واللة صادفت موقف موضحك مرة واحد حاط صورتة قلتلة فلان هذي صورتك قالي لا صورة رفيجي
ومرة واحد قالي انا جاد بس مفلس ممكن اتسلفيني المهر واردة حقج بعد زواج
ومرة واحد كلمتة اخر شي طلع بنت
ومرة واحد قالي حضري ويحلف اخر شي طلع اصل ثاني
ومرة واحد يبيني اقنعة انة ياخذني ايقولي اقنعيني فيج
ومرة واحد قالي دكتور طلع بوشهادة ثانوية مومكمل بعد
ومرة جيكر ويقولي انا جيكر بس ابي وحدة حلوة بصراحة جاد لان الي يتشرط جاد
ومرة واحد يساومني على الاصل الي ابية مايصير الاصل هذا يعني يدري بالاصول وكل واحد وشنو يقدر اهلة يوافقون علية
انا ماقول فية ناس جذابة بس لو لقت جدية مالعبت

مساء الحب عالجميع , ودي اقول لكم موقف من المواقف اللي صارتلى( وصلني مسج من شخص أبدى اعجابه فيني بس ما ناسبتني ظروفه (الأخ مذهبه شيعي ..مع احترامي لجميع المذاهب )المهم اني رديت عليه ابمسج مهذب وشرحتله السبب....واعتقد ان هذي حريه شخصيه وماني ملزومه اني ارتبط معاه
المهم رد عليي بمسج: واي شنو هذا ليلحين في ناس معقده؟ روحي دوريلج واحد سني نفسج.
طبعا مارديت عليه .بس ماكان له داعي حق الكلام هذا كان ابامكانه يقول بس اوكى أو ان على راحتج .
وسلامتكم.

السلام عليكم ورحمة الله وبركاته

انا قصتي مبكيه مضحكه
تعرفت عليه وانعجبت فيه وباسلوبه بس بعدين اكتشفت انه كل شي كان تمثيل من اسمه لين وظيفته وكل شي قاله بس شنو
عقب ما خذاه مني خمسة آلاف دينار كويتي لانه مثل علي وقال لي انه طايح بمشكله وبينسجن وانا صدقته ومن يومها اختفى
بلغت عنه الاداره سوا له بلوك بس انا لاحظت انه دش بنكات غير واسامي غير وله كذا بروفايل بالموقع
ليش الرجال في هالزمن هذا ما عندهم قلب يحبون وقلوبهم قاسيه للدرجه هذي صار صعب تلاقي احد يحبك لذاتك !

Emo6666 كتب:



حسبي الله ونعم الوكيل

بسم الله الرحمن الرحيم
لاحول ولاقوة الا بالله العلي العظيم ...
الى اخي اللي كتب * يعني الاخت تقول طلعت وياه مادودي أتكلم ......*
انا احب أقولك اني كبيرة وعندي عقل والله راح يحاسبني على سوء تصرفي ، وانا مانكر اني مذنبة .. أنا مذنبة كنت أحسب الناس كلها زينه ..كنت أركض ورى وهم الإستقرار
اللي عرفت انه مالله كاتب لي هالشي .. انا أقول لبعض الشباب اللي يحسب إن بنات الناس لعبة واللي يحسب انه المره دام انها مطلقة عادي فأحب أقول غلطانين .. مو كل المطلقات جذي
وانه ليل نهار ماراح اسامح نفسي على اللي صار .. ياليتني مت ولا صار هالشي .. مابي شي من هالدنيا إلا إن الله ياخذ حقي من هذا الشخص اللي لازال يدور على بنات سذج مثلي
يركضون ورى وهم الزواج.. وفي النهاية راح يخسرون أغلى ماملكو الشرف .. ولاتعتقد ياأخي اني كنت أدري بأنه هالشي بيصير فيني و أكون راضية .. الله يشهد علي اني اتمنى الموت منية ..والله أعلم مافي نيتي ..كل شي انتهى بالنسبة لي .. وانا داشة الموقع أكفر عن ذنب سذاجتي اللي كنت احسبها طيب نية وانبه خواتي .. ترى هذا الشخص موجود وللحين يدور ضحايا وأعرف كل شي عنه .. وأمثاله وايد .. طول حياتي ماراح انسى شكله.ا الطق .. الظلمة.. أقسم لكم اني شفت الموت .. والظلمة اللي رسخت في قلبي وصارت حياتي ..

