذا مو جاد صفات الجاد وصفات الا مو جاده ليش ماتتركون هالأمور وتشوفون موضوع احسن من هالمواضيع وايد احسن والله صراحه لاعت جبدي كل ما ادش المنتدي بنسؤلف بموضوع حلو اللاقي هاذى انقص عليها وهاذى مادرى شنو ,,, الا مايفهم احسن انا اقوله زين ما صار الا فيك محد فينا غبي والكل يفهم منتو صغار انتو يابنات عشان احد يغص عليكم انا اسف كلامي خارج عن الفلسفه وعامي حيل بس احسن عشان نخلص من هالمواضيع وكربلاء الله يهديه يقول ماكو تخصص وماكو دكاتره ولا مهندسين فيه يا استاذي لكن شوف المواضيع الا مطروحه غازلني قالى رقمي باقني وين الواحد يسؤلف الله يهديكم ويهدي الجميع

تقبلو تحياتي
بقلـــــــــمي
د. فارس

--------------------------------------------------------
كلامك صحيح اخوي الغالي دكتور فارس

ولكن اللي قاعد ينتكب من مواضيع تصير في الموقع والكل يحاول يشوف له حل

يعني هالمشاكل الكل يعاني منها

اما بالنسبه للموقع ما فيه لا دكاتره ولا مهندسين........شنو يعني بيخرب الموقع اذا كان ما فيه دكتور ولا مهندس .....في احسن من الدكاتره والمهندسين

Message from Karbala

Sat, 25 Oct 2008 15:45:24 GMT

doctor_3 كتب:

د. فارس ..

هذه المواضيع لازم تطرح بالمنتدى لانه في ناس على نياتهم وممكن يستفيدون وياخذ حذره من خلال قراءة هذه القصص والمواقف ...ألخ

تحياتي لك

Message from doctor_3

Sat, 25 Oct 2008 05:58:53 GMT

Message from doctor_3

Sat, 25 Oct 2008 05:58:50 GMT

Message from khale_dm

Sat, 25 Oct 2008 05:11:00 GMT

SOOOS كتب:

و الله موضووع حلووو وبصراحة حسااااس شووووي

ياليت الناااس تتكلم بصدق و لو مره وحده !!!

صدقوني بتنتفتح ابواب الرزق !!

بس الاغلب يدخل لعب و استهزااااء ( ماني عارفة ليش ) !!!

ماراح اقووول الا الله كريم و الرزق عند الله !!
----------------------------------------------------------
فعلا المفروض الواحد يكون صادق عشان الله سبحانه وتعالى يرزقه ويسهله اموره

اما اللعب والاستهزاء فيقدر يروح اي مكان يستمتع فيه بعيد عن هذا الموقع

و كل واحد بياخذ نصيبة !!!

مشكووورين

Message from Karbala

Fri, 24 Oct 2008 23:46:53 GMT

doctor_3 كتب:

السلام علييييييكم , ومساكم الله بالخير جميعأ بعد الأطلاع على ردود الأخوان انا شايف يعني الاخوان الا داشين مضيعة وقت لهم اكثر من طريقه وبعدين ديرتنا خو مو ناقصه يعني مغازل والا يبي الخربطه يلاقيها مو شرط بالموقع لانها منتشره عالميأ والكل يعرف بالموضوع هذا الله يفكم من شرهم اللحين شباب وبنات يعني الناس البطاله على قولة اخوانا المصريين بكل مكان فيه يلاقي الا يبيه برا فعشان جذيه انا بوجهة نظري انه ماكو احد يدش هالموقع بضيع وقت لان برا مفتوح لكم للأسف. (مجرد وجهة نظر)

تحـــــــياتي
اخوووووووووكم لصغيـــــر د.فارس

اخوي د. فارس

كلامك عين العقل .. الصراحة واجهت انا مواقف الصراحة سيئة بالموقع بسبب استهتار الشباب

يعني ليش ما يروحون المواقع الترفيهية احسن لهم .. علشان يتركون الجادين

بس شنو تسوي ... هذي ميزة الشباب المستهتر

تمنياتي للجميع بالتوفيق

اخوكم/ كربلا

Message from SOOOS

Fri, 24 Oct 2008 02:16:50 GMT

Message from guest_q8

Fri, 24 Oct 2008 01:54:32 GMT

موضوع يستاهل المشاركه والتعقيب .
بصراحه أنا بتكلم بصفتي أحد الشباب اللي مشتركين بالموقع , بخصوص شلون نعرف جدية الشخص اللي جدامنا من عدمها أول شئ خلونا نعرف شئ مهم واللي هو انه أكثر الشباب اللي مشتركين بالموقع غير مقتنعيين بشئ اسمه زواج بالنت ولا أحد يزعل مني , راح تسألوني ليش قلت هالكلام أنا راح أقولكم أولا كل شاب ولد حموله وولد عايله مستحيل راح يقول لاهله أنا تعرفت على بنت بالنت وابييكم تروحون معاي تخطبونها لي لانه عارف ردت فعلهم , أحنا بالكويت لنا عاداتنا وتقاليدنا الولد اذا حب يتزوج يقول لاهله واهمه يدورله بنت الحلال اللي عارفين أهلها وعارفينها ويكونون سائلين عنهم زين لانه هذي سالفة زواج ونسب مو لعب يهال , ونفس الشئ البنت لما ييي واحد يخطبها من أهلها لازم أهلها يعرفون من طرف منو يايين ومنو اهمه مو جذي طامرين الرصيف وداشين نبي نخطب بنتكم لولدنا, زين انتوا منو ذكر بنتنا لكم وانتوا منو , نرد لموضوعنا بخلاصه عاجله لا يوجد شاب بالموقع جاد بموضوع الزواج , وارجوا ان تتقبلوا كلامي بسعة صدر ولا أحد يزعل مني .

أخوكم : أحــمـــد

Message from doctor_3

Thu, 23 Oct 2008 18:12:14 GMT

Message from girl1

Thu, 23 Oct 2008 11:49:34 GMT

انا شايفه ان شئ عادى انه اخد ايميله
ولكن المفروض الاحظ من رسالته انه جاد ولا لا وده بيبان

والاحظ من كلامه معايا ع المسنجر

واحب اعرف ياجماعه هو صحيح الواحد محتاج شهر عشان يعرف

هو مرتاح مع الشخص ده ولا لا ولا محتاج وقت اد ايه

Message from 3eamy_romancy

Thu, 16 Oct 2008 22:24:38 GMT

ما اعتقد اذا الواحد طلب ايميل الطرف الثاني يكون مو جاد اهم شي نيته شنو وبعدين المسنجر اهيا وسيله للتعارف ولمعرفه ادق التفاصيل عن الطرف الثاني وما اشوفها شي غلط

Message from snaiper_love

Wed, 15 Oct 2008 09:50:15 GMT

السلام عليكم انا بصراحة هذا اول يوم لي بالمقع الي بهاليوم تعلمت في اشياء وايد والله واشكر الاخت gem لانة صراحتة وايد حلوة و بصراحة اكثر وحدة انا ليلحين اكرا كتاباتها اهيا واحب اقول للاخوان نصيحة الي معاي ونفسي يدورون الشريكة الصريحة للحيا الدايمة الزوجية
ان:
اولا الي تبي تتزوجها ليش تكذب عليها انك انت ذي عضلات مفتولة
ثانيا اول واخير بتتزوج لا تكذب الله فوق كل واحد
ثالثا هذي قصة صارت معاي ومن هذي القصة انا اخرت زواجي واحب اطرح هذي القصة على البنات والشباب وخصوصا البنات
انا حاولت اتزوج بيوم خطبت وحدة الله يستر عليها بنت ناس ولاكن اهية مو من هالناس الطيبين الي تعرفت عليهموكنت احاول اقرب يوم العرس واهية اتحاول تبعدة لين فيوم من الايام كشفتا والله ساعدني اني اكشفها بمجمع من مجمعات هالديرة وشافتني وانحاشت ويا الي كان وعاها وقالي انتا اتعرفها رديت علي انة هذي خطيبتي وقتها تاسف مني وقالي على كل الي صار ويا ووياها والله حمد الله الله كشفها على حقيقتها
انا ما اقول كل الشباب زينين لا الشباب اساس البلا ولا اقول كل البنات زينين بس ديرو بالكم من الكذب واللف والدوران والله انة الموقف الي صار معاي ما انسا وجنة صار امس مع انة صارلة تقريبا 8 اشهر وياي اتمنى انة ما يتكرر مع اي واحد فيكم مع تحيات............
حسن