يارب تحفظ كل البنات وتحرسهم من الشر ..يارب تهدي كل الشباب وتبعدهم عن الشر..
اللي عرفته انه اسمه علي وسيارته جاغوار صالون حمرا مميزة وبراسة شيب عيونه عسلية عمره بالثلاثينات ساكن بالعديلية وامه متوفيه واهو صغير ويشتغل بالمطار... في البداية انا وضحت اني ماحب الخرابيط وان العلاقة تكون طاهرة وخالية من اي علاقة جسدية وكان موافق يعني سايرني بالكلام .. بنات حذروا شكله العام انسان طبيعي .. بس بعد 5دقايق تكتشفين شي ثاني حسيته غير متزن ..عيونه فيها قسوة وبرود
أخواني خواتي أقسم لكم بالله العظيم انها مو أول مره يسويها ..مكانه في بر كبد وبعيد بين جاخور والثاني مسافات بالكاد ينسمع الصراخ والمكان مبين انه في ضحايا قبلي ..
يمكن تقولون أبالغ ان قلت لكم اني حسيته إنه مختل عقليا موهامه شي..
إن كان لي حق مابييييييييه بالدنيا أبيييييييييييها بالآخره .... يارب تغفر ذنبي وتاخذ حقي
ادعولي يخفف عني بالآخرة وهذي آخر تواجد لي الله يوفق الجميع يارب ياكريم

ياجماعة الخير عطوني حل ...
انا وحدة دخلت الموقع كنت أحلم حالي حال البنات اتمنى زوج وعيال .. بس اللي صار ان كل احلامي تحطمت بعدما تعرفت على شخص من الموقع
انا الحين دخلت الموقع بأسم ثاني وانادي ياكنترول انقذوا بنات خلق الله قبل لايصير فيهم اللي صار فيني ..
تعرفت عليه وبعد مده قالي انا ارتحت لج وبشوفج لوم من بعيد ... وانا ادري ان هذي غلطتي بس شيفيد بعدما صار اللي صار قنعني انه بيشوفني عشان يتعرف على شكلي
وبعدما تواعدنا بالجمعية غصبني وطار فيني وانا لاحول ولا قوة وخذاني بر كبد وههدني بيذبحني ترجيته بجيت حلفته خاف الله قالي انتي مطلقة عادي واغتصبني ... ماقدرت اقول لأحد
الا بنت خالي هالسالفة صارت امس ابي حل ؟؟؟؟؟ واذا مافي حل ماقول الا حسبنا الله ونعم الوكيل كنترول هذي غلطتي بس دربالكم من هذا الشخص قسما بالله مجرم شفت الموت بعيوني
بنات دربالكم ..

ياجماعة الخير عطوني حل ...
انا وحدة دخلت الموقع كنت أحلم حالي حال البنات اتمنى زوج وعيال .. بس اللي صار ان كل احلامي تحطمت بعدما تعرفت على شخص من الموقع
انا الحين دخلت الموقع بأسم ثاني وانادي ياكنترول انقذوا بنات خلق الله قبل لايصير فيهم اللي صار فيني ..
تعرفت عليه وبعد مده قالي انا ارتحت لج وبشوفج لوم من بعيد ... وانا ادري ان هذي غلطتي بس شيفيد بعدما صار اللي صار قنعني انه بيشوفني عشان يتعرف على شكلي
وبعدما تواعدنا بالجمعية غصبني وطار فيني وانا لاحول ولا قوة وخذاني بر كبد وههدني بيذبحني ترجيته بجيت حلفته خاف الله قالي انتي مطلقة عادي واغتصبني ... ماقدرت اقول لأحد
الا بنت خالي هالسالفة صارت امس ابي حل ؟؟؟؟؟ واذا مافي حل ماقول الا حسبنا الله ونعم الوكيل كنترول هذي غلطتي بس دربالكم من هذا الشخص قسما بالله مجرم شفت الموت بعيوني
بنات دربالكم ..

السلام على الجميع رجالاً ونساءً
في الواقع ومن عمق العقل والمشاعر والمنطق . أجد نفسي ملزماً بالرد على التفاعل الذي وقع أمام المقال السابق الذي قمت بكتابته فيما يخص ماذكرناه وعلى الأخص العبارة التي سبق أن سطرتها في المشاركة الأخيرة . وأثارة العداء والجدل الشديد غير المبرر من بعض نساء المنتدى وأعيد كتابتها .
" لاجل ان تقفون وتتعرفون إلى اين وصل الاحتيال من درجات لدى النساء 98 % بالمئة من النساء غدارات وأحتفظ ب 2% بشرح من هم الأمينات مستقبلا . "
أود أن أبين وأوضح .
أولا ً : المرأة هي والدتي وشقيقتي وزوجتي وأبنتي . وكل نساء الأرض لهم لكرامة الخالق للمخلوق التقدير . النظرية التي سقتها في المشاركة الأخيرة . وما هو المقصود بها . فتعجل الحكم عليها دون مبرر ولمزيد من التوضيح .
ثانياً : ليس منا من هو كامل والكمال لله عزوجل .
ثالثاً: كل النساء منذ خلق الله سبحانه. لسن كرجل من حيث . الحقوق ( الميراث والواجبات الشرعية ( الفروض الدينية ....ولا حاجة لذكرها لكون كل مسلمة تدركها . وبالتالي فأن لا خلاف عليه أنه المرأة نصف الرجل مهما وصلت من السن والعلم والجاه .
رابعاً . أن نظرية الغدر التي فهمت خطأ في المشاركة الأخيرة فهمت على نحو خاطىء والمعنى المقصود لم يكن إلا غدر اللسان والتصرف للعقل والمنطق .أتمنى أن أكون قد أوضحت بعجالة كانت دقيقة النظرية وقوية الحجة وأسأل من الله سبحانه وتقديره أن يوفق الجميع بسعيهم إلى هدف الحصول على الشريك والمناسب .
والله يعلم أن ألم الخداع والمكر والكذب لهو أكبر من ألماً واشد وجعاً من فراق الحبيب والصديق والقريب . ليست للخسارة المادية أياً كان حجمها وأنما الخسارة النفسية .
وأن سردي لبعض الوقائع أو أحداث سابقة بنيت عليها فلسفتي هذه لهي أعظم وأنفع لمن قرأها وأتخذ حذره في مواجهة عالم غامض لا يعرف اين هو فيه. وكم من رجل أو أمرأة أعتقد أنه بعد قرائتها لحادثة خداع التي سبق ان كتبتها أو كتبتها غيري أو كتبها غيري وهي قليلة ونادرة كان نفعها كبير جدا عليها أنعكست على تصرفاتها وقرارها الآخرين .
ولكن من ينظر للأمور بسطوحها دون عمق بواطنها لا يدرك تلك الثمرات . لست أنا أو غيري من الرجال من هو عدو المرأة ولكن عرض حقيقة وتجربة على الغير أصبحت السوء بعينه فعلاً أمر محير وغير مفهوم وتفسر انها تعريض بالآخرين .
لم نسرد أسماء ولا بيانات ولا صفات . وأنما سطرنا تجربة وفلسفة غايتنا أستفادة الأخرين
ياجماعة الهدف من تكوين علاقة مشروعة زواج أياً كان شكله دائم أو مؤقت و عرفي او متعة ام مسيار. وبالتالي هل يعقل وهل يقبله الله ورسوله ان يقابل الصدق بالكذب وهما في وزن مقابلة الأيمان والدين بالكفر .
وأقول أخيرا من يستخدم الدين في صورة كلمة أو وعد تخرج من فمه أمام من يكون معه في حوار سواء رجل أو أمرأة كوعد بزواج أيا ًكان نوعه ويضمرويبطن في نفس الوقت وخلاله بقلبه أو في قلبها خلافاً لما تظهره أو يظهره لهو كفر بالله عزوجل إستناداً لقوله تعالى
بسم الله الرحمن الرحيم لقوله تعالى (( وَمَنْ أَظْلَمُ مِمَّنِ افْتَرَى عَلَى اللَّهِ كَذِبًا أَوْ كَذَّبَ بِالْحَقِّ لَمَّا جَاءهُ أَلَيْسَ فِي جَهَنَّمَ مَثْوًى لِّلْكَافِرِينَ )) {العنكبوت/68}
وقوله تعالى (( وَمَنْ أَظْلَمُ مِمَّنِ افْتَرَى عَلَى اللّهِ كَذِبًا أُوْلَئِكَ يُعْرَضُونَ عَلَى رَبِّهِمْ وَيَقُولُ الأَشْهَادُ هَؤُلاءِ الَّذِينَ كَذَبُواْ عَلَى رَبِّهِمْ أَلاَ لَعْنَةُ اللّهِ عَلَى الظَّالِمِينَ )) {هود/18}
ترى صعب غيرك أو غيرج يقول الصدق أو تقول الصدق وأنت أو أنتي تضمرين الكذب .
الكلام بالزواج ترى ليس لعب ولهو وعبث .اذا مو بقدرة الحديث وقوة الإرادة وصدق الكلمة اعتقد من الأثم التحدث فيها وأطلاق الوعود على قدر الأناس الذين تقابلينهم او تقابلونهم
حتى لا أوصم بأني عدو المرأة فأن حديثتي موجه للجنسين .
أنا مو واعظ ديني ولا حكيم رباني ولا فيلسوف زماني ولكن كتبت مايختلج في قلب كل صادق وصادقة .
وتلك كلمات تلك الأبيات تصدح وتصدع :
نعيب زماننا و العيب فينا .. و ما لزماننا عيب سوانا ..
و نهجو ذا الزمان بغير ذنب .. و لو نطق الزمان لنا هجانا ..
و ليس الذئب يأكل لحم ذئب .. و يأكل بعضنا بعضاً عيانا ..
الحمد لله الله توج خلقنا بديننا .
ومحاسبة الذات والنفس ليس بالعيب ,
وتعييب وتخطيأ الآخرين لكلمة حق ليست بالأنفع .
أرجوا أن لا أكون أثقلت عليكم ومع أطيب تمايتي لكم بالتوفيق وسامحونا وللحديث بفية . )

السلام عليكم

نزلت هذا الموضوع لكي للأستفادة منه اثناء التعامل مع الاعضاء في هذا الموقع .. وبهذا الموضوع

نبي نعرض المواقف والقصص الي واجهها الأعضاء من خلال هذا الموقع لكي تكون عبرة للغير والحذر منها ..

فالرجاء من الاعضاء كل واحد يقول قصة او موقف ما ينساه حصل له بالموقع ... دون التطرق الى الأسماء ..

1- موقف مضحك.
2- موقف محرج.
3- موقف حزين.
4- موقف سيئ.
5- قصة واجهتها بالموقع : كذبه - خيانة - نذاله - شهامه - رجولة - انسانية .... ألخ

نبدأ على بركة الله ...