Message from k26

Wed, 15 Oct 2008 04:30:16 GMT

السلام عليكم انا مشتركة جديدة ,,ومن خلال قراتي لردودكم الواضحة صح كلام البعض عن الشباب او الرجال فبعضهم اذا عرف ان الوحدة مطلقة او ارملة على طول طلب زواج متعه ليش ؟ صحيح ان زواج المتعه حلال بس ليش الاستغلال هذا

Message from progmody

Wed, 15 Oct 2008 01:28:48 GMT

السلام عليكم اخواني وخواتي ان في بالي ان احن ما دشين هذا السايت ال عارفين وفاهمين شنو نبي زان في بالي احن محن صغار عشان يقصون عليناشويه يهال بالكلام .
رجائي منكم انكم لا تعطون الموضوع اكبر من حجمه ولا تفضحون خطط الشباب لان اذا علمته ان هذي الحركه مكشوفه راح يغيرها والله يكتب الي فيه الخير للجميع

Message from shjoon

Tue, 14 Oct 2008 23:16:11 GMT

السلام عليكم
بصراحه مع اضافة البيانات وكتابت نبذه عن الشخص بالنسبه لى انا افضل الاميل بعد الانه من خلال الحوار تقدر تعرف الشخص الى جدامك وشلون طريقت تفكيره وانا اشوف انه فى كذا شخص صفاتهم وايد حلوه بس مشكله انه يكون بيدرس برا ويبي وحده معاه او يبيها بس بالبيت وبعد حوار محترم وجيد ينتهى واذا ما كتملت الاهداف المراده بالنسبه للطرفين فأجد اي معرفه فى العالم الانسان نكسب منها شيء وأن لم يكن فيها شي ماعتقد ان البنت خسرت والمفروض ان الانسان يفرض النيه الطيبه بس مو سذاجه والغباء فى فرق واعتقد الدنيا مطوره والتكنلوجيا منعت شي اسمه حد للتصال والى منه نتعرف على اشخاص جدد والهدف اهنى مو معرفه لا اهو زواج وعلى الطرفين يفرضون الصدق فى التعامل الانه اساس كل شي فى الحياه وعليه يتم التعامل اما الى بيلعب وينصب ويتعرف فهذا بلوك ودليت والله يخلى الرقابه ألى ماعتقد تقصر بالموقع مع الشكر الجزيل لهم

Message from alx

Tue, 14 Oct 2008 11:14:52 GMT

السلام عليكم وصبحكم الله بالخير
لاحظت تردد وخوف خصوصا عند البنات وتشكيك بنية الشباب الي يبحثون عن شريكة حياتهم بنفس الاسلوب الي اهما مستخدمينه
اقول كل وحده عقلها براسها ولازم تعرف ان الشخص الجاد اهو الي يكون شاري البنت ومستعد يقدم فعل موبس حجي وممكن تكتشفونه باختبار صغير فيه جديه انه يتقدم فعلا ويخطب اذا فيه رضى من الطرف الاخر
وهذا اهو الهدف ليش مستعدين تسوون اي شيئ غيره
والسلام