تحياتي
أخوكم/ كربلا

عاد سمعوا الموقف اللي حصل لي ...

مره وحده هي اللي ابدت أهتمامها .. انا استانست

وبعثت لي رسالة فيها ايميلها ... اضفتها بالماسنجر

قعدنا نتعارف .. من اسلوبها كأنها من النوع اللي تستحي وتدلع .. انا استانست ههههههههههه

عمرها كان اكبر من عمري .. عاد انتوا شوفوا عمري جم ... بس انا عندي نظرة ان العمر مو المقياس

بعد فترة قصيرة .. قالت ليش ما نتكلم بالتلفون علشان نتفاهم اكثر ... قلت كلام سليم وما في عيب

عطيتها رقمي علشان تتصل .. الله وكيلكم .. ما صارت ثانتين ولا هي شلخت تلفوني

انا الصراحة شكيت بأمرها .. قلت هذي فيها شئ ..

وانا شارط عليها .. ان كل شئ بالسر في الوقت الحالي

قلت خلني اتصل عليها علشان نشوف شنو النصيب المكتوب لنا

ولا صوت ... صدمني ... صوت رجالي واحد عمره 100 سنه

قلت طوف يا ريال .. الصوت مو شرط ...

وانا اسولف وياها .. اسمع صوت شيشة

قلت طوف يا ريال .. يمكن احد حوليها يشرب شيشه

اشوي ولا اسمعها تنادي الخدامة .. جيبي اشوي فحم حق الشيشة

هذي الصدمة الثانية ... لاني ما احب البنت اللي تشرب شيشة

انزين الحين اشلون اطلع من الورطة .... انا مو عارف

مع السوالف .. اشوفها بدأت تخربط بالكلام .. ولسانها ثقيل

الصدمة الثالثة .. ولا سكرانه

انا الحين بنحاش منها مو عارف اشلون .. محرج وثانيا ما ابي اضايقها

ما اسمع الا تنادي واحد ... وتقوله هذا على الخط واحد يبي يتزوجني
قلت لها منو هذا اللي تكلمينه قالت لي هذا ولد اختي وهو راح يتفاهم معاك في امور الزواج
وعلطول عطته التلفون .. وهو يقول ألو ألو ..

ولا طلع واحد عمره ما يطوف 17 سنه
قلت له مساك الله بالخير .. قال صحيح تبي تتزوج خالتي ... ؟؟؟

انا من كل هالصدمات والمفاجأة ..
قلت له منو قالك هذا الكلام .. يبا خالتج سكرانه وقاعدة تخربط بالكلام

مع السلامة وما تشوف شر انت وخالتك

دزت لي مسج .. تقولي اشفيك زعلت

قلت لها ما زعلت .. بس انتي غلطان بالرقم
وعطيتها بلوك بالماسنجر

وتقبلوا تحياتي

والله انا اللي صاير معاي انه اللي يدخلون علي يبون الزواج الشرعي هم من الجنسيات التالية ( هندي- مصري- أمريكي- كندي-فلسطيني- سوري- لبناني- إيراني)

أبي أفهم شي واحد بس !! هذا مو موقع خطبة للكويتين ؟
ولا أنا داشة خطبة الأمم المتحدة دوت كوم؟

قوه شباب شلونكم ؟
انا و واحد من المشتركين في الموقع قعدنا نسولف بالمسنجر عن الموقع جان نلقي الموقع مافيه شي بالعكس موقع محترم و اللي صج يبي يتزوج يقدر يتزوج بس اللي قاعدين نشوف هني مجموعه من الشباب و البنات اللي مو جادين و شكلهم يايين بس يضيعون الوقت و يلعبون
جان نقرر اننا نطلع من الموقع ((((((

يا جماعه انا بروحي معاي قولون عصبي و بسبه __ بعض الأشخاص المسجلين __ مو الكل ، صار عندي ضغط بعد
المهم مشكورين و ماقصرتو و انا ناويه اترك الموقع و اروح عند وحده خطابه هههههه

سامحوني بنات اذا قلت شي مني مناك هوب قمر نجد حزن اللي راحت نيس عفيسه حبوبه و حساويه و ملح الحياة و الكل الكل
جيم خالد كربلاء ____ فلفل صعيدي ____ هههه و كل اخواني سامحوني علي التقصير و ادعو لي ان الله يرزقني بولد الحلال اللي يستر علي

و مشكورين يالمنتدي و عساكم علي القوه

باااااااااااااااااااااااي ))))))))))))))))

سلام عليكم ورحمة الله وبركاته

بصراحة هالقصة اللي صارت لي وايد عورت قلبي هالشخص ادعى المرض وإنه بيموت وقال قصته إنه حب وحدة 8 سنين وصار فيها مرض من القهر بسبة أهلها لأنها حرموها منه

رشدي أباظة حضرته المسكين -- وقال إنها ماتت تخيلوا يعني ادعى على نفسه المرض وعلى حبيبته الموت شنو هذا من إنسان !!!! المهم الحمدلله إني ماراتحت له من أول كم محادثة

وانسحبت بكل هدوء لأنه اكتشفت إنه موطبيعي ووايد صواريخ موطبيعية !!! سبحان الله لين الله كشفه بعدين ووصلني إيميل من حبيبته تخيلوا حبيبته موجودة عايشة مو ميتة !!