Message from najd30

Mon, 13 Oct 2008 22:13:13 GMT

مرحبا لكل الموجودين بالنتدى بصراحه ومن تجربه شخصيه ما اظن في احد بهالموقع جاد بموضوع الزواج او الارتباط حتى لو يحط مواصفاته ميه بالميه يعني الي يدخل ويتعرف على وحده بغرض شي واحد واهو مو الارتباط الي اهو الزواج لا بس يبون علاقه وبس وافهموا شنو معنى علاقه وعلى قولة الاخت عفيسه بلوك ودليت والحين بصراحه ماقمت اضيف احد بايميلي لانه مافيهم اي احد جاد يحط بيانات ولما يتكلم بالخاص يقول شغلات ثانيه وبعيده كل البعد عن الي مكتوب ببروفايله 0000000000000000000000ودمتم
واتمنى كلامي مايزعل احد لانه بس الي على راسه بطحه اهو الي يحسس عليها والا غلطانه

Message from Karbala

Mon, 13 Oct 2008 03:00:14 GMT

السلام عليكم

الصراحة موضوع مهم ومفيد .. واعتقد النقاط اللي ذكرتوها فيها من الصحة بس ما تنطبق مع الكل.

بس اهم شئ علشان الشخص يثبت جديته بالموضوع ..

1- تكون البيانات صحيحة 100%
2- يكتب نبذه عن شخصيته ( هذه الميزة ما تشتغل في الوقت الحالي او خلل عندي وانا قدمت شكوى للادارة وما في رد حتى الآن)

والأهم من هذا الصدق والأمانه .. والشخص يبن جديته من اول حديث معاه .. من الاسلوب

ونصحية للجميع لابد من اختبار الطرف الآخر قبل التطرق الى أمور حساسة وخاصة.

واتمنى للجميع التوفيق

اخوكم/ كربلا

Message from Asmar

Sun, 12 Oct 2008 23:41:54 GMT

شكرا على طرحكم هالموضوع وعلى النقاط اللي تم توضيحها واللي ممكن انها تكون مقياس على جدية الشاب او الشابة.

اذا ممكن تتقبلوان رأيي المتواضع ، في عندي بعض النقاط احب اضيفها:
1- محاولة الشاب او الشابه معرفة الامور الشخصية الخاصة في بداية التعارف دليل على عدم الجدية. انا حتى ارتاح لشخص واذكر له بعض اموري الخاصة، اللي ما تكشف عن شخصيتي، يجب ان ارتاح لطريقة واسلوب محادثته. الاستعجال في الامور، ومحاولة إقناع الطرف الآخر بأن افضل واسرع طريقة للتعارف هى عن طريق تبادل ارقام الهاتف او الايميل الخاص في بداية المشوار دليل على عدم الجدية.. عطوه سكب وعملو له بلوك على طول.
2- الشاب الغير جاد واللي يبي يلعب ما يكون عنده صبر أو طولة بال. يبي يستعجل الامور ويتحول على البرايفت بعيد عن الموقع . وتكون ردة فعله سيئة ( نسال الله العافية ) وما يتقبل الرفض.
3- مسألة ان يكون نوع الاشتراك من النخبة، فهذا ليس دليل على الجدية . في كثير مستعدين يدفعون 10 دنانير ويشتركون شهر اذا اعتقدو ان هالاشتراك يكون سبيل للتعارف السريع.

هذا رأي رجل شايب، ومشكورين على طولة بالكم.

Message from miss_3afeesa

Sun, 12 Oct 2008 21:26:29 GMT

مشكوره حبيبتي على ردج

بس شلون اعرف ان اللي جدامي من صجه
ومو قاعد يخربط
اقول حق امي بس اخاف تزفني وتقولي شلون داشه وهالحجي؟
ويمكن تعني طراق محترم

ولا شلون ماادري انا هنيه صج محتاره

Message from lolitaa

Sun, 12 Oct 2008 19:57:29 GMT

مرحبااااااااا مليون خوش موضوع افتكر معظم اللي يدشون ماعنده مانع يدش بالنخبه ويدفع عشره او اكثر شوي عشان يدردش اعتقد هذا مرض الله يكافينا ويعافي الكل مع احترامي للجميع
والنقطه الثانيه الغالبيه موكاتبين شي حتى اللي كاتب معلوماته موصحيحه ولو ندقق نلاقي تناقض بس المهم يعبي البيانات والله العالم بالنيه ولو كل واحد يحط في باله ان ممكن اهل بيته داشين الموقع مايسوي جذي في بنات الناس والله مايطق بعصا والله يستر على الكل شباب وبنات وياليت حسن الظن بالجميع ترى الخير يخص والشر يعم وآآآآآآآآآآآآآآآسفه عالاطاله وشكرااااااااا