المهم المسكينة طايحة عليه وعلى إيميله واكتشفت شكثر بناااااااااااااات متعرف عليهم وقاص عليهم وقامت هي دزت للكل حقيقته من قهرها المسكينة وإنها هي المريضة بسبة اللي

سواه فيها وهو مافيه ولا شي مثل اليني عسى الله ياخذ بحقها منه قولوا آمييييييين

المهم يابنات ديروا بالكم منه ترى قريت اسمه بالمنتدى يعني للحين موجود اسمه خالد والنك نيم ماله qrnas_q8 والله يكافيكم شره وشر كلواحد يلعب في بنات الناس ويقص عليهم

حرام عليكم ياشباب ويابنات هالموقع مو للعب والوناسة ليش ماتكونون واضحين وصادقين بمشاعركم وأهدافكم ليش اللف والدوران في أماكن وايدة متوفرة فيها هالأشياء ليش تشوهون

كل مكان وتنفثون سمكم فيه وتخربونه الله يهديكم ويصلحكم لما فيه الخير لكم وللناس .. اللهم قد بلغت اللهم فاشهد

العفو ولو أحمد . واكيييييييييييييييييييييد انها صدمة قوية علييييييييها يمكن كانت تبيك :P

الله يعين حزن

متابعه الموضوع واقول ياربي ليش هالجذب ((

السلام عليكم ورحمة الله وبركاته

أحمد ..يمكن كانت حاطتك ببالها وانصدمت .. اصلا البنت حتى لو قالها الشخص ماكو نصيب جذي من غير سبب وانه اهو منفصل مايمنعها انها تميل صوبه
بس لما درت ..يمكن قالت ابتعد احسن له واحسن لي <---------- هذا مجرد تخمين ورأي ترا مو السبب الحقيقي


تحياتي

كربلاء اول شي قوه و الحمدلله علي سلامتك
ثاني شي سالفه حزن انا بعد مافهمت منه اي شي غير ان علي ما يبدو حبيبها اللي المفروض تتزوجه توفي و هي تركت المنتدي و الموقع ... والله مادري
يعني مثلك يوم قررت انك تترك المنتدي ههههههههه
بس احنا زعلانين ليش تركت الموقع ؟ جان شافت نصيبها مع واحد ثاني
و سوينا نقاش انا و خالد ان البنت اذا حبت مستحيل تنسي و الخ ...

اخوي كربلا اشك انك مصلح اجتماعى او جاسوس خخخخخخخخخخخخ

اخوي احمد انت انسان نبيل يعني مو اسمك نبيل اقصد فيك نباله انشالله وصلت الفكره

وصح يابنات ايش سالفة كلهم بالموقع دكاتره ومهندسين وجامعين والثانوية كش ملك خخخخخخخخخخخخخخخ

خفت وصابتني عقدة من الحكايات الغربية هههههههههههههههه

سويتي الخائفه خخخخخخخخخخخ

امبيييييه هذي من صجهااا ؟؟؟؟
لا حول ولا قوه الا بالله
شصار فيهاااا ؟؟
حزززززززن ليييييييييش ؟؟؟؟؟

اخوي كربلا اشك انك مصلح اجتماعى او جاسوس خخخخخخخخخخخخ

اخوي احمد انت انسان نبيل يعني مو اسمك نبيل اقصد فيك نباله انشالله وصلت الفكره

وصح يابنات ايش سالفة كلهم بالموقع دكاتره ومهندسين وجامعين والثانوية كش ملك خخخخخخخخخخخخخخخ

خفت وصابتني عقدة من الحكايات الغربية هههههههههههههههه

سويتي الخائفه خخخخخخخخخخخ

mona123 كتب:


--------------------------------------------------------
معاج حق مثل ما حبت هالشخص تقدر تحب لها انسان ثاني .....

أحمد ..اهي البنت شكلها كانت تبيك واشوف انه ابتعادها الكلي عنك لما عرفت انك مو منفصل لانها بتحمي نفسها من احساسها صوبك ..يعني الشخص اذا يبي شخص وشاف انه ماراح يكون من نصيبه لازم يبتعد عنه ويقلب هالصفحه من حياته عشان يقدر يكمل حياته وهذا الحل بداللا يشوقه كل يوم ويحترق بالحرمان

مع تحياتي ... الأمل

لا حول ولا قوه الله بالله
مسكينه حزن الله يكون في عونها
بس ليش الغت اشتراكها ؟ يمكن تلقي نصيبها مع شخص ثاني
((((((((((((

<---------- تقهقه من الضحك على المواقف الطريفة ههههههههههههههههههههههه
أما مواقف الغش والخداع .. وبوق 5000 او 13 الف <--- الله يعينكم ووفتحوا ثاني مره مو كل من هب ودب نهبكم ومشى :@