Message from gem

Sun, 12 Oct 2008 19:48:01 GMT

لى فكرة هي القصة ان المعاكسات ما عادت مخصوصة بالذكور
هذا امر صاروا يتشابهون فيه الاثنين و ممكن تكوت بالنهاية لاننا بمجتمع ذكوري فالاسبقية كانت للذكور .. هذه ما نتناقش فيها ...
و ممكن حتى النسبة الاكبر لهم كذلك ما نتناقش ... بس هي الان مثل ما قلت يتشابهون و انا دقيق بهذه الكلمة
المنتديات مجهزة بشي اسمة خاص ... ممكن الواحد او الوحدة و خاصة البنت ما تفتح مجال فيه الا بعد ما تكون اخذت فكرة ( اولية ) كافية
عن الشخص اللي بيوم من الايام فتحت معاه خاص
و الخاص عاد يستمر هني لغاية ما تغربل كل اللي بجعبة هالشخص و اذا تكون شوية ذكية تاخذ منهمعلومات عنه توضح شخصيته و تشتغل
عليها لتتعرف على جوانب شخصيته من بره لبره ... مو احنا ربعنا _ ذكور و اناث ما شالله ,, من يوم فري كويت ماكو لا مبادئ و لا دين فالجذب
اشزينه منهم و على كيف كيف الحلفان و الايمان ... لا تقولولي مو كلهم لاني اعرف انه اذا خليت خربت بس من يعلم بما بالقلوب و اشلون تصيد
اللي ماهو بجاذب ... ( حلني !! )
المهم الحرص هو زبدة الزبدة ... و ترى اللي تطيح او ان كان ذكر الي كايح ...من جيسكم ( كيس هذه للي ما يعرفون اللهجة ) و مو من جسي احد
بس في شي مهم للي ماخذين العدائية بشكل رهيب ضد الرجال اقول لهم ترى العدل هو سيد الحكم و عدل الاحكام من صفات الخالق و اسم من اسمائه ..
و لا يجوز ان نتشرذم ضد الذكور لان كثير منهم لعوبين ... ما الاناث الان في منهم الكثيرات يحتلون الكثير المراكز العشر الاوائل ... فهل نسل سيوفنا ضدهم ؟؟؟
العدائية اخت التطرف و التطرف ليس من شيم العقلاء .وهذا الكلام لبعض المعلقين لان السلوكيات هذه مشتركة ... و كذلك للبعض من اللي بروفايلاتهم ما فيها الا التهديد و الوعيد ...
يا ساتر تقول داش مخفر متبرعين فيه مو نت مفتوح للجميع !!

Message from cutiecat

Sun, 12 Oct 2008 12:56:26 GMT

مشكرين ماندو وجيم علي الإضافات ومنكم نستفيد
عزيزتي مس عفيسه صح كلامج عن النخبه الوضع يختلف مع البنات
البنت ما تحتاج تدفع المفروض الشاب اهو الي يدفع ويدور
بس الي تشوفينه يكتب في بروفايله تري انا مو مشترك والي تبيني تراسلني
هذا اكيد مو جاد يبي يلعب الي يستكثر العشر دنانير علشان يراسل بنت ممكن يتزوجها شتبي فيه البنت
والي يقول ماعنده فلوس عيل شلون يبي يتزوج!!!
ولما قلت البنت لا تعطي ايميلها وتتعرف عليه عن طريق السايت أول تدرين ليش؟
أغلب الي يعطي ايميله من أول رساله هذا أكيد مطرش ايميله حق كل البنات الموجودين بالسايت فمو هامته انتي بالذات المهم بنت ترد عليه
و الشاب اذا غلط عليج بالمسنجر ماتقدرين تشتكين عليه واحتمال انه يغلط عليج بالمسنجر أكثر من الموقع اهني
انما الي يغلط عليج بالموقع اهني تقدرين تبلغين عنه