اما انا صارتلي مواقف بدايتن من اول موقف : اول مره ضفت واحد عالماسنجر .. سولفنا اشوي والا الاخ داش بكل قوة ويقول كلام " مازين " كلش مازين " <---- صدمني والله ..قلت له ليش اتسوي جذي؟؟ قالي لانه اصلا الموقع هذا حق هالامور مو صج تعارف لقصد الزواج ..مني ومناك جان ارقعه بلوك دليت .
الشخص الي بعده هم دش علي بقوة متى اشوفج : انزين الناس تسمي بالاول تاخذ وتعطي تشوف الشخص واسلوبه مو جذي طربق طربق ..
من بعدها سكرت الموقع بكبره وماارتحت وصرت ادش مره او مرتين بالشهر
..
والحين انا صرت اسأل نفسي : هل الي يدشون الموثع جادين ؟؟ ولا لعب؟؟؟
صار فيني احباط @@

بقولكم شي يمكن ماتصدقونه.. كنت أعرف وحده وااااااااايد طيبة لي درجة الغباء.. عطت واحد 13 ألف ..
اشرااايكم فيها صح !!

بس حرام كسرت خاطري

... هذا كان درس حقها حسبالها كل الناس مثلها على نياتهم وطيبين مثلها وماكو أحد يكذب... لووووووووووووووووول

لووووووووووووول كربلا ليش تفاول علي حرام عليك

وانا صراحه خفت وايد مثل اختي سويت شكلي راح اشيل هالفكره من راسي

انا قلت من الاول معقوله يتزوجون من النت

ماصدقتوني

وصج ماادري ليش كلهم مهندسين

لووووووووووووول كربلا ليش تفاول علي حرام عليك

وانا صراحه خفت وايد مثل اختي سويت شكلي راح اشيل هالفكره من راسي

انا قلت من الاول معقوله يتزوجون من النت

ماصدقتوني

وصج ماادري ليش كلهم مهندسين

من اغرب المواقف اللي حصلت لي ، قبل يومين واحد مطرش لي رساله يقول لي انتو بنات الموقع مو ثقه !!! رديت عليه قلت ليش ؟
قال لأنكم تتعرفون علي اشخاص كثيره في الموقع !
رديت عليه بكلمه " لا تعليق " !!!

الأخ هذا ناسي ان في اول صفحه من الموقع كاتبين من مزايا الموقع :
البحث عن الشريك المناسب
أعرف من يريد التعرف عليك
أظهر اعجابك بالآخرين
تحاور مع الشريك المحتمل
انظر إلي السيرة الذاتية للمشتركين

وناسي ان الموقع هذا صمم لتسهيل عملية البحث لإيجاد الشريك المناسب مع الأخذ بعين الاعتبار العادات والتقاليد الكويتية و بطريقة محترمة وآمنة.

حسباله راح نختار شريك حياتنا وحنا مغمضين !
طبعا الكلام هذا مو معناه ان البنت ماتراعي العادات والتقاليد ، بالعكس البنت لازم تكون ثقيله و رزينه و مو كل واحد تعطيله ويه و مو من اول مراسله تعطي معلومات و الخ ...
البنت لازم تكون ذكيه و في نفس الوقت تفرض احترامها و تكون راقيه في التعامل مع الجنس الأخر .

بعدين دايما اقول الإنسان الزين ، سواء كان في الموقع او خارج الموقع ، يبقي زين . بالنسبه لي ماكو فرق بين النت و غير النت ...
حزن

يا حلوووج Swweet انتي عسل,, اي والله سبحان الله
كلهم دكاتره ومهندسين
looooool

طبعا انا داش حامي للزواج وكل ما اعجبتني وحدة من ثاني محادثة او ثالث مرة اعرض عليها الخطبة وان الامر لابد ان يتم رسمي لكن موقفين وااااااايد كانوا يشدون الموقف الاول وحدة كانت تتكلم وياي على العيال ( الاولاد ) وانها ودها تنجب 4 او 5 ولما شفتها اكتشفت ان عمرها 45 سنة لكن المفاجأة الي ما توقعتها ان تطلب مني احدى المشاركات بمجرد ان رأت صورتي ان ازورها في البيت لمزيد من التعارف بحجة انها لاتخرج من المنزل بسبب الفتن ولما ذهبت ياغافلين لكم الله طلبت زواج عرفي وقالت انا مطلقة ولا مجال للزواج الدائم وعندما حاولت الخروج هددتني ان لم اتزوجها مؤقت فأنهاستشتكي علي فما كان مني الا ان ظربتها كف وخرجت من المنزل وانا ااضع يدي على قلبي من عواقب الموضوع خصوصاوانها حددت موعد الزيارة 9 مساء وجلست لديها لمدة ساعتين ، لكن ما ان توكلت على الله وعزمت امري فأنها تراجعت وقامت بالف محاولة لاقناعي بالامر وانها لابد ان تنال رغبتها مني واخذتها على قدر عقلها وسايستها حتى اكتشفت انها في ورطة مالية وكانت تخطط للزواج المؤقت لسببين الاول انها اعجبت بشدة والثاني انها عندما يتم الزواج والمعاشرة تدعي انها حامل وستطلب المال لاجباري علىالخضوع لرغبتها نظرا لانها حامل ، لكن كل ذلك لم تستطع الحصول عليه حيث استطعت عن طريق احدى الاخوات اللائي لماتفق معهن باحترام على الزواج قامت بالشكوى عليها في الموقع واخرجتها منه

السلا عليكم ورحمة الله وبركاته ورزقكم الله الصحه والعافيه وادخلكم فسيح جناته""
في البدايه قصة هذا الموقع قصه
لا والاغلبيه يبون زوجه مسيار ولا متعه ولا عرفي لاااااااااااا والادهى والامر سياحي؟؟؟!!!! هذا شنو مادري لا تسالوني بس الله يهداه اخونا من مصر مادري اشفيه يمكن حسباله ماخذ جوله حول العالم
انا عن نفسي احصلتلي مواقف والظليمه شينه الصراحه في رياييل والنعم فيهم يراسلني اليوم وباجر بيي البيت يشوفني بس في رياييل اعوذ بالله الله يكافيني وخواتي شرهم
انا مشكلتي ابي ريال ملتزم ولو حبذا انه يكون ملتحي مادري بس يمكن ليش اني انقرصت من الريال الفري ؟
المهم دش علي بهالموقع الريال الدين المتكتك عاد الصراحه انا في البدايه عجعجت فيه واهو ماصدق وتعرفنا عن طريق الماسنجر وكل ما كلمته اشوف الكامره اتحن واتحن طلع الريال من اهل الله كل ساع والثاني يبي يبطل كامرته امبييييييييييييييييه طماشه عاد ذاك اليوم يريت امي صوبي قلتلها تعالي شوفي ريلي من باب النكته بضحكها لا وخواتي كانوا يمي امبييييييييييييييييييييييييييه طماشه وتتطبل الكامره الا هالريال اللي لحيته لين سرته واااااااااااااااااااااااي امبييييييييييييييييييه طاحوا من عيني الدينين واللي يمي افتخوا من الضحك لا ويمشط لحيته بعد وفوق هذا يقولي يجزاج خير بطلي الكامره ؟؟!!! شنوووووووووووووووووووووووووو كامره بعد غلطان
لا وحجته انا خاطبج مع احترامي لكم خاطبني طل فعينك
يقول الرسول صلى الله عليه وسالم يقول انظر الى ما يدعوك الا نكاحها
عشتو الريال بيشوف ما يدعوه الى نكاحي
جان اقوله تيسر الله معاك ويله روح دورلك على وحده ثانيه وجابلها اربع وعشرين ساعه ومشط لحيتك
انا مستغربه يعني احنا ما عندنا ابيوووووووووووت؟؟؟
الرياييل كلهم بيشوفونه بره؟؟؟؟
لا حول ولا قوة الا بالله

ترى التمثيل ما يقتصر على الرجال ترى هم البعض من النساء قصتين بإختصار
أمرأة فاضلة راسلتني مباشرة كتبت لي رقم تلفونها وقالت الله يعافيك ابيك تروح معاي المحكمة تتزوجني قلت لها ليش جان ترد وتقول " علشان أبي اتقاعد من الدوام لانه القانون يعطي تقاعد للموظفات المتزوجات إذا كملوا 15 سنة "، قلت لها بس يابنت عمي انا متزوج ومعروف وبعض قضاة المحكمة يعرفوني وما قدر اروح معاج المحكمة تدرون شنو قال " أعمل توكيل يروح بدالك " . باالله عليكم هذا كلام
الثانية بنت ألهفت مني 400 دينار بارده مبرده بكل سهولة على أساس تحضر نفسها للزواج مني غير طلباتها تبي كروت تعبأة لتلفونها وسماعة بلووث وغيره .. تدرون شنو نهاية المشروع بعثت لي مسج تقول " أخوي شاف مسجاتك في مو بايلي " يعني عطني عرض كتافك توكل على الله . وثاني يوم أشوفها تتمختر بالموقع تبحث عن فريسة وضحية غيري " . والي مزعلني انه عمرها 23 وانا 43 يعني طلعت حاشكم أنا ... مابي أقول عرفتوا )

الصراحة اني اللي بالموقع كلهم ماااارين علي بالحييييياة من جذب - خداع - لعب بالمشاعرررر ... وغيره وغيره كل الصفات السئية
اما بالنسبة حق البنت اللييييييي عطت 5000 من صجج مطقوووقة عللا راسج انت موو مكلفة فييه انسجن ولا عند يديييي
الصراحة انا ماااا اصدق هالسالفة لمن اشوف هوووووووو وأهله يايين عند اهلي يخطبوووووني اقول صج هالانسان صريح

السلام صراحه هذا المواقف صارت مع زميلتي بس ودي ما تزعل وتشيل وخلاص أهي نست أول واحد بس لما تعرفوا على بعض وشافته طلع رفيقج أخوها هههههههههه صراحه اثنينهم توهجوا حيل حيل ومرة ثانية بعد لما تعرفت على اللي عجبها يغيب عنها بالأسابيع ويرجع يقول لها أموت فيج هههههه ومالي غيركج في هالدنيا وبعد تعرفت على واحد المفروض اهو عازمها على الغداء ولما راحو ما خلى شي بنفسه ما طلب وبالآخر يوم اجي الحساب قالها ما عندي فلوس وانحاش!! ههههههههه مسكينه والله قلبي وايد يعورني عليها والحين في واحد يراسلها بس شنو علشان يستقيد من أفكارها بالشغل وبس فهمها أنو ما يقدر يتزوج لأنه لما فكر عدل لقى نفسه عليه مسئوليات وايد واهو ما يقدر يحملها بس للحين ما شاء الله متواصل حيل.
والله نصيحه ديروا بالكم ويا ريت الصدق ثم الصدق ثم الصدق !