واعتقد الشباب لهم وجهة نظر بهالموضوع وممكن يفيدونا

Message from miss_3afeesa

Sat, 11 Oct 2008 22:51:56 GMT

هاهاها
بس حرام مو كلهم
مثلا انا مو مشتركه بالنخبه
مااحب التعاملات البنكيه بالنت لانه مره صارلتي ساعه وبعدها قلت توبه
بس شون اعرف شخصيه اللي جدمي اذا مااستخدمت لايميل؟
واذا ماعجبني او ماارتحنا حق بعض على طول اقوله مع السلامه اخوي وبلوك ودليت بس من يوم واحد اساله جم سؤال واعرف شخصيته وبس
وشكراااان على النصايح

Message from gem

Sat, 11 Oct 2008 19:21:02 GMT

تشوفينه دايم الحلف لما يتكلم
تشوفينه حنان الى درجة ما تستحملها علاقة طبيعية
تشوفينه يحاوط اللي يبيها و توصل مواصيله الى درجة انه ممكن يقلل من احترام الناس له ....
الله يا هو يحب يستعرض عضلاته بامور هو مو قدها ... هذا خليه يولي و ذاك اعلمج فيه و ... ماشالله و لا البطل الخماسي
ديروا بالكم يا بنات
لا احنا خوش ناس نعنين و نعاون و نتمنى السلامة لبناتنا من شبابنا اللعوب و العكس صحيح جدا
لاحقا نتكلم عن البنات ... و بني نشوف هل الكل يتكلم بضمير و الا كل يزايد لصالح جنسه !!!

Message from mando1980

Sat, 11 Oct 2008 18:59:42 GMT

السلام عليكم
اتفق شكلا و موضوعا مع ما قالته كيوت كات عن صفات غير الجادين
و اريد ان اضيف بعض الصفات من وجهة نظرى و ارجو ممن تتوفر فيه هذه الصفات الا يغضب منى - هذه وجهة نظرى - و له ان يقتنع بها او يتجاهلها
و كلامى غير موجه لجنس محدد بل للرجال و السيدات المحترمين و المحترمات بالموقع

1-من لا يكتب وصف عن نفسه و لو كلمة غير جاد
2-كل من يستخدم اسم غير لائق غير جاد
3- كل من لا يستكمل بياناته الشخصية بالبروفايل غير جاد
4- كل من يكتب كلمة حب لفتاه فى هذا الموقع فهو غير جاد
5- كل من لم ينضم الى عضوية النخبةد - الا لظروف مادية - فهو غير جاد
6- كل من يدلى ببيانات غير صحيحة عن نفسه فهو غير جاد
و اسف ان كان هذا الكلام يشير الى اى منكم فانا احبكم جميعا و لكنى لا اقبل ان يكون موقع كهذا لمجرد اللعب

تقبلوا تحياتى و اسف على الاطالة

مرور سريع بواسطة
مااااااااااندووووووو

Message from cutiecat

Sat, 11 Oct 2008 16:19:05 GMT

يا بنات تري في صفات واضحه وضوح الشمس للشاب الغير جاد
أنا راح أذكر بعض الي مروا علي وكانو واضحين وكل ما أشوف شي جديد راح أضيفه أنشاء الله
1- يكتب رقم تلفونه مكان النك نيم
2- يرسل رسالة فيها رقم تلفونه
3- يرسل رسالة فيها ايميله
4- يرسل رساله من غير لا يقرا البروفايل
5- يرسل رساله استهزاء
6- يكلمج بالبرايفت ويطلب ايميلج أو يعطيج ايميله ليش مو احنا قاعد انتعرف علي بعض بالموقع يقولج لاااا اهني الموقع بطئ مع ان مو بطئ عندج مادري ليش بس بطئ عنده
7- تشوفينه يدخل الشات العام ومايتكلم وماتوعين ال مطرش رساله فيها ايميله

هذي بعض الأشياء الي ذكرتهم الحين