من المواقف المضحكة عندي إن واحد دش علي يسأل معلومات عن الكومبيوتر والأنترنت , شلون يفتحون هذا وشلون يصكرون هذا بدال لايسألني عن شخصيتي وعن حياتي أو حياتة!!


وشكرا"

انا شخصيا مواقفي كثيره ... كلها مواقف حلوه و ذكريات جميله ...
الموقع هذا علمني كثير من الأشياء و انا اساسا من ابتوع اللي اعرف الأشخاص من طريقه محادثتهم معاي
بس للأمانه من الموقف هذا تقدم لي الكثيرون ! يمكن تستغربون بس يشهد ربي ان كل اللي تعرفو علي لله الحمد كانو جادين و تقدمو فعلا و كانو رياييل
بس سبحان الله يمكن الله ماكتب لي النصيب اني اتزوج الحين او يمكن الشخص المناسب لحد الأن هم ماوصل من القمر !!
يا اخواني و يا خواتي والله انا اكتشفت ان اللي زين زين ... ياما تعرفت علي ناس من الموقع كلهم عيال حموله و محترمين ، بس سبحان الله كل واحد
فينا عنده نقص في الحياة و لما ماصار نصيب كل واحد راح يدور علي نصيبه مع وحده ثانيه
الله يسلمكم من كل شر و من شرور الأنفس و البنات اهم شي خلوكم تكانه و لاتعطون ويه حق الشباب من اول محادثه
يعني شوفو اول شي اذا يستاهل انكم تعطونه معلومات عن حياتكم الشخصيه من الألف الي الياء بعدين توكلو علي الله
والله يوفق الكل يا رب
حزن

انا بقول موقف حصل معاى تعرفت على وحده وعمرها على 50 سنه المهم اتفقنا انا انشوف بعض
رحت الكافيه ونطرتها فجأة والا كأن الكافيه كله يهتز والطاولات تهتز والعالم اطالع يم الباب اتشوف شسالفه
المهم دشت وحده من الباب بالعرض من كبرها ومتنها
المهم يتنى تمشى والا صوت نعالها بالارض يقول ( طقش طقش طقش ) جان اخز بالويه مالها وانا ارتعش
المهم وصل كرشها قبل اهى لا توصلنى قالت انت فلان والا صوت ريال الله وكيلك قلتها وراس امى وابوى مو انا فلان والا ابى اكون فلان وانحشت .

السلام

شلووووووون تعطونهم فلوس قبل لاتملجوون ؟

جان خليتيه يوقع على شي

حتى الاخو اللي عطاها فلوس

وين مخكم للهدرجه فيكم فراغ عاطفي ؟

واي واحد او وحده قالو كلمه احبك صدقتوا

مايصير

بس كل طراااااق بتعلومه

وشكرااااااااااااان

وعليكم السلام ورحمة الله وبركاته... مشكلتي اني اثق بالناس بسرعه وللأسف ما تغيرت هالطبع فيني كله ابرر افعال الناس بحسن نيه
ومعاك حق الرجل اذا خذا فلوس من البدايه شنو بيصير بالنهايه بس الموقف بكبره مثل ما خلاني اهو اصدق بتمثيله انه سجن وكسر خاطري وقلت الفلوس تتعوض على اساس حاه ببالي مبدأ الزوجه توقف يم زوجها ادري بتقول للحين حزتها انا مو زوجته بس انا كنت غبيه وافكر جذي حسبي الله ونعم الوكيل فيه وبأمثاله
والله تكرر بس بمبالغ اقل بس بدون النصب والاحتيال تكرر لانه حظي كله يطيحني بناس منتفين ماديا وانا بس ابي الستر والحنان"بس اكتشفت انه مهما عطيت ما راح احصل الحب مفروض يكون الحب بدون مقابل"
الله يسمع منك ويرزقني ربي بالزوج الصالح
شكرا على التعليق يا اخوي.

السلام عليكم ورحمة الله وبركاته

انا قصتي مبكيه مضحكه
تعرفت عليه وانعجبت فيه وباسلوبه بس بعدين اكتشفت انه كل شي كان تمثيل من اسمه لين وظيفته وكل شي قاله بس شنو
عقب ما خذاه مني خمسة آلاف دينار كويتي لانه مثل علي وقال لي انه طايح بمشكله وبينسجن وانا صدقته ومن يومها اختفى
بلغت عنه الاداره سوا له بلوك بس انا لاحظت انه دش بنكات غير واسامي غير وله كذا بروفايل بالموقع
ليش الرجال في هالزمن هذا ما عندهم قلب يحبون وقلوبهم قاسيه للدرجه هذي صار صعب تلاقي احد يحبك لذاتك !